DIO Gujrat

صدائے "کن" کے آنے تک

یقیں دیکھا،گماں دیکھا!

*پاکستان میں ماہِ جمادی الثانی 1445 ھجری کا چاند نظر آگیا*
*یکم جمادی الثانی 1445 ھجری بمطابق 15 دسمبر، کل بروز جمعہ ہوگی

گجرات:ڈپٹی کمشنر کیپٹن (ر) رضوان قدیر نے کہا ہے کہ عید الضحٰی کے موقع پر صفائی،سیکیورٹی سمیت انتظامات کو حتمی شکل دے دی گئی ہے، ڈسٹرکٹ انٹیلجنس کمیٹی کی سفارشات کی روشنی میں 94 اداروں اور تنظمیوں کو قربانی کے جانوروں کی کھالیں اکٹھی کرنے کی اجازت دی گئی ہے،38 کاروباری ادارے اور افراد کو قربانی کے جانوروں کی کھالیں خریدنے کے لئے این او سی جاری کیا گیا ہے،ان خیالات کا اظہار انہوں نے پریس کانفرنس سے خطاب کرتے ہوئے کیا،صدر پریس کلب ملک شفقت اعوان بھی اس موقع پر موجود تھے۔ڈپٹی کمشنر کیپٹن (ر) رضوان قدیر کہا کہ ضلع کی تینوں تحصیلوں میں قربانی کے جانوروں کی فروخت کے لئے 9 مویشی منڈیاں قائم کی گئی ہیں،حکو مت پنجاب کی ہدایات کے مطابق ان منڈیوں میں محکمہ صحت، لائیو سٹاک، بلدیات سمیت تمام اداروں کی طرف سے فراہم کی جانے والی سہولیات بلامعاوضہ ہے، منڈیوں میں لائے جانے والے بڑے جانوروں میں لمپی سکن بیماری کے پیش نظر سپرے کیا جا رہا ہے، کرونا کی حالیہ لہر کو مدنظر رکھتے ہوئے بیوپاریوں اور خریداری کے لئے آنے والوں کو ماسک فراہم کرنے کی بھی ہدایت کی گئی ہے،شہریوں سے بھی اپیل ہے کہ وہ کرونا ایس او پیز کا بھی خیال رکھیں،منڈیوں تک شہریوں کی با آسانی رسائی کے لئے شٹل سروس بھی شروع کی گئی ہے۔ڈپٹی کمشنر کیپٹن (ر) رضوان قدیر نے کہا کہ حکو مت پنجاب نے سیل پوائنٹس کے علاوہ کسی بھی دوسری جگہ پر جانوروں کی فروخت روکنے کے لئے دفعہ 144 نافذ کر دی ہے اس کے علاوہ دریاوں اور نہروں میں نہانے پر بھی پابندی ہو گی۔انہوں نے کہا کہ عید کے ایام میں مساجد اور عید گاہوں کے باہر صفائی چونے سے مارکنگ کی جائے گی،جانوروں کی آلائشیں اٹھانے کے لئے میونسپل کارپوریشن اور میونسپل کمیٹیوں کو تمام وسائل منظم کرکے استعمال کرنے کی ہدایت کی گئی ہے۔ڈپٹی کمشنر نے بتایا کہ ضلعی انتظامیہ اور پولیس سیکیورٹی کے حوالے سے مشترکہ حکمت عملی پر کام کررہے ہیں،پولیس نے سیکیورٹی پلان تیار کرلیا ہے۔انہوں نے کہا کہ مون سون کے پیش نظر تمام مشینری اور انسانی وسائل کو متحرک کیا گیا ہے، جیل چوک سیوریج منصوبہ کی تکمیل سے نکاسی آب کا مسئلہ ہو اہے دیگر علاقوں میں سیوریج اور صفائی کے مسائل پر قابو پانے کے لئے پر عزم ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گجرات() ماہ جون میں کریک ڈاؤن کے دوران اشیائے خورد و نوش مہنگے داموں فروخت کرنے والے 1492افراد پر 37لاکھ روپے سے زائد جرمانہ عائد کیا گیا، 30گرانفروشوں کے خلاف مقدمات درج کرائے گئے، جن گرانفروشوں کے خلاف کاروائی کی گئی ان میں سے 9افراد ذخیر ہ اندوزی کے مرتکب تھے۔ حکومت پنجاب کی ہدایت پر ڈپٹی کمشنر کیپٹن (ر) رانا رضوان قدیر کی زیر نگرانی ضلع بھر کے 29پرائس کنٹرول مجسٹریٹس نے مجموعی طور پر 7217مقامات پر اشیائے خورد و نوش کی قیمتیں اور انکا سٹاک چیک کیا۔اس دوران 1492افراد اوور چارجنگ کرتے پائے گئے۔ پرائس کنٹرول مجسٹریٹس نے سنگین نوعیت کی خلاف ورزی میں ملوث30ملزمان کو موقع پر ہی حوالہ پولیس کر دیا جبکہ دیگر پر بھاری جرمانے عائد کر دیے گئے۔ ڈپٹی کمشنر کیپٹن (ر) رضوان قدیر نے گرانفروشوں کے خلاف موثر کاروائی پر پرائس مجسٹریٹس کی کارکردگی کو زبردست سراہا ہے۔

