Masaail e Sharia

*14 اگست 1947ء بمطابق 27 رمضان 1366ھ پاکستان معرضِ وجود میں آیا.*
اس مبارک شب میں پاکستان کے استحکام، عالمِ اسلام اور مسلمانوں کی خیر و بقاء کے لئے بھی دعا فرمائیں.

یا ارحم الراحمین! جمعۃ الوداع ہم سب کے لئے بابرکت بنا.. آمین 🤲

👈 مسائلِ روزہ کی مکمل playlist کا لنک ⬇️
https://www.youtube.com/playlist?list=PLjKGPq6ieWDDWmdZeuwpR4gakVRY0aAMc

👈 مسائلِ زکوٰۃ کی مکمل playlist کا لنک ⬇️
https://www.youtube.com/playlist?list=PLjKGPq6ieWDC2PtnOiqb8Vy_c30-1SW__

جمعۃ الوداع میں قضائے عمری کے حوالے سے غلط فہمی 👇👇👇

👈 مسائلِ روزہ کی مکمل playlist کا لنک ⬇️
https://www.youtube.com/playlist?list=PLjKGPq6ieWDDWmdZeuwpR4gakVRY0aAMc

👈 مسائلِ زکوٰۃ کی مکمل playlist کا لنک ⬇️
https://www.youtube.com/playlist?list=PLjKGPq6ieWDC2PtnOiqb8Vy_c30-1SW__

*21 رمضان المبارک، یومِ شہادت مولائے کائنات، مولی مشکل کشا، شیر خدا، امیر المؤمنین حضرت سیّدُنا علیُّ المرتضیٰ کرم اللہ تعالیٰ وجہہ الکریم*

*آپ رضی اللہ عنہ کی علمی شان(مختصراً) ملاحظہ فرمائیں:*

*حضرت علی علم و حکمت کا دروازہ:*
مولا علی مشکل کُشا ، شیرِ خدا رضی اللہُ عنہ علمی اعتبار سے صحابۂ کرام رضی اللہُ عنہم میں ایک خاص مقام رکھتے تھے اور کیوں نہ رکھتے ہوں کہ خود نبیِّ کریم صلَّی اللہ علیہ واٰلہٖ وسلَّم نے آپ کی علمی شان بیان کرتے ہوئے آپ کو علم و حکمت کا دروازہ فرمایا ہے ، چنانچہ 2 فرامینِ مصطفےٰ صلَّی اللہ علیہ واٰلہٖ وسلَّم ملاحظہ فرمائیے :

(1) *اَنَا مَدِیْنَۃُ الْعِلْمِ وَعَلِیٌّ بَابُھَا* یعنی میں علم کا شہر ہوں اور علی اُس کا دروازہ ہیں۔
(مستدرک للحاکم، حدیث: 3744)

(2) *اَنَا دَارُ الْحِکْمَۃِ وَعَلِیٌّ بَابُھَا* یعنی میں حکمت کا گھر ہوں اور علی اس کا دروازہ ہیں۔
(جامع ترمذی، حدیث: 3744)

*دعائے مصطفےٰ:*
حضرت سیّدُنا علیُّ المرتضیٰ رضی اللہُ عنہ فرماتے ہیں کہ سرکارِ دو عالَم صلَّی اللہ علیہ واٰلہٖ وسلَّم نے میرے سینے پر ہاتھ رکھ کر یوں دعا کی : *اَللّٰهُمَّ اِمْلَأْ قَلْبَهٗ عِلْماً وَفَهْماً وَحِكَماً وَنُوراً* یعنی اے اللہ! علی کے سینے کو علم ، عقل و دانائی ، حکمت اور نور سے بھر دے۔
(تاریخ ابن عساکر ، 42 / 386)

