VICTORYHealthCare

(Yangon only)

✅ အိမ်မှာ ECGဆွဲဖို့လိုအပ်လာခဲ့ရင် ဆက်သွယ်နိုင်ပါတယ်။

💵 သွားလာစရိတ် + PPE အကာအကွယ်ဝတ်စုံခ + service feesယူပါတယ်။
လူနာတစ်ယောက် - 25,000 kyats
(အိမ်တစ်အိမ်မှ လူနာတစ်ယောက်ထက်ပိုပါက 10,000စီ ထပ်တိုးယူပါမယ်။ )

🥰 ငွေကြေးမတတ်နိုင်သောလူနာဆိုပါက သက်ဆိုင်ရာဆရာဝန်၊သူနာပြုက ဆွဲဖို့အမှန်တကယ်လိုအပ်ကြောင်း ရောဂါအခြေအနေလာရောက်ပြောပေးပါက (အခမဲ့)ဆွဲပေးပါတယ်။

🗓 တစ်ရက်ကြိုတင်ဆက်သွယ်ရင် ပိုအဆင်ပြေပါတယ်။

‼️‼️ ECG result ဖတ်ရန်အတွက် ပြနေကျ/ပြလက်စ ဆရာဝန်နဲ့ တိုင်ပင်ပါရန် ‼️‼️

လာရောက်တိုင်ပင်ဆွေးနွေးပြသကြသောလူနာများပြားမှုကြောင့် လတ်တလောလူနာအသစ် လက်ခံမှုကို ၂၇/၇/၂၁ထိ ရပ်နားထားပါကြောင်းအသိပေးအပ်ပါတယ်။
တိုင်ပင်ဆွေးနွေးလက်စလူနာအဟောင်းများကိုတော့ ဆက်လက်ကြည့်ရှုပေးသွားပါမယ်ရှင့်။
🙏🙏🙏

သွေးတွင်းအောက်ဆီဂျင် SPO2 93% အထက်ရှိပြီး ရောဂါလက္ခဏာမပြင်းထန်တဲ့ လူနာတွေမှာ အသက်ရှူလေ့ကျင့်ခန်းကို ခံနိုင်ရည်ရှိသလောက် မှန်မှန်လုပ်သင့်ပါတယ်။

Pulse oximeterကို ဘယ်လိုသုံးမလဲ?

‼️ Oximeter ဟာ အခုလိုအချိန်မှာ သွေးတွင်း အောက်ဆီဂျင်ပမာဏကိုသိဖို့ အရမ်းကို အသုံးဝင်ပါတယ်။
သုံးပုံသုံးနည်း နဲ့ ရှောင်ရမယ့်အရာတွေကို သိဖို့လိုပါတယ်။

✅ Oximeter မှာ အရေးကြီးဆုံးက
SPO2 ( သွေးတွင်း အောက်ဆီဂျင်ပမာဏ ) နဲ့
PR ( သွေးခုန်နှုန်း) ပါ။

❕ပုံမှန်ရှိရမည့်ပမာဏ (Normal value)ကို သိရပါမယ်။
SPO2 - 95% to 99% (100%)
PR - 50-90 ( 60-100) /min

❗️သတိထားရမယ့်အချက်တွေကတော့
မတိုင်းခင်မှာ
၁။ လက်က အေးနေလို့ မရပါဘူး ၊ တိုင်းမယ့် လက်ကို နွေးအောင် ပွတ်ပေးပါ။
၂။ လက်ရေစိုနေလို့ မရပါဘူး။
၃။ လက်မှာ လက်သည်းနီ ဆိုးထားတာ ၊ လက်သည်းအတု တပ်ထားတာ ရှိရင် မရပါဘူး။
၄။ လက်ကို ငြိမ်အောင် ထားရပါမယ်။ မတိုင်းခင်မှာ ငါးမိနစ်လောက် ငြိမ်ပေးပါ။
၅။ သွေးပေါင်ချိန် အရမ်းကျတာ ၊ သွေးအား အရမ်းနည်း တဲ့သူမှာလည်း အဖြေမမှန်တတ်ပါဘူး။
၆။ အသားမာရှိတဲ့ နေရာတွေမှာ မတိုင်းရပါဘူး။

