Baba Farid Research Institute

https://youtube.com/shorts/Zm1jqDvgf4g

السلام علیکم

سید ریاض حسین شاہ صاحب زید مجدہ کا پیغام#مدینہ#newnaat #I Love Madina#duet #love #madina #madinah مدینہ منورہ کی حاضری ہر مسلمان کے لیے ایک عظیم سعادت اور برکت کا باعث ہے۔ یہ شہر حضور نبی کریم ﷺ کی محبوب سرزمین ہے، جہاں آپ ﷺ کی آخری آرام گاہ ہے۔ مدینہ پاک...

ﺑﺎﺑﺎ_ﻓﺮﯾﺪ ﺍﻭﺭ ﻣُﻼﺻﺎﺣﺐ
ﺣﻀﺮﺕ ﻧﻈﺎﻡ ﺍﻟﺪﯾﻦ ﺍﻭﻟﯿﺎﺀ ﺭﺡ ﺑﯿﺎﻥ ﻓﺮﻣﺎﺗﮯ ﮨﯿﮟ ﮐﮧ ﺍﺟﻮﺩﮬﻦ ﮐﮯ ﻗﺮﯾﺐ ﺍﯾﮏ ﻣُﻼ ﺻﺎﺣﺐ ﺭﮨﺘﮯ ﺗﮭﮯ ﺟﻨﮭﯿﮟ ﺍﭘﻨﮯ ﻇﺎﮨﺮﯼ ﻋﻠﻢ ﭘﺮ ﺑﮩﺖ ﻧﺎﺯ ﺗﮭﺎ ﺍﻭﺭ ﻭﮦ ﺍﮐﺜﺮ ﺑﺎﺑﺎ ﻓﺮﯾﺪ ﺭﺡ ﮐﯽ ﻣﺠﻠﺲ ﻣﯿﮟ ﺍﭘﻨﯽ علمیت ﮐﮯ ﻗﺼﮯ ﺳﻨﺎﺗﮯ ﺟﻨﮭﯿﮟ ﺁﭖ ﺭﺡ ﺑﮯﺣﺪ ﺩﻟﭽﺴﭙﯽ ﺳﮯ ﺳﻨﺎ ﮐﺮﺗﮯ۔ ﻟﻮﮔﻮﮞ ﮐﻮ ﻣُﻼ ﺻﺎﺣﺐ ﮐﺎ ﺍﻧﺪﺍﺯ ﺑﺮﺍ ﻟﮕﺘﺎ ﻟﯿﮑﻦ ﻭﻩ ﺍﺣﺘﺮﺍﻡِ ﺷﯿﺦ ﻣﯿﮟ ﺧﺎﻣﻮﺵ ﺭﮨﺘﮯ۔ ﺍﯾﮏ ﺑﺎﺭ ﺑﺎﺑﺎ ﻓﺮﯾﺪ ﻧﮯ ﭘﻮﭼﮭﺎ : “ ﻣﻮﻻﻧﺎ ﺍﺳﻼﻡ ﮐﮯ ﮐﺘﻨﮯ ﺭُﮐﻦ ﮨﯿﮟ.؟ ” ﻣُﻼ ﺻﺎﺣﺐ ﺑﻮﻟﮯ :
“ ﺷﯿﺦ ﺁﭖ ﻧﮩﯿﮟ ﺟﺎﻧﺘﮯ؟ ﺍﺱ ﮐﺎ ﺟﻮﺍﺏ ﺗﻮ ﮐﻮﺋﯽ ﻋﺎﻡ ﻣﺴﻠﻤﺎﻥ ﺑﮭﯽ ﺟﺎﻧﺘﺎ ﮨﻮ ﮔﺎ۔ ﺍﺳﻼﻡ ﮐﮯ ﭘﺎﻧﭻ ﺍﺭﮐﺎﻥ ﮨﯿﮟ ﺗﻮﺣﯿﺪ , ﻧﻤﺎﺯ , ﺭﻭﺯﻩ , ﺯﮐﻮۃ ﺍﻭﺭ ﺣﺞ۔ ” ﺁﭖ ﻣﺴﮑﺮﺍﺋﮯ ﺍﻭﺭ ﻓﺮﻣﺎﯾﺎ : “ ﻣﻮﻻﻧﺎ ! ﻣﯿﮟ ﻧﮯ ﺗﻮ ﺳﻨﺎ ﮨﮯ ﺍﺳﻼﻡ ﮐﺎ ﭼﮭﭩﺎ ﺭﮐﻦ ﺑﮭﯽ ﮨﮯ ﺍﻭﺭ ﻭﻩ ﺭﮐﻦ ﺭﻭﭨﯽ ﮨﮯ۔ ” ﻣُﻼ ﺻﺎﺣﺐ ﺍﯾﮏ ﺩﻡ ﺑﮭﮍﮎ ﺍﭨﮭﮯ “ ﺍﺳﺘﻐﻔﺮ ﺍﻟﻠّٰﮧ ﺁﭖ ﻧﮯ ﺑﺎﻟﮑﻞ ﻏﻠﻂ ﺳﻨﺎ۔ ﺁﭖ ﻧﮯ ﺗﺤﻤﻞ ﺳﮯ ﻓﺮﻣﺎﯾﺎ : “ ﻟﯿﮑﻦ ﻣﯿﮟ ﻧﮯ ﺗﻮ ﻣﻌﺘﺒﺮ ﺍﮨﻞ ﻋﻠﻢ ﺳﮯ ﺳﻨﺎ ﻫﮯ۔ ﯾﮧ ﺳﻦ ﮐﺮ ﻣُﻼ ﺻﺎﺣﺐ ﺍﭨﮫ ﮐﮭﮍﮮ ﻫﻮﺋﮯ ﺍﻭﺭ ﻗﺮﺁﻥ ﮐﺮﯾﻢ ﮐﯽ ﻭﻩ ﺁﯾﺖ ﺗﻼﻭﺕ ﮐﯽ ﺟﺲ ﮐﺎ ﺗﺮﺟﻤﮧ ﮨﮯ ﻧﺼﯿﺤﺖ ﮐﺮﻧﮯ ﮐﮯ ﺑﻌﺪ ﻇﺎﻟﻢ ﻗﻮﻡ ﮐﮯ ﭘﺎﺱ ﻣﺖ ﺑﯿﭩﮫ ﻟﮩﺬﺍ ﻣﯿﮟ ﭼﻠﺘﺎ ﮨﻮﮞ۔ ﺑﺎﺑﺎ ﻓﺮﯾﺪ ﺭﺡ ﺑﮭﯽ ﮐﮭﮍﮮ ﮨﻮ ﮔﺌﮯ ﺍﻭﺭ ﻣﺤﺒﺖ ﺳﮯ ﻣُﻼ ﺻﺎﺣﺐ ﮐﺎ ﮨﺎﺗﮫ ﭘﮑﮍﺍ ﺍﻭﺭ ﻓﺮﻣﺎﯾﺎ : “ ﻣﻮﻻﻧﺎ ! ﺍﺧﺘﻼﻑ ﺭﺍﺋﮯ ﺍﭘﻨﯽ ﺟﮕﻪ ﻟﯿﮑﻦ ﮨﻢ ﺳﮯ ﻧﺎﺭﺍﺽ ﮨﻮ ﮐﺮ ﺗﻮ ﻧﮧ ﺟﺎﺋﯿﮟ۔ ” ﻟﯿﮑﻦ ﻣُﻼ ﺻﺎﺣﺐ ﻧﮯ ﺍﭘﻨﺎ ﮨﺎﺗﮫ ﭼﮭﮍﺍﯾﺎ ﺍﻭﺭ ﻏﻀﺐ ﻧﺎﮎ ﮨﻮ ﮐﺮ ﭼﻞ ﺩﯾﮯ۔ ﺍﺳﮑﮯ ﺑﻌﺪ ﻣُﻼ ﺻﺎﺣﺐ ﺣﺞ ﮐﯿﻠﺌﮯ ﺭﻭﺍﻧﮧ ﮨﻮ ﮔﺌﮯ۔ ﺣﺞ ﮐﯽ ﺳﻌﺎﺩﺕ ﺣﺎﺻﻞ ﮐﯽ، ﻣﮑﻪ ﻣﮑﺮﻣﮧ ﺍﻭﺭ ﻣﺪﯾﻨﮧ ﻣﻨﻮﺭﻩ ﻣﯿﮟ ﺳﺎﺕ ﺳﺎﻝ ﻗﯿﺎﻡ ﮐﯿﺎ ﺍﻭﺭ ﭘﮭﺮ ﻭﻃﻦ ﻭﺍﭘﺴﯽ ﮐﯿﻠﺌﮯ ﺭﻭﺍﻧﮧ ﮨﻮﺋﮯ۔ ﻭﺍﭘﺴﯽ ﮐﮯ ﺳﻔﺮ ﻣﯿﮟ ﺍﭼﺎﻧﮏ ﺳﻤﻨﺪﺭ ﻣﯿﮟ ﺳﺨﺖ ﻃﻮﻓﺎﻥ ﺁﯾﺎ ﺍﻭﺭ ﻣُﻼ ﺻﺎﺣﺐ ﺍﯾﮏ ﺗﺨﺘﮯ ﭘﺮ ﺗﯿﺮﺗﮯ ﮨﻮﺋﮯ ﮐﺴﯽ ﺟﺰﯾﺮﮮ ﺗﮏ ﺟﺎ ﭘﮩﻨﭽﮯ۔ ﺟﺰﯾﺮﻩ ﺩﯾﮑﮭﺎ ﺗﻮ ﻧﮧ ﭘﺎﻧﯽ ﻧﮧ ﺩﺭﺧﺖ ﻧﮧ ﮔﮭﺎﺱ۔ ﺗﯿﻦ ﺩﻥ ﺑﮭﻮﮐﮯ ﭘﯿﺎﺳﮯ ﺍﯾﮏ ﻏﺎﺭ ﻣﯿﮟ ﺑﯿﭩﮭﮯ ﺩﻋﺎ ﮐﺮﺗﮯ ﺭﮨﮯ ﮐﮧ “ ﺍﮮ ﭘﺎﻟﻨﮯ ﻭﺍﻟﮯ ! ﺍﺱ ﻋﺬﺍﺏ ﺳﮯ ﻧﮑﺎﻝ۔ ” ﺗﯿﻦ ﺩﻥ ﺑﻌﺪ ﮐﮩﯿﮟ ﺳﮯ ﺍﯾﮏ ﺷﺨﺺ ﺁﯾﺎ ﺍﻭﺭ ﺁﻭﺍﺯ ﻟﮕﺎﺋﯽ ﮐﮧ “ ﺭﻭﭨﯽ ﺧﺮﯾﺪ ﻟﻮ۔ ” ﻣُﻼ ﺻﺎﺣﺐ ﻧﮯ ﺍﺳﮯ ﺑﻼﯾﺎ ﺍﻭﺭ ﺍﭘﻨﯽ ﺩﮐﮭﯽ ﺩﺍﺳﺘﺎﻥ ﺳﻨﺎﺋﯽ۔ ﻭﻩ ﺑﻮﻻ : ﻣﯿﺮﮮ ﭘﺎﺱ ﺭﻭﭨﯽ ﺑﮭﯽ ﮨﮯ ﺍﻭﺭ ﭘﺎﻧﯽ ﺑﮭﯽ ﻣﮕﺮ ﻣﻔﺖ ﻣﯿﮟ ﻧﮩﯿﮟ ﺩﻭﮞ ﮔﺎ۔
ﻣُﻼ ﺻﺎﺣﺐ ﻧﮯ ﺑﮯ ﺑﺴﯽ ﺳﮯ ﮐﮩﺎ : ﺑﮭﺎﺋﯽ ﻣﯿﺮﮮ ﭘﺎﺱ ﺍﯾﮏ ﭘﯿﺴﻪ ﺗﮏ ﻧﮩﯿﮟ ﮨﮯ۔ ﭘﮭﺮ ﭘﻮﭼﮭﺎ : ﮐﯿﺎ ﺗﻢ ﻣﺴﻠﻤﺎﻥ ﮨﻮ؟ ﺗﻮ ﻭﻩ ﺑﻮﻻ : “ ﺍﻟﺤﻤﺪ ﺍﻟﻠّٰﮧ ﻣﯿﮟ ﻣﺴﻠﻤﺎﻥ ﮨﻮﮞ۔ ” ﻣُﻼ ﺻﺎﺣﺐ ﻧﮯ ﻓﻮﺭﺍً ﺑﮭﻮﮐﻮﮞ ﮐﻮ ﮐﮭﺎﻧﺎ ﮐﮭﻼﻧﮯ ﮐﯽ ﺭﻭﺍﯾﺎﺕ ﺑﯿﺎﻥ ﮐﺮﻧﺎ ﺷﺮﻭﻉ ﮐﯿﮟ ﺗﻮ ﻭﻩ ﺑﻮﻻ : “ ﻣﯿﮟ ﺑﮭﻮﮐﻮﮞ ﮐﻮ ﮐﮭﺎﻧﺎ ﮐﮭﻼﻧﮯ ﮐﮯ ﺛﻮﺍﺏ ﺳﮯ ﻭﺍﻗﻒ ﮨﻮﮞ ﻟﯿﮑﻦ ﺭﺯﻕ ﺣﻼﻝ ﮐﻤﺎﻧﮯ ﮐﺎ ﺣﮑﻢ ﺑﮭﯽ ﺍﻟﻠّٰﮧ ﻧﮯ ﮨﯽ ﺩﯾﺎ ﻫﮯ۔ ” ﻣُﻼ ﺻﺎﺣﺐ ﻧﮯ ﺍﺳﮯ ﺍﭘﻨﯽ ﻧﻤﺎﺯ، ﺭﻭﺯﮮ، ﺯﮐﻮۃ ﺍﻭﺭ ﺳﺎﺕ ﺣﺠﻮﮞ ﺳﮯ ﻣﺮﻋﻮﺏ ﮐﺮﻧﮯ ﮐﯽ ﮐﻮﺷﺶ ﮐﯽ ﻟﯿﮑﻦ ﻭﻩ ﭨﺲ ﺳﮯ ﻣﺲ ﻧﮧ ﮨﻮﺍ۔ ﺁﺧﺮ ﺑﻮﻻ :
“ ﭼﻠﯿﮯ ﻣﯿﮟ ﺁﭖ ﭘﺮ ﺭﺣﻢ ﮐﮭﺎﺗﺎ ﮨﻮﮞ۔ ﺍﭘﻨﮯ ﺳﺎﺕ ﺣﺠﻮﮞ ﮐﺎ ﺛﻮﺍﺏ ﻣﺠﮭﮯ ﺩﯾﺪﯾﮟ ﻣﯿﮟ ﺁﭘﮑﻮ ﺭﻭﭨﯽ ﮐﮭﻼ ﺩﯾﺘﺎ ﮨﻮﮞ۔ ﻣُﻼ ﺻﺎﺣﺐ ﻧﮯ ﺳﻮﭼﺎ ﺯﺑﺎﻧﯽ ﺛﻮﺍﺏ ﺩﮮ ﺩﯾﻨﮯ ﺳﮯ ﮐﯿﺎ ﮨﻮ ﮔﺎ؟ ﻟﮩﺬﺍ ﺑﻮﻟﮯ : “ ﭼﻠﻮ ﺳﺎﺕ ﺣﺠﻮﮞ ﮐﺎ ﺛﻮﺍﺏ ﺗﻤﻬﯿﮟ ﺩﯾﺎ۔ ” ﻣُﻼ ﺻﺎﺣﺐ ﻧﮯ ﺭﻭﭨﯽ ﮐﮭﺎﺋﯽ ﺗﻮ ﺟﺎﻥ ﻣﯿﮟ ﺟﺎﻥ ﺁﺋﯽ۔ ﺍﺱ ﺳﮯ ﭘﻮﭼﮭﺎ : “ ﺗﻢ ﮐﮩﺎﮞ ﺭﮨﺘﮯ ﮨﻮ؟ ﻗﺮﯾﺐ ﻣﯿﮟ ﮐﻮﺋﯽ ﺁﺑﺎﺩﯼ ﮨﮯ؟ ﻟﯿﮑﻦ ﺍﺱ ﻧﮯ ﺑﺮﺗﻦ ﺍﭨﮭﺎﺋﮯ ﺍﻭﺭ ﻏﺎﺭ ﺳﮯ ﻧﮑﻞ ﮔﯿﺎ۔ ﻣُﻼ ﺻﺎﺣﺐ ﻧﮯ ﺍﺱ ﮐﺎ ﭘﯿﭽﮭﺎ ﮐﺮﻧﮯ ﮐﯽ ﮐﻮﺷﺶ ﮐﯽ ﻟﯿﮑﻦ ﻭﻩ ﻏﺎﺋﺐ ﮨﻮ ﮔﯿﺎ۔
