სოციალური მომსახურების სააგენტო Social Service Agency

🔷 სოციალური მომსახურების სააგენტოს ლენტეხის სერვის ცენტრის რეაბილიტაცია დასრულდა. ახლად გახსნილი ცენტრი ჯანდაცვის მინისტრმა მიხეილ სარჯველაძემ, რაჭა-ლეჩხუმ-ქვემო სვანეთის გუბერნატორთან პაპუნა მარგველიძესთან და სააგენტოს დირექტორთან გიორგი ჭანტურიასთან ერთად დაათვალიერა.

🔷 დაწესებულებაში დაინერგა „ერთი ფანჯრის პრინციპით“ მომსახურება, რაც არამხოლოდ სოციალური, არამედ დასაქმების ხელშეწყობის, ბავშვზე ზრუნვისა და ჯანდაცვის სამინისტროს სისტემაში შემავალი არაერთი სერვისის ერთ სივრცეში მიღებას გულისხმობს.
რეაბილიტირებული სერვის ცენტრი ადაპტირებულია შეზღუდული შესაძლებლობის მქონე პირთათვის .

🔷 ჯანდაცვის მინისტრის განმარტებით, აღნიშნული სერვის ცენტრი სრულად შეესაბამება მომსახურების თანამედროვე სტანდარტებს.

🔷 ქვეყნის მასშტაბით „ერთი ფანჯრის პრინციპის“ დანერგვის მიზნით, მთელი ქვეყნის მასშტაბით მიმდინარეობს ჯანდაცვის მომსახურების ცენტრების მშენებლობა და რეაბილიტაცია.

🔹 ერთად ოჯახების გაძლიერებისთვის" პროექტის ერთერთი მნიშვნელოვანი მისიაა მოწყვლადი ოჯახებისა და პირების მხარდაჭერა. განსაკუთრებით მნიშვნელოვანია ქალებისა და მარტოხელა დედების სოციალურ-ეკონომიკური გაძლიერება, მათი რეალიზებისთვის და კეთილდღეობის უზრუნველყოფის მიზნით.

🔹 პროექტი ,,ერთადის“ ფარგლებში, რომელიც უკვე წელიწადია მიმდინარეობს,
10 ქალბატონი გადამზადდა სხვადასხვა სპეციალობის მიმართულებით. მათ შეისწავლეს ახალი პროფესია და განივითარეს სხვადასხვა უნარი. გარდა ამისა, პროგრამის მონაწილეებს გადაეცათ საჭირო ინვენტარი და რესურსი საკუთარი საქმის წამოწყებისთვის. აღნიშნული აქტივობები განხორციელდა ქალების შესაძლებლობების გაძლიერების დამოუკიდებელი გადაწყვეტილების მიღებისთვის და გაუმჯობესებული კეთილდღეობისთვის.

🔹 აღნიშნული მოქალაქეები ჩართული არიან პროექტში "ერთად ოჯახების გაძლიერებისთვის", რომლის მთავარი მიზანია სიღარიბის შემცირება ქვეყანაში. პროექტის ფარგლებში, ოჯახები იღებენ ინდივიდუალურ საჭიროებებზე მორგებულ სხვადასხვა ტიპის მხარდაჭერას, რაც მათ სამომავლოდ საკუთარი შემოსავლის გაზრდაში დაეხმარება.

🔹 პროექტს ERTAD ახორციელებს სსიპ სოციალური მომსახურების სააგენტო (SSA). კონსორციუმი, World Vision გერმანია , World Vision საქართველო, ლტოლვილთა დანიის საბჭო (DRC) საქართველოში. პროექტი ხორციელდება შვედეთის განვითარების სააგენტოს (SIDA) ფინანსური მხარდაჭერით.

სტაჟირების მსურველებს განაცხადის გაკეთება სხვადასხვა უწყების მიერ გამოცხადებულ კონკურსზე www.hr.gov.ge -ის ვებგვერდის მეშვეობით 2-დან 8 აგვისტოს ჩათვლით შეეძლებათ.

