Balakero

Matahom nga Kagabhi-on

Nasud-ong ko na gayud pagbalik.
Ang katahom sa kagabhi-on
nga sa hataas nga panahon
dugay ko nang gi handom.

O buwan hain ka?
bisan kung ikaw wla mo patim-aw.
ang katahom sa kalangitan
nga gi dayan-dayanan sa mga bitoon nga masidlakon

Nag pahinumdom kanako,
kung unsa kaanindot ang kagahapon.
Kaniadtong yano lamang ang pamuyo,
kaniadtong ang hangin... presko!

Sa mangitngit nga kagabhi-on..
ang nag silbing suga buwan ra og mga bito-on.
Kauban ang mga higala,
mag kaskas kas sa gitara, mag-istorya.

Mga batan-on karon lahi na.
tuplok diri tuplok didto
nipilit nalang ang dagway
sa sige og atubang sa teleponong gamay.

Sa mga poste og mga suga sa panimalay.
Palibot hayag na gayud kanunay.
pag ugmad sa nasod
maoy gitagaan og dakong bili.

tungod sa kahayag,
lisod na sud-ungon ang gabi-e nga maanyag.
sa pag totok nato sa kalamboan
usahay ang kinaiyahan ma pasipad-an.

Handumon ko nalang ang kagahapon.
kagahapon nga maka hatag og pahiyom.
sakit lang gayud nga palandungon
panahong milabay di na pwedeng balikon.

-Bata
04252023

Labing Balaan

Ning kalibutan...
Nga walay kasiguruhan.
Nagkadaiyang problems
Atong gisagubang.

Kagul.anan
Kapakyasan
Kalipay
Apil na ang kasakit.

Kagoul sa dughan gi bati
Kabalaka kung unsa
Sa ugma idalit
Kalinaw pwede bang masakmit?

Apan ang atong labing balaan
Nga amahan sa langit
Kanunay'ng andam
Sa atong pagbalik

Iyamg gugma
Muhupay sa atong kabalaka.
Iyang mga saad...
Laoman ta.

-Bata
06142022

Balay-balay Tubig-tubig

Mga yanong dula
Sa atong pagka bata.
Sa simpleng dapit
Mga silingan daling ma sangpit

Batang babae o lalaki
Maoy akong kaduwa dinhi
Mga amigo, higala
Barkada... kababata.

Sa pag sud ong pag balik
Sa atong mga kagahapon.
Ang mga yanong dula
Maga hatag og pahiyom

Kung mu atras pa lang unta
Ang taknaan sa panahon
Atong balik balikon
Mga yanong dula sa kagahapon.

-bata
061422