La Vie Mental health clinic

العلاج النفسي الجسدي Somatic Therapy

يعتبر من مدارس العلاج النفسي اللي بتشتغل علي اجسادنا وتحديدا علي الجهاز العصبي اللارادي

الأصابة النفسية بتحصل بسبب حاجة اكبر من قدرتنا علي التحمل وده بيخلي جهازنا العصبي يفضل في حالة من التاهب وده بيظهر علينا في شكل اعراض نفسية وجسدية

وهنا بيكون اللي محتاجينه هو الرجوع للامان وان الجهاز العصبي يتوقف عن الرتكيز علي التعامل مع الخطر واللي بيتسبب في الاعراض والمتاعب وأن التركيز يرجع علي العمليات الحيوية العادية زي تجديد الخلايا والهضم والراحة ومعالجة المشاعر

في العلاج النفسي الجسدي بنهيا للجهاز العصبي مساحة من الأمان والاحتواء فيقدر يتخلص من القلق والاضطراب مع زيادة قدرته علي التحمل أو اللي بنسميه المناعة النفسية

بنستخدم العلاح النفسي الجسدي مع معظم الحالات النفسية والمشاكل النفسية اللي حصلت بسبب صدمة زي القلق والاكتئاب واضطرابات الأكل واضطرابات النوم واضطراب ما بعد الصدمة

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

ازاي تدعم شريك مصاب بالاكتئاب؟
لو كنت في علاقة مع شخص بيعاني من الاكتئاب، بيكون طبيعي أنك تعاني من مزيج من المشاعر وبيكون عندك أسئلة كتير زي. ياتري الشريك حاسس بأيه؟ وأيه اللي ممكن اعمله علشان أساعد في دعمه؟ وأزاي أخد بالي من نفسي؟ وهل الأعراض دي هتأثر علي علاقتنا؟ وازاي نقدر نتغلق علي المشاكل مع بعض؟
كل الأسئلة دي طبيعية ومفهوم أنك تبقي عايز تدعم من تحب بأكتر حاجة تقدر عليها. وعلى الرغم من أن أسئلتك صحيحة، فمهم كمان تفهم أن تجربة كل شخص مع الاكتئاب بتكون تجربة فريدة من نوعها، ودي بعض الحاجات اللي ممكن تعملها علشان تساعد الشخص اللي بتحبه وعلشان تساعد نفسك.
- أعرف أكتر عن الاكتئاب من مصادر موثوقة (أسبابه وأعراضه وعلاجاته)
- افهم ايه اللي بيعنيه الاكتئاب فعلا
لأن في خرافات كتير عن الاكتئاب. فمثلا، الاكتئاب مش مجرد نتيجة للكسل أو الضعف. الاكتئاب لا يحتاج لسبب وانه زي أي مرض تاني ممكن علاجه. فلو مكنتش على دراية بالاكتئاب، فمهم تتغلب علي الأفكار المسبقة والوصم عن طريق تثقيف نفسك.

- ىممارسة الرعاية الذاتية لأن التعامل مع اكتئاب شخص آخر ممكن يكون مرهق جدا. فلازم تأخذ وقت لنفسك. وتبقي عارف أن دي مش أنانية. في الحقيقة أنتوا الأتنين هتكونوا في وضع أفضل لو خصصت وقت لحماية عقلك وجسدك وروحك بعادات زي: تناول نظام غذائي صحي، ممارسة الرياضة، الحصول على قسط كاف من النوم، المشاركة في الهوايات والأنشطة التي تستمتع بها، ممارسة إستراتيجيات الاسترخاء، قضاء بعض الوقت في الطبيعة، والبقاء على اتصال اجتماعيا

- اطلب العلاج والمساعدة
طبيعي تحس بالإحباط والغضب والانزعاج لما يصاب شخص بتهتم بيه بالاكتئاب لكن مهم جدا أن متسمحش للمشاعر دي بالتفاقم وهنا بييجي دور العلاج النفسي اللي بيساعدك علي الشعور بالدعم والتنفيس عن إحباطاتك وبيخليك واعي أكتر باحتياجاتك العاطفية كمان بيقدملك أجابات عن أسئلتك عن التعامل مع الاكتئاب اللي بيعاني منه شريكك أو أحد أفراد اسرتك

- خليك الشريك المصاب بالاكتئاب يحس دايما انك جنبه و
عبر عن دعمك وحاول تسمع وهما بيشاركوا مشاعرهم واعرض عليهم المساعدة في تحديد المواعيد أو القيام ببعض الأعمال اليومية اللي بيلاقوا صعوبة في عملها

- متاخدش اكتئاب الشريك علي محمل شخصي
الاكتئاب ممكن يخلي المصابين بيه يتصرفوا بطريقة بعيد عن العادي بتاعهم. ممكن يبقوا غاضبين أو سريعي الانفعال أو منسحبين أو غير مهتمين بالخروج أو أن يعملوا الحاجات اللي كانوا بيشاركوها معاك زي ما كانوا متعودين، الحاجات دي مش شخصية، ولا تعني أن الشريكك مبقاش مهتم لكن دي أعراض المرض اللي بيتطلب العلاج
- شجع على طلب العلاج
العلاج مهم جدا للتعافي من الاكتئاب. فتقدر تساعد اللي بتحبهم من خلال مساعدتهم على متابعة تناول أدويتهم وتذكر مواعيدها كمان تقدر تطمنهم بأن طلب المساعدة مش علامة ضعف أو حاجة ممكن يخجلوا منها.
- تقديم الأمل
امنح شريكك الأمل من خلال تذكيره بأسباب استمراره في الحياة، مهما كانت. والأسباب، واللي بتكون فريدة بالنسبة للفرد، ممكن تساعده على الصمود لفترة أطول لحد ما يهدا الألم.

- بين حبك
الاكتئاب ممكن يخلي الشخص يشعر بأنه عبء وانه لا يستحق الحب والدعم. فمهم نواجه الأفكار دي بشكل استباقي، خليهم يعرفوا أنك متفهم أن الاكتئاب بيؤثر على أفكارهم ومشاعرهم وسلوكهم وأنك (لا تزال) تحبهم.

