ZikR-e-MADINA

کُچھ ایسا کردے میرے کٍرد گار آنکھوں میں
ہمیشہ نقش رہے روۓ یارﷺ آنکھوں میں

کرم یہ مُجھ پہ کیا ہے میرے تصّوُر نے
کہ آج کھینچ دی تصویرِ یارﷺ آنکھوں میں

‏کروں شکر کتنا اور کروں فخر کتنا
کہ تیرے کرم نے مجھے فَائِزُالمَرام کیا
دیکھو بنا کے سیّد عالَم ﷺ کا امتی مجھکو
گناہ سے پہلے ہی بخشش کا انتظام کیا

اے صبا مصطفیؐ سے کہہ دینا
غم کے مارے سلام کہتے ہیں
یاد کرتے ہیں تم کو شام و سحر
بے سہارے سلام کہتے ہیں

اللہ اللہ حضوؐر کی باتیں
مرحبا رنگ و نور کی باتیں
چاند جن پر نثار ہوتا ہے
اور تارے سلام کہتے ہیں

جب محمدؐ کا نام آتا ہے
رحمتوں کا پیام آتا ہے
لب ہمارے درود پڑھتے ہیں
دل ہمارے سلام کہتے ہیں

اللہ اللہ حضورؐ کے گیسو
بھینی بھینی مہکتی وہ خوشبو
جن سے معمور ہے فضاہر سو
وہ نظارے سلام کہتے ہیں

زائر کعبہ تم مدینے میں
میرے آقا ؐسے اتنا کہ دینا
کملی والے رسولؐ سن لیجئے
غم کے مارے سلام کہتے ہیں

ذکر تھا آخری مہینے کا
تذکرہ چھڑگیا مدینے کا
حاجیو مصطفیؐ سے کہ دینا
بے سہارے سلام کہتے ہیں

اے پیامی میرے قسم ہے تجھے
عرض کرنا رسول اکرمؐ سے
قلب مطرب کی ہے حضوؐر تڑپ
اور سائے سلام کہتے ہیں

کبھی نعلین کے صدقے، کبھی چوکھٹ پہ جاں واری
بہارِ بے خزاں چُنتے رہے طیبہ کی گلیوں میں ۔۔

یہ کیا دنیا ہے جو دنیا کی خواہش چھین لیتی ہے
اسی اسرار میں کھوئے رہے طیبہ کی گلیوں میں ۔۔

عجائب بے خودی تھی جس کی طغیانی میں ہم خود کو ۔۔
کبھی ابھرے کبھی ڈوبے رہے طیبہ کی گلیوں میں ۔۔

تصور میں سدا چلتے رہے طیبہ کی گلیوں میں ۔۔
در و دیوار سے لپٹے رہے طیبہ کی گلیوں میں ۔۔

مدینہ جانے والے وہاں سے نکل کر واپس تو آجاتے ہیں لیکن مدینہ ان کے اندر سے نہیں نکلتا وہ ہمیشہ اس سے منسلک رہتے ہیں یادوں کی صورت میں، وہاں کے تذکرے کی شکل میں ۔ وہ طیبہ کی طلوع سحر کی جھلملاتی کرنوں کو اپنے گھر کے دریچوں میں جھانکتے ہوے دیکھتے ہیں
دل زائر تو بس کوچہء جاناں کا مقیم بن کو رہ جاتا ہے اور وہ فقط اپنے جسم کو لے کر واپس وطن روانہ ہوا کرتا ہے

