馬來椰爺

期間限定🤩 **⛄飄雪Kaya☃️**😍, 上面加忌廉 及 天然椰子碎粒， 與鮮製斑蘭Kaya的香味平衡及融合， 同時加入多一層的口感及香味😋。一齊來迎接愉快既聖誕🎅 😍

因新鮮手工醬料供應趕不上需求😋, 炒醬製作需時，加上要準備長沙灣新店，
今日休息一天(22/8) ， 明天(23/8) 如常。 多謝支持 🙏💛

好消息！！小店明天（31/7）起逢星期一會開始照常營業。
由於近月已經找到其他地方炒製手工醬料，讓小店不用再特定一天關店炒製自家醬料。希望可以持續為各位食客送上一碗碗熱騰騰既自家製手工叻沙摻摻。

另一方面，主廚亦開始介入研究飲品製作，希望可以提升飲品質素及種類款式。明天起會加推真.百香果茶 及真.百香果梳打

30/5今日休業一天，重新炒製叻沙醬料。
因昨晚製作叻沙醬料時用料比例失誤，廚師為堅持品質，決心整批醬料報銷處理。人手成本及舖租壓力大，但不想放棄初心。未來希望可以尋找到合適的製作工場，減少對店舖營運既影響。今日未能營業，請各位食客體諒！🙏🙇

迎接熱天來臨🔥，消暑祭☃️第二回合黎la ! 以下既期間限定將會衝擊味蕾 同時透心涼😎 3款創新食品：
1) 雪糕班蘭咖央😍 - 將班蘭 椰香 與雲呢拿雪糕結合，香甜同時透心涼。香脆多士令雪糕微溶化，微流心狀態，食落更滋味。
2) 雪糕叻沙冷麵摻摻 (虎蝦拼帆立貝) (帶少許辛辣) 🤩🤩 - 摻摻在高温煮後 再過冷河，令麵質爽口。熱叻沙及椰香 結合雲呢拿雪糕，介呼冷熱交界， 複合味道，衝擊味蕾。 (做功較複雜， 售完即止)
3) 雪糕班蘭椰汁飲☃️ - 雪糕令冰凍既班蘭椰汁保持冰涼 及 逐漸溶化令飲品奶香漸濃。

活動5月21星期日開始， 快d來試下~🥰

迎接熱天來臨，消暑祭嚟拉！ 本店即日起推出一系列期間限定，清涼消暑美食：

- 雪糕糯米糍班蘭椰香手工咖央多士(如圖所示)
- 冬瓜車厘茄 拼 滷水燉金沙骨 椰爺秘傳叻沙摻摻 - (多菜少肉，冬瓜又能消暑)
- 新鮮西瓜百香果茶(凍) (新鮮西瓜消暑熱)

快d過來食好野， 同時消暑

為迎接延長營業時間後第一個星期六， 我地將於29/4(星期六) 推出招牌級數既新叻沙湯，呢款湯經主廚反覆改進近半年， 終於完成研究， 名為：
"香料娘惹叻沙" = 結合多種天然香料 + 鮮炒手工叻沙+ 椰香 + 隔水燉煮濃汁 而成，
味道複合多層次，帶點creamy湯身 (注意，有少量香辣)。

留意暫定延長既營業時間：
星期二至日 11:30am -3pm及 6pm-9:30pm,
(星期一休息炒新鮮叻沙醬)
(加長營業時間， 同時星期六也加開).

重要消息：
因熟客及街坊希望我地加長營業時間， 所以嘗試延長營業時間。
最新開店時間為：
星期二至日， 11:30am -3pm及 6pm-9:30pm,
(星期一休息炒新鮮叻沙醬)
(加長營業時間， 同時星期六也加開).

由衷感謝大家持續支持！

本店將於28/3至3/4暫停營業。期間將深度鑽新食材及馬來飲品。4/4會恢復正常營業，帶新菜式同飲品俾大家品嚐。(拉閘專心研究， 成本係沉重， 但卻是一份堅持)

本店將於17/2（星期五）重新開業。屆時將推出新菜式及飲品。期待各位既光臨！！😋🇲🇾
營業時間如常：
星期二至五及日：12：00-15：00，18：00-20：30 營業。
逢星期一及星期六休息。休息時間，用來炒製自家醬料 及研發新菜式