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

الحمل مرحلة مهمة في حياة المرأة، بيصاحبها تغيرات جسدية وهرمونية وعاطفية مختلفة. بسبب ده بيكون مهم للسيدات الحوامل وأزواجهم وأسرهم أن يتعرفوا على تحديات الصحة النفسية المحتملة اللي ممكن تكون موجودة أثناء الحمل وده بيساعد علي الأستعداد بشكل أفضل والكشف المبكر عن أي مشكلات ممكن تحصل ومن التحديات دي

التقلبات الهرمونية
الجسم بينتج مستويات متزايدة من بعض الهرمونات زي البروجسترون والإستروجين والأوكسيتوسين أثناء الحمل. والتقلبات الهرمونية ممكن جدا يكون ليها تأثير على الحالة المزاجية.
التغيرات الجسدية وعدم الراحة

الانزعاج الجسدي والغثيان الصباحي والتغيرات في مظهر الجسم ممكن تتسبب في الشعور بالقلق أو الحزن عند بعض السيدات

اكتئاب ما قبل الولادة
الاكتئاب اللي بيحصل أثناء الحمل وكتير بتكون الأعراض مشابهة لأعراض الاكتئاب العادي زي الحزن المستمر، وفقدان الاهتمام بالأنشطة، ومشاعر اليأس.

قلق ما قبل الولادة
بعض السيدات ممكن يعانوا من قلق شديد أو خوف بسبب الولادة، أو صحة الطفل، أو قدراتها كأم.

وهنا بيكون التعرف على العلامات وطلب المساعدة من طبيب نفسي أمر ضروري مع دعم العائلة والأصدقاء واستخدام تقنيات الأسترخاء والنوم الكافي وممارسة الأنشطة البدنية الخفيفة كل ده بيساعد بشكل كبير في تحسين الحالة المزاجية

فهم ومعالجة تحديات الصحة النفسية أمر حيوي لصحة الأم والطفل. ومع الدعم والرعاية المناسبين نتغلب علي التحديات بنجاح.

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

خصم خاص علي كشف الأطفال وعلي جلسات تعديل السلوك مع العودة للمدارس ولفترة محدودة
كشف الاطفال ٣٠٠ بدل ٤٠٠ و جلسات تعديل السلوك ب ٢٠٠ بدل ٣٠٠

ولأن دور الأهل مهم فى تعزيز الصحة النفسية للأطفال

بنقدم خدمات متكاملة للصحة النفسية للطفل
علاج صعوبات التعلم (عربي و English وحساب)
الجلسات النفسية
المقاييس النفسية
اختبارات الذكاء
جلسات التخاطب
ورش وجروبات دعم الاطفال والأهل

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

بعض الأطفال ممكن يعانوا من صعوبات التعلم في مجالات مختلفة زي القراءة والكتابة والرياضيات أو حتى في فهم التعليمات واتباعها. وتحديد الصعوبات دي بيكون ممكن في كثير من الأحيان في وقت مبكر من الرحلة التعليمية للطفل.
من المهم أن نتعامل مع التحديات دي بالتعاطف والصبر والاستراتيجيات المناسبة لدعم الطفل بشكل فعال.

دي بعض صعوبات التعلم الشائعة
- صعوبة في القراءة والكتابة والتهجئة (الديسلكسيا)
- صعوبة في الفهم والعمل مع الأرقام والمفاهيم الرياضية
- صعوبة في المهارات الحركية الدقيقة، مما يؤدي إلى مشاكل في الكتابة والتهجئة والرسم
- صعوبة في التركيز، والنشاط الزائد، وصعوبة التحكم في السلوك بسبب اضطراب نقص الانتباه وفرط النشاط
- صعوبة في معالجة المعلومات التي يسمعونها بنفس الطريقة التي يتعامل بها الآخرون (أضطراب المعالجة السمعية)
- صعوبة تفسير المعلومات المرئية (أضطراب المعالجة البصرية)
- صعوبة في فهم وأستخدام اللغة المنطوقة (أضطراب معالجة اللغة)

في استراتيجيات بتستخدم للتعامل مع صعوبات التعلم زي خطط التعليم الفردية، والتدريس متعدد الحواس، واستخدام التكنولوجيا المساعدة، وتقسيم المهام، والتشجيع الأيجابي، والروتين المنظم، والتعلم التعاوني وفي بعض الحالات حسب شده الحالة بنحتاج للتدخلات العلاجية زي العلاج النفسي

بيستخدم الطبيب النفسي مجموعة متنوعة من التقنيات والاستراتيجيات لدعم الأطفال اللي بيعانوا من صعوبات التعلم. وعادة بنتبع نهج شامل في التعامل مع الأطفال، مبيركزش بس على المهارات الأكاديمية ولكن كمان على التنمية الاجتماعية والعاطفية والسلوكية.

ودي بعض الاستراتيجيات اللي ممكن تستخدم في العلاج النفسي لصعوبات التعلم:
1. خطط العلاج الفردية
2. العلاج متعدد الحواس
3. العلاج السلوكي المعرفي (CBT)
4. علاج النطق واللغة
5. العلاج الوظيفي لتنمية المهارات اللازمة للتعلم
6. التدريب علي المهارات الأجتماعية
7. التدخلات التكونولوجية المساعدة
8. التربية النفسية

ومن خلال الاعتماد علي نهج شامل وفردي بنقدر ندعم الأطفال اللي بيعانوا من صعوبات التعلم بشكل فعال ونسعاعدهم على النجاح دراسياً واجتماعيًا.

