Family Foot SPA

#ကိုယ့်လမ်းကိုယ်လျှောက်ပါ…?
***********************

တချို့က မင်းကို အကြံသမားလို့ မြင်နေချိန်မှာ
တချို့ကတော့ အမြှော်အမြင်ရှိတယ်လို့
သုံးသပ်ပါကြလိမ့်မယ်....

တချို့က မင်းကို ပျော့ညံ့တဲ့သူလို့
အထင်သေးနေချိန်မှာ
တချို့ကတော့ စိတ်ထားနူးညံ့သူလို့
ပြောကြပါလိမ့်မယ်....

တချို့က မင်းကို ရက်စက်တတ်သူလို့
စွတ်စွဲနေချိန်မှာ
တချို့ကတော့ ပြတ်သားတတ်သူလို့
မြင်နေကြပါလိမ့်မယ်....

တချို့က မင်းကို လောဘကြီးသူလို့
အတင်းပြောနေချိန်မှာ
တချို့ကတော့ မင်းရဲ့လုံ့လစိုက်ထုပ်မှုကို
အသိအမှတ်ပြုကြပါလိမ့်မယ်....

တချို့က မင်းရဲ့ကြိုးစားအားထုပ်မှုကို
အရူးတစ်ယောက်လို့ ကဲ့ရဲ့နေချိန်မှာ
တချို့ကတော့ မင်းရဲ့ဇွဲသတ္တိကို
လေးစားနေပါလိမ့်မယ်....

လောကကြီးမှာ ဒီလိုပါပဲ
အကောင်းမြင်တဲ့သူ ရှိသလို
အဆိုးမြင်ဝါဒီတွေလဲ ရှိတယ်....
ကိုယ်တိုင်ကတော့ မှန်အောင်မနေနိုင်ပဲနဲ့
တဖက်သားကို ဝေဖန်အပုတ်ချတတ်သူတွေရှိတယ်...
တခြားသူတွေ ဘယ်လိုမြင်မြင်
အမြင်တိုင်းဟာ အမှန်မဟုတ်နိုင်ဘူး....
တခြားသူတွေ ဘယ်လိုထင်ထင်
အထင်တိုင်းဟာ အမှန်မဟုတ်နိုင်ဘူး....
ကိုယ့်အတွက်အမှန်တရားကို ကိုယ်တိုင်ပြဌာန်းပြီး
ကိုယ့်လမ်းကို မှန်မှန်လျှောက်တာဟာ
အမှန်ဆုံးပဲ သူငယ်ချင်း.....

မူရင်းရေးသူ
ဗဟုသုတစာပေလေးများဖတ်ရှုလိုပါက
အောက်ကစာအပြာလေးနှိပ်ပါ
👇👇👇👇👇👇👇👇👇
လေးစားစွာ𝐂𝐫𝐞𝐝𝐢𝐭ပေးပါသည်"
ပြန်လည်မျှဝေပေးခြင်းဖြစ်ပါသည်…"

ဝိတ်မြန်မြန်ကျဖို့ ဆောင်ရန် အချက်များ...

1.အိပ်ယာနိုးနိုးခြင်း ရေတစ်ခွက်သောက်ပါ။
2.အာဟာရရှိတဲ့ မနက်စာစားပေးပါ ။
3.နေ့တိုင်း ခြေလှမ်း ၅၀၀၀
အထက်လမ်းလျှောက်ပါ။ (သို့)
4.တစ်နေ့ နာရီဝက် လေ့ကျင့်ခန်းလုပ်ပေးပါ။

5.တစ်နေ့ ရေ၃လီတာ ပုံမှန်သောက်ပေးပါ။

6.အသီးအရွက်နဲ့ အဆာခံတဲ့အစားအစာစားပေးပါ ။
7.အစားစားတဲ့အခါ တခါထဲဗိုက်ဝအောင် စားခြင်းထက် ခဏခဏ အနည်းငယ်စီ စားပေးပါ။
8.ညနေစာကို ထမင်းထက် အသီးအရွက်စား ပေးပါ။
9.ညနေစာကို တတ်နိုင်သမျှစောစားပေးပါ။
10.ဝမ်းမှန်အောင်အထူးဂရုစိုက်ပါ။
11.စိတ်ဖိစီးမှုနည်းအောင်နေပါ ။
12.အစားအချိန်မှန်စားပေးပါ။
ကျန်းမာလှပသော နေ့ရက်များပိုင်ဆိုင်နိုင်ပါစေရှင့်