*حضرت علی اور علم کے ہزار باب:*
بابِ علم و حکمت ، حضرت سیّدُنا علیُّ المرتضیٰ رضی اللہُ عنہ فرماتے ہیں کہ نبیِّ کریم ، رَءُوْفٌ رَّحیم صلَّی اللہ علیہ واٰلہٖ وسلَّم نے مجھے علم کے ایک ہزار باب سکھائے اور میں نے ان میں سے ہر باب سے مزید ایک ہزار باب نکالے۔
(تفسیرِ کبیر ، 3 / 200)

*جو پوچھنا ہے مجھ سے پوچھ لو:*
آپ رضی اللہُ عنہ کی علمی لیاقت بیان کرتے ہوئے صحابیِ رسول حضرت سیّدُنا ابو طُفیل عامر بن واثلہ رضی اللہُ عنہ فرماتے ہیں : میں حضرت سیّدُنا علیُّ المرتضیٰ رضی اللہُ عنہ کی خدمت میں حاضر ہوا تو آپ خطبہ ارشاد فرما رہے تھے ، آپ نے خطبے کے دوران ارشاد فرمایا : مجھ سے سوال کرو ، اللہ پاک کی قسم! تم مجھ سے قیامت تک ہونے والے جس معاملے کے متعلق بھی پوچھو گے میں تمہیں اس کا جواب ضرور دوں گا۔

تابعی بُزرگ حضرت سیّدُنا سعید بن مسیّب رحمۃُ اللہِ علیہ فرماتے ہیں : نبیِّ کریم صلَّی اللہ علیہ واٰلہٖ وسلَّم کے صحابہ میں سوائے حضرت علی رضی اللہُ عنہ کے کوئی یہ کہنے والا نہیں تھا کہ مجھ سے پوچھ لو۔
(مصنف ابن ابی شیبہ، حدیث: 26948)

*حضرت علی اور قراٰنی آیات کی معلومات:*
آپ رضی اللہُ عنہ قراٰنِ کریم کی آیات کے بارے میں جانتے تھے کہ کون سی آیت کب اور کہاں نازِل ہوئی ہے۔ چنانچہ منبعِ علم و حکمت ، مولائے کائنات حضرت سیّدُنا علیُّ المرتضیٰ رضی اللہُ عنہ نے فرمایا : مجھ سے قراٰنِ کریم کے بارے میں پوچھو ، بے شک میں قراٰنِ پاک کی ہر آیت کے بارے میں جانتا ہوں کہ وہ رات میں نازِل ہوئی ہے یا دن میں ، ہموار زمین پر نازِل ہوئی یا پہاڑ پر۔ ایک مقام پر مولا علی مشکل کُشا رضی اللہُ عنہ نے فرمایا : اللہ پاک کی قسم! میں قراٰنِ کریم کی ہر آیت کے بارے میں جانتا ہوں کہ وہ کب اور کہاں نازِل ہوئی ہے اور کس کے بارے میں نازِل ہوئی ہے۔
(طبقاتِ ابن سعد ، 2 / 257)

*قراٰنِ کریم کے ظاہر و باطن کے عالم:*
فقیہِ اُمّت کا لقب پانے والے صحابی حضرت سیّدُنا عبدُاللہ بن مسعود رضی اللہُ عنہ آپ رضی اللہُ عنہ کی قراٰن فہمی بیان کرتے ہوئے فرماتے ہیں : امیرُالمؤمنین حضرت سیّدُنا علی رضی اللہُ عنہ ایسے عالِم ہیں کہ جن کے پاس قراٰنِ کریم کے ظاہر و باطن دونوں کا علم ہے۔

قراٰنِ کریم کی آیت کے ظاہر اور باطن کی وضاحت کرتے ہوئے حکیمُ الاُمّت حضرت مفتی احمد یار خان نعیمی رحمۃُ اللہِ علیہ فرماتے ہیں : ظاہری مراد اِس کا لفظی ترجمہ ہے باطِنی مراد اِس کا منشاء اور مقصد یا ظاہر شریعت ہے اور باطن طریقت یا ظاہر اَحکام ہیں اور باطن اَسرار یا ظاہر وہ ہے جس پر علماء مطَّلَع ہیں اور باطن وہ ہے جس سے صوفیائے کرام خبردار ہیں یا ظاہر وہ جو نقْل سے معلوم ہو باطن وہ جو کشْف سے معلوم ہو۔
(مراۃ المناجیح، جلد 1، صفحہ 210)

