مزهر - mozher

خليكم waterproof ☺️

متخليش المواقف السيئة و السخيفة تتغلغل فيك و تشبعك و تشبع منها أو تأثر عليك ..حاول تطرد كل التراهات و التفاهات و تبعدها عنك زي بالظبط جاكيتك الووتربروف اللي بيحميك من المطر و التراب ..
قدرة عقلك و وعيك علي انها تطرد ما يعكر عليك صفو حياتك زي بالظبط قدرة جاكيتك الجميل الووتربروف ..
اسمع من هنا و طلع من هنا ..بس مهم تفكر و متتجاهلش بالمرة ..
تشبعك بالمآسي هيغرقك و عمرك مهتعرف تعوم و تعلي بالظبط زي البط الحلو ده هو قادر يعوم و يستمتع عشان ريشة ووتربرووف و بيطرد الماية ..
ربنا يقدرنا و نعمل كدة 😀

#مُزهر_mozher

"لا تتزوجي إلا بمن تُحبين.''

نعوذُ بالله أن نجعلَ من الزواجِ سِجـنًا ونحوِّل المودةَ
والرحمةَ لحقٍ وواجبٍ بعد زواجٍ لم يقمْ على الحبِّ والقبولِ بيننا..

حتى و إن كان شخصًا يراه الجميعُ مُناسبًا لكِ و لم يصلْ إلى قلبك أنتِ فَـ من حقك الرفضُ بدون أي تأنيبٍ أو مُحاسبة لنفسك!

هذا ليس ظلـمًا إنما الظلـمُ الحقيقي أن تلقي بعمرِك لا لشيءٍ إلا لأنك خالفتي شعورَكِ و اتبعتي شعورَ من حولك.''


-الشِّيخ/ وجدان العليّ.

✨عادة ما يتسم الشخص السيكوباتي بجاذبية لا تقاوم و هي الغطاء الذي يجذب به الجميع حتي يثقون فيه ثم يظهر وجهه الحقيقي المضطرب ..
✨تعتبر الشخصية السيكوباتة من أخطر انماط الشخصات المضطربة حيث أنها تتميز بالعدوانية الشديدة و الاستعانة بمشاعر الآخرين و التي تصل حد الانتهاك ..
✨من اهم علامات تلك الشخصية :

_الميل للخداع و الغش و الكذب و الاحتيال، حيث أنه بارع في إظهار الجانب المثالي من شخصيته بهدف تضليل الآخرين و الوقوع بهم .
_التهور و الاندفاعية بسلامة نفسه و الآخرين .
_ عدم تحمل المسؤلية مما يؤثر علي عمله و علاقاته الاجتماعية.
_عدم الشعور بالندم أو تأنيب الضمير.
_عدم الاكتراث بالصواب و الخطأ.
_التمتع بقدر عالي من الذكاء .
_تجاهل و انتهاك حقوق الآخرين .
_الاتيان بسلوكيات إجرامية دون الاكتراث بالمعايير الاجتماعية أو القانونية .
_العجز عن التخطيط للمستقبل .
_العجز عن الوفاء بالتزاماته المالية.
_ علاقاته العاطفية غير مستقرة و تتسم بالانانية الشديدة .

يلا نبدأ بسم الله سلسلة اضطرابات الشخصية اللي وعدتكم بيها بناءا علي طلباتكم ..
و هنبدا بالشخصية التجنبية 😶‍🌫️..
تعتبر الشخصية التجنبية أحدي صور الاضطراب النفسي و لكن لابد من تشخيصها من قبل متخصص طبقا لعدة معايير نفسية دقيقة ، و لكن يوجد بعد العلامات التي ربما تدل علي وجود ذالك الاضطراب و منها :

_الخوف الشديد من النقد من الآخرين.
_الشعور بقلة الحيلة و الضعف في المواقف الاجتماعية و خاصة الجديدة .
_الخوف و الابتعاد عن المشاركة في المناسبات الاجتماعية و الأنشطة المهنية خشية الاحراج .
_الشعور بالنقص و الدونية و الشعور الدائم بأنه غير جذاب .
_تجنب الاحتكاك بالآخرين حتي في العمل خشية التعرض لازم أو النقد .
_عدم الاندماج بسهولة بالآخرين الا إذا وثق فيهم بأنهم يهتمون لأمره .
_عدم الاعتناء بالعلاقات الاجتماعية .
_يحكم سلبيا علي نفسه و يتسم بالحساسية الاجتماعية .
_عادة ما تبدأ تلك العلامات بالظهور في سن الرشد المبكر .