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

التعامل مع المشاعر المختلة للأطفال مش سهل ولكن مهم جدا لينا كأهل نعرف أزاي نتعامل مع المشاعر دي بهدف مساعدة الأطفال أن يتعلموا أزاي يتعرفوا علي عواطفهم ويديروها بطرق صحية وزيادة مرونتهم وذكاءهم العاطفي
ده دليل للتعامل مع المشاعر المختلفة اللي الأطفال ممكن يواجهوها:
السعادة
أكد سعادتهم وشجعهم على مشاركة لحظاتهم السعيدة. وعلمهم تقدير المتع الصغيرة في الحياة والتعبير عن سعادتهم بطرق إبداعية.
الحزن
نعترف بمشاعر الحزن من غير ما نقلل منها.
ونوفرلهم الراحة نسمعهم، وشجعهم على التعبير عن مشاعرهم من خلال الكلام أو الفن أو أشكال التعبير المختلفة.
الغضب
نتعرف على سب غضبهم من غير إصدار أحكام.
ونعلمهم أساليب تهدئة أنفسهم، زي التنفس العميق أو الراحة لفترة، مع تشجيعهم على التعبير عن غضبهم بطرق غير مدمرة
الخوف
اعترف بخوفهم وطمئنهم أن ممكن يحسوا بالخوف وان ده طبيعي وساعدهم على مواجهة مخاوفهم تدريجيًا، وقدم لهم الدعم والتشجيع.
الاشمئزاز
أفهم وتقبل مشاعر الاشمئزاز عندهم، مع إدراك أن كل شخص عنده اللي بيحبه واللي بيكرهه وشجعهم على التعبير عن مشاعر الاشمئزاز بشكل مناسب، وتجنب السلوك الفظ.
المفاجأة
شاركهم في دهشتهم، وشجعهم على التعبير عن ردود أفعالهم بشكل علني. كمان ساعدهم على اجتياز المواقف غير المتوقعة من خلال مناقشة النتائج المحتملة وطرق التعامل معها.
الغيرة
أعرف أيه أسباب مشاعر الغيرة من غير أصدار أحكام و شجعهم على التركيز على نقاط قوتهم وإنجازاتهم، وأن يكونوا سعداء بنجاحات الآخرين.
الملل
اعترف بمشاعرهم بالملل، وخليك مدرك أن مفيش مانع تحس أنك غير مهتم في بعض الأحيان. وشجعهم على إيجاد أنشطة أو هوايات جديدة تثير اهتمامهم، أو استخدام خيالهم لخلق المتعة في اللحظات المملة.
القلق
اعترف بقلقهم وطمئنهم أن مفيش مشكلة في أن يحسوا بالقلق. وساعدهم على تطوير استراتيجيات التكيف، زي التنفس العميق أو اليقظة الذهنية، وشجعهم أن يتكلموا عن مخاوفهم بصراحة.
الإثارة
شارك حماستهم وشجعهم على الاستمتاع باللحظة.وعلمهم أزاي يديروا انفعالاتهم بالطرق المناسبة، مع مراعاة مشاعر واحتياجات الآخرين في انفعالاتهم.

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

اضطرابات النوم، هي حالات ممكن تأثر على مقدار نومك أو توقيته أو جودته، وده بيتسبب في شعور بالتعب أثناء اليوم وصعوبة أداء الوظائف المطلوبة منك كنتيجة لده.
النوم هو عملية بيولوجية معقدة عقلك وجسمك بعدد بيعملوا عدد من الوظائف اللي بتساعدك تفضل بصحة جيدة؛ لذلك، وبسبب ده فبالإضافة للشعور بالتعب، فالنوم الغير جيد بيأثر علي صحتك النفسية والجسدية وعلى أدائك الدراسي أو العملي، وعلي علاقاتك الشخصية، وسلامتك
رغم وجود أنواع كتير جدا من اضطرابات النوم فدي الأنواع الأكثر شيوعا
الأرق وهو النوع الأكتر شيوعًا من اضطرابات النوم وبيسبب بصعوبة النوم وصعوبة الاستمرار في النوم.
توقف التنفس أثناء النوم (بيتوقف الشخص عن التنفس لمدة 10 ثوانٍ أو أكتر أثناء نومه)
فرط النوم (عدم القدرة على البقاء مستيقظا خلال النهار أو البقاء مستيقظا بصعوبة)
باراسومنيا ودي الة بتسبب سلوكيات غير عادية زي تناول الطعام أو المشي أو التحدث أثناء النوم
متلازمة تململ الساقين وهي حالة بتسبب الأحساس بالوخز في الساقين مع رغبة قوية في تحريكهم.
اضطرابات إيقاع الساعة البيولوجية والحالة دي بتسبب مشاكل في دورة النوم والاستيقاظ، ودي بيخلي الشخص غير قادر على النوم والاستيقاظ في الوقت المناسب.
الأعراض بتختلف من شخص للتاني حسب نوع اضطراب النوم اللي بيعاني منه. ودي بعض الأعراض الشائعة لاضطرابات النوم
بتستغرق أكتر من نصف ساعة للنوم كل ليلة
الاستيقاظ عدة مرات كل ليلة، وصعوبة العودة إلى النوم
الاستيقاظ مبكرًا جدًا بشكل متكرر
مواجهة صعوبة في الحركة عند الاستيقاظ لأول مرة
الشعور بالنعاس في كتير من الأحيان أثناء النهار أو تحتاج تاخد قيلولة بشكل متكرر
النوم في أوقات خاطئة خلال اليوم
الشخير بصوت عالٍ، أو اللهاث، أو إصدار أصوات اختناق، أو التحدث، أو عدم التنفس لفترات قصيرة أثناء النوم
الشعور بالوخز في ذراعيك أو ساقيك واللي بتتحسن مع الحركة أو التدليك، خاصة أثناء محاولة النوم
رج ذراعيك أو ساقيك بشكل متكرر أثناء النوم
اضطرابات النوم ممكن تنتج عن عوامل مختلفة بتأثر على إيقاع الساعة البيولوجية في الجسم، زي بعض الحالات الجسدية (القرحة أو الربو) والحالات النفسية (الاكتئاب أو القلق) والعوامل الوراثية والمواد زي الكحول والمنبهات وبعض الأدوية اللي ممكن تعيق النوم والجداول الزمنية الغير منتظمة والشيخوخة
علاج اضطرابات النوم بيختلف اعتمادًا على نوع الاضطراب اللي بتعاني منه ودي بعض خيارات العلاج