‏ایک شہر جو دل میں بستا ہے
ایک دل جو اس میں رہتا ہے

ہم مدینے میں تنہا نکل جائیں گے
اور گلیوں میں قصدا بھٹک جائیں گے

ہم وہاں جا کے واپس نہیں آئیں گے ،
ڈھونڈتے ڈھونڈتے لوگ تھک جائیں گے

جیسے ہی سبز گنبد نظر آئے گا ،
بندگی کا قرینہ بدل جائے گا

سر جُھکانے کی فُرصت ملے گی کِسے ،
خُود ہی پلکوں سے سجدے ٹپک جائیں گے

نامِ آقا جہاں بھی لیا جائے گا ،
ذکر اُن کا جہاں بھی کیا جائے گا

نُور ہی نُور سینوں میں بھر جائے گا ،
ساری محفل میں جلوے لپک جائیں گے

اے مدینے کے زائر خُدا کے لیے ،
داستانِ سفر مُجھ کو یوں مت سُنا

بات بڑھ جائے گی ، دل تڑپ جائے گا ،
میرے محتاط آنسُو چھلک جائیں گے

اُن کی چشمِ کرم کو ہے اس کی خبر ،
کس مُسافر کو ہے کتنا شوقِ سفر

ہم کو اقبال جب بھی اجازت ملی ،
ہم بھی آقا کے دربار تک جائیں گے

خود اُنھی کو پُکاریں گے ہم دُور سے ،
راستے میں اگر پاؤں تھک جائیں گے

فاصلوں کو تکلف ہے ہم سے اگر ،
ہم بھی بے بس نہیں ، بے سہارا نہیں

صلی اللّٰہ علیہ وآلہ وسلم 💚

حج کا سفر پھر اے مِر ے مولیٰ نصیب ہو
عَرفات کا مِنٰی کا نظارہ نصیب ہو

تُوئی تسکینِ دل، آرامِ جان، صَبر و قَرارِ مَن
رُخِ پُر نُور، جانِ بے قَرارم، یا رسول اللہ

"یا رسول اللہ ﷺ یاحبیب اللہ، آپ ہی کی ذاتِ گرامی دِل کا سکُون، رُوح کا چین، میرا صَبر اور میرے دِل کی ڈھارس ہے
آپ ﷺ کا نُور سے بھرپُور چہرہ میری بے قرار رُوح کا چین ہے" -

(حضرت مولانا عبدالرحمان جامی رحمۃ اللہ تعالی علیہ)