گجرات() حکومت پنجاب کی ہدایات کے مطابق مسافراور مال بردار گاڑیوں کے مالکان 31جولائی تک فٹنس سرٹیفکیٹ حاصل کریں، یکم اگست سے فٹنس سرٹیفکیٹ کے بغیر چلنے والی گاڑیوں کے مالکان کے خلاف قانون کے مطابق سخت کاروائی کی جائے گی، ان خیالات کا اظہار سیکرٹری آر ٹی اے اقصیٰ ریاض نے بات چیت کے دوران کیا۔ انہوں نے بتایا کہ ڈپٹی کمشنر کیپٹن (ر) رضوان قدیر کی زیر نگرانی روڈ ٹرانسپورٹ اتھارٹی کا اولین مشن مسافروں کو محفوظ سفر کی سہولت فراہم کرنا ہے اس مقصد کیلئے تمام مسافر بردار گاڑیوں، مال بردار گاڑیوں کے مالکان کے لئے 31جولائی کی حتمی تاریخ مقرر کر دی گئی ہے اور انہیں ہدایت کی گئی ہے کہ وہ مقررہ مدت میں فٹنس سرٹیفکیٹ حاصل کر لیں بصورت دیگر انکی گاڑیاں تھانوں میں بند کرنے اور چالان کرنے سمیت قانون کے مطابق کاروائی عمل میں لائی جائے گی۔ انہوں نے واضع کیا کہ مسافر بردار یا مال بردار گاڑیوں کے لئے ہر چھ ماہ بعد فٹنس سرٹیفکیٹ کی تجدید کرانا لازم ہے۔
۔۔

گجرات() ایڈیشنل ڈائریکٹر لائیو سٹاک ڈاکٹر طاہر عزیز نے کہا ہے کہ قربانی کے جانوروں کو علاج معالجہ کی سہولیات فراہم کرنے کیلئے لائیو سٹاک ڈیپارٹمنٹ کے ویٹرنری ہسپتالوں میں جانوروں کو طبی سہولیات کی فراہمی کیلئے افسران و عملہ کو الرٹ کر دیا گیا ہے، شہری ایمرجنسی کی صورت میں ہیلپ لائن 08009211پر رابطہ کر سکتے ہیں۔ انہوں نے بتایا کہ شہری قربانی کے جانوروں کو خریداری کے بعد گھر لاتے ہیں جہاں وہ انہیں کھانے اور پینے کیلئے چارہ جات، دانہ، مشروبات سمیت کئی چیزیں کھلاتے ہیں، بغیر وقفہ اور پیٹ بھر کر کھلانے کی صورت میں جانوروں کو معدہ میں تکلیف سمیت متعدد امراض لاحق ہو جاتے ہیں اسی مقصد کے پیش نظر ڈسٹرکٹ ہیڈ کوارٹرز میں نزد جیل چوک، کھاریاں، سرائے عالمگیر، ڈنگہ، جلالپور جٹاں سمیت ضلع بھر میں ویٹرنری ہسپتالوں میں جانوروں کیلئے بہترین طبی سہولیات اور مفت علاج کی سہولت فراہم کی گئی ہے۔ انہوں نے کہا کہ شہری جانوروں کے حوالے سے کسی بھی قسم کی معلومات اور علاج کیلئے لائیو سٹاک ڈیپارٹمنٹ کے ویٹرنری ہسپتالوں اور ویٹرنری ڈسپنسریوں سے رجوع کر سکتے ہیں۔
۔