*حضرت علی کے فتوے پر عمل:*
صحابۂ کرام علیہمُ الرّضوان کو اگر کسی معاملے میں حضرت علی رضی اللہُ عنہ کے فتوے کا علم ہوجاتا تو صحابۂ کرام علیہمُ الرّضوان آپ کے فتوے پر عمل کیا کرتے تھے ، چنانچہ حضرت عبدُاللہ بن عباس رضی اللہُ عنہما فرماتے ہیں کہ جب کوئی معتبر شخص ہمیں حضرت علی رضی اللہُ عنہ کا فتویٰ بتاتا تو ہم اُس سے تجاوز نہ کرتے۔
( طبقات ابن سعد ، 2 / 258)

*مسائل میں حضرت علی کی طرف رُجوع:*
صحابۂ کرام بلکہ اُمُّ المؤمنین حضرت سیّدتنا عائشہ صدیقہ رضی اللہُ عنہا بھی مسائل کے حل کے لئے حضرت علی رضی اللہُ عنہ کے پاس بھیجا کرتی تھیں۔
جیساکہ تابعی بُزرگ حضرت شُریح بن ہانی رضی اللہُ عنہما نے حضرت عائشہ صدیقہ رضی اللہُ عنہا سے موزوں پر مسح کے بارے میں سوال کیا تو آپ رضی اللہُ عنہا نے فرمایا : حضرت علی رضی اللہُ عنہ کے پاس جاؤ اور ان سے پوچھو کیونکہ وہ اس مسئلے کے بارے میں مجھ سے زیادہ جانتے ہیں۔
( مسلم، حدیث : 639 ، 641 ملخصاً)

*حضرت علی اور علمِ میراث:*
حضرت سیّدُنا عبدُاللہ بن مسعود رضی اللہُ عنہ فرماتے ہیں کہ حضرت سیّدُنا علیُّ المرتضیٰ رضی اللہُ عنہ اہلِ مدینہ میں علمِ میراث سب سے زیادہ جانتے تھے۔
( الاستیعاب ، 3 / 207)

*تعدادِ روایات:*
آپ رضی اللہُ عنہ سے 586 احادیثِ مبارکہ مروی ہیں جو کتبِ احادیث میں اپنی خوشبوئیں بکھیر رہی ہیں۔
(طبقات ابن سعد، 3 / 27، کراماتِ شیرِ خدا، ص13 ملخصاً)

*شہادت:*
سِن 40 ہجری میں 17 یا 19 رَمَضانُ المبارَک کو فجر کی نماز کے لئے جاتے ہوئے راستے میں آپ رضی اللہُ عنہ پر قاتلانہ حملہ ہوا جس میں آپ شدید زخمی ہوگئے اور 21 رَمَضانُ المبارَک کی رات کو جامِ شہادت نوش فرما گئے۔

اللہ پاک کی ان پر رحمت ہو اور ان کے صدقے ہماری بے حساب مغفرت ہو۔
اٰمِیْن بِجَاہِ النَّبیِّ الْاَمِیْن صلَّی اللہ علیہ واٰلہٖ وسلَّم

👈 مسائلِ روزہ کی مکمل playlist کا لنک ⬇️
https://www.youtube.com/playlist?list=PLjKGPq6ieWDDWmdZeuwpR4gakVRY0aAMc

👈 مسائلِ زکوٰۃ کی مکمل playlist کا لنک ⬇️
https://www.youtube.com/playlist?list=PLjKGPq6ieWDC2PtnOiqb8Vy_c30-1SW__

⚔️ *معرکۂ حق و باطل* ⚔️

*معرکۂ بدر 17رمضانُ المبارک* 2 سن ہجری کو جمعہ کے دن پیش آیا، جس میں 14 مسلمان شہادت سے سرفراز ہوئے ، جبکہ 70 کفار مارے گئے، 70 قید کئے گئے اور مسلمانوں کو عظیم فتح نصیب ہوئی.