ﺗﯿﻦ ﺩﻥ ﺑﻌﺪ ﭘﮭﺮ ﺳﮯ ﺟﺐ ﺑﮭﻮﮎ ﺳﮯ ﻣُﻼ ﺻﺎﺣﺐ ﮐﯽ ﺣﺎﻟﺖ ﺧﺮﺍﺏ ﮨﻮﻧﮯ ﻟﮕﯽ ﺗﻮ ﻭﻩ ﮐﮩﯿﮟ ﺳﮯ ﭘﮭﺮ ﻧﻤﻮﺩﺍﺭ ﮨﻮﺍ ﺍﻭﺭ ﺍﺱ ﺑﺎﺭ ﻣُﻼ ﺻﺎﺣﺐ ﮐﮯ ﺭﻭﺯﻭﮞ ﮐﺎ ﺛﻮﺍﺏ ﻟﮯ ﮐﺮ ﭼﻠﺘﺎ ﺑﻨﺎ۔ ﭘﮭﺮ ﺗﯿﻦ ﺩﻥ ﺑﻌﺪ ﻧﻤﺎﺯﻭﮞ ﺍﻭﺭ ﺍﺱ ﮐﮯ ﺗﯿﻦ ﺩﻥ ﺑﻌﺪ ﺯﮐﻮۃ ﮐﺎ ﺛﻮﺍﺏ ﺑﮭﯽ ﺍﺱ ﻧﮯ ﻟﮯ ﻟﯿﺎ۔ ﭘﮭﺮ ﺍﮔﻠﮯ ﺗﯿﻦ ﺩﻥ ﮔﺰﺭﮮ ﺍﻭﺭ ﺟﺐ ﻭﻩ ﺁﯾﺎ ﺗﻮ ﻣُﻼ ﺻﺎﺣﺐ ﺭﻭﻧﮯ ﻟﮕﮯ۔ ﺍﺏ ﻣﯿﺮﮮ ﭘﺎﺱ ﮐﭽﮫ ﺑﺎﻗﯽ ﻧﮩﯿﮟ ﺭﮨﺎ۔ ” ﺗﻮ ﻭﻩ ﺑﻮﻻ : ﺁﺝ ﺁﭖ ﺑﺲ ﺍﺗﻨﺎ ﮐﺮﯾﮟ ﮐﮧ ﻣﺠﮭﮯ ﺗﻤﺎﻡ ﺛﻮﺍﺏ ﺗﺤﺮﯾﺮﯼ ﻃﻮﺭ ﭘﺮ ﺩﮮ ﺩﯾﮟ۔ ﻣُﻼ ﺻﺎﺣﺐ ﻧﮯ ﮐﺎﻏﺬ ﭘﺮ ﻟﮑﮫ ﮐﺮ ﺩﮮ ﺩﯾﺎ
ﮐﮧ ﻣﯿﮟ ﻧﮯ ﺍﭘﻨﯽ ﺗﻤﺎﻡ ﻋﻤﺮ ﮐﯽ ﻧﻤﺎﺯﯾﮟ، ﺭﻭﺯﮮ، ﺯﮐﻮۃ ﺍﻭﺭ ﺣﺞ ﺍﺱ ﺷﺨﺺ ﮐﮯ ﮨﺎﺗﮫ ﺭﻭﭨﯽ ﮐﮯ ﺑﺪﻟﮯ ﻓﺮﻭﺧﺖ ﮐﺌﮯ ﺍﻭﺭ ﻧﯿﭽﮯ ﺍﭘﻨﮯ ﺩﺳﺘﺨﻂ ﮐﺮ ﺩﯾﮯ ﺍﻭﺭ ﺭﻭﭨﯽ ﮐﮭﺎﺗﮯ ﮨﻮﺋﮯ ﺳﻮﭼﺎ ﮐﮧ ﺗﯿﻦ ﺩﻥ ﺑﻌﺪ ﮔﺰﺍﺭﻩ ﮐﯿﺴﮯ ﮨﻮ ﮔﺎ؟ ﺍﺱ ﻟﺌﮯ ﺁﺝ ﺍﺱ ﮐﺎ ﭘﯿﭽﮭﺎ ﺿﺮﻭﺭ ﮐﺮﻧﺎ ﮨﮯ۔ ﻣُﻼ ﺻﺎﺣﺐ ﻧﮯ ﮐﺎﻓﯽ ﺩﻭﺭ ﺗﮏ ﺍﺱ ﮐﺎ ﭘﯿﭽﮭﺎ ﮐﯿﺎ ﻟﯿﮑﻦ ﺁﮔﮯ ﺟﺎ ﮐﺮ ﻭﻩ ﭘﮭﺮ ﮐﮩﯿﮟ ﻏﺎﺋﺐ ﮨﻮ ﮔﯿﺎ۔ ﺳﻤﻨﺪﺭ ﺳﺎﻣﻨﮯ ﺗﮭﺎ ﻣُﻼ ﺻﺎﺣﺐ ﺫﺭﺍ ﺳﺎﻧﺲ ﺑﺤﺎﻝ ﮐﺮﻧﮯ ﮐﯿﻠﺌﮯ ﺑﯿﭩﮫ ﮔﺌﮯ ﺍﺗﻔﺎﻕ ﺳﮯ ﺍﺳﯽ ﻭﻗﺖ ﺍﯾﮏ ﺟﮩﺎﺯ ﻗﺮﯾﺐ ﺳﮯ ﮔﺰﺭ ﺭﮨﺎ ﺗﮭﺎ۔
ﻣُﻼ ﺻﺎﺣﺐ ﻧﮯ ﺍﭘﻨﯽ ﻗﻤﯿﺾ ﺍﺗﺎﺭ ﮐﺮ ﺩﯾﻮﺍﻧﻪ ﻭﺍﺭ ﮨﻮﺍ ﻣﯿﮟ ﻟﮩﺮﺍﺋﯽ ﺟﺲ ﺳﮯ ﺟﮩﺎﺯ ﻭﺍﻟﻮﮞ ﮐﯽ ﻧﻈﺮ ﺍﻥ ﭘﺮ ﭘﮍﯼ ﺍﻭﺭ ﺍﻧﮭﻮﮞ ﻧﮯ ﮐﺸﺘﯽ ﺑﮭﯿﺞ ﺩﯼ۔ ﺧﺪﺍ ﮐﯽ ﻗﺪﺭﺕ ﯾﮧ ﮐﮧ ﻭﮦ ﻫﻨﺪﻭﺳﺘﺎﻧﯽ ﺣﺎﺟﯿﻮﮞ ﮐﺎ ﮨﯽ ﺟﮩﺎﺯ ﺗﮭﺎ ﻟﮩﺬﺍ ﺍﻧﮭﻮﮞ ﻧﮯ ﻣُﻼ ﺻﺎﺣﺐ ﮐﯽ ﺧﻮﺏ ﺧﺪﻣﺖ ﮐﯽ ﺍﻭﺭ ﻭﻩ ﺑﺨﯿﺮ ﻭ ﻋﺎﻓﯿﺖ ﺍﭘﻨﮯ ﮔﮭﺮ ﭘﮩﻨﭻ ﮔﺌﮯ۔ ﮐﭽﮫ ﺩﻥ ﺑﻌﺪ ﻭﮦ ﺍﭘﻨﯽ ﻋﺒﺎﺩﺕ ﻭ ﺭﯾﺎﺿﺖ ﮐﺎ ﺣﺎﻝ ﺳﻨﺎﻧﮯ ﺑﺎﺑﺎ ﻓﺮﯾﺪ ﺭﺡ ﮐﯽ ﺧﺎﻧﻘﺎﻩ ﭘﮩﻨﭽﮯ۔ ﺑﺎﺑﺎ ﻓﺮﯾﺪ ﺭﺡ ﻧﮯ ﮐﮭﮍﮮ ﮨﻮ ﮐﺮ ﺍﺳﺘﻘﺒﺎﻝ ﮐﯿﺎ ﺍﻭﺭ ﻓﺮﻣﺎﯾﺎ “ ﻣُﻼ ﺻﺎﺣﺐ ! ﺑﮩﺖ ﻋﺮﺻﮯ ﺑﻌﺪ ﺗﺸﺮﯾﻒ ﻻﺋﮯ۔ ” ﻣُﻼ ﺻﺎﺣﺐ ﺧﺸﮏ ﻟﮩﺠﮯ ﻣﯿﮟ ﺑﻮﻟﮯ :
“ ﯾﮩﺎﮞ ﮨﻮﺗﺎ ﺗﻮ ﺁﺗﺎ ﻧﺎ۔ ﻣﯿﮟ ﺣﺞ ﮐﺮﻧﮯ ﮔﯿﺎ ﺗﮭﺎ۔ ﺳﺎﺕ ﺳﺎﻝ ﺗﮏ ﻣﮑﻪ ﻣﮑﺮﻣﮧ ﺍﻭﺭ ﻣﺪﯾﻨﻪ ﻣﻨﻮﺭﻩ ﻣﯿﮟ ﻗﯿﺎﻡ ﮐﯿﺎ۔ ﺣﺮﻣﯿﻦ ﺷﺮﯾﻔﯿﻦ ﺍﻭﺭ ﻣﺴﺠﺪ ﻧﺒﻮﯼ ﺻﻠﯽ ﺍﻟﻠّٰﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﻣﯿﮟ ﻧﻤﺎﺯﯾﮟ ﺍﺩﺍ ﮐﺮﻧﮯ ﮐﯽ ﺳﻌﺎﺩﺕ ﺣﺎﺻﻞ ﮐﯽ۔ ﺁﭖ ﺭﺡ ﻧﮯ ﺧﻮﺵ ﻣﺰﺍﺟﯽ ﺳﮯ ﻓﺮﻣﺎﯾﺎ : ﺁﭖ ﺗﻮ ﻭﺍﻗﻌﯽ ﺧﻮﺵ ﻗﺴﻤﺖ ﮨﯿﮟ ﻣﻮﻻﻧﺎ ! ﺍﺏ ﺗﻮ ﺁﭖ ﮨﻢ ﺳﮯ ﻧﺎﺭﺍﺽ ﻧﮩﯿﮟ ﮨﯿﮟ؟ ﺳﺎﺕ ﺳﺎﻝ ﭘﮩﻠﮯ ﺁﭖ ﮨﻢ ﺳﮯ ﺍﯾﮏ ﭼﮭﻮﭨﯽ ﺳﯽ ﺑﺎﺕ ﭘﺮ ﻧﺎﺭﺍﺽ ﮨﻮ ﮐﺮ ﮔﺌﮯ ﺗﮭﮯ۔ ” ﻣُﻼ ﺻﺎﺣﺐ ﺑﺎﺑﺎ ﻓﺮﯾﺪ ﺭﺡ ﮐﯽ ﻋﺎﺟﺰﯼ ﺳﮯ ﺍﻭﺭ ﻣﻐﺮﻭﺭ ﮨﻮ ﮔﺌﮯ ﺍﻭﺭ ﺑﻮﻟﮯ : ﻣﺠﮭﮯ ﺗﻮ ﮐﭽﮫ ﯾﺎﺩ ﻧﮩﯿﮟ،