گجرات۔ حکومت پنجاب کی ہدایات کے مطابق عید الضحیٰ پر قربانی کے جانوروں کی فروخت کیلئے 9مویشی منڈیاں قائم کی گئی ہیں، منڈیوں میں سرکاری محکموں کی طرف سے فراہم کی جانیوالی تمام سہولیات بالکل مفت ہیں، ایام عید الضحیٰ میں صفائی کے انتظامات کے لئے تمام بلدیاتی اداروں کو ہدایات جاری کر دی گئی ہیں، اپنے شہر کو صاف رکھنے کیلئے شہری بھی ضلعی انتظامیہ کیساتھ بھرپور تعاون کریں، ان خیالات کا اظہارڈپٹی کمشنر کیپٹن (ر) رضوان قدیر نے عید الضحیٰ کے موقع پر انتظامات بارے اجلاس سے خطاب کرتے ہوئے کیا، ایڈیشنل ڈپٹی کمشنرز افضل حیات تارڑ، ظہیر لیاقت بیگ، اسسٹنٹ کمشنرز خضر حیات، زوہیب ممتاز، محمد اکمل، ایڈیشنل ڈائیر یکٹر لائیو سٹاک ڈاکٹر طاہر عزیز، سی ای او ہیلتھ ڈاکٹر نعیم اختر جنجوعہ، سیکرٹری آر ٹی اے اقصیٰ ریاض بھی موجود تھے۔ ڈپٹی کمشنر کیپٹن (ر) رانا رضوان قدیر نے بتایا کہ ضلع گجرات میں پرانا ائیرپورٹ بھمبر روڈ، نزد شیخ سکھا، جلالپور جٹاں روڈبولے، نیو سیالکوٹ روڈ، جلالپور جٹاں، قینچی چوک سرگودھا روڈکنجاہ،نزد پلائی ووڈ فیکٹری جی ٹی روڈلالہ موسیٰ، نزد سیم نالہ، منڈی روڈ ڈنگہ، سرائے عالمگیر میں جی ٹی روڈ نزد پولیس اسٹیشن،اور نزد چھپراں پھاٹک، مویشی منڈیاں قائم کی گئی ہیں جہاں ضلعی انتظامیہ ٹینٹ، پانی، روشنی، سکیورٹی سمیت مختلف سہولیات فراہم کر رہی ہے اور یہ تمام سہولیات مفت ہیں، مقررہ پوائنٹس کے علاوہ کسی بھی جگہ جانور فروخت کرنے پر دفعہ 144کے تحت پابندی عائد کر دی گئی ہے اور خلاف ورزی کرنیوالوں کے خلاف مقدمات درج ہونگے تاہم گجرات سے نزد کٹھالہ کیٹل مارکیٹ کمپنی کے زیر اہتمام مویشی منڈی پہلے سے ہی موجود ہے۔ڈپٹی کمشنر نے ہدایت کی کہ محکمہ صحت، لائیو سٹاک ڈیپارٹمنٹ مویشی منڈیوں میں اپنے کیمپس لگائیں گے، شہریوں میں کورونا سے بچاؤ کے لئے ماسک تقسیم کئے جائیں، خریداری کے لئے آنیوالے شہری کورونا ایس او پیز کو مد نظر رکھیں۔ انہوں نے کہا کہ میٹرو پولیٹن کارپوریشن اور میونسپل کمیٹیاں عید الضحیٰ کے موقع پر شہر میں صفائی کے لئے جامع منصوبہ بندی کریں، نماز عید کے موقع پر مساجد، عید گاہوں کے باہر چونے سے مارکنگ کی جائے، ٹریفک کی روانی برقرار رکھنے کیلئے ٹریفک پولیس تعینات کی جائے، عید سے قبل شہریوں میں بائیو ڈی گریڈ ایبل شاپر تقسیم کئے جائیں، قبرستانوں کی صفائی کی جائے، بلدیاتی ادارے شہر میں خصوصی پٹرولنگ ٹیمیں تشکیل دیں اور حسب ضرورت اضافی وسائل کا بھی انتظام کیا جائے اور الائشیوں کو مرکزی ڈمپنگ پوائنٹ پر پہنچا کر تلف کیا جائے۔ڈپٹی کمشنر نے شہریوں کہا کہ وہ کسی بھی شکایت کی صورت میں منڈیوں کے باہر درج نمبروں پر اپنی شکایات درج کروا سکتے ہیں، انہوں نے اپیل کی کہ شہری گجرات کو صاف ستھرا رکھنے کیلئے ضلعی انتظامیہ، بلدیاتی اداروں کیساتھ تعاون کریں، خود کو اور اپنے پیاروں کو کورونا سے بچاؤ کیلئے حفاظتی تدابیر پر عمل کیا جائے۔ ڈپٹی کمشنر کیپٹن (ر) رضوان قدیر نے پولیس کو ہدایت کی کہ عید کے موقع پر جامع سکیورٹی پلان وضع کیا جائے۔
۔
گجرات() حکومت پنجاب کی ہدایات کے مطابق مسافراور مال بردار گاڑیوں کے مالکان 31جولائی تک فٹنس سرٹیفکیٹ حاصل کریں، یکم اگست سے فٹنس سرٹیفکیٹ کے بغیر چلنے والی گاڑیوں کے مالکان کے خلاف قانون کے مطابق سخت کاروائی کی جائے گی، ان خیالات کا اظہار سیکرٹری آر ٹی اے اقصیٰ ریاض نے بات چیت کے دوران کیا۔ انہوں نے بتایا کہ ڈپٹی کمشنر کیپٹن (ر) رضوان قدیر کی زیر نگرانی روڈ ٹرانسپورٹ اتھارٹی کا اولین مشن مسافروں کو محفوظ سفر کی سہولت فراہم کرنا ہے اس مقصد کیلئے تمام مسافر بردار گاڑیوں، مال بردار گاڑیوں کے مالکان کے لئے 31جولائی کی حتمی تاریخ مقرر کر دی گئی ہے اور انہیں ہدایت کی گئی ہے کہ وہ مقررہ مدت میں فٹنس سرٹیفکیٹ حاصل کر لیں بصورت دیگر انکی گاڑیاں تھانوں میں بند کرنے اور چالان کرنے سمیت قانون کے مطابق کاروائی عمل میں لائی جائے گی۔ انہوں نے واضع کیا کہ مسافر بردار یا مال بردار گاڑیوں کے لئے ہر چھ ماہ بعد فٹنس سرٹیفکیٹ کی تجدید کرانا لازم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ذخیرہ اندوزں اور گراں فروشوں کے خلاف کریک ڈاون ۔۔ غذائی اجناس بشمول گھی کی ذخیرہ اندوزی پر 3 سال قید اور 1 لاکھ روپے تک جرمانہ ہوسکتا ہے