صحابۂ کرام علیہمُ الرّضوان نے “ بدر “ میں سرکارِ دو عالم صلَّی اللہ علیہ واٰلہٖ وسلَّم کی حفاظت کے لئے ایک عریش (یعنی کھجوروں کی شاخوں کا سائبان) بنا دیا تاکہ آپ صلَّی اللہ علیہ واٰلہٖ وسلَّم یہاں محفوظ رہیں اور میدانِ جنگ کا معائنہ فرماتے رہیں۔

یارِ غار و یارِ مزار حضرت ابوبکر صدیق رضی اللہُ عنہ اس سائبان کے اندر تلوار لئے نبیِّ کریم صلَّی اللہ علیہ واٰلہٖ وسلَّم کی حفاظت فرما رہے تھے اور حضرت سعد بن معاذ چند اصحاب کے ساتھ اس سائبان کے باہر پہرا دے رہے تھے ، یہی وه مقام ہے جہاں آج “ *مسجدِ عریش* “ موجود ہے۔

*مراٰۃُ المناجیح* میں ہے : اصحابِ بدر کے نام پڑھ کر دعائیں کی جائیں تو اِن شآءَ اللہ قبول ہوں۔
(مراۃ المناجیح، جلد8، صفحہ567)

*شہدائے غزوۂ بدر:*
غزوۂ بدر میں جامِ شہادت نوش فرمانے والے صحابۂ کرام کے اسمائے مبارک یہ ہیں :(1) حضرت عبید ہ بن حارِث(2) حضرت عمیر بن ابی وَقَّاص (3) حضرت ذُوالشِّمالین عمیر بن عبد عمرو(4) حضرت عاقل بن ابی بکیر (5) حضرت مِہجَع مولیٰ عمر بن الخطاب (6) حضرت صَفْوان بن بیضاء (یہ 6مہاجرین ہیں) (7)حضرت سعد بن خَیْثَمَہ (8)حضرت مبشربن عبدالمُنْذِر (9)حضرت حارِثہ بن سُراقہ (10)حضرت عوف بن عفراء (11) حضرت معوذ بن عفراء (12)حضرت عمیر بن حُمام (13)حضرت رَافِع بن مُعلّٰی (14)حضرت یزید بن حارث بن فسحم(یہ8 انصار ہیں)رَضِیَ اللّٰہُ تَعَالٰی عَنْہُم اَجْمَعِیْن۔
(سیرت ابنِ ہشام، ص295)

*اللہ پاک* اصحابِ بدر کے درجات بلند فرمائے اور ہمیں بھی ان کے نقشِ قدم پر چلتے ہوئے دینِ اسلام پر استقامت اور نبیِّ کریم صلَّی اللہ علیہ واٰلہٖ وسلَّم کی اطاعت و فرمانبرداری کا عظیم ترین جذبہ عطا فرمائے۔ آمین

*اسلامی بہنوں کے اعتکاف کے متعلق 10 مسائل:*
(مطالعہ کریں، آگے بڑھائیں اور اجر حاصل کریں)

*(1)* عورتوں کے اعتکاف کے لئے مسجد بیت ہونا شرط ہے۔ یعنی گھر کی وہ جگہ جو نماز کے لئے خاص کر لی گئی ہو۔ جبکہ مردوں کے اعتکاف کے لئے مسجد ہونا شرط ہے۔

*(2)* ضرورت کے تحت پورے کمرے کو بھی مسجد بیت قرار دیا جا سکتا ہے۔

*(3)* ضرورت شرعی یا ضرورت طبعی کے لئے اعتکاف کی جگہ سے باہر آ سکتے ہیں۔
*ضرورتِ شرعی* مثلاً (مردوں کے لئے) نمازِ جمعہ و اذان وغیرہ۔ یونہی (مردوں عورتوں کے لئے) فرض غسل و وضو اور *ضرورتِ طبعی* مثلاً قضائے حاجت وغیرہ۔