وجود بيئة نوم باردة ومظلمة وهادئة
أسلوب حياة نشط واتباع نظام غذائي صحي ومتوازن
العلاج في الصباح لإعادة ضبط إيقاع الساعة البيولوجية لديك
تمارين الاسترخاء لتقليل التوتر
العلاج السلوكي المعرفي لتعديل أنماط التفكير اللي بتسبب التوتر
الأدوية اللي بتساعد علي النوم واللي بتوصف في العادة لفترات قصيرة
المكملات الغذائية الطبيعية، زي الميلاتونين،

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

في الغالب الأطفال والمراهقين المصابين باضطراب القلق الاجتماعي بيعيشوا مع أعراض الأضطراب لحد مرحلة البلوغ من غير أي تشخيص أو أي نوع من المساعدة رغم أنه من أكتر أضطرابات الصحة النفسية شيوعا.

أضطراب القلق الأجتماعي عند الأطفال والمراهقين بيسبب خوف شديد من المواقف الاجتماعية أو أي مواقف يكون مطلوب فيها من الطفل أو المراهق أداء معين.

ورغم أن معظم المراهقين بيمروا بفترات من القلق الطبيعي واللي بيكون مرتبط بالتغيرات اللي بتحصل في فترة المراهقة، اللي بيعانوا من أضطراب القلق الاجتماعي بيكون عندهم خوف زائد غير متناسب مع المواقف .

وبتختلف أعراض الأضطراب حسب السن
فمثلا في فترة قبل المدرسة بتكون الأعراض: الخوف من الحاجات الجديدة - التهيج أو البكاء - التجمد - رفض الكلام

في سن المدرسة بتكون الأعراض أوضح زي مثلا
الخوف من القراءة بصوت عال أو من الإجابة على الأسئلة في الفصل - الخوف من الكلام مع باقي الأطفال - الخوف من الكلام مع المدرسين - الخوف من أداء الأنشطة - الخوف من طلب الأكل أو الوجبات حتي لو الطفل جعان - الخوف من حضور الحفلات زي أعياد الميلاد - الخوف من زيارة الأصدقاء - القلق من أحكام الناس
كمان الأطفال المصابين باضطراب القلق الاجتماعي بيكونوا أكتر عرضة من البالغين للإصابة بأعراض جسدية زي الصداع وآلام المعدة والغثيان.

فترة المراهقة أعراض الأضطراب فيها بتكون: الهدوء الزايد – الأنعزال طول الوقت – زيادة في الأنسحاب – التردد – السلبية - القلق الزائد من تقييم الأخرين السلبي – الخوف من الإحراج – الدراعات المتربعة والرأس المنخفضة معظم الوقت – قلة تعابير الوجه

أضطراب القلق الأجتماعي بيتسبب في مشاكل في كل مجالات حياة المراهق زي مثلا الأداء الضعيف في الدراسة وعدم القدرة علي تكوين صداقات أو المشاركة في أنشطة

في كتير من العلاجات الفعالة لأضطراب القلق الأجتماعي عند الأطفال والمراهقين زي العلاج السلوكي المعرفي والعلاج الأسري والأدوية كمان في أستراتيجيات للتاقلم ممكن يستخدمها الأهل والمدرسين والعلاجات دي بتساعد بشكل كبير في تخفيف القلق وبتساعد علي التأقلم وبيقدر الطالب يوصل لأداء أفضل في المدرسة وفي كل تفاصيل حياته اليومية

لو كان عندك طفل أو مراهق بتشك أنه بيعاني من أضطراب القلق الاجتماعي، فمهم تحاول تتواصل مع طبيب نفسي لأن عامل الوقت في العلاج بيكون مهم جدا واستمرار الاضطراب من غير تشخيص وعلاج، بيزيد الضعف اللي بيعاني منه الطفل او المراهق

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

سنوات المراهقة أحيانا بتكون وقت مكثف ومضطرب. وفي حين أن من الشائع أن المراهقين يكونوا متقلبي المزاج وسريعي الانفعال، إلا أنهم في بعض الأحيان بيواجهوا تحديات متعلقة بصحتهم النفسية والتحديات دي بتحتاج لعلاح

لما المراهق بيتعامل مع حدث صادم أو بيمر بتجربة مؤلمة، بنسأل نفسنا إذا كان أصيب باضطراب ما بعد الصدمة. خصوصا لو ظهرت عليه علامات الاضطراب زي الذكريات الصعبة عن الحدث، أو الكوابيس، أو الأنفعالات الزايدة، أو الخدر العاطفي، أو صعوبة التركيز في المدرسة.

اضطراب ما بعد الصدمة عند المراهقين لازم يتم التعامل معاه بجدية. وأحيانا أعراض الاضطراب بتكون مرتفعة بشكل خاص في الشهور اللي بعد الحدث الصادم وبتقل بعد كده لكن في أحيان تانية بتزيد والمراهقين بيعانوا من الأعراض دي لسنين طويلة لو متعالجتش
ومن ضمن المضاعفات مشاكل النوم المزمنة والاكتئاب، وتعاطي المواد المخدرة،

كل شخص بيعاني من اضطراب ما بعد الصدمة بشكل مختلف بعض الشئ وفي بعض الأحيان بتكون علاماته واضحة؛ وفي أوقات تانية بيعاني المراهقين من الأعراض داخليًا

دي الأعراض الأكتر شيوعًا لاضطراب ما بعد الصدمة عند الأطفال والمراهقين
* تكرار تذكر التجربة المؤلمة (فلاشباك)
* زيادة الكوابيس
* الأرق
* الشعور "بالخدر" والاكتئاب
* التحفيز بسهولة من خلال الحاجات اللي بتفكره بالحدث الصادم
* زيادة الغضب والتهيج
* الانسحاب من الأصدقاء، ومن الأنشطة اللي كان بيحبها
* مواجهة صعوبات في الدراسة،(صعوبة التركيز وصعوبة إكمال المهام)
* عدم الرغبة في الحديث عن الحدث الصادم
* الرغبة في تجنب أي شيء أو أي شخص مرتبط بالصدمة