სტაჟიორად შეიძლება მიღებული იყოს საქართველოს ქმედუნარიანი მოქალაქე, რომელმაც იცის სახელმწიფო ენა, სწავლობს ბაკალავრიატის დამამთავრებელ კურსზე; ან სწავლობს მაგისტრატურის საფეხურზე; ან დასრულებული აქვს ბაკალავრიატის ან მაგისტრატურის საფეხური 2023-2024 სასწავლო წლის გაზაფხულის სემესტრში.

შერჩევის კრიტერიუმად განისაზღვრა სტაჟირების მსურველი პირის აკადემიური მოსწრების (GPA) მაჩვენებელი და ქულათა სისტემა. გასაუბრებისას უპირატესობა მიენიჭებათ უმაღლესი მოსწრების კანდიდატებს. ამასთან, უწყებები სტრუქტურული ერთეულის შესაბამისად და სპეციფიკიდან გამომდინარე განსაზღვრავენ სტაჟიორთა დამატებით საკვალიფიკაციო მოთხოვნებს.
კანდიდატს არ ევალება საგანმანათლებლო დაწესებულებიდან ცნობის ან ქულათა მაჩვენებლის გამოთხოვა და ატვირთვა.

აუცილებელია, კანდიდატმა მიუთითოს საგანმანათლებლო დაწესებულება, პროფესია და მისი GPA ან/და ქულათა მაჩვენებელი. აღნიშნულ ინფორმაციას აპლიკანტის თანხმობის საფუძველზე, მის მიერ მითითებული საგანმანათლებლო დაწესებულებიდან შესაბამისი საჯარო უწყება გამოითხოვს. მხოლოდ უცხოენოვანი დიპლომის შემთხვევაში, მოუწევს კანდიდატს ნათარგმნი და ნოტარიულად დამოწმებული ასლის ატვირთვა.

სტაჟირების მსურველმა უნდა წარადგინოს პირადობის მოწმობის ასლი, სამოტივაციო წერილი და ინფორმაცია სწავლის ეტაპის ან დასრულების და აკადემიური მოსწრების შესახებ. ამასთან, საჯარო დაწესებულება უფლებამოსილი იქნება, საგანმანათლებლო დაწესებულებიდან გამოითხოვოს შესაბამისი განათლების და აკადემიური მოსწრების ინფორმაცია/დოკუმენტები.

კონკურსი ორ ეტაპად წარიმართება - საბუთების გადარჩევა და გასაუბრება. სტაჟირების მსურველ პირს შეაფასებს შესაბამისი საჯარო დაწესებულების ხელმძღვანელის მიერ შექმნილი კომისია.

საჯარო დაწესებულებების მასშტაბით 4-თვიან სტაჟირებას მიმდინარე წლის სექტემბრიდან 3000-მდე მსურველი გაივლის.

კურსდამთავრებულთა ანაზღაურებადი სტაჟირების ბმული - https://hr.gov.ge/?vacancyNum=47

"ერთად" პროექტის ფარგლებში შეიქმნა და გადამზადდა მასტერ ტრენერთა გუნდი სიღარიბის დაძლევის UPG მიდგომის დანერგვის ხელშეწყობისთვის

"ერთად" პროექტის ფარგლებში შეიქმნა და გადამზადდა მასტერ ტრენერთა გუნდი სიღარიბის დაძლევის UPG ლტოლ­ვილ­თა და­ნი­ის საბ­ჭოს (DRC) ორ­გა­ნი­ზე­ბით, „ერ­თად ოჯა­ხე­ბის გაძ­ლი­ე­რე­ბის­თვის“ პრ....