بات اب گالیوں سے بڑھ کر گولیوں تک آ چکی،کانسٹیبل کمال کی شہادت ملک میں فساد برپا کرنے کی گھناؤنی سازش:وزیراعلیٰ حمزہ شہباز کا ٹویٹ
قانون سے کھلواڑ کرنیوالوں کا راستہ اب نہ روکا تو یہ فتنہ پورے ملک میں پھیلے گا، ریاست مخالف کاروائیوں کو آہنی ہاتھوں سے روکا جائیگا
لاہور24مئی:وزیر اعلیٰ پنجاب حمزہ شہبازنے اپنے ٹویٹ میں کہا ہے کہ بات اب گالیوں سے بڑھ کر گولیوں تک آ چکی ہے۔پولیس کانسٹیبل کمال احمد کی پی ٹی آئی آرگنائزر کے ہاتھوں شہادت ملک میں فساد برپا کرنے کی گھناؤنی سازش ہے۔انہوں نے کہا کہ اگر آئین اور قانون سے کھلواڑ کرنے والوں کا راستہ اب بھی نہ روکا تو یہ فتنہ پورے ملک میں پھیلے گا۔ میں واضح کردوں کہ ان ریاست مخالف کاروائیوں کو آہنی ہاتھوں سے روکا جائے گا۔وزیراعلیٰ حمزہ شہباز نے کانسٹیبل کمال شہید کے اہلخانہ کو نہ صرف انصاف کی فراہمی کا یقین دلاتا ہوں بلکہ ان کی والدہ کو خراج تحسین بھی پیش کرتا ہوں جنہوں نے ایسے بہادر سپوت کو جنم دیا۔

وزیر اعلی پنجاب محمد حمزہ شہبازشریف کاپارلیمانی پارٹی کے مشترکہ اجلاس سے خطاب

آئین او رقانون کے مطابق چلیں گے، اللہ کریم مدد کرے گا-حمزہ شہباز

کھیل تماشے ہمارا راستہ نہیں روک سکتے-حمزہ شہباز

ان کھیل تماشوں کا انجام قریب ہے-حمزہ شہباز

ہم نے کام کیا، عوام کی خدمت کی،عوام ہمارا ٹریک ریکارڈ دیکھ کر ووٹ دیں گے-حمزہ شہباز

ساتھ نبھانے والے اتحادیوں سے کی گئی ہر کمنٹمنٹ پوری کروں گا-حمزہ شہباز

سپیکر کا کردار ہاؤس کے کسٹوڈین سے زیادہ عمران نیازی کے ملازم جیسا بن چکا ہے-حمزہ شہباز

عوام کی خدمت او رپرفارمنس(ن) لیگ کا نا قابل تردید ٹریک ریکارڈ ہے-حمزہ شہباز

وزارت ا علیٰ پرویز الہٰی کے گھر چل کر گئی تھی، انہوں نے خود کو تماشا بنا لیا-حمزہ شہباز

اللہ تعالیٰ دوسروں کے دکھ کااحساس پیدا کرنے کے لئے تکالیفوں او رمشکلات سے گزارتا ہے-حمزہ شہباز

ساتھ دینے والوں کیلئے خود جا کر ووٹ مانگوں گا-حمزہ شہباز

عمران نیازی نے ایک کروڑ نوکریوں کی بجائے کروڑوں کو بیروزگار کردیا-حمزہ شہباز

کینسر کی ادویات کی مفت فراہمی کا پروگرام دوبارہ سے شروع کررہے ہیں،دیگر ادویات کی فراہمی بھی یقینی بنائیں گے-حمزہ شہباز

محمد نواز شریف او ر محمد شہبازشریف نے ارکان اسمبلی سے کی گئی کمنٹنٹ پوری کرنے کاحکم دیا ہے-حمزہ شہباز

وزیر اعلی پنجاب حمزہ شہباز سے ڈیرہ غازی خان کی معروف سیاسی شخصیت اور سابق رکن اسمبلی خواجہ نظام المحمود کی ملاقات

خواجہ نظام المحمود کا ساتھیوں سمیت مسلم لیگ ن میں شمولیت کا اعلان

وزیر اعلی پنجاب حمزہ شہباز کی قیادت پر بھرپور اعتماد کا اظہار

وزیر اعلی پنجاب حمزہ شہباز کا خواجہ نظام المحمود کی پارٹی میں شمولیت کا خیرمقدم

خواجہ نظام المحمود کی شمولیت سے پارٹی ڈیرہ غازی خان میں مزید مضبوط ہو گی۔حمزہ شہباز