ﺁﭖ ﯾﺎﺩ ﺩﻻﺋﯿﮟ ﺗﻮ ﺷﺎﯾﺪ ﯾﺎﺩ ﺁ ﺟﺎﺋﮯ۔ ﺁﭖ ﺭﺡ ﻧﮯ ﻓﺮﻣﺎﯾﺎ : “ ﻣﯿﮟ ﻧﮯ ﻋﺮﺽ ﮐﯿﺎ ﺗﮭﺎ ﮐﮧ ﺍﺳﻼﻡ ﮐﺎ ﭼﮭﭩﺎ ﺭﮐﻦ ﺭﻭﭨﯽ ﻫﮯ ﺍﻭﺭ ﺁﭖ ﻫﻤﯿﮟ ﻇﺎﻟﻢ ﻗﺮﺍﺭ ﺩﮮ ﮐﺮ ﭼﻠﮯ ﮔﺌﮯ ﺗﮭﮯ۔ ﭘﮭﺮ ﺑﮭﯽ ﮨﻢ ﺁﭘﮑﻮ ﯾﺎﺩ ﮐﺮﺗﮯ ﺭﮨﮯ۔ ” ﻣُﻼ ﺻﺎﺣﺐ ﻃﻨﺰﯾﮧ ﺍﻧﺪﺍﺯ ﻣﯿﮟ ﻫﻨﺴﮯ ﺍﻭﺭ ﺑﻮﻟﮯ : “ ﺩﺭﻭﯾﺶ ﺍﭘﻨﯽ ﮐﻢ ﻋﻠﻤﯽ ﮐﮯ ﺑﺎﻋﺚ ﺍﮐﺜﺮ ﺍﯾﺴﯽ ﺑﺎﺗﯿﮟ ﮐﮩﮧ ﺩﯾﺘﮯ ﮨﯿﮟ ﻟﯿﮑﻦ ﺳﭻ ﯾﮩﯽ ﻫﮯ ﮐﮧ ﺍﺳﻼﻡ ﮐﺎ ﮐﻮﺋﯽ ﭼﮭﭩﺎ ﺭﮐﻦ ﻧﮩﯿﮟ ﮨﮯ۔ ﺁﭖ ﺭﺡ ﻧﮯ ﻓﺮﻣﺎﯾﺎ : ﻣﯿﮟ ﮐﻢ ﻋﻠﻢ ﮨﻮﮞ ﻟﯿﮑﻦ ﻣﯿﮟ ﻧﮯ ﯾﮧ ﺑﺎﺕ ﻟﮑﮭﯽ ﮨﻮﺋﯽ ﺩﯾﮑﮭﯽ ﻫﮯ۔
ﭘﮭﺮ ﺁﭖ ﻧﮯ ﺣﺎﺿﺮﯾﻦ ﺳﮯ ﻓﺮﻣﺎﯾﺎ : ﻣﯿﮟ ﮐﭽﮫ ﺩﯾﺮ ﺗﻨﮩﺎﺋﯽ ﭼﺎﻫﺘﺎ ﮨﻮﮞ۔ ﺗﻨﮩﺎﺋﯽ ﻣﯿﮟ ﺁﭖ ﺭﺡ ﻧﮯ ﺍﯾﮏ ﮐﺘﺎﺏ ﻣُﻼ ﺻﺎﺣﺐ ﮐﮯ ﺣﻮﺍﻟﮯ ﮐﯽ۔ ﺍﻧﮭﻮﮞ ﻧﮯ ﮐﺘﺎﺏ ﮐﮭﻮﻟﯽ ﺗﻮ ﺍﯾﮏ ﺻﻔﺤﮯ ﭘﺮ ﻭﮨﯽ ﺗﺤﺮﯾﺮ ﺗﮭﯽ ﺟﻮ ﻣُﻼ ﺻﺎﺣﺐ ﻧﮯ ﺟﺰﯾﺮﮮ ﻣﯿﮟ ﺭﻭﭨﯽ ﻓﺮﻭﺧﺖ ﮐﺮﻧﮯ ﻭﺍﻟﮯ ﮐﻮ ﻟﮑﮫ ﮐﺮ ﺩﯼ ﺗﮭﯽ۔ ﻣُﻼ ﺻﺎﺣﺐ ﭼﻨﺪ ﻟﻤﺤﮯ ﺣﯿﺮﺕ ﺳﮯ ﺳﮑﻮﺕ ﮐﮯ ﻋﺎﻟﻢ ﻣﯿﮟ ﺑﯿﭩﮭﮯ ﺭﮨﮯ ﭘﮭﺮ ﺁﭖ ﮐﮯ ﻗﺪﻣﻮﮞ ﻣﯿﮟ ﮔﺮ ﭘﮍﮮ ﺍﻭﺭ ﺑﻮﻟﮯ :
“ ﺷﯿﺦ ! ﻣﯿﮟ ﻧﮯ ﺍﭘﻨﮯ ﺁﭖ ﭘﺮ ﻇﻠﻢ ﮐﯿﺎ۔ ﺁﭖ ﺭﺡ ﻧﮯ ﻣﺤﺒﺖ ﺳﮯ ﻓﺮﻣﺎﯾﺎ : ﻣﺠﮭﮯ ﺁﭖ ﺳﮯ ﮐﻮﺋﯽ ﺷﮑﺎﯾﺖ ﻧﮩﯿﮟ ﮨﮯ ﻣﻮﻻﻧﺎ ! ﺍﯾﮏ ﻣﻌﻤﻮﻟﯽ ﺍﺧﺘﻼﻑ ﺗﮭﺎ ﺳﻮ ﻭﻩ ﺁﺝ ﺩﻭﺭ ﮨﻮ ﮔﯿﺎ۔ ﺍﺱ ﮐﮯ ﺑﻌﺪ ﻣُﻼ ﺻﺎﺣﺐ ﺁﭖ ﺭﺡ ﮐﮯ ﻣﺮﯾﺪ ﮨﻮ ﮔﺌﮯ۔ ﻣﺮﯾﺪ ﮨﻮﻧﮯ ﮐﮯ ﺑﻌﺪ ﮐﺴﯽ ﻧﮯ ﺍﻧﮭﯿﮟ ﺑﺎﺕ ﮐﺮﺗﮯ ﻧﮩﯿﮟ ﺩﯾﮑﮭﺎ۔ ﺟﺐ ﺗﮏ ﺯﻧﺪﻩ ﺭﮨﮯ، ﮨﺮ ﻭﻗﺖ ﺭﻭﺗﮯ ﺭﮨﺘﮯ ﺗﮭﮯ...
ﭘﻨﺞ ﺭُﮐﻦ ﺍﺳﻼﻡ ﺩﮮ ، ﺗﮯ ﭼﮭﯿﻮﺍﮞ ﻓﺮﯾﺪﺍ ﭨُﮏ...
ﺟﮯ ﻟﺒﮭﮯ ﻧﮧ ﭼﮭﯿﻮﺍﮞ ، ﺗﮯ ﭘﻨﺠﮯ ﺍﯼ ﺟﺎﻧﺪﮮ ﻣُﮏ...
ﺍﺭﺩُﻭ ﺗﺮﺟﻤﮧ :
ﺍﺳﻼﻡ ﮐﮯ ﭘﺎﻧﭻ ﺭُﮐﻦ ﺑﯿﺎﻥ ﮐﺌﮯ ﺟﺎﺗﮯ ﮨﯿﮟ...
ﻟﯿﮑﻦ ﺍﮮ ﻓﺮﯾﺪ ! ﺍﯾﮏ ﭼﮭﭩﺎ ﺭُﮐﻦ ﺑﮭﯽ ﮨﮯ...
ﺍﻭﺭ ﻭﮦ ﮨﮯ ’’ ﺭﻭﭨﯽ ‘‘
ﺍﮔﺮ ﯾﮧ ﭼﮭﭩﺎ ﻧﮧ ﻣِﻠﮯ، ﺗﻮ ﺑﺎﻗﯽ ﭘﺎﻧﭽﻮﮞ ﺑﮭﯽ ﺟﺎﺗﮯ ﺭﮨﺘﮯ ﮨﯿﮟ.