العلاج المناسب بيساعد المراهقين ان يستوعبوا الصدمات اللي اتعرضوا ليها، ويتعلموا أزاي يتعاملوا معاها بحيث أن يقدروا يخرجوا من التجربة بمرونة أفضل

ومن العلاجات اللي بتقدر تتعامل مع اضطراب ما بعد الصدمة عند المراهقين بنجاح
*العلاج السلوكي المعرفي. وبيتضمن مساعدة المراهق على فهم أنماط تفكيره وردود أفعاله العاطفية/الجسدية تجاه الصدمة، وبيقدم أدوات لمساعدته على التأقلم.
*إزالة حساسية حركة العين وإعادة معالجتها (EMDR)..
بالأضافة للعلاج فالمراهقين ممكن يستفيدوا من بعض الأدوية حسب الحالة .

مهم نبقي عارفين أن المراهقين ممكن يواجهوا صعوبة في الكلام عن اللي حاسين بيه، أو عن الحدث المؤلم أو التجربة اللي وصلت لظهور الأعراض. وهنا بيكون دور المتخصص اللي ممكن ألمراهق يكون مرتاح في الكلام معاه.

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

هل طفلك بيعاني من التوتر؟
كأب أو أم مفيش حاجة بتكون بصعوبة أن طفلك يكون متوتر وفي بعض الأحيان بيكون واضح لما الطفل بيعاني من ضغط زائد أو توتر وتشوف أنه بيتصرف بطريقة مختلفة أو بيكون في عياط أكتر من العادي وغريزتك الأبوية بتقولك أن في حاجة غلط في الطفل

لكن في أحيان تانية بيكون مش واضح إذا كان طفلك بيعاني من التوتر ، وممكن نحس بالارتباك بسبب ده لأن في الحقيقة معظم الأطفال ميقدروش يقعدوا مع أهلهم ويقولوا ببساطة أنهم متوترين. كمان التوتر عند الأطفال بيظهر بطرق مختلفة عن توتر البالغين.

وكلنا بنعاني من الضغوط والتوتر من وقت للتاني، ولكن كبالغين ، بنقدر نحدد ده وبنلاحظ التوتر في أجسادنا مثلا بنحس بالصداع ، وسرعة ضربات القلب ، والشعور العام بعدم الارتياح.

وزي البالغين بيعاني الأطفال من التوتر كرد فعل على المواقف الصعبة اللي بتحصل في حياتهم. بسبب ده مهم نعرف علامات واعراض التوتر عند الأطفال علشان نقدر نساعدهم .

الأعراض الجسدية
صعوبة في النوم على الرغم من الشعور بالتعب أو صعوبة في الأستمرار في النوم

تغييرات في عادات الأكل عند الفطل (بيأكل أقل بشكل ملحوظ، أو حتي أكتر)
الكوابيس ونوبات التبول اللاإرادي

الصداع وآلام البطن

الأعراض السلوكية

الطفل المتوتر بيكون أكتر عرضة للانهيارات، مع استعداد أقل أن يتلزم بالقواعد في البيت.

عدم وجود رغبة عند الطفل في أن يشارك في الأنشطة اللي بيحبها
تراجع الطفل للسلوكيات الأقل نضجًا اللي كان تجاوزها

مص الإبهام ، وقطف الأنف ، وقضم الأظافر عند الأطفال الأصغر سنًا
سلوك عدواني ومتسلط من الأطفال الأكبر في السن

انخفاض ملحوظ في الدرجات والأداء في المدرسة خصوصا عند الأطفال الأكبر في السن

تحديد سبب توتر طفلك هو الخطوة الأولى علشان نساعده ومن الأسباب المحتملة للتوتر عند الأطفال

وجود جدول مزدحم وأنشطة كتير جدا مطلوب يعملها

ضغوط الدراسة أو الضغط الأجتماعي في المدرسة

صعوبة الانفصال عن الوالدين (قلق الانفصال)

ضغوط مالية في الأسرة أو أن أحد الوالدين بيعاني من ضغوط العمل

القلق علي صحة اللي الطفل بيحبهم

الطلاق أو انفصال الوالدين

موت حد الطفل بيب
الانتقال لبيت جديد و / أو مدرسة جديدة

الحياة في منزل أو حي غير آمن

المعاناة من البلوغ وتغيرات الجسم

المشاكل في دوائر أصدقاء الطفل

التعرض للتنمر

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

اضطرابات القلق هي مجموعة أمراض نفسية صعبة بتسبب قلق أو خوف كبير بيستمر وممكن يزداد سوء بمرور الوقت.

كلنا بنحس أحيانا بالقلق لأسباب مختلفة، ولكن مع الاضطراب القلق بيكون ثابت إلى حد ما وبيكون ليه تأثير سلبي كبير على نوعية الحياة.

في أنواع لاضطرابات القلق زي الرهاب، واضطراب القلق العام، واضطراب الهلع، والصمت الانتقائي عند الأطفال، واضطراب القلق الاجتماعي، وأنواع الفوبيا

اضطرابات القلق بتكون مصحوبة بمجموعة من الأعراض اللي بتختلف من شخص للتاني وكل مريض يكون ليه تجربة مختلفة وبتشمل الأعراض الشائعة

صعوبة النوم
دوخة
جفاف الفم
الشعور بالعصبية والقلق والذعر والخوف وعدم الارتياح
شد العضلات
الغثيان
سرعة ضربات القلب أو عدم انتظامها
تعرق أو برودة القدمين أو الأيدين
وخز أو تنميل في اليدين أو القدمين
عدم القدرة على الهدوء

محدش يعرف بالضبط أيه اللي بيسبب اضطرابات القلق، على الرغم من أن العوامل الوراثية، والبيئة، ومستوى التوتر، وتغيرات الدماغ، والصدمات كلها عوامل ممكن تلعب دور

في مجموعة متنوعة من الخيارات المتاحة لعلاج اضطرابات القلق. وبيقدر الطبيب النفسي يحدد العلاج الأفضل بالنسبة لحالتك.