❕တိုင်းနည်း

- လက်ခလယ် သို့မဟုတ် လက်သူကြွယ် ကို တိုင်းရပါမယ်။
(ကလေးလေးတွေဆို လက် မငြိမ်ရင် ခြေမ သို့ ခြေချောင်းလေးတွေကို တိုင်းလို့ရပါတယ်။)
- oximeter ကို လက်မှာ စက္ကန့်သုံးဆယ် ကနေ
တစ်မိနစ်တပ်ထားဖို့ လိုပါတယ်။
- ရေလှိုင်းလို အတွန့်လေးတွေ ငြိမ်သွားမှ အဖြေကို ဖတ်ပါမယ်။
- ပုံမှန် တစ်နေ့ကို အနည်းဆုံး တစ်ကြိမ်ကနေ သုံးကြိမ်ထိ တိုင်းပေးပါ။
- မှတ်တမ်းစာအုပ် လုပ်ပေးပါ။

ရောဂါလက္ခဏာ ပြင်းထန်သူတွေ ဆိုရင်
ပိုပြီး အကြိမ် များများ တိုင်းပေးဖို့လိုပါတယ်။
ဆရာဝန် ညွှန်ကြားချက်အတိုင်း တိုင်းဖို့်လိုပါတယ်။
တိုင်းပြီးရင်လည်း မှတ်တမ်းစာအုပ်မှာ မှတ်ထားပေးပါ။

‼️ သွေးတွင်း အောက်ဆီဂျင်ပမာဏ 95% ၉၅ရာခိုင်နှုန်းအောက် ဆိုရင် ဆရာဝန် နဲ့ ချက်ချင်းတိုင်ပင်ပါ။
လိုအပ်တဲ့ ကုသမှု ခံယူပါ။

🌟 အိမ်တိုင်း ဖြစ်နိုင်ရင် တစ်ခုစီဆောင်ထားသင့်ပါတယ်။ (အတုအပ သတိပြုပါ။)

🌟 COVID-19 ရောဂါ သက်သာခါစ ၁၄ ရက်ပြည့်ပြီးရင်တောင် နောက်ထပ် ၁၄ ရက် ဆက်ပြီး တိုင်းနေပေးဖို့လိုပါတယ်။

🌟 silent hypoxia ( ရောဂါလက္ခဏာမပြဘဲ မမောဘဲ အောက်ဆီဂျင်ကျခြင်း) က Covid-19 မှာ အဖြစ်များတဲ့ အတွက် ပုံမှန်လေးတိုင်းဖို့လိုအပ်ပါတယ်။

❕❕❕အိမ်တိုင်း အိမ်တိုင်း oximeter
ဆောင်ထားဖို့ လိုအပ်နေပါပြီ။
❕❕❕ဆရာဝန် ပြောတဲ့ ညွှန်ကြားချက်အတိုင်း ပုံမှန်တိုင်း ၊ မှတ်တမ်း မှတ်ရင်း ဆရာဝန်၊ လူနာ၊ လူနာရှင် ပူးပေါင်းမှုနဲ့ ဒီရောဂါကို ရင်ဆိုင်ကြရအောင်။

Dr. Thè

Covid အ​ကြောင်းသိ​ကောင်းစရာ

🔴ဘယ်အချိန်မှာ Covid လို့ထင်မလဲ?

Covidရဲ့အဖြစ်အများဆုံးရောဂါလက္ခဏာတွေကတော့
-အဖျားတက်ခြင်း ​
-နှာ​စေးချောင်းဆိုးခြင်း
-လည်​ချောင်းနာခြင်း
-ပင်ပန်းနွမ်းနွယ်ခြင်း(အဆစ်အမြစ်နှင့်ကြွက်သားများနာကျင်ကိုက်ခဲခြင်း) စတာတွေပဲဖြစ်ပါတယ်။

နောက်ထပ်အဖြစ်များတဲ့လက္ခဏာတွေအနေနဲ့
-အနံ့ အရသာ​ပျောက်ဆုံးခြင်း
-ဝမ်းပျက်ဝမ်း​​လျှောခြင်း
- ​ခေါင်းကိုက်ခြင်း
-မျက်စိနီရဲခြင်း
-အ​ရေပြားတွင် အနီကွက် အနီစက်များ​ပေါ်လာခြင်း​ စတာတွေကိုလည်းတွေ့ရတတ်ပါတယ်။

