შრომის ინსპექცია / Labour Inspection Office

🤝კომუნიკაცია დამსაქმებელსა და დასაქმებულებს შორის უმნიშვნელოვანესია!

✅იცოდე შენი უფლებები, იყავი დაცული!

კომუნიკაცია დამსაქმებელსა და დასაქმებულებს შორის შრომის კოდექსის მიხედვით, თანამშრომლობა და კონსულტაციის გამართვა ითვალისწინებს დამსაქმებელსა და დასაქმებულს ...

შრომის ინსპექციის სამსახური - მთავარი პარტნიორი, შენი უფლებების დასაცავად! 👷‍♀️👷

რას მოიცავს შრომის ინსპექციის მანდატი? შრომის ინსპექციის მიზანია შრომითი ნორმების ეფექტური აღსრულების მიზნით განახორციელოს ინსპექტირება საკუთარი ი....

⚠️მავნე ქიმიკატებთან მუშაობა

რა შემთხვევაში და როგორ უნდა დაიცვათ უსაფრთხოების ნორმები⬇️

მავნე ქიმიკატებთან მუშაობა

⁉რას გულისხმობს და რა განსხვავებაა უბედურ და საშიშ შემთხვევებს შორის?👷‍♀️👷

რა არის უბედური და საშიში შემთხვევა სამუშაო ადგილზე? რა განსხვავებაა უბედურ და საშიშ შემთხვევას შორის?რა ვალდებულება აქვს დამსაქმებელს?რა შემთხვევაში დამსაქმებელ.....

საქართველოს პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილი ევროპარლამენტის წევრს, სლოვაკეთის რესპუბლიკის შრომის, სოციალური დაცვისა და ოჯახის მინისტრის მრჩეველს, ბრანისლავ ონდრუშს და სლოვაკეთის პარლამენტის ევროპულ საქმეთა კომიტეტის ვიცე-პრეზიდენტს, სლოვაკეთი-საქართველოს მეგობრობის ჯგუფის პრეზიდენტს მიხაელ შტუსკას შეხვდა.

შეხვედრას შრომის ინსპექციის სამსახურის უფროსი, ბექა ფერაძე ესწრებოდა.

ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის მინისტრი ევროპარლამენტის წევრს, სლოვაკეთის რესპუბლიკის შრომის, სოციალური დაცვისა და ოჯახის მინისტრის მრჩეველს, ბრანისლავ ონდრუშსა და სლოვაკეთის პარლამენტის ევროპულ საქმეთა კომიტეტის ვიცე-პრეზიდენტს, სლოვაკეთი-საქართველოს მეგობრობის ჯგუფის პრეზიდენტს მიხაელ შტუსკას შეხვდა. შეხვედრას, შრომის ინსპექციის ხელმძღვანელი ბექა ფერაძე ესწრებოდა.

მხარეებმა, ერთობლივი პროექტები განიხილეს და სამომავლო თანამშრომლობის საკითხებზე შეთანხმდნენ. აღინიშნა, რომ საქართველო, „ტვინინგის პროგრამის“ ფარგლებში, ნაყოფიერად თანამშრომლობს სლოვაკეთთან. საუბარი შეეხო, ბოლო წლების განმავლობაში, შრომის ინსპექციაში გატარებულ რეფორმებსა და წარმატებულ შედეგებს. ჯანდაცვის მინისტრის განმარტებით, იგეგმება უწყების ეფექტიანობის გაზრდა, საქართველოში შრომითი უფლებების დაცვის გაუმჯობესების მიზნით.

ტვინინგის პროექტის ხელმძღვანელმა საქართველოს ევროკავშირში გაწევრიანების გზაზე მკაფიო მხარდაჭერა გამოხატა. დელეგაცია „საქართველოში უსაფრთხო და ჯანსაღი სამუშაო გარემოს გაუმჯობესება ევროკავშირის სტანდარტებისა და მოწინავე საერთაშორისო პრაქტიკის შესაბამისად“ დაძმობილების პროექტის ფარგლებში იმყოფება.

