WARSI TRUST UK

میرا دین عنبرِ وارثی بخدا ہے عشقِ محمدی
میرا ذکر و فکر ہے بس یہی صَلّوا عَلَيْهِ وَآلِهِ

آہ ایک اور عاشق چل بسا ۔۔۔۔ انا للہ و انا الیہ راجعون°
وارثی ٹرسٹ یوکے کے سابق چئیرمین راجہ قیصر محمود وارثی آج مانچسٹر یوکے مین اس دنیائے فانی سے راہیِ عدم ہوئے ۔ مرحوم انتہائی ملنسار، شفیق اور اعلیٰ اخلاق کے مالک تھے۔ وارثی ٹرسٹ کے سربراہ کی حیثیت سے انہوں ایک طویل مدت خدمات سر انجام دیں۔ ان کی خدمات کو ہمیشہ یاد رکھا جائے گا۔ اللہ تعالیٰ اپنے حبیب کریم صلی اللہ علیہ وسلم کے وسیلہ جلیلہ اور وارث پاک کے صدقے مرحوم کی مغفرت فرما کر جنت الفردوس میں اعلیٰ درجات عطا فرمائے۔ آمین

عالمِ اسلام کے عظیم روحانی پیشوا، وجودِ سوزوگداز، سرتاج ُالفقراء مرشدی حضور قبلہ الحاج قاضی فقیر عزت شاہ وارثی رحمۃ اللہ تعالیٰ علیہ۔
آپ کی روحانی، دینوی و دنیاوی اور علمی و مذہبی خدمات اپنی مثال آپ ہیں۔ آپ کی شخصیت لاثانی اور کردار بے مثال تھا۔ زندگی کا کوئی گوشہ ایسا نہیں جہاں آپ کی خدمات کا اعتراف نہ کیا گیا ہو۔ جن میں مدارس، سکول، ڈسپنسریز، سلائی سکول اور فلاحی ادارے نمایاں ہیں۔ جو آج بھی اپنی پوری آب و تاب سے اپنی اپنی روشنی پھیلا رہے ہیں۔ آپ کی شخصیت اور خدمات کو دیکھتے ہوئے جنرل ضیاء الحق اور پیر کرم شاہ صاحب الازہری نے ذاتی درخواست کر کے آپ کو اسلامی نظریاتی کونسل میں منتخب کیا۔ جہاں آپ کے مختلف موضوعات پر خطابات ہوئے۔ جن میں تصوف کا عنوان زیادہ نمایاں ہے۔ آپ تشہیر اور اخبارات میں آنا پسند نہیں فرماتے تھے۔ لیکن ایک گمنام سپاہی کی طرح زندگی کے ہر میدان میں اپنی خدمات ضرور پیش کیں۔
آپ اکثر فرماتے کہ "میں روایتی پیروں کی طرح نہیں ہوں، میں تو تصوف کی دولت لے کر بیٹھا ہوں، لوگوں کی خدمت کر رہا ہوں۔ میں فقیر ہوں جسے محبت کا درس ملا ہے اور یہ درس آگے دے رہا ہوں۔۔"
آپ 7 ستمبر 2004ء کو 79 برس کی عمر میں سحری کے وقت عبادت کرتے ہوئے سجدہ کی حالت میں اس دارِ فانی سے کوچ فرما گئے۔ آپ کا عرس مبارک ہر سال 7،8،9 ستمبر کو گوجر خان ضلع راولپنڈی کے نواح میں آپ کے مزار پُرانوار پر عقیدت و احترام سے منایا جاتا ہے۔
(ناصر علی وارثی کی وال سے کاپی شدہ)

الحمد للہ ، آستانہ عالیہ چھپر شریف کی مسجد کے صحن کا کام آخری مراحل میں ہے۔ جن جن بھائیوں بہنوں نے اس کی تعمیر میں حصہ ڈالا ہے اللہ ان سب کو دونوں جہانوں میں بہتر اجر عطا کرے۔
وارثیہ ٹرسٹ آستانہ عالیہ چھپر شریف، اور وارثی ٹرسٹ یوکے آپ سب کے بے حد مشکور ہیں اور دعا کرتے ہیں کہ اللہ تعالیٰ سید العاشقین وارث پاک رحمۃاللہ علیہ کے صدقے آپ کی تمام ظاہری باطنی پریشانیاں، بیماریاں دور فرمائے اور جان و مال اور عزت و آبرو بے حد اضافہ فرمائے ۔ آمین