အဆိုးဆုံးလက္ခဏာတွေကတော့

-မောကြပ်ခြင်း
-အသက်ရှူရခက်ခဲခြင်း
-ရင်ဘတ်အောင့်ခြင်း စတာတွေပါပဲ။

​ကိုယ့်ကိုယ်ကိုယ် ဒီလိုcovid​ရောဂါလက္ခဏာတွေ စဖြစ်ပြီထင်တာနဲ့ စပြီးလက္ခဏာပြတဲ့ရက်ကို​သေသေချာချာမှတ်ထားပါ။ (ဒီရက်ကိုDay1 စဖြစ်တဲ့ရက်ဟုသတ်မှတ်နိုင်ပါတယ်။)


ဒီလိုရောဂါလက္ခဏာတွေစပြတဲ့ရက်ကနေစပြီးတော့ ကိုယ့်ကိုယ်ကိုယ် အဖျားတိုင်းခြင်း၊ ​​oxygen တိုင်းခြင်း၊ နှလုံးခုန်နှုန်းနှင့်​သွေး​ပေါင်တိုင်းခြင်းစတာတွေကို အနည်းဆုံး တ​နေ့ ၂ ကြိမ်လောက်လုပ်သင့်ပါတယ်။ ကြားထဲမှာလည်း လိုအပ်ရင်လိုအပ်သလို၊ ဆရာဝန်ဆရာမတွေညွှန်ကြားသလို တိုင်းတာနိုင်ပါတယ်။

လူနာကို ဘယ်လိုစောင့်ကြည့်မှတ်သားရမလဲဆိုတာကို အောက်ကဇယားမှာ နမူနာပြထားပါတယ်။ (Crd Dr. NO)

⭕️အထူးသဖြင့် ​​ရောဂါအခံရှိသူတွေ ( ဆီးချို၊ သွေးတိုး၊ နှလုံးရောဂါ၊ ပန်းနာရင်ကြပ်​၊ ကင်ဆာ​ရောဂါ၊ ခုခံအားနည်း​နေသူများ) အနေနဲ့ ကိုယ့်ရောဂါ အလိုက် လိုအပ်တဲ့စစ်​ဆေးမှုတွေကို သက်ဆိုင်ရာဆရာဝန်တွေနဲ့ ဆက်သွယ်တိုင်ပင်ပြီး ကုသမှုခံယူသင့်ပါတယ်။ တိုင်ပင်ကုသမှုများပြုလုပ်ရာမှာလည်း မိမိရဲ့ရောဂါရာဇဝင်အပြည့်အစုံ နဲ့ ဆွဲ​သောက်​နေ​ရတဲ့ဆေးဝါးတွေကို ပြည့်စုံမှန်ကန်စွာ ​ပြောပြပြီးကုသမှုခံယူဖို့အရေးကြီးပါတယ်နော်❗️


အများစုမှာတော့ အပေါ်မှာဖော်ပြထားတဲ့ အဖြစ်များ​တဲ့လက္ခဏာတွေလောက်သာပြပြီးတော့ ပြန်လည်သက်သာသွားကြတာများပါတယ်။
ဒါပေမယ့် ဒီလက္ခဏာတွေအပြင် အသက်ရှူမောကြပ်ပြီး ​oxygen ကျတတ်တဲ့လူနာတွေကိုလည်း အခုချိန်မှာ အတော်များများတွေ့ရပါတယ်။
ဒီလို​မောကြပ်ပြီး oxygenရှူ​နေရ​တဲ့လူနာတွေအနေနဲ့တော့ စောင့်ကြည့်​ပေးဖို့လူနာရှင်တ​စ်​ယောက်အနည်းဆုံးရှိသင့်ပါတယ်။ လူနာကိုယ်တိုင်မလှုပ်နိုင် ​မော​နေတဲ့အချိန်မှာ လူနာစောင့်က ​​ဘေးကနေ oxygenတိုင်းကိရိယာနဲ့ လူနာရဲ့သွေးတွင်း oxygen ပမာဏကို လူနာအိပ်​ပျော်​နေစဉ်အချိန်မျိုးမှာပါ အမြဲတ​စေ​စောင့်ကြည့်​နေရပါမယ်နော်‼️