სიღარიბის დაძლევის UPG მიდგომის დანერგვის და მოწყვლად ოჯახებთან ეფექტურად გამოყენების მიზნით, შეიქმნა მასტერ ტრენერთა გუნდი, პროექტის ფარგლბეში “ერთად - ოჯახების გაძლიერებისთვის“. საგანგებოდ შერჩულმა 40 მასტერ ტრენერმა გაიარა სპეციალური გადამზადდა სიღარიბის დაძლევის მეთოდოლოგიის, სოციალური დაცვის, სოციალური გაძლიერების, მეწარმეობისა და ფინანსური წიგნიერების მიმართულებებში. მასტერ ტრენერებად შეირჩნენ სოციალური მომსახურების სააგენტოს, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს, დასაქმების ხელშეწყობის სახელმწიფო სააგენტოს თანამშრომლები და ასევე, ლტოლვილთა დანიის საბჭოს მენტორები და World Vision საქართველოს ფასილიტატორები.💼 სასწავლო კურსის მიზანია კვალიფიციური პროფესიონალების მომზადება, რომლებიც შემდგომ გადაამზადებენ და კვალიფიციურ მხარდაჭერას აღმოუჩენენ მოწყვლად ოჯახებთან მომუშავე პირებს. ინტენსიური ტრენინგ-კურსი შემუშავდა სპეციალურად მასტერ ტრენერებისთვის და მოიცავდა შესაბამისი სფეროს სწავლების თეორიულ ნაწილს და პრაქტიკულ მიდგომებს, ასევე, ტრენერებისთვის საჭირო კომპეტენციების და უნარების გასაუმჯობესებელ ინსტრუმენტებს. პროექტის ფარგლებში გადამზადებული მასტერ ტრენერები თავის მხრივ, გადაამზადებენ 39 ოჯახის გაძლიერების კონსულტანტს და 160 საჯარო მოხელეს. კურსის დასასრულს სსიპ სოციალური მომსახურების სააგენტოს დირექტორმა თეა გვარამაძემ მადლობა გადაუხადა პროექტის პარტნიორ ორგანიზაციებს World Vision საქართველოს და DRC-ს. მან ხაზი გაუსვა, რომ საგანმანათლებლო რესურსის შექმნა და აღნიშნული ტრენინგები სახელმწიფო ზრუნვის სააგენტოს და დასაქმების ხელშეწყობის სააგენტოს თანამშრომლების კომპეტენციებს გაზრდის და დაეხმარება მათ თავიანთი მოვალეობების ეფექტურად შესრულებაში. 🌍🤝 პროექტს „ერთად – ოჯახების გაძლიერებისთვის” ახორციელებს კონსორციუმი, World Vision გერმანია (WV), World Vision საქართველო, ლტოლვილთა დანიის საბჭო (DRC) საქართველოში და საქართველოს ჯანმრთელობის, შრომისა და სოციალური დაცვის სამინისტროს სსიპ სოციალური მომსახურების სააგენტო (SSA). პროექტი ხორციელდება შვედეთის განვითარების სააგენტოს (SIDA) ფინანსური მხარდაჭერით.

🔹დღეიდან, 2011 წლის 28 ივლისამდე გაცემულ პირადობის მოწმობებს იურიდიული ძალა დაეკარგა;

🔹იურიდიული ძალის არმქონედ ითვლება ე.წ. ქაღალდის ან ე.წ. ლამინირებული პირადობის მოწმობები;

🔹მოქალაქეებს, რომლებსაც ისევ ე.წ. ქაღალდის ან ე.წ. ლამინირებული პირადობის მოწმობები აქვთ, მათთვის გათვალისწინებული პენსიების და სხვა სოციალური შემწეობების მიღებას, 1 თვის განმავლობაში, შეუფერხებლად შეძლებენ. აღნიშნული გადაწყვეტილება არის დროებითი და აუცილებელია განახლდეს პირადობის დამადასტურებელი მოწმობა;

🔹იმისთვის, რომ ქაღალდის პირადობის მქონე მოქალაქეები, 1 თვის გასვლის შემდეგ, არ დარჩნენ პენსიის ან სხვა სოციალური გასაცემელის გარეშე, განახლებული პირადობის მოწმობის აღების მიზნით, იუსტიციის სახლებს უნდა მიმართონ;