#ဝိတ်ချနည်း

Family.Foot.SPA.Page.မှ🙏
Family.Foot.Page.အသစ်လေးပြောင်းလဲဖွင့်ထားပါသဖြင့်.🙏ကေျးဇူးပြုပြီး.Like.&.share..လေးနဲ့အားဖြည့်ပေးကြပါလို့.Family. ရဲ့ထမင်းရှင်🙏🙏မိတ်ဟောင်း🙏မိတ်သစ် 🙏များအားတောင်းဆိုပါတယ်ရှင့်🙏

အဆင့်အတန်းဆိုတာ

ဘယ်တော့မှ မလုပ်ပါနဲ့
*******************

၁။ သူတစ်ပါး ဝမ်းနည်းမှ
ကိုယ်ပျော်ရွှင်ရမယ့် အလုပ်ကို
ဘယ်တော့မှ မလုပ်ပါနဲ့။

၂။ သူတစ်ပါး ငိုမှ
ကိုယ်ရယ်ရမယ့် အလုပ်ကို
ဘယ်တော့မှ မလုပ်ပါနဲ့။

၃။ သူတစ်ပါး ကျရှုံးမှ
ကိုယ်အောင်မြင်ရမယ့် အလုပ်ကို
ဘယ်တော့မှ မလုပ်ပါနဲ့။

၄။ သူတစ်ပါးကို ချနင်းပြီးမှ
ကိုယ်အထက်ရောက်မယ့် အလုပ်ကို
ဘယ်တော့မှ မလုပ်ပါနဲ့။

၅။ သူတစ်ပါး ပျက်စီးမှ
ကိုယ်ကောင်းစားမယ့် အလုပ်ကို
ဘယ်တော့မှ မလုပ်ပါနဲ့။

၆။ သူတစ်ပါး စိတ်ဆင်းရဲပြီးမှ
ကိုယ်အဆင်ပြေမယ့် အလုပ်ကို
ဘယ်တော့မှ မလုပ်ပါနဲ့။

၇။ ကိုယ့်အပြစ်တွေကို
သူတစ်ပါးအား ပုံချတာမျိုးကို
ဘယ်တော့မှ မလုပ်ပါနဲ့။

၈။ သူတစ်ပါးရဲ့ အားနည်းချက်ကို
ထောက်ပြပြီး
အနိုင်ယူတတ်တဲ့ အလုပ်မျိုး
ဘယ်တော့မှ မလုပ်ပါနဲ့။

၉။ သူတစ်ပါးရဲ့ အခက်အခဲကို
အခွင့်ကောင်းယူပြီး
အနိုင်ယူတတ်တဲ့ အလုပ်မျိုး
ဘယ်တော့မှ မလုပ်ပါနဲ့။

၁၀။ သူတစ်ပါးရဲ့ အောင်မြင်မှုကို
ပိတ်ပင်တဲ့ အလုပ်ကို
ဘယ်တော့မှ မလုပ်ပါနဲ့။

သူတစ်ပါး
ပျက်စီး ဝမ်းနည်းပြီး
ပေးဆပ်လိုက်မှ
ကိုယ် အောင်မြင် ပျော်ရွှင်
အဆင်ပြေသွားရတယ် ဆိုကတည်းက

ကိုယ့်ရဲ့ အောင်မြင်မှု
ပျော်ရွှင်မှု
အဆင်ပြေမှုတွေ အားလုံးဟာ
လိပ်ပြာမသန့်တဲ့
အမဲရောင် ရလဒ်တွေပါ။

Credit
ထိန်လင်း

ကိုယ့်ကိုယ်ကိုယ် မြှင့်တင်ရမယ်

တိုးတက်မှုမရှိတဲ့သူဟာ ရှင်လျက်နဲ့ သေနေသူသာ ဖြစ်ပါတယ်။ လူတိုင်းမှာ ကိုယ့်ကိုယ်ကိုယ် မြှင့်တင်ရမယ့် တာဝန် ကိုယ်စီ ရှိကြပါတယ်။ ဒါကြောင့်လည်း ပညာဆိုတာ ဘယ်တော့မှ သင်မကုန်ဘူးရယ်လို့ ဆိုခဲ့ကြတာ ဖြစ်ပါတယ်။ အခုချိန် ပညာအရာမှာ ထူးချွန်ထက်မြက်တဲ့သူတွေ၊ တကယ်ပညာရှိသူတွေ၊ အောင်မြင်နေသူတွေကို ကြည့်လိုက်ရင် သူတို့ကိုယ်သူတို့ မြှင့်တင်တဲ့ လုပ်ငန်းစဉ်ကို ဘယ်တော့မှ မရပ်တန့်ကြပါဘူး။ စာအုပ်တွေ၊ နည်းပညာတွေ၊ လူတွေ၊ ပတ်ဝန်းကျင်တွေ စတဲ့ အမျိုးမျိုးသော အရင်းအမြစ်ကနေ သင်ယူရင်း လေ့လာရင်း သူတို့ကိုယ်သူတို့ တစ်စ တစ်စ မြှင့်တင်ပြီး တိုးတက်စေကြတာ ဖြစ်ပါတယ်။ အဲ့တော့ ဒီလောက်ရောက်ရင် တော်ပြီပေါ့ ဆိုတဲ့ စကားမျိုးကို ဘယ်တော့မှ မပြောပါနဲ့။ သင်ယူမှုဆိုတာ အဆုံးမရှိတာမို့ ကိုယ့်ရဲ့စိတ်နေစိတ်ထား၊ အမူအကျင့်၊ အပြောအဆို၊ အသိပညာ၊ ဗဟုသုတ၊ အတွေ့အကြုံ အရာအားလုံးကို အမြဲတမ်း မြှင့်တင်နေဖို့ သတိရပါနော်။