مصر کے ایک مشہور بزرگ شرف الدین بوصیری گزرے ہیں
انہوں نے ایک غریب گھرانے میں آنکھ کھلی
جیسا کہ والدین بچوں کو سکولوں مدرسوں میں تعلیم حاصل کرنے کیلئے بھیجتے ہیں اسی طرح بوصیری کو بھی والدین نے مدرسے بھیجنا شروع کیا
اور جلد ہی آپ نے قرآن پاک حفظ کر لیا
اس کے بعد آپکے والد صاحب کی خواہش تھی کہ اب آپ کچھ کام کاج کریں تا کہ گھر سے غربت کا خاتمہ ہو
جبکہ بوصیری ابھی مزید تعلیم حاصل کرنا چاہتے تھے۔ وہ ایک زیادہ روشن مستقبل چاہتے تھے۔۔گھر میں باپ بیٹے کے درمیان کھینچا تانی شروع ہو گئی
آخر کار بوصیری نے اپنی والدہ کو اپنے ساتھ ملا کے والد سے مزید پڑھنے کی اجازت لے لی
اس کے بعد آپ نے تجوید، فقہ اور باقی ضروری مضامین کو پڑھا اور بچوں کو پڑھانا شروع کر دیا
اس وقت تک آپ ایک دنیادار شخص تھے اور مادی کامیابیوں کو ہی ترجیح دیتے تھے
آپ غربت سے نجات حاصل کرنا چاہتے تھے۔۔شاعری کا وصف آپ کو اللہ کی طرف سے ودیعت کیا گیا تھا
اب آپ بادشاہوں کی شان میں قصیدے بھی لکھتے تھے اور نئے شعراء کی اصلاح بھی کیا کرتے تھے۔درس و تدریس سے بھی منسلک تھے
ایک دن آپ گھر سے باہر کہیں جا رہے تھے جب ایک شخص نے اپکو روک کے آپ سے پوچھا
کبھی محمد صلی اللہ علیہ وسلم کی بھی زیارت ہوئی؟؟
اس شخص کا یہ سوال کرنا امام بوصیری کی زندگی کو بدلنے کا سبب بن گیا
اب امام بوصیری نے آپ صلی اللہ علیہ وسلم کی حیات طیبہ کا بغور مطالعہ شروع کر دیا
آپ جوں جوں مطالعہ کرتے جارہے تھے آپ کے دل میں آپ صلی اللہ علیہ وسلم کی محبت بڑھتی جا رہی تھی
جوں جوں وقت گزر رہا تھا آپ کے دل میں نبی آخر الزماں محمد مصطفٰی صلی اللہ علیہ وسلم کے عشق کی تڑپ بڑھتی جا رہی تھی

