Marwa Abu Zeid

منكم لله يا بُعده 😅🤭

مش مسامحكم ليوم الدين ...

طيب وبعدين؟؟؟

قلبك هيصفي أمتي ؟؟

يصفي أيه دا شايل كتير كتير اوووي...

محدش عالم بالجواه غير ربنا...

يصفي من أيه ولا أيه ؟؟
ولا مين ولا مين؟؟؟

أسكت خلينا كاتمين .....

طيب هقولك علي حاجه بسيطة ::

هو مين الي مكدر نفسه وتعبان وقرفان....

أنت ولا الي زعلان منهم....

أكيد اجابتك (أنا )طبعا .......

بس هعمل ايه ...؟؟

أصل الي عملوه مش كفايه....

مينفعش فيه كلام ولا سماح....

هقولك تاني أنت الي تعبان ...

شيل عنك الحمل هما ولا هما هنا...

أنت الي مش هنا ..

عايش في الم الي عملوه فيك وقالوه عنك ...

أنت الي شايل حمل يهد جبال....

مش هقولك سامح والكلام دا ...

بس هقولك شيل عنك الحمل دا ..

وابعد عن.....

اي تفكير يعكر صفو قلبك وفكرك ..

أنت أهم علي فكرة 🤗

99% من مشاكلنا كلها تتلخص........

يأما خايفين .

يأما حزنانين.

ليه بقي؟؟؟

أننا عايشين في( الماضي) أو( المستقبل)

(ماضي) = حزن وندم ...

(مستقبل )= خوف

عايشين أزاي يعني

ماأحنا موجودين أهو
موجودين بأجساد بس لكن

عايشين بفكرنا بمشاعرنا في حته تاني خالص

وهنا طاقتنا بتخلص وأحنا بنخلص معاها

علشان كدا ربنا قال آية مهمه اوووي

{لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ}

الحل أيه طيب ...؟؟؟

كل لما ألقي نفسي مهموم أو خايف
أسأل نفسي ؟؟؟

خايف هبقي عايش فالمستقبل ...
مهموم هبقي عايش فالماضي ...

وهناك مش هعرف أختار أني أغير حاجه

لكن الوقت بوقته
هو دا اللي ليا( الاختيار) فيه

هنا ودلوقتي بس الي أعرف( أختار ).......

التصنيف‼️

فلان حلو فلان وحش ...

لا أصله بخيل أصلها خاينة ومستهترة .....

أزاي تسيب بيتها وولادها .....

هو أزاي عينه زايغه كدا ....

أيه مابيراعيش ربنا دا مفتري ....

أصلها طلعت غلبانة أوووي ...

طلعت كدابة ....

طلع حرامي ...

أنت كدا بتعمل أيه بتنمي عضله #الكِبر حضرتك 🚫

كِبر ايه أعوذ بالله

اللي هو!!

"لا يدخل الجنة من كان في قلبه مثقال ذرة من كبر"،

والكِبر دا هيدخلك كمان في دايرة تانية انك تُحكم ع نوايا الي قدامك

ودا كِبر فوق الكِبر كمان .....

خليك فاكر دايما بلاش🔻

تصنيف ❌
تدخل في النوايا ❌
الحكم ع الناس❌

القرار دا غلط😳

وبعدين بقي ياخلف😅

عرفت أزاي؟؟؟

لقيت نفسي منجذب ليه كدا
وماشي وراه وهموت وأختاره🤣

أزاي أعرف الفطرة من الش**ة ؟؟؟

هقولك
بسيطة أووووي

(الش**ة) أستغفر الله ش**ة إيه بس
الكلام دا عيب وحرام
أنت دماغك راحت لإيه بس ✋🚫
الش**ة :الرغبة الشديدة و(المُلحة )
واخد بالك مُلحة⛔
لاي شئ ممكن يكون الشئ دا (أكل _لبس_شراء_كلام_ظهور.............
ليه بقي؟
لارضاء الشعور والنفس ...

أما الفطرة بقي
الطبع السوى المستقيم التي تتطلبه أنسانيته وبشريته
ليس لها ألحاح
جت جت
ماجتش ماجتش
مش هتموت عليها لو ماتعملتش
يبقي أول لما تلاقي نفسك هتموت وتعمل الحاجه أعرف علي طول أنها ش**ة
بسيطة أهي 🤷

الست الي ب ١٠٠ راجل ....

أنجليزي دا يامرسي 🤭

أزاي الأنثي تقبل أنها تتوصف ب ١٠٠ راجل أو حتي براجل واحد

الأنثي هتفضل أنثي من غير ما تبقي زي الذكور

ماينفعش تتنازلي عن أنوثتك
وتقولي أنا ب ١٠٠ راجل ...