အမှားကို ဝန်ခံရဲဖို့လိုတယ်

အမှားကိုဝန်ခံဖို့ဆိုတာ တကယ့်ကို မလွယ်ကူပါဘူး။ ကျွန်တော်ကိုယ်တိုင်လည်း အရင်တုန်းက အမှားဆို လုံးဝ ဝန်မခံချင်ဘူး။ မှားတာသိနေလည်း နောက်တစ်ခါ မမှားအောင်လုပ်မယ် မှားတာတော့ ဝန်မခံဘူး၊ မတောင်းပန်ဘူး ဒါကျွန်တော့်စိတ်ပါ။ ဒါပေမယ့် ဒါဟာ မှားယွင်းပါတယ်။ တကယ် စမတ်ကျတဲ့သူ၊ ပညာရှိတဲ့သူက သူမှားကြောင်း သိရင် သူ့အမှားကို ဝန်ခံဖို့၊ အမှားကနေ သင်ယူဖို့ ဘယ်တော့မှ ဝန်မလေးတတ်ပါဘူး။ ကိုယ်ဟာ လူကြီးပဲ ဖြစ်နေဖြစ်နေ၊ လူငယ်ပဲ ဖြစ်နေဖြစ်နေ မှားမှန်းသိရင် အမှားကို ဝန်ခံနိုင်ခြင်းက တကယ့်ပညာရှိ အပြုအမူဖြစ်ပါတယ်။ ပြီးတော့ ဒီအမှားကနေ သင်ယူရင် ကိုယ်တိုင်လည်း အသိတိုးသလို နောက်တစ်ခါ ထပ်တူအမှားမျိုးလည်း မရှိနိုင်တော့ပါဘူး။ ဒါကြောင့် မှားတယ်ဆိုတာ ရှက်စရာတစ်ခု မဟုတ်တာမို့ ကိုယ်ဘယ်သူပဲ ဖြစ်နေနေ မှားမှန်းသိရင် အမှားကို ဝန်ခံရဲဖို့နဲ့ အမှားကနေ သင်ယူတတ်တဲ့ အကျင့်လေး ရှိထားဖို့ ကြိုးစားပါနော်။

ယဉ်ကျေးမှုကိုနားလည်ပါ

ယဉ်ကျေးမှုဆိုသော အရာက အပြောလွယ်သလောက် အတော်နားလည်ရခက်ပါတယ်။ တစ်ခါတစ်လေ ကျတော့လည်း ကိုယ့်ကိုယ်ကိုယ်တောင် မသိလိုက်ဘဲ ယဉ်ကျေးမှု မဲ့စေတဲ့ အပြုအမူမျိုး ပြုမူလိုက်မိတဲ့ အချိန်တွေ ရှိတတ်ပါတယ်။ မသိလို့ လုပ်မိတာက ဆင်ခြင်နိုင်တာမို့ အပြစ်မတင်ပေမယ့် သိသိရက်နဲ့ ကျူးလွန်တာကတော့ အတော်လေးကို ယဉ်ကျေးမှုမရှိရာ ကျပါတယ်။ ဥပမာ ကွမ်းတံထွေး မထွေးရဆိုတဲ့ နေရာမှာ ကွမ်းတံထွေးတွေနဲ့ ပြည့်နေတာမျိုး၊ အမှိုက်မပစ်ရ ဆိုတဲ့နေရာမှာ အမှိုက်တွေ ပုံနေတာမျိုး၊ Bus ကားပေါ်လို Public နေရာမျိုးမှာ အသံအကျယ်ကြီး စကားပြောတာတွေ သီချင်းဖွင့်တာမျိုးတွေဟာ ကျွန်တော်တို့တွေ အမှုမဲ့ အမှတ်မဲ့နဲ့ ကျူးလွန်နေမိ ကြတဲ့ အရာလေးတွေ ဖြစ်ပါတယ်။ ဒါကြောင့် ဒီလိုအသေးအမွှားလေးတွေကအစ ယဉ်ကျေးမှု ဆိုသော အရာကို ကျွန်တော်တို့ နားလည်ပြီး လိုက်နာကြပါမှ ကျွန်တော်တို့ ကိုယ်တိုင်အပြင် ပတ်ဝန်းကျင်နဲ့ တိုင်းပြည်လည်း တစ်စ တစ်စ တိုးတက်လာနိုင်မှာ ဖြစ်ပါတယ်။