💪အရေးအကြီးဆုံးကတော့ ရောဂါဖြစ်ပြီဆိုပြီး စိတ်ညစ်မနေဘဲ ကိုယ်ခံအားကောင်းအောင် အာဟာရပြည့်ဝစွာစားပေးပါ​။ အိပ်ရေးဝဝအိပ်ပေးပါ။ အသက်ရှူလေ့ကျင့်ခန်းလေးတွေ လုပ်ပေးပါ။ ကိုယ့်အခြေအနေကို အမြဲတစ်စေစောင့်ကြည့်နေပေးပါ။ တစ်ခုခုစိုးရိမ်စရာကောင်းပြီလို့ထင်တာနဲ့ နီးစပ်ရာဆရာဝန်၊ဆရာမနဲ့တိုင်ပင်ပြီးတော့ ကုသမှုကိုခံယူပါ​။ လူတိုင်းလူတိုင်း မှန်ကန်တဲ့ကျန်းမာရေးအသိ၊သတိတွေနဲ့ ဒီကပ်ရောဂါဆိုးကြီးကို အတူတူကျော်လွှားကြရအောင်ပါနော်!

Admin C&K

ကိုဗစ်ဖြစ်ရင် ဘာစားကြမလဲ???

🥘 ကိုဗစ်ဖြစ်ရင်ပုံမှန်အတိုင်းပဲစားသောက်လို့ရပါတယ်။ ရောဂါဒဏ်ကြောင့် အစာစားချင်စိတ်မရှိတာမျိုးဖြစ်တာ နားလည်ပါတယ်။

✅ အဓိကက ဝင်သလောက်စားဖို့ပါပဲ။
ကိုဗစ်ပိုးက အဆုတ်ကို ဒုက္ခပေးတာပါ။
အစာအိမ်နဲ့အူလမ်းကြောင်းက အကောင်းတိုင်းရှိနေသေးတာမို့ စားရင် စားသလောက် အာဟာရကို ရမှာပါ။

💧 အထူးသဖြင့် ရေကိုများများပိုသောက်ပေးရပါမယ်။ တစ်နေ့ကို ရေ ဖန်ခွက် ၈ခွက်လောက် ဝင်အောင်သောက်ပါ။

👃အနံ့ပျောက်၊ အရသာပျောက်လက္ခဏာတွေဟာ အချိန်တန်ရင်ပြန်သက်သာလာမှာပါ။
အဲဒီလိုဖြစ်လို့ဆိုပြီး ဘာမှမစားပဲနေတာဟာ
ကိုယ်ခံအားကို မတက်စေပါဘူး။

🤒 လူနာက ရောဂါလက္ခဏာမပြင်းထန်ပဲ ဖျားတာ အနံ့ပျောက်တာပဲ ရှိပြီး အောက်ဆီဂျင်ကျတာမျိုးမရှိပဲ ပုံမှန်ဆိုရင် ရောဂါမဖြစ်ခင်က စားသလိုသာ ပုံမှန်စားပါ။
များများစားပါ။

‼️ဝမ်းလျှောတာများတာ အန်တာများတာမျိုးရှိရင် ဓာတ်ဆားရည် ၁ ဘူးလောက် ပြန်သောက်ပေးပါ။
သွေးတိုးကဲ့သို့ ရောဂါအခံ ရှိသူများကတော့
ဓာတ်ဆားမသောက်ခင် ဆရာဝန်၊ ဆရာမနဲ့တိုင်ပင်ဆွေးနွေးသင့်ပါတယ်။
အအန်ပျောက်ဆေး သောက်မယ်ဆိုရင်လည်း Teleconsult လုပ်ပေးနေတဲ့ ဆရာဝန်များကို ဆက်သွယ်မေးမြန်းပြီးမှ သောက်ပါ။