وحشتوني اوووي كووولكم 😍
عارفة اتأخرت عليكم و راجعالكم باذن الله بمواضيع قوية و مفيدة باذن الله 💪✨
يلا ضيفوا اصحابكم و اقاربكم و اكتر حد هيضيف أصحاب ليه هدية فري سيشن ✨
تابعوني ..

الكلام الحلو من اجمل عميلة و بنوتة اشتغلت معاها سيشنز ❤️
فرحتي لا توصف و انا شيفاها بتنجح و تزدهر يوم بعد يوم 😍

رمضان مبارك علينا 😍

✨✨بقالي فترة بيطلب مني اتكلم عن انواع الاضطرابات النفسية ، و بما اني دارساها و دارسة انماط الشخصيات قررت اني هعملكم بوستات متخصصة و مسلسلة باشهر الاضطرابات النفسية اللي منتشرة حاليا بشكل كبير في مجتمعاتنا العربية و اللي كمان بتبدأ بسن صغيرة , و ده بيخلي من المهم التوعية بيها و باعراضها لاستدراكها بسن صغير لان علاجها بيكون اسهل كتير في السن ده ،،

✨و من اشكال اضطرابات الشخصية اللي هتناولها معاكم :

اضطراب الشخصية الحدية.
اضطراب الشخصية الهستيرية.
اضطراب الشخصية النرجسية.
اضطراب الشخصية البارانوية.
اضطراب الشخصية الاستعراضية.
اضطراب الشخصية الوسواسية.
اضطراب الشخصية السيكوباتية.
اضطراب الشخصية التجنبية.

✨اكتبولي في الكومنتات ايه اكتر اضطراب عايزين نتكلم و نبدأ بيه ✨






#مُزهر_mozher 🍀

اينما توجد المرأة .. يوجد سحر ✨✨
كل عام و انتن بخير و سعادة و في منتهي الجمال ✨✨

#عيدالمرأةالعالمي

#مُزهرmozher 🍀
🦋

🍀ده اختبار لطيف هتقدروا من خلاله تتعرفوا علي نمط شخصيتكم 😍
كله يدخل يعمله و اكتبولي في الكومنتات كل واحد طلع نمطه ايه و خلينا نتناقش 😍 ✨

https://www.16personalities.com/ar/%D8%A7%D8%AE%D8%AA%D8%A8%D8%A7%D8%B1-%D8%A7%D9%84%D8%B4%D8%AE%D8%B5%D9%8A%D8%A9

https://www.16personalities.com/ar/%D8%A7%D8%AE%D8%AA%D8%A8%D8%A7%D8%B1-%D8%A7%D9%84%D8%B4%D8%AE%D8%B5%D9%8A%D8%A9

اختبار شخصية مجاني | 16Personalities

جدد حياتك و متقلش الوقت فات ☺️

🦋
✨
#مُزهرmozher 🍀

🦋 فراشات مُزهر الحلوات جمعتلكم احلي نصايح ممكن تشوفوها في حياتكم لو طبقتيها مع زوجك عمره عمره ميبص برة او يفكر في حد غيرك 😌😂

متهيألي الصور واضحة مش محتاجة شرح او توضيح 😂
حبيت اضحكم بس عشان الجو محتاج فرفشة 😍😂