العقل الاواعي بيستجيب علي فكرة

وترجعي تزعلي
وتقولي أنا مش قادرة علي دا كله
أنا راجل وست في بعض


قال قال !!!!!!
ربنا كرمك أصلا من قبل لما يعملولك

هون علي نفسك

ليه شايل كل الهموم دي ...؟؟؟

❇دا ربك قالك :
《لايُكلف الله نفساً إلا وسعها 》

تروح أنت الي تشيل نفسك!!
▪️أرحم نفسك وسامحها لما تغلط
▪️هون علي نفسك وصدقها أنها غالية وقيمتها عالية فوق ماتتخيل ..

❇دا ربك قالك :
《ولقد كرمنا بني آدم 》...

▪️أرحم نفسك وأتعلم تحترمها وأرفض أنك تعيش دور المظلومية الي أنت حاطط نفسك فيها ..
▪️هون علي نفسك وقولها كلام حلو كلام يحسسها أنها قيمة مش لازم تستني من بره..
▪️أرحم وهون علي نفسك لانها أقرب حاجة ليك
معاك طول الوقت ..

Marwa Abu Zeid updated their business hours.

أطلعوا
من
راسي 🤕🤕

طيب هو إيه الي دخلهم راسك أصلا ...

فتحوا دماغك ودخلوا مثلا 🤷

ولا أنت الي دخلتهم ؟؟؟

أنت الي أختارت أنهم يدخلوا بأفكارهم

وبتحكماتهم ...

بأرائهم وبتدخلاتهم ...

أنت الي دخلتهم ...

مينفعش تقولهم اطلعوا ...

الي حضر العفريت يصرفه بقي 👿

أنت عايز ايه ❓❓❓

لو أنت مسافر إسكندرية⛱

وأخدت طريق مصر إسكندرية 🛣

ومعاك عربية سرعتها بطيئة ولكنها بحاله جيدة 🚙

هتوصل صح❓

اه ✔✔✔

ممكن توصل متأخر حبتين تلاته
لكن هتوصل

أنت واخد الطريق الصح✔

لكن لو رايح أسكندريه⛱
وأخدت طريق السويس 🛤

أوأي طريق يقابلك مشيت فيه

ومعاك عربية أحدث موديل وسرعتها تفوق الخيال🚘

هتوصل بسرعه جدا💥💥

لكن استني✋

هتوصل فين بسرعه ❓

هتوصل لطريق تاني ‼️

حاجة أنت مش عايزها اصلا 🚫

وصلت غلط ❎

مش هنا الطريق 〽️

البوصلة فين ❓

الوجهه فين ❓

أنت محددتش أصلا ✋✋

أنت عايز أيه ❓

حاول تكون أنت.. 😳

أزاي يعني ❓❓

ماهو أنا أنا ياجدع في حد غيري يعني😎

هقولك أستني واحدة واحدة✋

▪️أقبل عفويتك & عشوائيتك

▪️حاول تحافظ علي الي باقي ليك من فطرتك

▫️حاول تشوف النور الي في طريقك& فحياتك
أكيد هتلاقي
ماهي مش كلها ضلمة يعني🤕

▪️حاول تتقبل إنسانيتك

▫️▪️أخطائك عيوبك

أقبلها وقر بيها وقول ماهو أنا بشر عادي يكون ليا أخطاء

🚫بس الي مش عادي أني أكمل في الخطأ دا

وهنا بقي بيحصل التصنُع
بيحصل أنك بتنكر ذاتك

بتنكر أنك ممكن تخطأ

بتتمسك بالمثاليه

وتحط نفسك فيها🔻🔻🔻🔻

أقبل بشريتك وإنسانيتك

وحاول تكون أنت🤷

أنا تعبت بقي🙈

كورسات في ادارة الذات وكورسات تانية في التحكم في الذات !!!

هو إدارة ولا تحكم ياناس ياهووووووو✋

طيب تعالوا نشوف إيه هو التحكم وإيه الادارة
وايه الصح وإيه الغلط 🤌

التحكم:
يعني انا بعمل الشئ وعليا انا النتيجة
ولازم ولابد ان النتيجة تكون زي لما انا عايز
تحكم سيطرة بقي

أما الادارة بقي :
اني عليا الاختيار وليس النتيجة
النتيجة دي تكون زي لما تكون
انا في سلام مع الي يحصل أياً ماكان وما سيكون
علي فكرة

🔻إحنا خلقنا ضعفاء جدا جدا
(وخلق الإنسان ضعيفا)

🔻إحنا خلقنا للإختيار وليس للتحكم
والإختيار هنا هو السعي
(وأن ليس للإنسان إلا ماسعي )