عمرانی سرکار نے جنوبی پنجاب کے عوام کو دھوکہ دیا۔حمزہ شہباز

ہم جنوبی پنجاب کو اس کا حق واپس کریں گے۔حمزہ شہباز

رکن پنجاب اسمبلی سردار اویس لغاری اور دیگر شخصیات بھی اس موقع پر موجود تھیں

وزیراعلیٰ پنجاب حمزہ شہباز کی صوبے بھر میں سستے آٹے کی سپلائی یقینی بنانے کی ہدایت،چینی او رگھی بھی سستا کرنے کا اعلان
پنجاب بھر میں 10 کلو آٹے کا تھیلا 160 روپے سستا،ہر قصبے اور چھوٹے بڑے شہر میں 490 روپے میں وافر دستیابی یقینی بنائی جائے
فلور ملوں کو سرکاری گندم کی فراہمی کا آغاز ہو چکا، ہمارا یہ اقدام اللہ کی مخلوق کی مشکلات کم کرنے کی حقیر کاوش ہے
وزیراعلیٰ حمزہ شہباز سے جگنو محسن، بلال اصغر وڑائچ اورمعاویہ اعظم کی ملاقات، آٹا سستا کرنے کے اقدام کی تعریف
آپ نے عوام کو حقیقی ریلیف دیا:جگنو محسن، اقدام قابل تحسین ہے:بلال اصغر، آپکا دل عام آدمی کیلئے دھڑکتا ہے:معاویہ اعظم
عمران نیازی کے چار سالہ دور میں مہنگائی نے عام آدمی کی کمر توڑ دی،عمرانی سرکار عوام پر قہر بن کر ٹوٹی:حمزہ شہباز
وزیراعلیٰ حمزہ شہباز کی زیر صدارت اجلاس، ڈینگی اور ہیضہ سے بچاؤ و علاج کیلئے اقدامات کا جائزہ،متعلقہ محکمو ں کو فعال انداز میں کام کرنے کی ہدایت
راولپنڈی بورڈ آف انٹرمیڈیٹ اینڈ سیکنڈری ایجوکیشن کے تحت پیپرز آؤٹ ہونے کامعاملہ،وزیر اعلی پنجاب حمزہ شہباز کاسخت ایکشن
کنٹرولر امتحانات،راولپنڈی ایجوکیشن بورڈ معطل،چیئرمین بورڈ کوعہد ے سے ہٹا دیاگیا،انکوائری کمیٹی قائم
وزیر اعلی پنجاب حمزہ شہباز کا سینئرسیاستدان سردار آصف احمد علی کے انتقال پر اظہار تعزیت
لاہور20مئی: وزیراعلیٰ پنجاب حمزہ شہباز نے صوبے بھر میں سستے آٹے کی سپلائی یقینی بنانے کی ہدایت کرتے ہوئے کہا ہے کہ ہر قصبے اور چھوٹے بڑے شہر میں 490 روپے میں 10 کلو آٹے کے تھیلے کی وافر دستیابی یقینی بنائی جائے۔ انہوں نے کہا کہ پنجاب بھر میں 10 کلو آٹے کا تھیلا 160 روپے سستا کر دیا گیا ہے اور فلور ملوں کو سرکاری گندم کی فراہمی کا آغاز ہو چکا ہے۔فلور ملوں سے مارکیٹ تک سستے آٹے کی سپلائی چین کیلئے فول پروف میکانزم وضع کیا گیا ہے اور ہمارا یہ اقدام اللہ کی مخلوق کی مشکلات کم کرنے کی حقیر کاوش ہے۔ وزیراعلیٰ حمزہ شہباز نے کہاکہ ہم جلد ہی چینی اور گھی کی قیمتوں میں کمی کریں گے-وزیراعلیٰ نے ہدایت کی کہ چینی او رگھی کی قیمتو ں میں کمی کے لئے جلد حتمی سفارشات پیش کی جائیں۔ انہوں نے کہاکہ چینی اور گھی کی قیمتیں کم کرکے خلق خدا کیلئے مزید آسانیاں پیدا کریں گے۔وزیراعلیٰ حمزہ شہباز کی زیر صدارت آج وزیراعلیٰ آفس میں صوبہ بھر میں آٹے کی سپلائی کے حوالے سے اہم اجلاس منعقد ہوا۔ سردار اویس احمد خان لغاری،چوہدری محمد اقبال،بلال یاسین، مسلم لیگ (ن) کے رہنما عطا تارڑ،پرنسپل سیکرٹری وزیراعلیٰ، سیکرٹری خوراک، ڈائریکٹر خوراک اور متعلقہ حکام نے اجلاس میں شرکت کی۔
وزیراعلیٰ حمزہ شہباز سے جگنو محسن، بلال اصغر وڑائچ اورمعاویہ اعظم کی ملاقات، آٹا سستا کرنے کے اقدام کی تعریف:وزیراعلیٰ حمزہ شہباز سے اراکین پنجاب اسمبلی جگنو محسن، بلال اصغر وڑائچ اورمعاویہ اعظم نے ملاقات کی، جس میں باہمی دلچسپی کے امور، سیاسی صورتحال اور عوام کو مہنگائی سے ریلیف دینے کیلئے اقدامات پر تبادلہ خیال کیاگیا۔ جگنو محسن، بلال اصغر وڑائچ اورمعاویہ اعظم نے آٹے کی قیمت میں ریکارڈ کمی پر وزیراعلیٰ حمزہ شہباز کے اقدام کی تعریف کی۔جگنو محسن نے کہا کہ آپ نے آٹا سستا کر کے مہنگائی میں پسے عوام کو حقیقی ریلیف دیا ہے-بلال اصغر وڑائچ نے کہا کہ آٹا سستا کرنے کا اقدام قابل تحسین ہے-معاویہ اعظم نے کہا کہ آپ نے ثابت کیا ہے کہ آپ کا دل عام آدمی کے لئے دھڑکتا ہے- وزیراعلیٰ حمزہ شہباز نے کہا کہ عمران نیازی کے چار سالہ دور میں مہنگائی نے عام آدمی کی کمر توڑ دی -عمرانی سرکار عوام پر قہر بن کر ٹوٹی - عوام کے لئے درد دل نہ رکھنے والا حکمرانی کا حق نہیں رکھتا-ہماری حکومت نے چند روز میں آٹے کی قیمت میں کمی کر کے صوبے کے عوام کی مشکلات کم کی ہیں -ہماری سیاست کا محور مخلوق خدا کی خدمت ہے۔صوبے بھر میں 10 کلو آٹے کا تھیلا 650 روپے کی بجائے 490 روپے میں ملے گا۔عام آدمی کو 10 کلو آٹا تھیلے پر 160 روپے کا ریلیف دیا گیا ہے۔چینی اور گھی کی قیمتوں میں کمی لانے کیلئے بھی اقدامات کئے جا رہے ہیں۔