🍲 လူနာက ရောဂါလက္ခဏာပြင်းထန်တယ် အစားအသောက်လည်း ဘယ်လိုမှမစားချင်ဘူး ဖြစ်နေတာမျိုးဆိုရင် အပြုတ် အရည် ဆန်ပြုတ် စွပ်ပြုတ်ပုံစံမျိုးကို နည်းနည်းစီခွဲကျွေးပါ။ အဖတ်ပါ ဝင်အောင်စားပေးပါ။

🕰 နည်းနည်းစီပဲ စားနိုင်တယ်ဆိုရင်လည်း တစ်နေ့ကို ၆ ကြိမ်လောက် ခွဲစားတာမျိုး လုပ်လို့ရပါတယ်။

🧑🏻‍⚕️👩🏻‍⚕️အစားနည်းပီး သွေးပေါင်ချိန်ထိုးကျလာတာမျိုးဖြစ်ရင် ဆရာဝန်နဲ့ တိုင်ပင်ပါ။

🚫 သွေးပေါင်ချိန်ကောင်းနေတဲ့ လူတစ်ယောက်ဟာ ပါးစပ်က မစားပဲ အလွယ်တကူ ပုလင်းချိတ်တာမျိုး လုပ်စရာမလိုပါဘူး။

🥛 🍌 နောက်တစ်ခုက နွားနို့နဲ့ ငှက်ပျောသီး ကိစ္စပါ။ ကိုဗစ်ဖြစ်ရင် အဲဒါတွေ စားလို့သောက်လို့ မရဘူးဆိုတာ မဟုတ်ပါဘူး။
နွားနို့ကို (သကြားမထည့်) တစ်နေ့ ၁-၂ ခွက် သောက်သုံးလို့ရပါတယ်။
ငှက်ပျောသီးကို တစ်နေ့ ၁-၂ လုံး စားလို့ရပါတယ်။

✅ အဲဒါကြောင့်
အကုန်စား၊ အစုံစားကြပါနော်။
အသား၊ ငါး၊ အရွက်အမျိုးမျိုး၊ အသီးအမျိုးမျိုး၊ ဥအမျိုးမျိုး၊ အစေ့အဆံအမျိုးမျိုး အကုန် မျှတအောင်စားပေးပါ။
✅ရေကိုများများသောက်ပေးပါ။
✅အိပ်ရေးဝဝအိပ်ပါ။

Dr. Zuu

Covid ဖြစ်တာရှက်စရာလား?

❗️မြန်မာနိုင်ငံမှာ ကိုဗစ်ဖြစ်နှုန်း၊ သေဆုံးနှုန်းတွေ တစ်စတစ်စများလာကြတာကြောင့် အားလုံးလည်းထိတ်လန့်တုန်လှုပ်နေကြမယ်လို့ထင်ပါတယ်။

⭕️ဒီလိုအခြေအနေမျိုးမှာ ကိုယ်ကိုယ်တိုင် ကိုဗစ်လက္ခဏာတွေခံစားလာရတဲ့အခါ ဒါဟာကိုဗစ်မဟုတ်ပါဘူး၊ မိုးမိလို့၊ အအေးခံမိလို့၊ အချိုရည်သောက်မိလို့ စသဖြင့် ကိုယ့်စိတ်ကိုယ်ကိုယ်လှည့်စားနှစ်သိမ့်တာမျိူးတွေကို တွေ့လာကြရပါတယ်။

🤍တကယ်တော့ ကိုဗစ်ကူးစက်ခံရတယ်ဆိုတာ ရှက်စရာမဟုတ်သလို၊ ထင်သလောက်လည်း ကြောက်စရာမလိုပါဘူးနော်။ လက်ရှိကူးစက်ဖြစ်ပွားနေတဲ့ ကိုးဗစ်ပိုးမျိုးကွဲ delta strainရဲ့ ကူးစက်ပြန့်ပွားမှုနှုန်းဟာ နဂိုမျိူးရင်း strainထက်ကို ၂ဆပိုမိုကူးစက်လွယ်တယ်လို့ သိရပါတယ်။