နှိမ့်ချစွာသင်ယူပါ

ကျွန်တော်တို့တွေမှာ “ငါ” ဆိုတဲ့မာနက အတော် ဖျောက်ရခက်ပါတယ်။ အထူးသဖြင့် မြူတစ်မှုန်စာလောက် အသိကို တစ်ကမ္ဘာထင်တတ်တဲ့ သူတွေဆိုရင် မြောက်ကြွ မြောက်ကြွနဲ့ ဘယ်သူပြောတာမှ နားမထောင် ငါပြောတာပဲ အမှန်ရယ်လို့ မှတ်ယူတတ်ကြပါတယ်။ ခေတ်တွေ ကွာခြား လာတဲ့အခါ အသိတွေလည်း ကွဲပြားလာတယ် ဒါပေမယ့် လူငယ်တွေပြောတာကို နားမထောင်ဘဲ ဒါမှဒါ ဆိုပြီး ခေါင်းမာတတ်ကြတဲ့ တစ်ချို့လူကြီးတွေလည်း ရှိတတ်ပါတယ်။ ကျွန်တော်တို့တွေဟာ အမြဲတမ်း မမှန်ကန်နိုင်ပါဘူး။ ဘယ်လောက်ပဲ တော်နေတယ် ဆိုဦးတော့ တစ်ချို့သော နေရာတွေမှာ မှားယွင်းသွားနိုင်တာတွေ၊ မတော်တဆ ဖြစ်သွားနိုင်တာတွေ ရှိပါတယ်။ ဒါဟာ လူ့သဘာဝပါပဲ။ ဒါကြောင့် နှိမ့်ချစွာ သင်ယူတတ်တဲ့စိတ် ရှိဖို့ လိုပါတယ်။ ကိုယ့်ထက် ကြီးသည် ငယ်သည် တွေးမနေဘဲ သင်ယူသင့်ရင်၊ အတုယူသင့်ရင် ငယ်သူဆီကပဲဖြစ်ဖြစ် လက်ခံသင်ယူတတ်ဖို့ လိုပါတယ်။ ဒီလိုမှသာ ကိုယ်ဟာ ပိုပြီး ပညာရှိတဲ့သူ တစ်ယောက် ဖြစ်လာနိုင်မှာပါ။

ကိုယ့်ကိုယ်ကိုယ် ထိန်းချုပ်ဖို့လိုတယ်

လောကမှာ ထိန်းချုပ်ဖို့ အခက်ခဲဆုံးအရာက မိမိကိုယ်တိုင်ပဲ ဖြစ်ပါတယ်။ ကိုယ့်ကိုယ်ကိုယ် ထိန်းချုပ်နိုင်မှုမရှိတဲ့သူက စိတ်အလိုလိုက်ပြီး ပြောဆိုတတ်တယ်၊ ပြုမူတတ်တယ်၊ စည်းကမ်းဖောက်တတ်တယ် ဥပမာ ကိုယ့်ကိုယ်ကိုယ် မထိန်းချုပ်နိုင်လို့ လုပ်ရမယ့်အလုပ်တွေ အချိန်ဆွဲပြီး ကမောက်ကမ ဖြစ်ရတာမျိုးတွေပေါ့။ အဲ့တော့ ကိုယ့်ကိုယ်ကိုယ် ထိန်းချုပ်နိုင်မှု နည်းပါးလေလေ ပျက်စီးဖို့ လွယ်ကူလေလေပါပဲ။ အများသူငါနဲ့ ဆက်ဆံတဲ့ နေရာမှာရော စိတ်အလို အလိုက် တုံ့ပြန်ပြောဆိုတာမျိုး မဟုတ်ဘဲ ကိုယ့်ကိုယ်ကိုယ် ထိန်းချုပ်ပြီး သတိလေးနဲ့ အခြေအနေအလိုက် ပြုမူမှသာ သင့်တော်ရာကျမှာပါ။ ဒါကြောင့် ကိုယ်ကိုယ်တိုင် အတွက်ရော၊ ပတ်ဝန်းကျင်အတွက်ပါ မိမိကိုယ်ကိုယ် ထိန်းချုပ်နိုင်မှုက မရှိမဖြစ် လိုအပ်တဲ့အရာ ဖြစ်ပါတယ်နော်။