*(4)* دورانِ اعتکاف بلا ضرورت موبائل کے استعمال سے گریز کرنا چاہئے کہ اس سے اعتکاف کی برکات ختم ہو جانے کا اندیشہ ہے۔البتہ بوقتِ ضرورت موبائل کال یا واٹس ایپ کے ذریعہ بات کرنے میں حرج نہیں ۔

*(5)* جن افراد سے اعتکاف کے علاوہ مل سکتے ہیں، یعنی محارم وغیرہ، ان سے اعتکاف میں بھی مل سکتے ہیں۔ اعتکاف کی وجہ سے پردے کا کوئی اضافی حکم عائد نہیں ہو جاتا۔ البتہ جتنا ممکن ھو، مجمع لگانے سے گریز کیا جائے تا کہ زیادہ سے زیادہ وقت عبادتِ الہی میں بسر کیا جا سکے.

*(6)* گھر کے دیگر افراد بھی مسجد بیت میں بیٹھ کر سحری و افطاری کر سکتے ہیں۔ لیکن خوش گپیوں اور مذاق مسخری سے گریز چاہئے کہ اس سے اعتکاف کا مقصد (اپنے وقت کو اللہ عزوجل کی عبادت کے لئے خاص کرنا) اور اعتکاف کی برکات زائل ہونے کا اندیشہ ہے۔

*(7)* مسجدِ بیت سے ضرورتِ شرعی یا ضرورتِ طبعی کے علاوہ نکلنے سے اعتکاف ٹوٹ جائے گا، مثلاً گرمی لگ رہی ہو، تو مسجد بیت سے نکل کر غسل خانے میں جا کر غسل کرنے سے اعتکاف ٹوٹ جائے گا، کیونکہ گرمی لگنے کی وجہ سے غسل کرنا، نہ شرعی ضرورت میں آتا ہے اور نہ طبعی ضرورت میں۔

یونہی دورانِ اعتکاف اگر مخصوص ایام شروع ہو گئے، تو اس سے اعتکاف ٹوٹ جائے گا، جس کی بعد میں قضا کرنی ہو گی۔
یونہی ہر وہ چیز جس سے روزہ ٹوٹ جاتا ہے، اس سے اعتکاف بھی ٹوٹ جائےگا۔

*(8)* اعتکاف کا دورانیہ جتنا زیادہ ممکن ہو، عبادت میں گزارنا چاہئے، دنیاوی کتب کی بجائے تلاوتِ قرآن کریم اور دینی کتب کو ترجیح دی جائے۔
البتہ اگر ضرورت ہو، تو ان کے پڑھنے میں حرج نہیں۔

*(9) کھانا بنانے اور گھر کے دیگر کاموں کے لئے* ممکنہ صورت میں کسی اور کی خدمات حاصل کی جائیں، مثلاً کوئی قریبی رشتہ دار یہ کام سر انجام دیدیا کریں یا نوکرانی رکھنے کی صورت ممکن ہو، تو اسے اپنایا جائے۔
*بہر حال* اگر نہ ہو سکے، اور خود مسجد بیت سے باہر نکل کر کام کے سوا کوئی چارہ کار نہ ہو، تو پھر ضرورت کے وقت، ضرورت کی حد تک باہر نکلنے کی اجازت ہو گی، لیکن جونہی کام ختم ہو، فوراً مسجد بیت میں واپس آ جائیں، کیونکہ اگر اب بغیر ضرورت ایک لمحہ بھی مسجد بیت سے باہر گزارا، تو اعتکاف ٹوٹ جائے گا۔

*(10)* دورانِ اعتکاف اسلامی بہن (دینی و دنیوی) ٹیوشن پڑھا سکتی ہیں۔

🌹 *15 رمضان المبارک یومِ ولادت*🌹
*نواسہ رسول، شبیہ مصطفی، ابن حیدر، برادرِ امام حسین، حضرت سیدنا امام حسن مجتبیٰ رضی اللہ عنہ*