#مُزهرmozher 🍀
🦋
✨

✨🦋 نصيحة مني يا ست الكل يا غالية و مش هتسمعي الكلام ده من حد اليومين دول 😀

🦋 ابعدي عن التريندات النسوية ايا كان نوعها .. سواء كانت تميل للاندبندنت وومنز و القوة الزائفة المتطرفة 😀 او كانت تميل للتطرف في تمثيل دور البسكوتة ذات الصوت الشتوي 😀
🦋متخليش حد يضحك عليكي و يلعب في اعدادات فطرتك عكس الانوثة اللي ربنا خلقك بيها!
🦋ربنا سبحانه و تعالي خالق الانثي انثي و الرجل رجل كلا له تركيبته النفسية و الجسدية و استعداده الفطري لتقبل الأمور و عيش الحياة عيشة سوية.. مش محتاجين ابدااا ابداا حد يلعب في اعداداتنا او يلعب علي نقط ضعفنا و احتياجاتنا !

🦋 مش محتاجة حد يحطلك خطط تكاتشي بيها فرص و علاقات!
🦋مش محتاجة غير انك تتبعي فطرتك اللي ربنا خلقك بيها يا روحي 🤍

🦋عيشي طبيعتك و افهمي نفسك و حبيها و عززيها و دلعيها و حسي بيها و متسمحيش لحد يلون فيكي و يحولك لمسخ ملوش و لا طعم و لا لون و لا ريحة 😀

🦋حبيبتي التمثيل شيء مرهق و سخيف .. حبيبتي لبس فساتين مش علي مقاسك و لو كانت تحفة هيخليكي شكلك مضحك مش لطيف 😀

🦋كل اللي محتاجاه انك تعيدي اكتشاف فطرتك السوية كانثي .. كل اللي محتاجاه تتعلمي ازاي تتعرفي علي نفسك انت .. ميولك انت .. ذاتك انت .. تكتشفي جواهرك انت اللي ربنا خصك بيها ..

🦋كل انثي ربنا وهبها هبة و موهبة مميزة.. بصمة تميزها و تخليها ليها نكهة مختلفة و حقيقة و طبيعية مقبولة و مرغوبة مش مجرد منكهات و مكسبات طعم و لون ربما تبان من برة حلوة بس في الحقيقة مبتكونش لذيذة و لا مفيدة بل بتضر و بتوجع ..

🦋بنعيش بروبوجاندا صاخبة ما بين الدعوة للقوة و التشبث باظهارها و بين النداء بالدونية و النعومة الزائفة! و انا هنا بقولك و لا ده صح علي الاطلاق و لا غلط علي الاطلاق .. طب ازاي كدة ؟! هقولك ازاي ..

🦋هتلاقيهم يحطولك كلام حلو و منطقي جوة قنبلة موقوتة من الزيف و البعد عن فطرتك .. كلام نصه منطقي و حقيقي بس مربوط بطرق و اساليب مش مقبولة للعقل المدرك الواعي!

🦋 برجوكي ترفعي وعيك بذاتك و طبيعتك و فطرتك و حقيقتك اللي بنا خلقك بيها 🤍✨ و اوعدك انك هتعيشي مستمتعة سعيدة بدون اي تلوين و لا زيف ✨🤍

🦋رحلة البحث عن ذاتك و استكشاف كنوزك و جواهرك دي سهلة و ممتعة ✨ كلها طاقات لطف و نور ✨ انك تعيش انوثتك شيء ممتع و مبهج و لذيذ 🤍✨ بشرط انك تفهمي فطرتك و تبعدي عن اي زيف 🍀

💗
✨
🤍
🦋
#مُزهرmozher 🍀
✨

لا تسعي ان تكون مبهر .. يكفي أن تكون حقيقي ..هذا هو التميز بعينه 👌✨

🦋
#مُزهرmozher 🍀
✨

لا تستسلم لخيبات الزمان و لا تترك نفسك فريسة للاحزان 😀 استمتع بكل اللحظات الجميلة ✨ و ان كنت وحدك اعلم ان سعادتك هي وليدة افكارك و قراراتك 👌 فلا تنتظر السعادة من احد .. كن انت صانع البهجة و الانسجام في كل الاوقات 😍
تفائل و اعلم ان الله خلقك لانه يحبك 🤍 و طالما يحبك الله فانت في عنايته و حفظه فلا تبتأس أبداً 🤍✨
اروي نفسك بنفسك لتزهر في كل حين 🍀🍀🍀