اسی دوران میں انہیں فالج کا حملہ ہوا اور یہ صاحب فراش ہو گئے۔اسی حالت میں پندرہ سال گزر گئے
وہ بادشاہ جن کے قصیدے امام بوصیری لکھتے تھے انہوں نے پلٹ کے نہ پوچھا
آپ بہت دل گرفتگی کے عالم میں ایک رات لیٹے ہوئے تھے۔جب آپ نے سوچا کہ زندگی بھر دنیا کے بادشاہوں کے قصیدے لکھے آج کیوں نہ ان کا قصیدہ لکھوں جن کے سامنے ان بادشاہوں کی کوئی اوقات نہیں

جب ٹوٹے ہوے دل سے ، سچی محبت کے ساتھ الفاظ نکلے تو وہ اس بارگاہ میں مقبول ہوگئے جس کے بعد وہ الفاظ امر ہو گئے

اس سے پہلے بھی امام بوصیری نے عرب کے صحراؤں پہ، صحراؤں کے خیموں پہ اور خوش جمال چہروں پہ شاعری لکھی
لیکن اس رات وہ اس بدرالدجی،شمس الضحی کی شان بیان کر رہے تھے جن کی خاطر رب نے اس دنیا اور اسکی ہر چیز کو تخلیق فرمایا۔ میرا ایمان یہ ہے کہ یہ کلام بھی رب کی ہی دین ہے اور وہی رب ہی اسے انسان پہ اتارتا ہے
جب آپ قصیدہ لکھ چکے تو آپ نے قلم دوات رکھی اور سو گئے
اسی رات آپ نے خواب دیکھا کہ آپ صلی اللہ علیہ وسلم تشریف لائیں ہیں اور فرمایا کہ
اٹھ بوصیری،،
امام بوصیری نے کہا
،، میں ہزار جانوں سے قربان لیکن کیسے اٹھوں،،
کیونکہ وہ فالج زدہ تھے اور اٹھنے سے قاصر تھے
آپ صلی اللہ علیہ وسلم نے اپنا دست شفقت ان کے جسم پہ پھیرا اور فرمایا
،،اٹھ اور مجھے وہ سنا جو تو نے لکھا،،
امام بوصیری اٹھ بیٹھے اور جھوم جھوم کے سنا رہے
مولا یا صلی وسلم۔۔۔ دایما ابا دا
اے اللہ۔ آپ دائمی اور ابدی سلامتی بھیجئے اپنے محبوب پہ
میری آنکھیں آپ کی یاد میں آنسو بہا رہی ہیں اور رواں دواں ہیں
مدینہ پاک سے ٹھنڈی ہوا آرہی ہے۔اندھیری رات میں بجلی چمک رہی ہے
میرے عشق کا تذکرہ لوگوں تک پہنچ چکا ہے۔ اب میرا راز محبت بھی نہیں چھپ سکتا اور نہ ہی میرا مرض ختم ہو گا
تیری محبت کی، میرے آنسو اور میری بیماری گواہی دے رہے ہیں۔میں اپنے عشق کو کیسے چھپا سکتا ہوں
اے دل۔ اگر تو حضور (صلی اللہ علیہ وسلم) کا عاشق نہیں تو مکہ کو دیکھ کے آنسو کیوں بہاتا ہے
کیا محبت میں رونے والا عاشق خیال کرتا ہے کہ بہتے آنسوؤں اور سوختہ دل کی آڑ میں محبت کا راز چھپا پاے گا

تیری آنکھوں کو کیا ہوا ہے کہ تو انہیں آنسو روکنے کیلئے کہتا ہے اور یہ بہائے جا رہی ہیں
تیرے دل کو کیا ہو گیا ہے کہ سنبھلنے کی بجاے مزید غمناک ہو رہا ہے
جب رات مجھے محبوب(صلی اللہ علیہ وسلم) کا خیال آیا تو میں رات بھر جاگتا رہا۔
درد محبت نے میرے چہرے پہ آنسو اور رخساروں پہ زردی پیدا کر دی ہے

اے غریبوں کا خیال رکھنے والے
اے دل گیروں کی دلجوئی کرنے والے
اے مظلوموں کا ہاتھ پکڑنے والے
اے سچ کہنے والے
سے گناہگاروں کا پردہ رکھنے والے
اے ازل کا نور
اے محمد صلی اللہ علیہ وسلم۔۔آپکے منہ میں آپ کے دانت ایسے ہیں جیسے سیپ کے اندر قیمتی موتی
اے اللہ آپ اپنے حبیب صلی اللہ علیہ وسلم پہ ابدی اور دائمی سلامتی نازل فرمائیں