العلاج النفسي ممكن يساعد جدا في تعلم أزاي ندير الجوانب العاطفية والمعرفية والسلوكية للقلق ومن أشكال العلاج النفسي الفعالة بشكل خاص لاضطرابات القلق هو العلاج السلوكي المعرفي (CBT). واللي بيركز على مساعدة الأشخاص في التعرف على الأفكار السلبية والتشوهات المعرفية التلقائية اللي بتساهم في الشعور بالقلق كمان في أدوية مختلفة بتساعد في التخفيف من أعراض القلق بشكل كبير

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

العلاج السلوكي المعرفي (CBT) هو نوع من العلاج النفسي بيساعد الأشخاص علي تحديد وتغيير أنماط التفكير اللي بتسببلهم مشاكل واللي ليها تأثير سلبي على سلوكهم وعواطفهم. وبيجمع بين العلاج المعرفي والعلاج السلوكي عن طريق تحديد أنماط التفكير أو الاستجابات العاطفية أو السلوكيات اللي بتعوق قدرتنا على التكيف واستبدالها بأنماط مرغوبة ومفيدة.

بيركز العلاج السلوكي المعرفي على تغيير الأفكار السلبية التلقائية اللي بتساهم في تفاقم الصعوبات العاطفية وبتزود الاكتئاب والقلق واضطرابات المزاج وبنقدر نستبدلها بأفكار موضوعية وواقعية أكتر.

بنستخدم العلاج السلوكي المعرفي في علاج مجموعة واسعة من مشاكل الصحة النفسية زي
الأدمان
مشاكل الغضب
القلق
الأضطراب ثنائي القطب
الاكتئاب
اضطرابات الاكل
نوبات الذعر
اضطرابات الشخصية الشخصية
أنواع الرهاب

بالإضافة لحالات الصحة النفسية العلاج السلوكي المعرفي بيساعد كمان في
التعامل مع
الآلام المزمنة أو الأمراض الخطيرة
الطلاق أو الانفصال
مشاعر الحزن أو الخسارة
الأرق
تدني أحترام وتقدير الذات
مشاكل العلاقات
ادارة الضغوط

غير أن العلاج السلوكي المعرفي بيساعدك علي تكوين أنماط تفكير صحية فهو كمان علاج فعال وسريع وبتقدر تحس بتحسن بعد عدد قليل من الجلسات من 5 ل 20 جلسة وبتقدر تستفيد منه وجها لوجه أو اونلاين ومفيد سواء مع استخدام الأدوية أو من غيرها

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

التربية الواعية بتركز على أن تبقي موجود بشكل واعي في تفاعلاتك اليومية مع أطفالك كطريقة لتربية أطفالنا متجذر فيها التفاهم والتقبل والهدف من ده هو تأسيس علاقة أيجابية أكتر بين الوالدين والطفل في الوقت اللي الطفل بيتعلم فيه المهارات اللي هيحتاجها في حياته

بصفتك أحد الوالدين، بتكون من الوظائف الرئيسية ليك تربية الأطفال بالمهارات والمعرفة اللي بيحتاجوها للنمو وعلشان يعيشوا حياة سعيدة ومرضية. وده بيعني الأهتمام بالسلوكيات التي هتساعدهم على الازدهار وتصحيح السلوكيات اللي ممكن تعيقهم.

السلوكيات سواء كانت ايجابية او سلبية مبتحصلش من فراغ. بتحس أنت وطفلك بمجموعة من المحفزات الداخلية والخارجية وبتتفاعلوا معاها. التربية الواعية بتتعلق بالتواجد الكافي في اللحظة التي بتكون فيها واعي بالسياق اللي بتحصل فيه المشاعر والسلوكيات.

الفوائد التربية الواعية هي:
*بيكبرالطفل وهو عنده مهارات تنظيم عاطفي أفضل ومهارات اتخاذ قرارات اجتماعية أفضل

*بيميل الطفل لأن يكون عنده أحساس اكبر بالأمان وصبر وقدرة على التعاون والمشاركة - كل السمات اللي بتؤهله للنجاح في العمل وفي حياتهم الشخصية

*العلاقة الإيجابية بين الوالدين والطفل بتخلي الأبوة والأمومة أقل توتراً بمرور الوقت. لما بيتحسن كل من الوالدين والطفل في التنظيم العاطفي والتعاطف والتسامح، بيكون من الممكن التغلب على تحديات النمو بطريقة منفتحة وصادقة أكتر.

*حتى لما مبتتفقش أنت وطفلك وده لازم يحصل هتقدروا تعالجوا المشكلة كفريق واحد بدل من المواجهة من غير حل.
المفتاح هنا هو أن الأهل لازم يمارسوا اليقظة مع نفسهم مش بس مع أطفالهم. لما تكون واعي أكتر بمشاعرك وتتعلم الاعتراف بها وتتسامح معاها بدل ما تحكم عليها ، هتقدر تكون نموذج أفضل للتنظيم العاطفي وحل المشاكل واتخاذ القرار بالنسبة لطفلك.

وكونك مدرك أكتر لمشاعرك ولمنظورك هيخلي سهل عليك تتعاطف أو على الأقل تدراك أفكار طفلك ومشاعره. ومن خلال فهم السياق العاطفي الكامل لسلوك طفلك ، هتقدر تحدد الأسباب بشكل أفضل وتوصل لحلول تعالج بيها المشاكل.

بترتكز التربية الواعية على المبادئ الخمسة دي
*استمع باهتمام كامل. وده معناه الاستماع الحقيقي بدون تشتيت بهدف الفهم الدقيق لكل اللي بيقوله طفلك.

*تقبل نفسك وطفلك من غير احكام. كل الناس بتغلط أو مبيكونوش علي مستوي التوقعات في بعض الأحيان. أنت مش هتكون مثالي طوال الوقت، وطفلك مش هيكون مثالي طول الوقت.

