GREEN CYBER KOCHI

ബിനീഷ് കോടിയേരിയെ പോലെ ലഹരിയിടപാട് നടത്തിയിട്ടോ പി വി അൻവറിനെ പോലെ അനധികൃത അമ്യൂസ്‌മെന്റ് പാർക്ക് നിർമ്മിച്ചിട്ടോ തോമസ് ചാണ്ടിയെ പോലെ ഭൂമി കയ്യേറിയിട്ടോ കെ ടി ജലീലിനെ പോലെ കോൺസുലേറ്റിൽ അനധികൃത ബന്ധം സ്ഥാപിച്ച് കള്ളക്കടത്തിന് കൂട്ട് നിന്നിട്ടോ ഇ പി ജയരാജനെ പോലെ ബന്ധുക്കൾക്ക് അനധികൃതമായി ജോലി വാങ്ങിക്കൊടുത്തിട്ടോ പിണറായിയെ പോലെ പലജാതി അഴിമതികൾക്ക് നേതൃത്വം നൽകിയിട്ടോ അല്ല ഖമറുദ്ദീൻ സാഹിബിന് നേരെ പോലീസ് നടപടി ഉണ്ടായിരിക്കുന്നത്..
ബിസിനസ് മേഖലയിൽ സാമ്പത്തിക തകർച്ച നേരിട്ട എം സി ഖമറുദ്ദീൻ സാഹിബ് അദ്ദേഹത്തിന്റെ സ്ഥാപനത്തിൽ നിക്ഷേപം നടത്തിയവർക്ക് നിക്ഷേപ മുതൽ തിരിച്ചേൽപിക്കാൻ കാലതാമസം നേരിട്ടപ്പോൾ ഉണ്ടായിട്ടുള്ള പരാതികളുടെ അടിസ്ഥാനത്തിൽ ഒരു നോട്ടീസ് പോലും നൽകാതെ അറസ്റ്റ് ചെയ്തതിന് പിന്നിൽ കൃത്യമായ രാഷ്ട്രീയ അജണ്ടയുണ്ടെന്ന് വ്യക്തമാണ്..
പ്രതിസന്ധി പരിഹരിക്കുന്നതിന്റെ ചർച്ചകൾ പുരോഗമിക്കുന്നതിനിടെയും ഹൈക്കോടതിയിൽ ഖമറുദ്ദീൻ സാഹിബ് നൽകിയ കേസ് പരിഗണിക്കുന്നതിനും മുമ്പേ അദ്ദേഹത്തെ അറസ്റ്റ് ചെയ്തതിന് പിന്നിൽ ഒരിക്കലും അദ്ദേഹം നിക്ഷേപകർക്ക് പണം തിരിച്ചു നൽകരുതെന്ന് ആഗ്രഹിക്കുന്നവരുടെ കറുത്ത കരങ്ങൾ പ്രവർത്തിച്ചിട്ടുണ്ടാകാം..
സ്വർണ്ണക്കടത്ത് കേസും ലഹരിക്കേസും മറ്റു പല അഴിമതിക്കേസുമായി ആടിയുലയുന്ന പിണറായി സർക്കാരിന് പഞ്ചായത്ത് തിരഞ്ഞെടുപ്പ് അടുത്തിരിക്കെ ഇങ്ങനെയൊരു സ്റ്റോറി അത്യാവശ്യമായിരുന്നു എന്നതാണ് വാസ്തവം..!

നിക്ഷേപകരുടെ ആവലാതികൾക്കൊപ്പമാണ് പാർട്ടി എന്ന് സംസ്ഥാന നേതൃത്വം ഔദ്യോഗികമായി തന്നെ നേരത്തേ പറഞ്ഞതാണ്.. അതോടൊപ്പം തന്നെ പ്രതിപക്ഷത്തോടൊന്നാകെയുള്ള രാഷ്ട്രീയ പ്രതികാരത്തിന് വേണ്ടി അര നൂറ്റാണ്ടിന്റെ കറകളഞ്ഞ രാഷ്ട്രീയ അനുഭവസമ്പത്തുള്ള, ജില്ലയൊന്നാകെ അംഗീകരിക്കുന്ന ഒരു വലിയ നേതാവിനെ സി പി എം വേട്ടയാടുമ്പോൾ ഞങ്ങളാരും ഇവിടെ അടങ്ങിയിരിക്കുമെന്ന് ആരും കരുതേണ്ടതില്ല.. പ്രിയപ്പെട്ട എം എൽ എയുടെ പിന്നിൽ അദ്ദേഹത്തിന് ഐക്യദാർഢ്യവുമായി ഓരോ മുസ്ലിം ലീഗ് പ്രവർത്തകനും അടിയുറച്ച് തന്നെയുണ്ട്.. ഈ അറസ്റ്റിനെ നിയമപരമായും രാഷ്ട്രീയമായും ഞങ്ങൾ നേരിടുക തന്നെ ചെയ്യും.

N ഓൾ ഇന്ത്യാ മെഡിക്കൽ എൻട്രൻസ് ടെസ്റ്റിൽ (NEET) കേരളത്തിൽ ഒന്നാം റാങ്കും, OBC ഓൾ ഇന്ത്യ തലത്തിൽ രണ്ടാം റാങ്കും കരസ്ഥമാക്കി തിളക്കമാർന്ന വിജയം നേടിയ ആയിഷക്ക് ഹൃദയം നിറഞ്ഞ അഭിനന്ദനങ്ങൾ.