სტაჟირების მსურველებს განაცხადის გაკეთება სხვადასხვა უწყების მიერ გამოცხადებულ კონკურსზე www.hr.gov.ge -ის ვებგვერდის მეშვეობით 2-დან 8 აგვისტოს ჩათვლით შეეძლებათ.

სტაჟიორად შეიძლება მიღებული იყოს საქართველოს ქმედუნარიანი მოქალაქე, რომელმაც იცის სახელმწიფო ენა, სწავლობს ბაკალავრიატის დამამთავრებელ კურსზე; ან სწავლობს მაგისტრატურის საფეხურზე; ან დასრულებული აქვს ბაკალავრიატის ან მაგისტრატურის საფეხური 2023-2024 სასწავლო წლის გაზაფხულის სემესტრში.

შერჩევის კრიტერიუმად განისაზღვრა სტაჟირების მსურველი პირის აკადემიური მოსწრების (GPA) მაჩვენებელი და ქულათა სისტემა. გასაუბრებისას უპირატესობა მიენიჭებათ უმაღლესი მოსწრების კანდიდატებს. ამასთან, უწყებები სტრუქტურული ერთეულის შესაბამისად და სპეციფიკიდან გამომდინარე განსაზღვრავენ სტაჟიორთა დამატებით საკვალიფიკაციო მოთხოვნებს.
კანდიდატს არ ევალება საგანმანათლებლო დაწესებულებიდან ცნობის ან ქულათა მაჩვენებლის გამოთხოვა და ატვირთვა.

აუცილებელია, კანდიდატმა მიუთითოს საგანმანათლებლო დაწესებულება, პროფესია და მისი GPA ან/და ქულათა მაჩვენებელი. აღნიშნულ ინფორმაციას აპლიკანტის თანხმობის საფუძველზე, მის მიერ მითითებული საგანმანათლებლო დაწესებულებიდან შესაბამისი საჯარო უწყება გამოითხოვს. მხოლოდ უცხოენოვანი დიპლომის შემთხვევაში, მოუწევს კანდიდატს ნათარგმნი და ნოტარიულად დამოწმებული ასლის ატვირთვა.

სტაჟირების მსურველმა უნდა წარადგინოს პირადობის მოწმობის ასლი, სამოტივაციო წერილი და ინფორმაცია სწავლის ეტაპის ან დასრულების და აკადემიური მოსწრების შესახებ. ამასთან, საჯარო დაწესებულება უფლებამოსილი იქნება, საგანმანათლებლო დაწესებულებიდან გამოითხოვოს შესაბამისი განათლების და აკადემიური მოსწრების ინფორმაცია/დოკუმენტები.

კონკურსი ორ ეტაპად წარიმართება - საბუთების გადარჩევა და გასაუბრება. სტაჟირების მსურველ პირს შეაფასებს შესაბამისი საჯარო დაწესებულების ხელმძღვანელის მიერ შექმნილი კომისია.

საჯარო დაწესებულებების მასშტაბით 4-თვიან სტაჟირებას მიმდინარე წლის სექტემბრიდან 3000-მდე მსურველი გაივლის.

კურსდამთავრებულთა ანაზღაურებადი სტაჟირების ბმული - https://hr.gov.ge/?vacancyNum=47

📢 შრომის ინსპექციის სამსახური აცხადებს სტაჟირებას შემდეგ სტრუქტურულ ერთეულებში:
✅შრომის უფლებების ზედამხედველობის დეპარტამენტში;
☑️შრომით უფლებებზე ზედამხედველობის იმერეთის რეგიონულ სამმართველოში;
☑️შრომით უფლებებზე ზედამხედველობის აჭარის რეგიონულ სამმართველოში;
✅შრომის უსაფრთხოებაზე ზედამხედველობის დეპარტამენტში;
☑️შრომის უსაფრთხოებაზე ზედამხედველობის იმერეთის რეგიონულ სამმართველოში;
☑️შრომის უსაფრთხოებაზე ზედამხედველობის აჭარის რეგიონულ სამმართველოში;
✅იურიდიულ დეპარტამენტში;
✅საფინანსო-ეკონომიკურ დეპარტამენტში;
✅ადმინისტრაციულ დეპარტამენტში;