*خلي عندك إدراك لنفسك ولطفلك عاطفيًا. في أي موقف حاول الأول تفهم احتياجاتك واحتياجات طفلك العاطفية. حتى لو كنت بتعتقد أن أن المشاعر دي في غير محلها متتجاهلهاش. لأن أيا كان المشاعر دي صحيحة أو لا لازم نتعامل معاها علشان نقدر نكمل

*نظم عواطفك وسلوكك الأول. متردش علي طول، فكر الأول في حالتك العاطفية وفي الموقف. حتى لما يكون الموقف بيستدعي الانضباط ، أعمل ده بهدوء ومن غير ما تبين غضب أو أحباط.

*خليك رحيم ومتسامح تجاه نفسك وتجاه طفلك. الأطفال بيحتاجوا لتطمينات بأنهم لسة محبوبين ومقبولين حتى لما بيعملوا حاجة غلط

للحجز والاستعلام:
01009591496
0227905269

العنوان:
٦ شارع مديريه التحرير جاردن سيتي القاهره

علاج المشاكل النفسية الجنسية
المشاكل النفسية الجنسية هي المشاكل الجنسية اللي اسبابها بتكون نفسية في الأصل وغير فسيولوجية. وبتحصل نتيجة الضغوك والقلق والاكتئاب والصدمات وأسباب تانية مختلفة.
وبتختلف في شدتها وكثافتها فبض المشاكل دي بيكون خفيف ومؤقت والبعض بيستمر لفترات طويلة

العلاج هيساعك تفهم أيه هي أصول الصعوبات اللي بتواجهها. عادة بيكون التركيز على كشف الأسباب الكامنة اللي ورا الصعوبات أكتر من الصعوبات الجنسية نفسها.

وعن طريق العلاج بنعرف الإستراتيجيات اللي ممكن تساعدنا في إدارة الصعوبات والمشاكل الجنسية اللي بتواجهنا بشكل أفضل

بنحاول نوصل لخطة علاج فريدة بناءا علي تفاصيل حالتك والتقييم الأولي والصياغة النفسية اللي بنطورها لصعوباتك وتقييم الطبيب النفسي المتخصص في المشاكل النفسية الجنسية

للحجز والاستعلام:
01014688118
01009591496
0227905269

العنوان:
٦ شارع مديريه التحرير جاردن سيتي القاهره

دورة المقاييس النفسية والتخاطب
للمتخصصين

للحجز والاستعلام:
01009591496

العنوان:
٦ شارع مديريه التحرير جاردن سيتي القاهره

اضطراب تشوه الجسم (BDD) هو حالة صحة نفسية بتتسبب في انشغال مفرط وغير صحي بالمظهر الجسدي
في حين أن كتير من الناس بيميلوا للتركيز علي الشكل العام للجسم أو الحجم الجسدي العام، فالمصاب باضطراب تشوه الجسم بيركز بشكل كبير على جزء معين من الجسم أو علي سمة معينة. وبتظهر الأفكار عن العيب المحدد بشكل متكرر وقوي وغالبًا بيستهلكهم وبيكون عقبة قدام أحساسهم بالسعادة وقدام أدائهم اليومي.

مع الأضطراب ده في الغالب الشخص بيكون مشغول بعيب أو سمة بالكاد يمكن ملاحظتها ، وممكن تكون حتى غير موجودة.

بيختلف اضطراب التشوه الجسمي (BDD) عن مخاوف صورة الجسد العادية في أن الأفكاربتكون مستمرة ومتطفلة ، وبتتسبب في ضيق شديد وبتأثر على السلوك والأداء.

والأفكار دي ممكن تظهر في أي وقت من غير سابق إنذار، وبغض النظر عن مدى صعوبة المحاولة، في الغالب هتواجه صعوبة في إيقاف أو تغيير أفكارك عن الخلل المتصور.
السلوكيات اللي بتظهر علي المصابين بالأضطراب بتشمل:
تغيير أوضاع الجسم بشكل متكرر
ارتداء ملابس لإخفاء أجزاء أو سمات معينة من الجسم
الاستخدام المفرط للماكياج
المبالغة في التركيز على أجزاء الجسم الأخرى والسمات الجسدية الأخري
فحص المظهر بشكل متكرر في المرايا
البحث عن جراحات تجميلية وإجراءات تجميلية باستمرار
السعي للطمأنة من الآخرين عن السمة دي أو الجزء ده من الجسم بشكل مفرط
شد الجلد

غالبًا بينخرط الأشخاص المصابون باضطراب التشوه الجسمي في سلوكيات متكررة في محاولة معالجة المخاوف الجسدية. وعلى الرغم من الساعات اليومية الطويلة اللي بيقضوها في ممارسة السلوكيات دي، فأي أحساس بالراحة بيكون قصير المدى.

مفيش سبب محدد للاضطراب لكن بيتأثر بمجموعة متنوعة من العوامل زي سوء المعاملة، الأحداث الصادمة، التنمر، الأستعداد الوراثي والتفاعل الأجتماعي والشخصي

لو كنت أنت أو حد من أفراد أسرتك بتتعامل مع اضطراب التشوه الجسمي ، فممكن تحس بالتردد في أنك تبدء العلاج النفسي. في العادي المصابين بالأضطراب بيشوفوا أن العلاج النفسي مش هو الحل المناسب لمخاوفهم.

وممكن تكون طلبت المساعدة بالفعل بطرق تانية ، زي الناس اللي بتشتغل في الميكب وصالونات الشعر و وجراحي التجميل وأخصائيين التجميل وأطباء الأمراض الجلدية وأطباء الأسنان (حسب السمة الجسدية اللي مسببة المشكلة). بهدف إصلاح الخلل الملحوظ أو تحويله أو إزالته.