اب امام بوصیری جھوم جھوم کے پڑھ رہے ہیں اور محمد عربی صلی اللہ علیہ وسلم ان کی محبت کو قبول فرماتے ہوئے ان کے ساتھ سن رہے ہیں
جب قصیدہ ختم ہوا تو آپ صلی اللہ علیہ وسلم اتنے خوش ہوے کہ انہوں نے اپنی چادر(بردہ) اتار کے انہیں مرحمت فرمائی
اس کے ساتھ ہی انکی آنکھ کھل گئی۔ دیکھا تو چادر ان کے پاس ہی رکھی ہوئی تھی
وقت دیکھا تو تہجد کا وقت تھا
امام بوصیری پندرہ سال کے بعد ہشاش بشاش صحت مند اٹھے ۔ فالج کا کہیں دور دور تک نام و نشان بھی نہیں تھا وضو کیا اور مسجد کا رخ کیا کہ تہجد ادا کریں
گھر سے نکلے تو ایک فقیر نے آواز لگائی
،،ہمیں بھی تو سناؤ وہ قصیدہ،،
امام بوصیری نے تجاہل عارفانہ سے کہا
کونسا؟؟
وہی جس کے بدلے یہ بردہ بھی ملا
مجذوب نے چادر کی طرف اشارہ کیا اور آنکھوں سے اوجھل ہو گیا
اس قصیدے میں 100 سے اوپر اشعار ہیں اور کسی شعر میں لفظ ،، بردہ،، استعمال نہیں ہوا
لیکن جو چادر آپ کو دی گئی اس کی مناسبت سے اس کا نام قصیدہ بردہ شریف زبان زد خاص و عام ہوا
اور آپ صلی اللہ علیہ وسلم نے اس کو شرف قبولیت سے نوازا تو آج تک اس کا ورد جاری ہے۔
مولا یا صل وسلم۔ دایما ابدا

کہتے ہیں محبت تب تک کامل نہیں ہوتی جب تک مرشد کا نام سن کر مزہ نہ آنے لگے!

ایک ملفوظ میں حضرت بابا خواجہ نظام الدین اولیاء نے حضور کی ایک حدیث کا تذکرہ فرمایا!
قرآن کریم پڑھا کرو کیونکہ روزقیامت اپنے پڑھنے والے کی شفاعت کرے گا___
پھر صحیح میں مسلم شریف کی ایک روایت کا زکر کیا جس میں رسول اللہؐ نے فرمایا!
''جو شخص قرآن مجید پڑھتا لیکن اسکی تلاوت میں اٹکتا ہے یعنی لکنت ہے تو اسکو دگنا اجر و ثواب ملے گا''
ایک دفعہ حضرت خواجہ امیر حسن علاء سنجری دھلوی نے عرض کی کہ اگر قرآن کریم حفظ کرنے کا موقع نہ ملے تو ناظرہ پڑھنے کی کیا فضیلت ہے؟
تو حضرت محبوب الہی نے جواب میں ارشاد فرمایا! کہ یہ بھی اچھا ہےاس میں آنکھوں کے لیے بھی سکون ہےمطلب یہ کہ اگر کوئی ناظرہ قرآن کریم کی تلاوت کرتا ہےتو بھی اس سے قلب و نظر کو سکون ملتا ہے____ پھر حضرت بابافرید الدین مسعود گنج شکر کے ایک ملفوظ کا ذکر کرتے ہوئے ارشاد فرمایاکہ حضرت بابا فرید فرماتے تھے کہ اگر کسی کو قرآن کریم حفظ نہ ہو رہا ہو تو وہ پہلے سورہ یوسف کو حفظ کرئےاسکو حفظ کرنے کی برکت سے پورے قرآن کریم کو یاد کرنے میں آسانی ہو گی ___ آپ نے مزید ارشاد فرمایا جو شخص قرآن کریم حفظ کرنے کا ارادہ کرئے لیکن پھرحفظ نہ کر سکے اور اسی حالت میں اسکا انتقال ہو جائے تو قبر میں فرشتے اسکو جنت میں ایک کھانے والی ایک چیز لا کر دیتے ہیں جس کو کھاتے ہی اسکو پورا قرآن یاد ہو جاتا ہے اور روز قیامت اسکو حفاظ کی صف سے اٹھایا جائے گا!
حضرت نظام الدین اولیاء محبوب ا لٰہی نے اپنے ایک اور ملفوظ میں ارشاد فرمایا کہ قرآن کریم کو ترتیل اور تردید کے ساتھ پڑھنا چاہئے___ تو حاضرین میں سے کسی نے پوچھا کہ تردید کیا ہے؟ تو آپ نے فرمایا تردید یہ ہے کہ قرآن کریم کو پڑھنے سے انسان کو ایک خاص قسم کے ذوق کی کیفیت حاصل ہو اس ضمن میں سیرت رسول ؐ کے ایک واقعہ کا حوالہ دیتے ہوئے ارشاد فرمایا کہ ایک مرتبہ سرکار دو عالم ؐ نے بسم اللہ الرحمن الرحیم کی تلاوت کی تو آپ کے قلب مبارک پر ایسی کیفیت طاری ہوئی کہ آپ نے اسکا 20مرتبہ تکرار فرمایا!

احضرت خواجہ امیر حسن سنجری فرماتے ہیں کہ قرآن خوانی کے 8آداب ہیں جن میں سے 5کا تذکرہ آپ نے ارشاد فرمایا پہلا ادب !
قرآن پڑھتے وقت اللہ سے لو لگائے رکھے دوسرا ادب جو کچھ تلاوت کر رہا ہے اس کے معانی کے اثرات اپنے دل پر محسوس کرئے تیسرا ادب قرآن خوانی کرتے وقت اللہ کریم کی عظمت و جلال کو اپنے دل پر طاری کرئے اس پر حاضرین میں کسی نے سوال کیا کہ یہ تو وہی ادب ہے جو آپ نے سب سے پہلے ارشاد فرمایا تو اسکا تکرار کیوں کیا؟
تو حضرت خواجہ نظام نے ارشاد فرمایا پہلے ادب میں اللہ کی ذات سے لو لگانے کا زکر ہے اور اس ادب میں اللہ کریم کی صفات کو اپنے دل پر طاری کرنا ہے چوتھا ادب تلاوت کلام پاک کرتے ہوئے خود پر شرم غالب رہے کہ میں اس قابل کہاں کہ مجھے قرآن کی دولت نصیب ہو لیکن پھر بھی مجھے یہ دولت عطا ہوئی۔پانچواں ادب۔ وہ اس بات پر یقین رکھے کہ قرآن خوانی کا اجر دینے والی اللہ کی ذات ہے اور وہ ضرور اجر عطا فرمائے گا____