სოციალური მომსახურების სააგენტო, შრომის ინსპექციის სამსახური, დევნილთა, ეკომიგრანტთა და საარსებო წყაროებით უზრუნველყოფის სააგენტო სისხლის დონაციის კამპანიას შეუერთდნენ.
უანგარო დონაციის აქცია, ჯანდაცვის სამინისტროს ინიციატივით, სისხლის დონორის მსოფლიო დღესთან დაკავშირებით, 5 სხვადასხვა ლოკაციაზე, ერთდროულად გაიმართა.
აქციის მიზანი, უსაფრთხო სისხლისა და სისხლის პროდუქტების მნიშვნელობასა და საჭიროებაზე საზოგადოების ცნობიერების ამაღლებაა.
სისხლის პროდუქტების მიღების ერთადერთი გზა სისხლის დონაციაა. ერთჯერადად სისხლის გაღებით, ერთ ადამიანს, 3 ადამიანის სიცოცხლის გადარჩენა შეუძლია.
სისხლის დონორის მსოფლიო დღე, ყოველწლიურად, 14 ივნისს აღინიშნება.

ჯანდაცვის სამინისტროს სისტემაში ,,ერთი ფანჯრის“ პრინციპის დანერგვის პროცესში გასატარებელი ღონისძიებების კოორდინაციის ეფექტიანობის ხელშეწყობის მიზნით, 2024 წლის 6 და 7 ივნისს გაიმართა სამუშაო შეხვედრები სსიპ სოციალური მოსმახურების სააგენტოს ტერიტორიული ერთეულების ხელმძღანელებთან.
შეხვედრაზე განიხილეს მომსახურების ცენტრის საქმიანობასთან დაკავშირებული ორგანიზაციული და ლოჯისტიკური საკითხები. ხაზი გაესვა მომსახურების ცენტრებში მოქალაქეების დროული და გამართული კომუნიკაციის და მომხმარებელთათვის ხარისხიანი მომსახურების მიწოდების უზრუნველყოფის მნიშვნელობას.
სერვის ცენტრების ხელმძღვანელების მიერ გამოითქვა მოსაზრებები როგორც მოქალაქეთა მომსახურების მიმართულებით, ასევე სააგენტოში მიმდინარე პროცესების გაუმჯობესებასთან დაკავშირებით.

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე ირინე წაქაძე, აზერბაიჯანის რესპუბლიკის, შრომისა და მოსახლეობის სოციალური დაცვის სამინისტროსთან არსებული, სოციალური დაცვის სახელმწიფო ფონდის წარმომადგენლებს შეხვდა.
მხარეებმა, ორ ქვეყანას შორის სამომავლო თანამშრომლობის პერსპექტივებზე იმსჯელეს. ამ მიზნით, საქართველოს სოციალური მომსახურების სააგენტოსა და აზერბაიჯანის რესპუბლიკის სოციალური დაცვის სახელმწიფო ფონდს შორის ურთიერთგაგების მემორანდუმი გაფორმდა.
შეთანხმება, ორ ქვეყანას შორის, სოციალური დაცვისა და საპენსიო უზრუნველყოფის სფეროში, მჭიდრო თანამშრომლობას გულისხმობს. დოკუმენტი, შეზღუდული შესაძლებლობის მქონე პირთა სოციალური დაცვის გაძლიერებასა და ინოვაციურ მიდგომებზე დაფუძნებული საინფორმაციო, საკომუნიკაციო ტექნოლოგიებისა და ელექტრონული სერვისების გამოყენებას, ასევე, სოციალური დახმარების სისტემაში თაღლითობისა და არასწორი პრაქტიკის შემთხვევების გამოვლენას ითვალისწინებს.
ურთიერთთანამშრომლობის მემორანდუმს ხელი სოციალური მომსახურების სააგენტოს ხელმძღვანელმა გიორგი ჭანტურიამ და აზერბაიჯანის სოციალური დაცვის სახელმწიფო ფონდის (SSPF) გამგეობის თავმჯდომარე ჰიმალაი მამიშოვმა მოაწერეს.