ورغم ان ده يبان صعب لكن الحقيقة أن العلاج النفسي ممكن يكون مفيد جدا لأنه بيعالج الأفكار والمشاعر المتعلقة بالمخاوف الجسدية باستخدام أنواع العلاج النفسي الفعالة زي العلاج السلوكي المعرفي وبعض الأدوية وأليات التأقلم

للحجز والاستعلام:
01009591496
0227905269

العنوان:
٦ شارع مديريه التحرير جاردن سيتي القاهره

أزاي تزود ثقتك في نفسك؟ 9 نصائح مفيدة
الثقة بالنفس هي الشعور بأنك مؤمن بقدراتك وبصفاتك وبحكمك علي الأمور وبقدرتك علي النجاج.

ممكن يكون عندك شعور عام بالثقة في قدرتك على التحكم في حياتك، أو ممكن يكون أحساسك بالثقة مرتبط بمواقف معينة. فمثلا ممكن يكون عندك ثقة عالية بالنفس في مجال معين لكن بتحس بثقة أقل في مجالات تانية.
الثقة بالنفس مهمة جدا للصحة النفسية وكمان بتساعدك أن تبقي ناجح أكتر في حياتك الشخصية والمهنية ومستوي ثقتك في نفسك بيأثر بشكل كبير علي أزاي بتقدم نفسك للناس

في 9 طرق تقدر من خلالها تزود ثقتك بنفسك وهي
1 توقف عن مقارنة نفسك بالأخرين

2 خلي الناس اللي حواليك ناس أيجابيين في حياتهم وفي نظرتهم ليك

3 أهتم بجسمك وبصحتك عن طريق الأكل الصحي والرياضة والتأمل والنوم
الكافي المنتظم

4 تعاطف مع نفسك وعامل نفسك بطيبة ولطف لما تعمل حاجة غلط أو تتعرض لفشل أو أنتكاسه

5 مارس الحديث الذاتي الإيجابي "لأن الحديث السلبي مع النفس ممكن يحد من قدراتك ويقلل من ثقتك بنفسك عن طريق إقناع عقلك الباطن بأنك "متقدرش تتعامل مع" شيء ما

6 واجه مخاوفك ومتاجلش الأمور لحد ما تحس بثقة أكتر جرب وهتعرف ان الشعور ببعض القلق او ارتكاب بعض الأخطاء مش بالسوء اللي كنت متخيله

7 أعمل الحاجات اللي بتجيدها وشاطر فيها

8 أعرف أمتي تقول لا وتحافظ علي حدودك

9 خلي أهدافك واقعية وقابله للتحقق

للحجز والاستعلام:
01009591496
0227905269

العنوان:
٦ شارع مديريه التحرير جاردن سيتي القاهره

كلنا بنعاني من القلق من وقت للتاني، ولكن لما بتتحول مشاعر التوتر اليومية العادية لمشاعر خوف شديدة ومستمرة، فهنا ممكن نفكر في احتمالية تشخيص أضطراب القلق وأن محتاجين مساعدة
معظم الناس في بعض الأحيان بيحسوا بالقلق علي صحتهم أو وظيفتهم أو المشاكل المالية أو الأسرية ، لكن مع اضطراب القلق بيكون القلق علي نفس الحاجات مستمر ومفرط

في أنواع مختلفة لاضطرابات القلق زي مثلا اضطراب القلق العام، واضطراب القلق الاجتماعي (الرهاب الاجتماعي)، واضطراب قلق الانفصال. وممكن يحصل اصابة بأكثر من اضطراب قلق في نفس الوقت. واحيانا اضطراب القلق بيكون بسبب حالة طبية محتاجة تتعالج

الأعراض الشائعة للقلق بتكون👇🏼
الشعور بالعصبية والتوترالمستمر
صعوبة في الأسترخاء
صعوبة في التركيز علي المهام المختلفة
الشعور بالخطر أو أحساس الذعر أو التشاؤم
صعوبة في النوم
مع أعراض جسدية زي 👇🏼
الشعور بالضعف أو التعب
صعوبة البلع
أستخدام الحمام بكثرة
زيادة في ضربات القلب
التنفس الزائد
التعرق
الارتِجاف

والحقيقة أن المخاوف دي مش هتختفي من نفسها وممكن جدا تزيد مع الوقت وتتداخل مع كل حاجة في حياتك اليومية وتعطلها وتأثر عليها بشكل كبير لو متعالجتش

خيارات العلاج المختلفة زي العلاج النفسى والأدوية واستراتيجيات الرعاية الذاتية وتغييرات نمط الحياة ممكن جدا تساعدك في إدارة قلقك فتقدر تعيش حياة أفضل في البيت والشغل وفي علاقاتك ودايما العلاج بيكون أسهل لو بدأنا بدري

للحجز والاستعلام:
01009591496
0227905269

العنوان:
٦ شارع مديريه التحرير جاردن سيتي القاهره

كل عام وانتم بخير ❤️

اللي بتقوله في الجلسة بيفضل في الجلسة

أحيانا الناس بتكون غير منفتحة بشكل كامل في جلسة العلاج النفسي أو حتي بيخافوا يبدأو الجلسات بسبب خوفهم من مشاركة اللي بيتقال في الجلسة مع أي حد وده ممكن يتسبب في صعوبة العلاج وتأخره

والحقيقة أن ده قلق مفهوم طبيعي رغم أن اللي بيتقال في جلسة العلاج العلاج النفسي مبيخرجش في أي مكان أو لاي حد لأن حماية خصوصية المريض هي أهم جزء في الكود الأخلاقي للمعالج.

فلو كانت السرية والخصوصية مصدر قلق ليك، اتكلم مع المعالج او الدكتور في ده وهو بدوره هيطمنك علي الصرامة في موضوع الخصوصية وان اللي بتقوله مش هيخرج بره العيادة

كمان هيساعدك تفهم أنت ليه ممكن تكون متحفظ زيادة مع أفكارك ومشاعرك الخاصة ويساعدك تتعامل معاها بشكل مريح أكتر ليك

للحجز والاستعلام:
01009591496
0227905269

العنوان:
٦ شارع مديريه التحرير جاردن سيتي القاهره