تلاوت قرآن کریم کے آداب کے ضمن میں ایک مجلس میں حضرت محبوب الٰہی نے یہ آیت تلاوت کی ترجمہ! اور قرآن کریم کو ٹہر ٹہر کر پڑھا کرو''
پھر حضرت ام سلمیؓ سے مروی ایک روایت بیان کی جس میں انہوں نے رسول اللہ ؐ کی تلاوت کے عمل کو یوں بیان فرمایا کہ رسول اللہؐ جب قرآن کریم کی تلاوت کرتے تو آپ بڑھی وضاحت کے ساتھ حرف حرف نمایاں کر کے پڑھتے یہ بیان کرنے کے بعد حضرت محبوب الٰہی نے اپنی نماز پڑھنے کا ایک واقع بیان کیا کہ انہوں نے ایک دفعہ حضرت مولانا شرف الدین اما م کی اقتدامیں نماز پڑھی اور کہا کہ وہ بہت اچھا اور پر لطف پڑھتے تھے۔حروف کے مخارج کو انکے حق کے مطابق ادا کرتے۔اس کے بعد ایک اور صاحب کا ذکر بیان کرتے ہوئے ارشاد فرمایا کہ سنام کہ رہنے والے ایک مولوی صاحب تھے جنکا نام مولانا دولت یار تھا وہ بہت اچھا اور خوب پڑھتے تھے__اس علاقہ میں ان سے زیادہ اچھا کوئی اور نہیں پڑھ سکتا تھا!
حضرت نظام ا الدین اولیاء محبوب الٰہی نے ارشاد فرمایا کہ جس روز میں نے اپنے شیخ کریم حضرت بابا فرید الدین مسعود گنج شکر سے عرض کی کہ مجھے قرآن پڑھائیں تو فرمایا پڑھو عصر کے وقت فرصت ہوئی تو آپ باقاعدہ مخارج کے ساتھ قرآن پڑھاتے ولاالضالین کے ضاد کی ادائیگی پر حضرت بابا فرید الدین نے خاص تلقین فرمائی
پوچھا گیا کہ محبت کی اصلیت کیا ہے ارشاد فرمایا کہ دوستی کی صفائی ہے اس واسطے کے محبان حق دنیا اور آخرت حاصل کرنے کو اپنا شرف نہیں سمجھتے تھے تھے بلکہ وہ حق کو پا لینے کو اپنا شرف جانتے تھے۔۔پھر پوچھا گیا کہ محبت میں مصیبت کیوں ہوتی ہے ہے؟ارشاد فرمایا اس لئے کہ ہر کمینہ اس کا دعویٰ نہ کرے۔اور جب اس پر مصیبت پڑے تو پیٹھ نہ دکھا جائے

ارشاد فرمایا کہ شریعت میں خواہ دل حاضر ہو یا نہ ہو نماز درست ہوتی ہے۔مگر طریقت میں اصحاب سلوک کہتے ہیں کہ جب دل حاضر نہ ہو اور حق تعالیٰ کے سوا کسی اور کا خیال دل میں آئے تو نماز جائز نہیں ہوتی اسے دوبارہ پڑھنا چاہیے کیونکہ خیالات کا آنا نماز کا فاسد ہے ___!!!

شیخ الاسلام والمسلمین،حریق المحبت،شیخ بحر وبر حضرت بابا فرید الدین مسعود گنج شکر نور اللہ مرقدہ کے دربار پر انوار کی تازہ ترین تصاویر (فوٹوگرافر راؤ رضوان۔پاکپتن)

شجرہ نسب و شجرہ طریقت
شیخ الاسلام والمسلمین۔حریق المحبت۔شیخ بحر وبر حضرت بابا فرید الدین مسعود گنج شکر رحمت اللہ علیہ

مرشــد نے مُــریدوں پہ نظر ڈالی اور اپنا انار کھاتے کھاتے ایک ہونہار مرید کی طرف بڑھا دیا۔ مــرید نے انار ادب سے پکڑا مگر وہ چاہتا تھا کہ مرشد انار سے مستفید ہوں کیونکہ وہ بہت کم ہی کوئی چیز رغبت سے کھاتے تھے، اس نے دوبارہ وہ انار اپنے مرشد کی طرف بڑھایا اور کہا :
” حضرت آپ انار ہی تو شوق سے کھاتے ہیں، آپ ہی تناول فرمائیے، ہم تو روز کچھ نہ کچھ کھاتے ہی رہتے ہیں … ”
مرشـــــــد نے وہ انار اس مرید سے لے کر دوسرے مرید کی طرف بڑھا دیا جو بڑی حسرت اور رشک کے ساتھ اس انار کی جانب دیکھ رہا تھا، انار پکڑاتے ہوئے مرشد نے بڑی دھیمی آواز میں کہا :
ہرشخص کامقدراسےمل کررہتاھے
انار کھاتے کھاتے اس میں سے ایک دانا نیچے گرا، اللہ کے رزق کی بےادبی سمجھ کر پہلے مرید نے اس دانے کو نیچے سے اٹھایا اور کھا لیا، دانے کا اندر جانا تھا کہ اس مرید کے چودہ طبق روشن ہو گئے، زمین اور آسمان کے حقائق کی گتھیاں کھلناشروع ہو گئیں، اس نے گھبرا کر سارا انار کھا جانے والے ساتھی کی طرف دیکھا اور سوچا :
” ایک دانے نے میرا یہ حشر کر دیا ھے، جس نے سارا انار کھا لیا ھے اس کا کیا حال ہوا ہو گا …؟”
مرشد جو یہ ساری صورتحال دیکھ رہا تھا، بولا :
” بیٹا! جو کچھ تھا اسی دانے میں تھا جو تو نے کھا لیا، باقی انار بس انار ھی تھا! ”
اس نے گفتگو کو جاری رکھتے ہوئے کہا :
” دیکھو! اگر وہ اس دانے کو حقیر نہ جانتا اور اسے اللہ کی نعمت سمجھ کر تیری طرح لپک لیتا تو اپنی مراد کو پا لیتا، انسانوں کی اپنی اپنی قسمیں ہوتی ہیں، جس طرح فصلوں کی اپنی قسمیں ہوتی ہیں، کسی کو زیادہ پانی درکار ہوتا ہے، جب کہ وہی پانی دوسری فصل کے لئے نقصان دہ ہوتا ھے، کسی کے دل و دماغ کی گتھی سلجھانے کو ایک جملہ بھی کافی ہوتا ھے جبکہ دوسرے کے لئے ایک گھنٹے کا خطاب بھی بےکار و بےاثر ہوتا ھے، کسی کے لئے زمین پر کھڑے اونٹ پر ایک نظر ڈالنا ہی اسے رب سے ملا دیتا ھے اور کوئی شٹل میں خلا ؤں میں گھوم پھر کے آ جاتا ھے، مگر جیسا خالی جاتا ھے ویسا ہی خالی آ جاتا ھے، کسی بات کو ،کسی چیز کو حقیر مت جانو، ہو سکتا ھے جسے توں معمولی سمجھ کے حقیر سمجھ کےاس کیطرف دیکھنا گوارا نہیں کرتاوہی تیر ے لئےکامیا بی کی سیڑھی ہو وہی تیری ہدایت کا سامان ہو-- یاد رکھو بڑے سے بڑے تالے کی چابی چھوٹی ہی ہوتی ھے
، اس کے حجم کو مت دیکھو کام پر نظر رکھو
اور یہ دانہ کھانے والے کون تھے "
یہ حضرت بابا فریدالدین گنج بخش رحمتہ اللہ علیہ تھے

اللہ محمد چار یار حاجی خواجہ قطب فرید رحمھم اللہ علیہم