重要通知💛年初六（27/1）將繼續暫停營業至另行通知🙏🙇，預計延遲休業日期至⭐2月中左右⭐完成菜單及下單系統更新後會恢復營業。2月頭會公佈更新，不便之處，敬請原諒！🙏
完成新加坡旅程後，馬來西亞旅程因事要延遲至新年後出發。旅程回港後，2月頭會儘快處理菜式研發及更新下單系統。
期待再同大家見面，分享新的菜式及飲料。😋

💛重要通知：
馬來椰爺將於1月9 至 1月26日休息 (即1月8號星期日會開業) ,1月27 號 初六重開，營業時間如常。於長假期，我地將出發去馬來西亞 🇲🇾及 新加坡 尋找新靈感 及 研究新食譜，希望做出更極緻美味既食物😋，已訂好機票。 1月27號，到時會有重磅菜式上場, 期待新年後再見大家， 新年快樂🧧。☺

馬來椰爺負責人的心底話🙊：

開業近一年，為左自家鮮炒無味精叻沙醬料 及 開店，我地基本上接近無停止工作，感覺非常疲勞😪 (所謂休息日， 我地都係落半閘係入面炒醬及改進湯麵) ， 所以決心放一個長假期， 再回去馬來西亞 及 新加坡 尋找新靈感 及 研究新食譜 (疫情3年多都無去東南亞區，所以趁佢地未收緊前，要盡早去🧳。 比起開店賣野食， 我更享受改進湯麵及Kaya， 挑戰更極緻既味道), 農曆新年後會重開，多謝大家繼續支持 。☺

製作醬料，休息一天。

22/12冬至佳節休息一天，祝大家冬快樂！明天23/12照常營業。

最新營業時間 及 ☃️聖誕期間限定😍飄雪Kaya:
1) 因為大量熟客已習慣逢星期一休業炒醬，避免他們撲空，即日起更改營業時間，星期六及星期一休息炒醬料及研發新菜式。新營業時間為： 星期二至五 及 星期日 開店， 12pm-3pm 及6pm-8:30pm 營業
(有兩日的休業炒醬，理論上之後營業時間會較穩定，會較少出現不定期休業), 多謝支持。
2) 聖誕期間限定🤩 **⛄飄雪Kaya☃️**😍, 上面加忌廉 及 有機椰子碎粒， 與鮮製斑蘭Kaya的香味平衡及融合， 同時加入多一層的口感及香味😋。一齊來迎接愉快既聖誕 😍

14-15/12休息兩天，星期五16/12恢復正常營業。

今日8/12設備維修，休息一天。

因叻沙醬料需求量增加，要更多時間炒新鮮醬料， 即日起更改營業時間，星期二及星期六休息炒醬料。新營業時間為： 星期一、三、四、五、日， 12pm-3pm 及6pm-8:30pm 營業。
(小店人手有限，回頭客越來越多， 為了堅持新鮮炒叻沙， 同時給廚師有時間研發新菜式，而更改， 感謝大家持續支持。)

叻沙醬耗盡，是日炒醬料，休息一天。

製作醬料，今日休息一天。

😭

研發新菜式，星期三將加推期間限定😍

因風球關係， 2/11 今天休息一日 (天文台考慮正午12時至下午2時之間發出八號風球)

廚師：可以休息一下都好，有更多時間研究新湯， 近期研究中
1) 五重香蝦叻沙湯 (呢個湯真係超香，完全超越三重香蝦叻沙，口腔有多種蝦香交集，係強烈真鮮香而非仿鮮味，食完連我都哇左一聲~，但做工複雜，出唔到幾多碗， 都一定係限量版)
2) 加濃版椰爺秘傳 (研究中)