حضرتِ سیّدہ فاطمۃ الزّہراء رضیَ اللہُ تعالٰی عنہَا کے گلشن کے مہکتے پھول، اپنے نانا جان، رحمتِ عالمیان صلَّی اللہُ تعالٰی علیہِ واٰلہٖ وسلَّم کی آنکھوں کے نور ، *راکبِ دوشِ مصطفےٰ* (مصطفےٰ جانِ رحمت صلَّی اللہُ تعالٰی علیہِ واٰلہٖ وسلَّم کے مبارک کندھوں پر سواری کرنے والے)، سردارِ امّت، حضرت سیّدُنا امام حَسَن مجتبیٰ رضیَ اللہُ تعالٰی عنہُ کی *ولادتِ باسعادت 15رمضان المبارک 3ہجری کو مدینہ طیبہ میں ہوئی* ۔ (البدايۃوالنہایہ، 5/519)

*نام، القابات اور کنیت:*
آپ رضیَ اللہُ تعالٰی عنہُ کا نام حسن کنیت ”ابو محمد“ اور لقب ”سبطِ رسول اللہ“(رَسُوۡلُ اللہ صلَّی اللہُ تعالٰی علیہِ واٰلہٖ وسلَّم کے نَواسے) اور”رَیْحَانَۃُ الرَّسُوْل“(رَسُوۡلُ اللہ صلَّی اللہُ تعالٰی علیہِ واٰلہٖ وسلَّم کے پھول)ہے.
(تاریخ الخلفاء، ص149)

*مبارك تحنیک (گھُٹی):*
نبیِ اکرم صلَّی اللہُ تعالٰی علیہِ واٰلہٖ وسلَّم نے آپ رضیَ اللہُ تعالٰی عنہُ کے کان میں اذان کہی۔
(معجم کبیر، 1/313، حدیث:926)
اور اپنے لعابِ دہن سے گھٹی دی۔(البدايۃ والنہایہ، 5/519)

شہد خوارِ لعابِ زبانِ نبی
چاشنی گیر عصمت پہ لاکھوں سلام

آپ رضیَ اللہُ تعالٰی عنہُ اُن خوش نصیبوں میں شامل ہیں جنہیں نبیِّ کریم صلَّی اللہُ تعالٰی علیہِ واٰلہٖ وسلَّم نے فرمایا: *بِاَبِي وَاُمِّي* یعنی تم پر میرے ماں باپ فِدا۔
(معجم کبیر،3/65، حديث:2677)

*شبیہِ مصطفےٰ:*
حضرت سیّدناانس رضیَ اللہُ تعالٰی عنہُ فرماتے ہیں: ( امام) حسن رضیَ اللہُ تعالٰی عنہُ سے بڑھ کرکوئی بھی حضور اکرم صلَّی اللہُ تعالٰی علیہِ واٰلہٖ وسلَّم سے مُشابہت رکھنے والا نہ تھا۔
(بخاری، 2/547، حدیث :3752)

*قرآن پاک پڑھنا نہ آتا ھو، تو ہر لائن پر انگلی پھیر کر بسم اللہ شریف پڑھنا*

*سوال:* اگر قرآن پاک پڑھنا نہیں آتا، تو کیا قرآن پاک کے اوپر بسم اللہ پڑھتے پڑھتے انگلی پھیر سکتے ہیں؟

