Nawaza shop

ئەم نامەیەم لە ژمارەیەکی نەناسراوەوە پێگەیشت. نیوەشەو بوو؛ بە تەنها لە ماڵەوە دانیشتبووم. ڕاستە، سەرەتا زۆر سەرم سوڕما چونکە هەستم دەکرد ژمارەکە نامۆ نیە، بەڵام نەمدەزانی کێیە. هێشتا وەڵامم نەدابویەوە، کە گوێم لە دەنگی لێـدانی دەرگا بوو، دەرگـای شوقەکە!نایشارمەوە کەمێک شڵەژام، چونکە کاتی هاتنی ئەو نامەیە زۆر نامۆ بوو، کە چەند خولەکێک پێش لەدەرگادانەکە بوو. سەرەتا گوتم ڕەنگە بەهۆی نامەکە خەیاڵ بکەم، بەڵام... دیسان گوێم لە دەنگی دەرگا بوو، ســێ جـار و بە هێـوری. بەو کاتە کـێ هاتووە؟ لەوکاتەوەی لێرە ژیاوم بەهۆی کارەکەمەوە، کەس سەردانی نەکردوومە.! لە دەرگاکە نزیک بوومەوە و گوتم...

- کێیە؟!

کەس وەڵامی نەدایەوە، نزیک بوومەوە و لە کەلێنێکەوە ڕوانیم، بەڵام...کەسم نەبینی. ئەوە چۆن دەبێت؟! بۆ چەند چرکەیەک بیرم کردەوە و خەریک بوو دەرگاکە بکەمەوە، بەڵام گوێم لە دەنگی نامەیەکی واتسئەپ بوو، نامەکەیتریشم بیرکەوتەوە، هەستێکی سەیر و نامۆم بۆ هات. گەڕامەوە و سەیرم کرد. بینیم لەهەمان ژمارە نامەیەکیترم بۆ هاتووە، نوسراوە "نـەکەی دەرگاکە بکەیتەوە."
هەستم بە لەرزێک کرد لە جەستەمدا. زۆر ترسام. ئەمە چییە؟ کێیە ئەم نامەیە بۆ ناردوم؟! ئەدی چۆن زانی کەسێک لە دەرگا دەدات؟! وە...ئەسڵەن کێیە لە دەرگا دەدات؟! زۆر پرسیاریتریش کە وەڵامیانم دەست نەدەکەوت.

ئەو کاتە پێم وابوو ڕەنگە دوو دز بن و بە جۆرێک لە جۆرەکان لەگەڵ یەکتردا ڕێککەوتـبن، بەس شتی وا لە کوێ هەبووە؟ یەکێ لە،دەرگا بدات و یەکێ بڵێت نەیکەیتەوە ! کەس هەیە گاڵتەی وا بکات؟ لەوانەشە هەبێت...لەدەرگا دانەکە بەردەوام بوو...سێ جار لێدەدرا و چەند چرکەیەک دەوەستا. مێشکمی داگیر کردبوو، نەمدەزانی چی بکەم! بەڵام زۆر دەمارگیری کردبووم و بێزارکەر بوو. ئەقڵم لەسەردا نەما، دووبارە چوومە لای دەرگاکە. هەر کە نزیک بوومەوە، نامە لەسەر نامە دەهات. دەمزانی نامەی دەرگا نەکردنەوەیەکەیە، بۆیەش گوێم نەدایێ.

تەنانەت سەیری مۆبایلەکەشم نەکرد، چوومە نزیک دەرگاکەوە و خێرا لە کەلێنەکەوە ڕوانیم، دووبارە کەس نەبوو. ئەوکاتە دەرگاکەم کردەوە، چۆڵ و هۆڵ، بەشەرێکی تێدا نەبوو. چەند هەنگاوێکم نا و سەیری بەردەم دەرگای شوقەکەی تەنیشتم کرد، ئەوێش کەسی لێ نەبوو، چەند هەنگاوێکی تر و سەیری پلیکانەکانم کرد، هیچ کەسێکی لێ نەبوو. گەڕامەوە ژوورەوە و خەریک بوو شێت ببم. هەر کە دەرگای شوقەکەم داخست...ڕووناکیەکان کوژایەوە!

چاوەڕێی بەشی دووەم بن
خاڵێک لە کۆمێنت جێ بێڵە..🖤

چاوەڕوانیەکەتان کۆتایی هات
ئەمشەو هەمموان هەواڵە ڕاستەکە دەزانن و دەیبینن کێ بووە