وزیراعلیٰ حمزہ شہباز کی زیر صدارت اجلاس، ڈینگی اور ہیضہ سے بچاؤ و علاج کیلئے اقدامات کا جائزہ،متعلقہ محکمو ں کو فعال انداز میں کام کرنے کی ہدایت:- وزیراعلیٰ پنجاب حمزہ شہباز کی زیر صدارت آج وزیراعلیٰ آفس میں اجلاس منعقدہوا،جس میں ڈینگی اور ہیضہ سے بچاؤ و علاج کیلئے اقدامات کا جائزہ لیا گیا-وزیراعلیٰ حمزہ شہباز نے اس موقع پر گفتگو کرتے ہوئے کہاکہ ہر قیمت پر ڈینگی اور ہیضہ کو پھیلنے سے روکنا اولین ترجیح ہے۔وزیراعلیٰ نے ہدایت کی کہ متعلقہ محکمے فعال انداز میں کام کریں اور امراض کی روک تھام کے لئے کوئی کسر اٹھا نہ رکھیں -نچلی سطح پر کمیٹیاں تشکیل دے کر سرویلنس کے نظام کو بہتر بنایا جائے-انہوں نے کہاکہ ایس او پیزپر عملدرآمد کی مانیٹرنگ تسلسل کے ساتھ جاری رکھی جائے- متعلقہ محکمے ایکشن موڈ میں آ جائیں، کوتاہی برداشت نہیں۔سیکرٹری صحت نے صوبے میں ڈینگی اور ہیضہ کے ا مراض کے بارے میں بریفنگ کے دوران بتایا گیاکہ پنجاب میں ڈینگی کے 101 کنفرم مریض ہیں۔ہیضہ سے بچاؤ کیلئے کلورینیشن اور دیگر تجاویز کا جائزہ لیا گیا-ارکان پنجاب اسمبلی خواجہ سلمان رفیق، خواجہ عمران نذیر، سیکرٹری خزانہ، سیکرٹری صحت اور متعلقہ حکام نے اجلاس میں شرکت کی-
راولپنڈی بورڈ آف انٹرمیڈیٹ اینڈ سیکنڈری ایجوکیشن کے تحت پیپرز آؤٹ ہونے کامعاملہ،وزیر اعلی پنجاب حمزہ شہباز کاسخت ایکشن،کنٹرولر امتحانات،راولپنڈی ایجوکیشن بورڈ معطل،چیئرمین بورڈ کوعہد ے سے ہٹا دیاگیا،انکوائری کمیٹی قائم: وزیر اعلی پنجاب حمزہ شہباز نے راولپنڈی بورڈ آف انٹرمیڈیٹ اینڈ سیکنڈری ایجوکیشن کے تحت پیپرز آؤٹ ہونے کے معاملہ پر سخت ایکشن لیتے ہوئے کنٹرولر امتحانات،راولپنڈی ایجوکیشن بورڈ شہنشاہ بابرخان اور چیئرمین بورڈ ڈاکٹر خالد محمود کوعہدوں سے ہٹا دیاہے اوراس ضمن میں محکمہ تعلیم نے نوٹیفکیشن جاری کردیا ہے۔فرائض سے غفلت برتنے پرشہنشاہ بابر خان کو پیڈا ایکٹ کے تحت معطل کیاگیاہے جبکہ گورنمنٹ گورڈن کالج راولپنڈی کے اسسٹنٹ پروفیسر ناصر محمود اعوان کوکنٹرولر امتحانات کا اضافی چارج دے دیا گیا اور کمشنر راولپنڈی ڈویژن نورالامین مینگل کو چیئرمین تعلیمی بورڈ راولپنڈی کا اضافی چارج دے دیا گیا۔وزیراعلیٰ حمزہ شہباز کی ہدایت پر پیپرز آؤٹ ہونے کے معاملے کی انکوائری کیلئے خصوصی کمیٹی قائم کردی گئی ہے۔ڈائریکٹر ایکسٹرنل لنکجز یونیورسٹی آف انجینئرنگ اینڈ ٹیکنالوجی لاہور پروفیسر ڈاکٹر محمد شفیق کمیٹی کے کنوینر ہوں گے۔ڈائریکٹر ایڈمن ڈی پی آئی کالجزصاحبزادہ فیصل خورشیداورایف آئی اے کے سائبر کرائم کا ایک ماہر کمیٹی میں شامل ہوگا۔کمیٹی پیپرز آؤٹ ہونے کی وجوہات اورذمہ داروں کا تعین کرے گی۔کمیٹی آئندہ سے پیپرزآؤٹ ہونے کے واقعات کی روک تھا م کیلئے سفارشات بھی پیش کرے گی۔کمیٹی 7روز میں وزیراعلیٰ کو رپورٹ پیش کرے گی۔
وزیر اعلی پنجاب حمزہ شہباز کا سینئر سیاستدان سردار آصف احمد علی کے انتقال پر اظہار تعزیت:وزیر اعلی پنجاب حمزہ شہباز نے سینئر سیاستدان سردار آصف احمد علی کے انتقال پر دکھ اورافسوس کا اظہار کیا ہے۔ وزیر اعلی حمزہ شہبازنے اپنے تعزیتی پیغام میں لواحقین سے دلی ہمدردی ا ور تعزیت کا اظہارکیا ہے۔وزیراعلیٰ حمزہ شہباز نے دعا کی کہ اللہ تعالٰی مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا فرمائے۔آمین
٭٭٭