*جواب:* جسے قرآن ِ پاک پڑھنا نہیں آتا، اس کے لئے حکم یہ ہے کہ وہ قرآن پاک سیکھے، بلکہ *ایک آیت کو سیکھ کر حفظ کرنا* جس سے نماز میں قراءت کا فرض ادا ہو سکے *ہر مسلمان مکلّف پر فرض ِ عین ہے* اور سورہ فاتحہ اور اس کے علاوہ کوئی چھوٹی سورت یا اس کے مثل مثلاً *تین چھوٹی آیات یا ایک بڑی آیت جو تین چھوٹی آیات کے برابر ہو،اسے سیکھ کر یاد کرنا واجبِ عین ہے۔*
اگر کوئی شخص اتنا قرآن پاک بھی سیکھ کر یاد نہیں کرتا، تو وہ گناہگار ہے۔
اور *کتنے دکھ افسوس کی بات ہے* کہ مسلمان دیگر چیزیں (جن میں غیر ضروری چیزیں بھی شامل ہیں، انہیں) تو سیکھ لیتا ہے، لیکن اسے اپنے پروردگار اور خالق عزوجل کا کلام (قرآن پاک )پڑھنا بھی نہیں آتا۔ اللہ پاک ہم سب مسلمانوں کو قرآن پاک سیکھ کر اس کے احکامات پر عمل کرنے کی توفیق عطا فرمائے۔آمین

*جہاں تک آپ کے سوال کا تعلق ہے*،
تو اگر کوئی شخص قرآن کریم کے حروف پر انگلی پھیر کر ساتھ ساتھ بسم اللہ شریف پڑھتا رہتا ہے، تو یہ بہت اچھی بات ہے، کہ اس کی وجہ سے بسم اللہ شریف پڑھنے، قرآن کریم کو دیکھنے اور چھونے کا ثواب ملے گا۔

*لیکن خیال رہے*‼️ کہ اس طرح کرنے سے قرآنِ کریم پڑھنے کا ثواب نہیں ملے گا اور اسے قرآن ِ کریم پڑھنا بھی نہیں کہیں گے.

*نیز* اس طرح پڑھ کر اگر کسی کو ایصالِ ثواب دینا ہو، تو بسم اللہ شریف پڑھنے، قرآن پاک کو چھونے اور دیکھنے کا ثواب تو ایصال کر سکتے ہیں، لیکن یہ نہیں کہیں گے کہ ہم نے قرآنِ پاک پڑھا ہے اور ہم تلاوت کا ثواب ایصال کر رہے ہیں۔

*شادی میں رکاوٹیں دور کرنے کا وظیفہ*

پاکستان سمیت متعدد ممالک میں کل بروز ہفتہ 12 رمضان المبارک ھے، تو آج بروز جمعہ آنے والی شب میں یہ نوافل ادا کئے جا سکتے ہیں. نماز پڑھ کر اللہ عزوجل کی بارگاہ میں دعا کریں، رب عزوجل دعا قبول فرمانے والا ھے.

🌹 *گیارھویں شریف مبارک ہو* 🌹

غوث پاک رضی اللہ عنہ نہ صرف باکرامت ولی ہیں، بلکہ بہت بڑے مفتی اور مدرس بھی ہیں.

آپ رضی اللہ عنہ کے شاگرد *حضرت حامد بن محمود* کو *سلطان نور الدین زنگی* نے عہدہ قضا (justice) پر فائز کیا... یونہی آپ کے شاگرد *حضرت علی بن ابراہیم دمشقی* *سلطان صلاح الدین ایوبی* کے مشیر رہے.(رحمۃ اللہ علیہم اجمعین)

*غوث پاک رضی اللہ عنہ کا منصبِ افتاء و تدریس:*
حُضُورغوثِ پاک رَحْمَۃُ اللہِ عَلَیْہ دَرس وتدریس ، تصنیف وتالیف ، وَعظ و نصیحت اور اِس کے علاوہ مختلف علمی شعبوں میں انتہائی مہارت رکھتے تھے ، مگر خاص طور پر فتویٰ نویسی میں تو آپ کو وہ کمال حاصل تھا کہ اُس دور کے بڑے بڑے عُلماء ، فقہاء اور مفتیانِ کرام رَحِمَہُمُ اللّٰہ ُ السَّلَام بھی آپ کے لَاجواب فتوؤں سے حیران رہ جاتے تھے.