صبح طیبہ میں ہوئی بٹتا ہے باڑا نور کا
صدقہ لینے نور کا آیا ہے تارا نور کا

🌙 لَیْلَۃُ الْقَدْر میں مَطْلَعِ الْفَجْر حق
مانگ کی اِستِقامت پہ لاکھوں سلام

جس کے ماتھے شفاعت کا سہرا رہا
اس جَبِینِ سَعادت پہ لاکھوں سلام

جن کے سجدے کو محرابِ کعبہ جھکی
اُن بھووں کی لطافت پہ لاکھوں سلام

دُور و نزدیک کے سُننے والے وہ کان
کانِ لعلِ کرامت پہ لاکھوں سلام

جس طرف اٹھ گئی دم میں دم آ گیا
اُس نگاہِ عنایت پہ لاکھوں سلام

نیچی آنکھوں کی شرم و حیا پر دُرود
اونچی بینی کی رفعت پہ لاکھوں سلام

پتلی پتلی گلِ قُدس کی پتّیاں
اُن لبوں کی نزاکت پہ لاکھوں سلام

وہ دہن جس کی ہر بات وحیِ خدا
چشمۂ علم و حکمت پہ لاکھوں سلام

جس کی تسکیں سے روتے ہوئے ہنس پڑیں
اُس تبسم کی عادت پہ لاکھوں سلام

وہ زباں جس کو سب کُن کی کنجی کہیں
اُس کی نافذ حکومت پہ لاکھوں سلام

اس کی باتوں کی لذّت پہ لاکھوں درود
اس کے خطبے کی ہَیبت پہ لاکھوں سلام

جس کے آگے کھنچی گردنیں جھک گئیں
اُس خدا داد شوکت پہ لاکھوں سلام

جس کے آگے سرِ سَروَراں خَم رہیں
اس سرِ تاجِ رِفعت پہ لاکھوں سلام

دوش بر دوش ہے جن سے شانِ شرف
ایسے شانوں کی شوکت پہ لاکھوں سلام

ہاتھ جس سمت اٹھا غنی کر دیا
موجِ بحرِ سَماحَت پہ لاکھوں سلام

جس کو بارِ دوعالَم کی پروا نہیں
ایسے بازو کی قوت پہ لاکھوں سلام

نور کے چشمے لہرائیں دریا بہیں
انگلیوں کی کرامت پہ لاکھوں سلام

عیدِ مشکل کُشائی کے چمکے ہلال
ناخنوں کی بِشارت پہ لاکھوں سلام

کل جہاں مِلک اور جَو کی روٹی غذا
اس شکم کی قناعت پہ لاکھوں سلام

کھائی قرآں نے خاکِ گُزَر کی قسم
اس کَفِ پا کی حرمت پہ لاکھوں سلام

جس سہانی گھڑی چمکا طیبہ کا چاند
اس دل اَفروز ساعت پہ لاکھوں سلام

کس کو دیکھا یہ موسیٰ سے پوچھے کوئی
آنکھوں والوں کی ہمت پہ لاکھوں سلام

اَلغرض اُن کے ہر مُو پہ لاکھوں درود
ان کی ہر خُو و خَصلت پہ لاکھوں سلام

ان کے ہر نام و نسبت پہ نامی درود
اُن کے ہر وقت و حالت پہ لاکھوں سلام

ان کے مولیٰ کی اُن پر کروروں درود
اُن کے اَصحاب و عِترت پہ لاکھوں سلام

ایک میرا ہی رحمت میں دعویٰ نہیں
شاہ کی ساری امت پہ لاکھوں سلام

کاش محشر میں جب ان کی آمد ہو اور
بھیجیں سب اُن کی شوکت پہ لاکھوں

مجھ سے خدمت کے قُدسی کہیں ہاں رضاؔ
مصطفیٰ جانِ رحمت پہ لاکھوں سلام

الصلوةوالسلام علیک یارسول اللہ
وعلیٰ الک واصحابک یاحبیب اللہ

جس گھر میں اللہ کا داعی بشیر و نذیر اور سراج منیرﷺ رہتا ہو وہاں کسی شمع اور چراغ کی کیا حاجت۔ کسی نے خوب کہا ہے:

*يَا بَدِيعَ الدَّلِ وَالغَنَجِ*
اے عجیب و غریب ناز و ادا والےﷺ

*لَكَ سُلْطَانُ عَلَى المُهَجِ*
تیری سلطنت تو دلوں پرہے

*إِنَّ بَيْنَا انْتَ ساكنهُ*
جس گھر میں توﷺرہتا ہو وہ

*غَيْرُ محتاج إلى السرج*
کسی چراغ کا محتاج نہیں

*وَجُهُكَ الْمَأ مَولُ حُجَّتُنَا*
تیرا مبارک چہرہﷺ ہمارے حجت کے لیے کافی ہے

*يَوْمَ يَأْتى الناسُ بِالْحُحَج*
جس دن لوگ اپنی اپنی حجتیں پیش کرینگے

سرکش جو تھے مائل ہوئے
دشمن جو تھے قائل ہوئے
مسحور کن تھا کس قدر
یا مصطفیٰ ﷺ لہجہ تیرا
🙏💌🙏

یاالٰہی! تُو مدینے میں کبھی رَمضاں دکھا
مدّتوں سے دل میں یہ عطارؔ کے ارمان ہے

(وسائل بخشش ص۷۰۵)

میرے نبیﷺکا چاند سے بڑھ کر جمال ہے
صورت کمال انﷺکی ہے سیرت کمال ہے
🌹🌹🌹
قرآن میں ثناء محمدﷺ ہے جا بجا
خلق عظيم آپﷺ کا ذکر خصال ہے

🌹🌹🌹
رتبہ خدا نے آپ ﷺ کو ایسا عطا کیا
کون و مکاں میں نہيں اسﷺ کی مثال ہے

🌹🌹🌹
کرتے ہیں جان نثار یہ اعلان ہر گھڑی
قربان مصطفیﷺ پہ یہ اہل وعیال ہے

🌹🌹🌹
پڑھ لو دردو دل سے محمد رسولﷺ پر
پڑھنا درود کا بھی تو دوزخ سے ڈھال ہے

🌹🌹🌹
میرے نبیﷺکا چاند سے بڑھ کر جمال ہے
صورت کمال ان ﷺ کی ہے سیرت کمال ہے
🌹🌹🌹

مُرادِ دلِ بلبلِ بے نوا دے🌱
الٰہی دکھادے بہارِ مدینہ🤲🏻

صَــلَّــی اللّٰـهُ تَـعَالٰـی عَـلَـیْـہِ وَاٰلِــہ وَسَــــلَّم۔ ❤️

ﷲ سے دعا ہے کہ اس سال آپ کو حج اور بار بار میٹھے مدینے کی حاضری نصیب ہو ۔ آمین :)