بہ تسلیمات نظامت اعلی تعلقات عامہ پنجاب
لاہور- فون نمبر:99201390
ہینڈ آؤٹ نمبر 896
وزیراعلی حمزہ شہباز کارات گئے ڈسٹرکٹ ہیڈ کوارٹرہسپتال سرگودھا کا اچانک دورہ، مختلف وارڈز کامعائنہ کیا، طبی سہولتوں کاجائزہ لیا
حمزہ شہباز روتی ہوئی خاتون کو دیکھ کر رک گئے،خاتون کو دلاسہ دیا اور مسئلہ پوچھا، دو گھنٹے تک والدہ کو اٹینڈ نہیں کیا گیا،انکاانتقال ہوگیا
حمزہ شہباز کا خاتون سے دلی ہمدردی اور افسوس کا اظہار،والدہ کو تو واپس نہیں لا سکتا لیکن آپکو انصاف ضرور دلاؤنگا
جس ڈاکٹر نے بھی غفلت کا مظاہرہ کیا ہے اس کیخلاف تادیبی کارروائی ہو گی،آپکو انصاف دلانا میرا فرض ہے جو پورا کرونگا
حمزہ شہباز شدید برہم، ایم ایس اور انچارج ڈاکٹر کی سخت سرزنش، مریض کی جان بچانے کیلئے کوشش کرنا ڈاکٹرزکی ذمہ داری ہے
ہسپتال میں آنیوالے ہر مریض کو بروقت علاج معالجے کی سہولت ملنی چاہیے، غفلت یا کوتاہی برداشت نہیں کروں گا:حمزہ شہباز
لاہور20مئی:وزیراعلی پنجاب حمزہ شہباز نے ڈسٹرکٹ ہیڈ کوارٹرہسپتال،سرگودھا کا رات گئے اچانک دورہ کیا۔ وزیراعلی حمزہ شہبازنے ڈسٹرکٹ جیل کا دورہ شیڈول میں نہ تھا تا ہم جیل کے وزٹ کی بجائے وہ بغیر اطلاع ہسپتال پہنچے۔وزیر اعلی حمزہ شہباز نے مختلف وارڈز کامعائنہ کیااورمریضوں کو فراہم کردہ طبی سہولتوں کاجائزہ لیا۔ وزیراعلی حمزہ شہباز نے زیر علاج مریضوں کی عیادت کی اور علاج معالجے کی سہولتوں کے بارے میں دریافت کیا۔ وزیراعلی حمزہ شہباز وارڈ میں روتی ہوئی خاتون کو دیکھ کر رک گئے۔وزیر اعلی حمزہ شہباز نے خاتون کو دلاسہ دیا اور ان سے مسئلہ پوچھا۔ خاتون نے روتے ہوئے بتایا کہ ہسپتال میں دو گھنٹے تک میری والدہ کو اٹینڈ نہیں کیا گیا اور انکا انتقال ہو گیا ہے۔وزیر اعلی حمزہ شہباز نے خاتون سے دلی ہمدردی اور افسوس کا اظہارکیا۔حمزہ شہباز نے خاتون سے گفتگوکرتے ہوئے کہا کہ میں آپ کی والدہ کو تو واپس نہیں لا سکتا لیکن آپ کو انصاف ضرور دلاؤں گا- اللہ تعالیٰ آپ کو صبر جمیل عطا فرمائے -وزیراعلیٰ نے انکوائری حکم دیتے ہوئے کہا کہ جس ڈاکٹر نے بھی غفلت کا مظاہرہ کیا ہے اس کے خلاف تادیبی کارروائی ہو گی- آپ کو انصاف دلانا میرا فرض ہے جو پورا کروں گا -وزیراعلیٰ حمزہ شہباز نے کہا کہ ڈاکٹر کی مبینہ غفلت سے مریضہ کے جاں بحق ہونے کا واقعہ انتہائی افسوسناک ہے اور نا قابل برداشت ہے۔وزیر اعلی حمزہ شہبازنے واقعہ پر شدید برہمی کا اظہارکرتے ہوئے ایم ایس ہسپتال اور انچارج ڈاکٹر کی سخت سرزنش کی۔انہوں نے کہا کہ موت برحق ہے لیکن مریض کی جان بچانے کے لئے کوشش کرنا ڈاکٹرزکی بنیاد ی ذمہ داری ہے - ہسپتال میں آنے والے ہر مریض کو بروقت علاج معالجے کی سہولت ملنی چاہیے - مریض کو اٹینڈ کرنا ہسپتال کے متعلقہ ڈاکٹر اور عملے کی پہلی ترجیح ہونی چاہیے - اس ضمن میں غفلت یا کوتاہی برداشت نہیں کروں گا- وزیر اعلی حمزہ شہباز نے زیر علاج بچے ریحان کے سی ٹی سکین کی رپورٹ بھی چیک کی۔بچے کے سر پر چھت سے گرنے سے چوٹ آئی تھی۔وزیر اعلی حمزہ شہباز نے ڈاکٹروں کو ہدایت کی کہ گھر والوں کی تسلی تک بچے کو ڈسچار ج نہ کیا جائے-وزیر اعلی حمزہ شہباز نے دیگر مریضوں اور ان کے تیمارداروں سے بھی طبی سہولتوں کے بارے پوچھا۔
٭٭٭