🔴ဒါပေမယ့် သေဆုံးနှုန်းကိုနှိုင်းယှဉ်ကြည့်တဲ့အခါမှာတော့ နဂိုမျိုးရင်းမှာ သေဆုံးနှုန်း1.9%လောက်ရှိပေမယ့် Deltaမျိုးကွဲကတော့ လက်ရှိချိန်ထိကို0.3%လောက်သာသေဆုံးနှုန်းရှိတယ်လို့ Kirby institute ဗိုင်းရပ်စ်ပိုးမွှားရောဂါပညာရှင် Professor Stuart Turvilleကဆိုပါတယ်။ မြန်မာနိုင်ငံမှာတော့ လက်ရှိကျန်းမာရေးကဏ္ဍပြိုလဲနေမှု၊ အာဏာသိမ်းစစ်အုပ်စုရဲ့ရောဂါထိန်းချုပ်ခြင်းမရှိမှုနဲ့ အမျိုးမျိုးသောနှောင့်ယှက်မှုတွေကြောင့် မသေသင့်ဘဲ သေဆုံးမှုတွေပိုများနေတာမျိုးတော့ရှိပါတယ်။ဒါကြောင့် အသက်ကိုဉာဏ်စောင့်ဆိုသလိုပဲ မဖြစ်ခင်ကကြိုတင်ကာကွယ်၊ ဖြစ်လာပြီဆိုရင်လည်း မှန်ကန်တဲ့ကျန်းမာရေးအသိတွေနဲ့ ကိုယ့်ကိုယ်ကိုယ်နဲ့မိသားစုကို စောင့်ရှောက်ရမယ့်အချိန်ကို ရောက်ရှိလာပါပြီနော်။

🔴ကိုယ်တိုင်မှာဖြစ်စေ၊ မိသားစုမှာဖြစ်စေ ကျန်းမာရေးဌာနကထုတ်ပြန်ထားတဲ့ ကိုဗစ်လက္ခဏာတွေထဲက တစ်ခုခုခံစားနေရပြီဆိုတာနဲ့ တစ်ခြားမိသားစုဝင်တွေနဲ့ တတ်နိုင်သလောက်ထိတွေ့မှုမရှိစေအောင် နေထိုင်ပါ။ Social mediaတွေမှာ ပလူပျံနေတဲ့အကြံပေးချက်တွေကိုနားမယောင်ဘဲ တကယ်တတ်ကျွမ်းတဲ့ဆရာဝန်၊ဆရာမတွေကို စောစီးစွာဆက်သွယ်မေးမြန်းအကြံဉာဏ်တောင်းခံပါ။ ဆရာဝန်၊ဆရာမများရဲ့ညွှန်ကြားချက်အတိုင်းသာ အချိန်နဲ့အမျှလိုက်နာဆောင်ရွက်ဖို့လည်း လိုပါတယ်။

❕ဆေးရုံဆေးခန်းပို့မရတဲ့အခြေအနေမျိူးမှာ ကိုယ်ကိုယ်တိုင်ဆရာဝန်၊ကိုယ်ကိုယ်တိုင်သူနာပြုအနေနဲ့ သွေးပေါင်၊ သွေးတွင်းအောက်စီဂျင်၊ သွေးအချိုဓာတ်၊ ဆီးဝမ်းအခြေအနေ၊ တစ်နေ့တာစားသောက်တဲ့ပမာဏ စသဖြင့် လူနာရဲ့အခြေအနေကို မျက်ခြေမပြတ်မှတ်တမ်းတင်ပြီး ကျန်းမာရေးဝန်ထမ်းတွေနဲ့ ချိတ်ဆက်လုပ်ဆောင်ဖို့ဆိုတာ အင်မတန်မှအရေးကြီးပါတယ်နော်။

💓ဒီလိုမှန်ကန်တဲ့ကုသမှုတွေရရှိရင် မကြွေသင့်ဘဲကြွေရတဲ့အသက်တွေလည်း နည်းပါးလာမှာပါ။ ဒါကြောင့် နောက်ဆုံးပြောချင်တာကတော့ ကိုဗစ်ဆိုတာရှက်စရာ၊ ကြောက်စရာမဟုတ်ပါဘူး။ စောစီးစွာကျန်းမာရေးဝန်ထမ်းတွေနဲ့ ဆွေးနွေးပြီး မှန်မှန်ကန်ကန်ကုသမှုခံယူကြပါလို့ တိုက်တွန်းလိုပါတယ်။

Dr.Phoo