لکھ لکھ دے میری قسمت میں مدینہ لکھ دے
ہے تیری ِملک قلمدان مدینے والے

پھر تمنائے زیارت نے کیا دل بے چین
پھر مدینے کا ہے ارمان مدینے والے :'(

*صَلُّوا عَلَى الْحَبِيْب -
صَلَّى ﷲُ تَعَالٰى عَلٰى مُحَمَّد💚

نعت

حضورِ روضۂِ اقدس پیامِ بے ہنر کہنا
تڑپتا ہجرِ طیبہ میں ہے اے بادِ سحر کہنا

بصد شوقِ نیاز آئے گدا بہرِ سلامی پھر
اگر ہو جائے اِس جانب شہا ایسی نظر کہنا

عطا ہو اِس برس اِذنِ حضوری یا رسول اللہ
کھڑا ہے منتظر باندھے ہوئے رختِ سفر کہنا

مدینہ آنے جانے کا ہو پھر سے سلسلہ جاری
پسِ خوابیدہ ہی لیکن عطا ہو بال و پر کہنا

حضور آ جائیے اک بار ہی بیتِ غریباں میں
بچھا رکھّے ہے میں نے کب سے یہ قلب و جگر کہنا

عطا اشرفی

گستاخ اکھیاں...
کتھے جالڑیاں...!

نگاہِ عشق و مستی میں وہی اول وہی آخر
وہی قرآں وہی فرقاں وہی یٰسین وہی طہٰ

منظوم...

امام الصدیقین امیر المؤمنین ابوبکر صدیّق رضی اللہ عنہ

دینِ حق کے لئے افضل ہے پیامِ صدّیق
اب بھی اونچا ہے اسی واسطے نامِ صدّیق

تو سمجھ سے ورا، ادراک سے باہر کا سبق
چرخِ اسلام پہ قائم تری سوزش کی شفق
تو وہ مکتوب ہے جس کے سبھی الفاظ ادق
خلق پہ بھاری ہے صدیق تری ایک رمق
بس میں عالم کے نہیں قطرۂِ جامِ صدیق........

پیار کرتے ہیں بہت تجھ سے حبیبِ داور
ناز فاروق کو عثماں، کو علی کو تجھ پر
اہل سنُت کے وسیلے سے ہے چرچا گھر گھر
مومنوں کی یہی تحقیق ہے بیشک تجھ پر
بعد از انبیاء، اعلٰی ہے مقامِ صدّیق.........

حرفِ تائیدِ نبی جو ہے وہ مسلک تیرا
درسِ پیہم وَرَفعنا لک ذکرک تیرا
صرصرِ ظلم میں ثابت رہا دیپک تیرا
کوئی ہمسر نہ مقابل ہوا بے شک تیرا
عشقِ صدیق ہوا خود ہی امامِ صدیق.......

ثانی اثنین لقب رب نے کِیا ہے تیرا
اصفیا سے بھی مقام اونچا ہوا ہے تیرا
فضلِ مولٰی سے رواں بابِ سخا ہے تیرا
کام بھی سب سے الگ سب سے سِوا ہے تیرا
حشر تک جاری رہے گا یہ نظامِ صدّیق..........

اُس کے دشمن تو سدا ہوتے رہیں گے غرقاب
اُس پہ فیضان رضا، رشک کریں گے مہتاب
اُس کو آقا نے نوازے ہیں بہت سے القاب
یارِ غارِ نبی ہیں وہ ، ہیں امام الاصحاب
تا ابد ارفع و اعلیٰ ہے مقامِ صدّیق........

🖋️فیضان رضا مالیگاؤں..

ساری نسبت سے جدا کرتی ہے____________________________________________________________
منقبتِ سیدہ سلام اللہ علیہا