📌 სსიპ – შრომის ინსპექციის სამსახურში სტაჟიორთა მიღება ხორციელდება „საჯარო სამსახურის შესახებ“ საქართველოს კანონის შესაბამისად, კონკურსის საფუძველზე.
📌 კონკურსი ცხადდება სსიპ – საჯარო სამსახურის ბიუროს მიერ ადმინისტრირებულ ვებგვერდზე, სადაც კონკურსში მონაწილეობის მსურველთა განცხადებები მიიღება მხოლოდ ელექტრონული ფორმით.
🔗 სტაჟირებასთან დაკავშირებული დეტალები იხილეთ ბმულზე:
https://lio.moh.gov.ge/main.php?lang=1&id=202301090539334900216161

30 ივლისი ადამიანით ვაჭრობის (ტრეფიკინგის) წინააღმდეგ ბრძოლის საერთაშორისო დღეა.

ამ თარიღთან დაკავშირებით, შრომის ინსპექციის სამსახურისა და საქართველოს პროკურატურის თანამშრომლობით, თბილისში საინფორმაციო შეხვედრა გაიმართა. შრომითი ექსპლუატაციის შესახებ ცნობიერების ამაღლების მიზნით ჩატარებულ შეხვედრას კერძო კომპანიაში დასაქმებული პირები ესწრებოდნენ.

პროკურორებმა და შრომის ინსპექციის სამსახურის წარმომადგენლებმა მიმოიხილეს საქართველოში ადამიანით ვაჭრობის (ტრეფიკინგის) მიმართულებით არსებული მდგომარეობა, მიღწევები და გამოწვევები. განსაკუთრებული ყურადღება დაეთმო ტრეფიკინგის მსხვერპლთა დაცვაზე ორიენტირებული მიდგომისა და მხარდაჭერის საკითხებს.

შეხვედრის მონაწილეებმა მიიღეს ინფორმაცია, თუ როგორ დაიცვან თავი შრომითი ექსპლუატაციისგან, ვის მიმართონ ტრეფიკინგის სავარაუდო შემთხვევის დროს და რა სახელმწიფო სერვისებია ხელმისაწვდომი დაზარალებულთათვის.

შეხვედრაზე, ასევე განიხილეს სახელმწიფოს მხრიდან სამართლებრივი ბრძოლის მექანიზმები, შრომითი ექსპლუატაციის შემთხვევების პრევენციის, შრომითი ტრეფიკინგის გამოძიებისა და სისხლისსამართლებრივი დევნის საკითხები.

📍შრომის ინსპექციის სამსახურის საქმიანობის პრიორიტეტულ მიმართულებას წარმოადგენს ტრეფიკინგთან ბრძოლა, რომლისთვისაც უწყება აქტიურად მუშაობს.

☎️დამატებითი ინფორმაციისთვის დაგვიკავშირდით ცხელ ხაზზე: 15-75

30 ივლისი ადამიანით ვაჭრობის (ტრეფიკინგის) წინააღმდეგ ბრძოლის მსოფლიო დღეა.

შრომის ინსპექციის სამსახურის საქმიანობის პრიორიტეტულ მიმართულებას წარმოადგენს ტრეფიკინგთან ბრძოლა, ამ მიმართულებით უწყება აქტიურად მუშაობს.

საქართველო სრულად აკმაყოფილებს ტრეფიკინგთან ბრძოლის სტანდარტებს და ამ მიმართულებით თანმიმდევრულ და კოორდინირებულ ღონისძიებებს მუდმივ რეჟიმში ახორციელებს.