شیخ ا مام مُوَفَّقُ الدِّین بن قُدامَہ رَحْمَۃُ اللہِ عَلَیْہ فرماتے ہیں کہ ہم نےدیکھا کہ شیخ سَیِّد عبدُ القادر جیلانی رَحْمَۃُ اللہِ عَلَیْہ اُن میں سے ہیں کہ جن کو وہاں (بغداد) پر علم وعمل اور فتویٰ نویسی کی بادشاہت دی گئی ہے۔
(بہجۃالاسرار ، ص225)

آپ کی عِلمی مہارت کا یہ عالم تھا کہ اگر آپ سے اِنتہائی مشکل مسائل بھی پوچھے جاتے، تو آپ اُن مسائل کا نہایت آسان اور خوبصورت جواب دیتے ، آپ نے درس و تدریس اور *فتویٰ نویسی میں تقریباً (33) سال دینِ اسلام کی خدمت کی* ، اِس دوران جب *آپ کے فتاویٰ علمائے عراق کے پاس لائے جاتے تو وه آپ کے جواب پر حيران رہ جاتے۔*
(بہجۃ الاسرار، صفحہ 225 ملتقطا و ملخصاً )

علومِ مصطفے ٰ و مُرتضےٰ کے
تمہیں پر ہیں کھُلے اَسرار یاغوث

*تدریسِ غوثِ اعظم کے نتائج و اثرات:*
آپ رحمۃ اللہ تعالٰی علیہ کے تلامذہ (شاگرد) بڑے بڑے عہدوں پر فائز ہوئے مثلاً سلطان نورُ الدّین زنگی رحمۃ اللہ تعالٰی علیہ نے تلمیذِ غوثِ اعظم حضرت حامد بن محمود حرانی رحمۃ اللہ تعالٰی علیہ کوحَرّان میں قضا(Justice) اور تدریس (Teaching) کا منصب سونپا۔

تلمیذِ غوثِ اعظم حضرت زینُ الدّین علی بن ابراہیم دمشقی رحمۃ اللہ تعالٰی علیہ سُلْطان صلاحُ الدّین ایوبی رحمۃ اللہ تعالٰی علیہ کے مُشیر رہے.
(الشیخ عبدالقادر الجیلانی، ص198)

سِلکِ عرفاں کی ضِیا ہے یہی دُرِّمختار
فخرِ اشباہ و نَظائر بھی ہے عبدُالقادر

10 رمضان المبارک یومِ عرس ام المؤمنین حضرت سیدتنا خدیجۃ الکبری رضی اللہ عنہا
(اپنی نیکیوں میں اضافہ اور ان کے درجات کی بلندی کے لئے ایصال ثواب فرمائیں)

رب عزوجل کا سلام
ایک بار جبریلِ امین عَلَیْہِ السَّلَام نے بارگاہِ رِسالت میں حاضر ہو کر عرض کی: یا رَسولَ اللہ! صلَّی اللہُ تعالٰی علیْہ واٰلِہٖ وسلَّم آپ کے پاس حضرت خدیجہ رَضِیَ اللہُ تَعَالٰی عَنْہا برتن لارہی ہیں، جس میں کھانا اورپانی ہے. جب وہ آجائیں تو *انہیں ان کے رب کا اور میرا سلام کہہ دیں اوریہ بھی خوشخبری سنا دیں کہ جنت میں ان کے لئے موتی کا ایک گھر بناہے جس میں نہ کوئی شور ہو گااور نہ کوئی تکلیف۔*
(صحیح بخاری، رقم الحدیث:3820)

وصال مبارک:
آپ رضِیَ اللہُ تَعَالیٰ عَنْہَا کا وصال بعثت (یعنی اعلانِ نبوت)کے دسویں سال دس رمضان المبارک میں ہوا، آپ مکہ مکرمہ کے قبرستان *جَنَّتُ الْمَعْلٰی* میں مدفون ہیں۔ نبیِّ کریم صلَّی اللہُ تعالٰی علیْہ واٰلِہٖ وسلَّم آپ کی قبر میں داخل ہوئے اور دعائے خیر فرمائی، نماز ِجنازہ اس وقت تک مشروع نہ ہوئی تھی (یعنی شرعاً اس کا آغاز نہ ہوا تھا).