وزیراعلی پنجاب حمزہ شہباز کا ڈسٹرکٹ ہیڈ کوارٹرہسپتال،سرگودھا کا رات گئے اچانک دورہ

وزیراعلی حمزہ شہبازکا ڈسٹرکٹ جیل کا دورہ شیڈول تھا تا ہم جیل کے وزٹ کی بجائے وہ بغیر اطلاع ہسپتال پہنچے

وزیر اعلی حمزہ شہباز نے مختلف وارڈز کامعائنہ کیا، مریضوں کو فراہم کردہ طبی سہولتوں کاجائزہ لیا
وزیر اعلی حمزہ شہباز نے زیر علاج مریضوں کی عیادت کی اور علاج معالجے کی سہولتوں کے بارے میں دریافت کیا

وزیر اعلی حمزہ شہباز وارڈ میں روتی ہوئی خاتون کو دیکھ کر رک گئے
وزیر اعلی حمزہ شہباز نے خاتون کو دلاسہ دیا اور ان سے مسئلہ پوچھا

خاتون غلام صغری نے روتے ہوئے بتایا کہ ہسپتال میں دو گھنٹے تک میری والدہ کو اٹینڈ نہیں کیا گیا اور ان کا انتقال ہو گیا ہے

وزیر اعلی حمزہ شہباز کا خاتون سے دلی ہمدردی اور افسوس کا اظہار

میں آپ کی والدہ کو تو واپس نہیں لا سکتا لیکن آپ کو انصاف ضرور دلاؤں گا- حمزہ شہباز کی خاتون سے گفتگو
اللہ تعالی آپ کو صبر جمیل عطا فرمائے - حمزہ شہباز کی خاتون سے گفتگو
انکوائری حکم دے دیاہے- حمزہ شہباز کی خاتون سے گفتگو

جس ڈاکٹر نے بھی غفلت کا مظاہرہ کیا ہے اس کے خلاف تادیبی کارروائی ہو گی- حمزہ شہباز کی خاتون سے گفتگو
آپ کو انصاف دلانا میرا فرض ہے جو پورا کروں گا - حمزہ شہباز کی خاتون سے گفتگو

ڈاکٹر کی مبینہ غفلت سے مریضہ کے جاں بحق ہونے کا واقعہ انتہائی افسوسناک ہے اور نا قابل برداشت ہے ۔حمزہ شہباز
وزیر اعلی حمزہ شہباز واقعہ پر شدید برہم، ایم ایس اور انچارج ڈاکٹر کی سخت سرزنش


موت برحق ہے لیکن مریض کی جان بچانے کے لئے کوشش کرنا ڈاکٹرزکی بنیاد ی ذمہ داری ہے - حمزہ شہباز
ہسپتال میں آنے والے ہر مریض کو بروقت علاج معالجے کی سہولت ملنی چاہیے - حمزہ شہباز
مریض کو اٹینڈ کرنا ہسپتال کے متعلقہ ڈاکٹر اور عملے کی پہلی ترجیح ہونی چاہیے - حمزہ شہباز
اس ضمن میں غفلت یا کوتاہی برداشت نہیں کروں گا- حمزہ شہباز
وزیر اعلی حمزہ شہباز نے زیر علاج بچے ریحان کے سی ٹی سکین کی رپورٹ بھی چیک کی
بچے کے سر پر چھت سے گرنے سے چوٹ آئی تھی

گھر والوں کی تسلی تک بچے کو ڈسچار ج نہ کیا جائے-وزیر اعلی حمزہ شہباز کی ڈاکٹروں کو ہدایت

وزیر اعلی حمزہ شہباز نے دیگر مریضوں اور ان کے تیمارداروں سے بھی طبی سہولتوں کے بارے پوچھا