1) 1/11 真休息一日 及 31/10炒醬休息日
2) 由於客流量增加，我地決定每日午市及晚市開始時派籌，避免影響到附近店

主理廚師的心底話： 最近好幸運有米紙免費採訪 及自費來食 (作為小店， 其實都沒能力像大集團去打廣告) ，給予了好評， 真心感謝。
人氣突然上升，背後出現咗一些現像， 就係小店空間及人手有限， 等待時間加長， 作為廚師， 真心感到歉意... 但同時希望大家諒解，我保持以質素及味道行先，就算多左人排隊，也堅持即叫即做方法優先， 我無法接受一隻軟殼蟹/虎蝦為左像大集團方式快出餐，就翻煮2次 or 恒温 到乾身 及爽感下降， 情願抱持食物質素重要過賺快錢既心態(我希望令1 個客人因為好味道及滿足感而回來1000次， 都唔希望1000個客人只係來食1次) 。
有曾做過飲食既朋友話我咁樣既做法， 又辛苦而好難賺錢... 無可否認，慢工出細貨，翻桌速度確實低， 都難賺大錢。 鮮炒醬真係真係好痛苦， 平時日日做到凌晨， 到"休息日"又要炒醬， 根本就係7天工作， 無法休息。可能有一日， 忍唔住， 要短暫拉閘， 任性一下， 再飛去星馬或東南亞區，去尋找極緻美味既新靈感~
(很神奇， 我反而掛念以前同批熟客，一齊研究改進食材既時光， G、M、F 湯改進近80次以上，已經好極緻美味。希望你地偶爾都要再來a, 唔好怕排一陣， 聚下，食好野~)

主理廚師的心底話：每日要準備大量食材， 還要堅持著新鮮炒製無味精叻沙，做足13小時以上，其實真係好疲累，連自己私人時間都用了來炒醬... 亦終於明白為什麼市場上很少有鮮炒叻沙醬既食店，因為手工時間及成本真的非常高 (曾經有朋友同我開玩笑， 如果有一日連你都放棄，可能都好難再搵到呢種叻沙鮮香味， 所以要依食多d 食先得，哈哈)。 但每次氣餒時， 持續聽到很多食客(勁)讚賞/欣賞我地既手工叻沙， 感覺非常鼓舞， 回頭客也比剛開店時多了很多， 有些也成為像定時見面既朋友， 覺得做小店比較連鎖店可以更有人情味。 開小店周邊的事情遠比想像多， 但我還是希望專心做好味既食物。 我會繼續努力，多謝大家支持 💪💪

本店主要製作叻沙湯底，確實並非主打素食湯底，V1生菜香草濃椰奶湯設定是清香及真正100%素食湯底，讓唔食辣/想食較清口味/素食的客人有一個合適的選擇， 但確實該無味精素湯會較清淡。(V系列和現有的C系列既濃椰奶湯不同， V是完全純素，湯底及配料皆無任何肉類成份、無牛奶類、無蛋類，正是該客所選，百份百純素)

因近日有一名較偏激的素食者光顧，食完本店香草濃椰奶後表達不合口味(該V1湯係100%素食湯，但該客人表示無味精既素湯，偏清淡) ，想不付賬離開，並於店內大叫大嚷滋擾其他食客。當日有其他食客在場見証，亦有食客鼓勵本店報警處理。當日本店息事寧人，賬單減半價處理。

最後，本店承認自己並非素食專門店，即使特別為素食者洗煲、開真正素食湯、特別預備配料，亦難滿足某類素食者期望。

本店決定由今日起不再供應素食選項，請各位食客諒解！🙏

聽取了很多客人既意見後， 最終決心安裝了新冷氣機3 匹 Panasonic, 製冷力強有埋空氣淨化功能。本小店雖然資金有限， 但仍堅持要給客人最好既體驗， 現在食叻沙既同時， 也有清涼既冷氣。安裝已完成，今日隨時歡迎再光臨

24/8因打風關係，晚市休息。

趕製自家醬料及更新菜式，2/8休息天準備。星期三將有新麪款發佈推出。

剛完成湯池維修，延遲半小時，12：30開舖

😭😭湯池失靈要維修，今日開唔到業。

更新菜式及菜單，今日20/7晚市半日及明天21/7全日休業。

研發新湯底及新菜式，今日14/7全日休息一天。

順應街坊意見，現增加幾日平日晚市時段。最新營業時段如下：
星期二至五及星期日：午市12：00-15：00, 晚市18：00-20：30
星期六：午市12：00-15：00
星期一全日休業。休業時段，用作炒製自家醬料。

今晚至星期三休業，預計30/6重開並更新菜式湯底

因製作手工醬料時間遠超開店初期，小店將更改營業時間應付需求。下列為新營業時間：
星期一至四：午市12：00-15：00
星期五、六及日：午市1200-15：00, 晚市18：00-20：30
更改營業時間後，希望可以帶更多創新菜式俾大家品嚐😋👍

新menu 餐單嚟啦！宜家follow我地Facebook/IG仲送小食牛肉丸添？詳情可以睇下列圖片資訊。

營業時間更改
星期二至五及星期日：12：15-15：00, 18：00-20：30
星期六：12：15-15：00
逢星期一全日休息

19/5 預計新餐單下午完成，午時停業，晚市正常營業。