۔ انا للہ وإنا إلیہ راجعون °
۔ آج ایک سچا عاشقِ پنجتن پاک راہیِ عدم ٹھہرا۔

پہنچی وہیں پہ خاک جہاں کا خمیر تھا ۔۔۔۔۔۔۔۔۔۔۔۔۔۔

اللّٰہ پاک کے حبیب صلی اللّٰہ علیہ وسلم کے سچے عاشق اور الحاج فقیر عزت شاہ وارثی رحمۃ اللّٰہ علیہ کے قریبی دوست اور ہمارے بزرگ بابا غلام عباس چیمہ قادری آج صبح مدینہ منورہ میں خالق حقیقی سے جا ملے۔
وہیں جنت البقیع میں تدفین کی جائے گی۔
فقط اتنا ہی کہوں گا
"اپنے اپنے نصیب کی بات ہے"

. ** شبِ برات **
حضرت عائشہ صدیقہ رضی اللہ عنہا سے روایت بیان کرتے ہیں کہ حضور نبی اکرم صلیٰ اللہ علیہ وآلہ وسلم نے فرمایا:

أَتَانِي جِبْرِيْلُ فَقَالَ: هٰذِهِ اللَّيْلَةُ لَيْلَةُ النِّصْفِ مِنْ شَعْبَانَ وَ ِﷲِ فِيْهَا عُتَقَاءُ مِنَ النَّارِ بِعَدَدِ شُعُوْرِ غَنَمِ کَلْبٍ

’’جبریل علیہ السلام میرے پاس آئے اور مجھے کہا: (یا رسول اللہ صلیٰ اللہ علیہ وآلہ وسلم!) یہ رات، پندرھویں شعبان کی رات ہے اور اس رات اللہ تعالیٰ قبیلہ کلب کی بکریوں کے بالوں کے برابر لوگوں کو جہنم کی آگ سے آزاد فرماتا ہے۔‘‘

(بيهقی، شعب الايمان،

19/02/2023 کو بریڈفورڈ سٹی میں رفاقت وارثی صاحب کی رہائش گاہ پر ہونے والی محفل دعوتِ عالم پناہ حاجی وارث پاک میں راجہ قیصر وارثی ، شاہد وارثی، ملک افتخار وارثی، قاری ذوالفقار وارثی، محمد اشفاق وارثی، شیخ جاوید وارثی، شہزاد وارثی، ظہور وارثی،محمود وارثی، نذیر وارثی اور دیگر کی شرکت.
محفل کا آغاز تلاوت کلام پاک سے ہوا ثنا خوانی، منقبت اور محبت و تعلیماتِ وارث پاک کے حوالے سے مختصر گفتگو کے بعد ختم شریف، درودِ تاج، شجرہ شریف اور سلام پڑھا گیا آخر میں قاری ذوالفقار علی وارثی نے پوری امتِ مسلمہ اور بالخصوص تمام وارثیوں کے لئے خیر و برکت کی دعا کی۔

آستانہ عالیہ وارثیہ چھپر شریف تحصیل گوجرخان عظیم الشان سالانہ عرس مبارک 7،8،9 مارچ کو ہو رہا ہے۔ واث پاک کے تمام غلاموں سے گزارش ہے کہ وہ عرس شریف کی برکات حاصل کرنے کے لئے لنگر پاک اور دیگر انتظامات میں مالی حصہ ضرور ڈالیں۔ جس کے لئے یوکے میں بسنے والے وارثی بالخصوص اپنا حصہ 19/02/2023 سے پہلے پہلے وارثی ٹرسٹ یوکے کے اس اکاؤنٹ میں ڈال دیں تاکہ آپ کا حصہ وقت پر دربار شریف پہنچ جائے ۔
Warsi Trust UK
Barclays Bank
Sort code: 20-29-41 Acc: 50948276

اللہ تعالیٰ آپ کی ڈونیشن قبول کرے ، عالم پناہ وارث پاک کے صدقے تمام پریشانیوں سے نجات دے کر پر سکون کامیاب زندگیاں عطا فرمائے ۔ اور دین و دنیا اور آخرت کی بھلائیاں نصیب فرمائے ۔ آمین ثم آمین
آپ کی دعاؤں کا طالب
ذوالفقار علی وارثی
چئیرمین وارثی ٹرسٹ یوکے۔

Astana Alia Warsia Chhapar Sharif Tehsil Gujar Khan Grand Annual Urs Mubarak is happening on March 7, 8, 9.
All the ghulaman of Wasat Pak are requested to contribute financially in Langar Pak and other arrangements to get the blessings of Urs Sharif.
For those who live in UK should deposit their share in this account of Warsi Trust UK before 19/02/2023 so that your share reaches Darbar Sharif on time. Warsi Trust UK Barclays Bank Sort code: 20-29-41 Acc: 50948276.
May Allah Ta'ala accept your donation, give you a peaceful and successful life and bless you good in this world and the hereafter Ameen.

Kind regards
Zulfiqar Ali Warsi
Chairman Warsi Trust UK.