رات بھر سجدہ ادا کرتی ہے
فاطمہ ایسے جیا کرتی ہے

ایک سجدہ ہے ترا اتنا طویل
مختصر رات ہوا کرتی ہے

بنتِ حوا کو حیا کی خیرات
اپنی چوکھٹ سے عطا کرتی ہے

خم کیے جاتا ہے سورج پلکیں
سیدہ! جب بھی چلا کرتی ہے

اس قدر پیار کہ عفوِ امت
عقد کا مَہر رکھا کرتی ہے

اذن طیبہ سے ملا ہے مجھ کو
مدحِ زہرا جو ہُوا کرتی ہے

بخشے جاتے ہیں ہزاروں عاصی
فاطمہ جب بھی دعا کرتی ہے

تین نسبت جو میسر ہے تجھے
ساری نسبت سے جدا کرتی ہے

مان لیتی ہے ابوبکر کی بات
فیصلہ ایسے بجا کرتی ہے

ملکیت جس کی ہے جنت ساری
سر جھکا کر وہ چلا کرتی ہے

کاسۂ دین کو وہ ذات عطا
سارا کنبہ ہی عطا کرتی ہے

عطا اشرفی

دیارِ مُصطفیٰﷺ سے رابطہ ھے اِس طرح میرا
خیالوں میں درِ اقدس کو جا کر چُوم لیتی ہوں

💞 صلی اللہ تعالیٰ علیہ وآلہ وسلم 💞
❤️🌹🌸فداک روحی وقلبی یارسول اللہ ﷺ 🌸🌹❤️

ہم بھی مدینے جائیں گے آج نہیں تو کل سہی
آقا ہمیں بلائیں گے آج نہیں تو کل سہی

ہم نے تو مان ہی لیا آپ ہیں روح کائنات
لوگ بھی مان جائیں گے آج نہیں تو کل سہی

عرش کہا ہے خود اسے سرور کائنات نے
دل کو وہ دل بنائیں گے آج نہیں تو کل سہی

ہم سے سوا ہیں بے قرار ان کی محیط رحمتیں
آئیں گے یا بلائیں گے آج نہیں تو کل سہی

ایک امید کی کرن ہیں میرے دل کی دھڑکنیں
خواب میں آ ہی جائیں گے آج نہیں تو کل سہی

ایک کرم کی ہے دلیل ان کے کرم کا اعتماد
اشک بھی مسکرائیں گے آج نہیں تو کل سہی

ان کا درِ سخا وقار اب بھی کھلا ہوا تو ہے
ہم بھی مراد پائیں گے آج نہیں تو کل سہی

(وقار احمد صدیقی)

حالات کی گُھٹن سے ، تُو لاچار ھے اگر
صلِ عَلیٰ کے وِرد سے ، سانسیں بحال کر

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ♥

نعت

تجھ کو توفیق دے خالق، کسی صورت پڑھ لے
پڑھنے والے، مرے سرکار کی سیرت پڑھ لے

اپنی بخشش کہاں کروائے گا ان سے پِھر کر
تو سمجھ دار ہے جاءُکَ کی آیت پڑھ لے

جا رہا تھا میں سلامی کے لیے ایسا ہوا
پہلے دل نے کہا، اصحاب کی عظمت پڑھ لے

دیکھ لکھی ہو مری حاضری اس بار کی بھی
رک ذرا زائرِ طیبہ مری قسمت پڑھ لے

لب ہلانا نہیں پڑتا وہاں محتاجوں کو
ایسا آقا ہے وہ پیشانی سے حالت پڑھ لے

بھول جائے گا تو ان سات عجوبوں کا وقار
گنبدِ سبز کی تعمیری حکایت پڑھ لے

عطا اشرفی

ایک عالم نے ایک فقیر سے سوال کیا کہ کیا رسُول خُدا صلی اللہ علیہ وْآلہ وسلم کو غیب کا علم تھا؟

فقیر نے جواب دیا... اے اللہ کے بندے تو پہلے اُس علم غیب سے پوچھ کہ اُس کو میری سرکار الصلوۃوسلام کا علم ہے ؟

درحقیقت علم و عقل بھی مخلوق ِ خدا ہیں علم سے پہلے عشق پیدا فرمایا گیا اور عشق سے بھی پہلے نور محمد مصطفی صلی اللہ علیہ والہ وسلم کو تخلیق فرمایا گیا..

مخلوق اور وجہ مخلوق و تخلیق کا کیا موازنہ و مقابلہ

سرکار دو عالم علم و عقل و عشق کا عین ہیں....
عین سے مراد آنکھ ھے

بس دو کیفیات نے سرکار کو دیکھا
ایک عقل بن گئی ایک عشق بن گیا...

یہ علم و عشق خود سرکار کے ازل سے غلام ہیں ان سے بالا و برتر مرتبہ ھے آپ صلی اللہ علیہ والہ وسلم کا۔ 💚