😍
🦋
#مُزهرmozher 🍀
✨

(وقل استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا)
صدق الله العظيم 🤍

في مثل مصري قديم بيقول :
شاريك بس مش بايع نفسي 😀
يعني انا شاري قربك و باقي عليك ... بس لو حسستني اني مش فارق معاك او مش من ضمن اولوياتك و اهتماماتك..هسيبك و امشي لاني معنديش اغلي من نفسي !

✨خليك غالي علي نفسك و متديش لحد فرصة يستغل حبك و احترامك ليه .. خليك غالي ✨✨

#مُزهرmozher 🍀
🦋

✨

✨٦ ألاعيب لو لقتتوهم في اي علاقة انهوها فورااا و اعرفوا انكم بتتعرضوا للابتزاز النفسي و العاطفي🖐️

🕳️لعبة الاشعار بالذنب : دايما هيحسسك انك الغلطان و انك سبب كل المشاكل و انه الضحية و المظلوم و الملاك و انت الجاني المفتري الشيطان ، و في الحقيقة ده مش بيكون صح بل بالعكس تماما..
🕳️ تحويل اللوم عليك: انت السبب في اي مشكلة و كل مشكلة بل حتي لو او مفيش مشكلة بيخلق مشكلة عشان يلومك عليها..
🕳️لعبة الغياب المفاجئ ghosting : هتلاقيه بيختفي فجاة و بدون مبرر و في اوقات تكونوا فيها كويسين جدا مع بعض عشان يشكك في نفسك و يخليك محتار انت عملت ايه و يقلل من ثقتك بنفسك يا مسكين ..
🕳️الجدال في حلقة مفرغة: عارف الحلزونية! هو بيعمل زيها لف و دوران لا نهائي و رغي غير مبرر و كلام ورا كلام بدون هدف واضح ..
🕳️الاسقاط: بيحول كل عيوبه و يلبسهالك انت بمنتهي الحرفية لدرجة تقنعك انك فعلا اللي غلطان و يشكك في نفسك..
🕳️قلب التربيزة: قبل متواجهه باخطاءه هيعترفلك بيها بمنتهي البجاحة و يقولك انا كدة و لو عاجبك عاجبك مش عاجبك انت حر و الطريقة دي هتدخل عليك لو انت متعلق و مش واثق من نفسك كفاية ..

✨اظن انت مش متنازل عن صحتك النفسية و لا راحتك عشان تكمل في علاقة بتتعرض فيها للاستغلال و الابتزاز العاطفي و النفسي و الافضل ليك انهاء كل العلاقات اللي هتلاقي فيها علامة او اكتر من العلامات دي و أتأكد انك تستحق حد يقدرك و أن الدنيا فيها مليارات البشر الاسوياء ✨
🌬️احكولي لو بتتعرضوا لحاجة من الحاجات دي و قولولي اتصرفتوا ازاي او شايفين ايه تاني ممكن يكون من الاعيب متذكرتش 🌬️

🦋
🍀


#ابتزاز
✨

✨خييير اللهم اجعله خير ..!
جملة اتربينا عليها كلنا بعد منضحك او نفرح اووي نخاف من اللي ممكن يكون ورا الضحك ده او الفرح ده ! و شوية شوية الامر بقي يتطور مع بعض الاشخاص لخوف شديد من اي مصدر سعادة او فرحة.. تلاقيهم بيهربوا من الانبساط و التجمعات السعيدة و اي مصدر للبهجة .. دي حاجة اسمها الشيروفوبيا 🥺

✨متخافوش من السعادة ☺️ السعادة مش امر ثانوي او يفقدكم الهيبة او شكلكم الاجتماعي او بيدل علي ضعف او نقص بالشخصية ابدا.

✨مش شرط ابدا ان بعد منفرح و نضحك كتير هيحصل حاجة مش كويسة او نكد ، ممكن السعادة
تكمل عادي 🎈 و غالبا السعادة بتولد سعادة 🦋

✨سيبوا نفسكم لمشاعركم و استمتعوا بكل لحظة حلوة تقابلكم 🍀 هي حياة واحدة هنعيشها ، اختاروا تعيشوها بسعادة و استمتاع ✨

✨ دونوا مشاعركم و افكاركم كلها في نوتة متكبتوش جواكم اي مشاعر سلبية كانت او ايجابية 👌

✨احكوا مشاعركم و شاركوها مع حد قريب بترتاحوله او استعينوا بحد امين يسمعكم لو حابين 🦋

✨مارسوا هوايات بتحبوها و العبوا رياضة و يوجا و تأمل في جميل صنع الله 🤍 و اعرفوا ان الله لم يخلقنا لكي نبقي في شقاء فلو كتب علينا التعاسة لما خلق السعادة!

✨صاحبوا ناس ايجابية و سعيدة و ابعدوا عن اصحاب الطاقات الكئيبة المحبطة ..بالبلدي كدة تعرف تجري يا مجدييي 😂

✨قربكم من ربنا بيزيد حالة الرضا و الاطمئنان و السكينة و هيولد عندكم لذة الشعور بالسعادة صدقوني ☺️

✨العبوا مع الاطفال و راقبوا لعبهم و غناهم و هزارهم ، هتاخدوا طاقة و حب و سعادة لا توصف 🎈

✨السعادة مش بتخوف ابدا ✨ دمتم في فرحة و سعادة ✨✨

🦋
🍀
✨

ان كان هناك من يراقبنا بنهم و كل ما يريد هو التهام احلامنا و انتزاعنا من مستقر ارضنا ، محاولا تعريتنا ذاتيا و اظهار كل ما بداخلنا حتي الحشاااء !
فلا سلاما علي هؤلاء و لا تسمية ،، كل ما علينا فعله ان نحمل انفسنا بانفسنا و نغلق كل الاعين باصابعنا و نمضي بثبات غير عااابئن ✨🍀
سلاما علي ارواح ارهقها التعب 🤍🍀

🦋

✨
🍀

اهداف الكوتشنج الخمسة :

١- تسهيل عمليه تحقيق الاهداف الواقعية أو الحقيقية .
٢- تسهيل الوعي الذاتي للحواجز المعرفيه او العاطفيه للإنفعالات .
٣- تزويد الفرد لمهارات التفكير و السلوك و أيهما أكثر فاعلية .
٤- بناء المصادر الداخلية و قبول الذات و الإستقرار النفسي.
٥- تمكين الفرد ليصبح محفزا لنفسه و لإتخاذ قراراته و تدعيم نفسه ..

🦋
✨
🍀

✨راحة البال ✨

مش مجرد كلمة دي حالة كلنا نفسنا نوصلها .. و الوصول ليها ليه رحلة و في الرحلة بنحتاج مؤنة و ادوات .. و ثقة بان الله هو الودود اللطيف 🤍
اللطيف اللي بيحس و طبطب ..النور الكريم اللي بيكرمنا بنوره و مدده ..

كلام كبير و تنظير و لا ايه ده 😊
لا و الله ..ده كلام بقوله لنفسي كل يوم و بفكر بيه اللي بحبهم 🤍

✨راحة البال ✨
فالتخلي و التحلي..
تخلي عن كل مرهق مستنفز لطاقتنا..
و تحلي بالصبر علي الابتلاء و البلاء..

✨راحة البال ✨
في السكون و السكينة و اننا نتعلم نعيش الوقت بوقته لا نفكر في ماضي مؤلم او يشغلنا مستقبل بايد ربنا في الأساس✨
محتاجين نعيش *هنا و الآن*🪷

🦋
🍀