საქართველოს ეროვნული არქივი/National Archives of Georgia

🗓️ 29 ივნისი პაოლო იაშვილის დაბადების დღეა!

✍️ ლექსი „პოეზია“, ვარიანტები. პაოლო იაშვილი, ავტოგრაფი. 1926 წელი

„პოეზია

გაგიჟება სჯობს თუ გათავდა სიტყვის მადანი
და თვალთა დათხრა, თუ მზეს ქებით ვეღარ დახვდები!
ლექსო! გულიდან ხორცად რომ ხარ გამონატანი,
თუ უნაპიროდ, სამუდამოდ არ გაჩაღდები.

არი მკვლელობა, არი ომი, არი ხანძარი,
მიწის ძვრა, ჭირი, ტყეში ყოფნა მარად თულებად,
მაგრამ არ არი ტანჯვა უფრო უზარმაზარი
როგორც პოეტის შთაგონებით დასნეულება.

(რვაასი წელი რუსთაველის სჭრა იარაღმა
ვაჟას სიტყვები ჩამოვიდნენ ბარში მდევებად)

დადის ქალაქში ბევრის მსგავსი ჩემი სხეული
და ხალხი ამბობს „ეს კაცია ლექსის მწერალი“.
მაგრამ ვინ იცის, რა ცეცხლშია გამოხვეული
ეს ჩემი ტვინი, დასაქცევი, ტვინი ვერანი.

რამდენი თვალი უნდა მქონდეს, რომ ყველა ვნახო,
რამდენი გული უნდა მედგას, რომ ვიგრძნო ყველა
რამდენი სახე თვითონ უნდა გავაპარტახო
რომ ერთი ლექსი დარჩეს წმინდა, როგორც პეპელა.

შემომახურებს სიკვდილივით სიტყვა კვიატი
და სისხლი, აზრი სული იქცნენ იმის მონებათ

გავიდა ღამე, მოასკდება კარს განთიადი
აღარ ხარ კაცი, აღარც ჩონჩხი, ხარ მოგონება.

რამდენი ლექსი დაიწერა, იმდენი წელი
ჩამოეწერა ჩემს ცხოვრებას, ვით ადამიანს,
და თუ ეს ლექსი უნდა იყოს უკანასკნელი,
მაშინ ეს ძორი ყვავებისთვის გასატანია“.

🗒️ ლექსის ავტოგრაფი დაცულია ქუთაისის ცენტრალურ არქივში,
გივი გეწაძის პირად ფონდში

საქართველოს იუსტიციის სამინისტროს ეროვნულ არქივს რეჟისორ რეზო ესაძის შვილმა მინდია ესაძემ მამის პირადი არქივი გადასცა.

რეზო ესაძის ოჯახის გადაწყვეტილებით, ცნობილი კინოხელოვანის ფილმების - „ნეილონის ნაძვის ხე“, „ერთი ნახვით შეყვარება“ და „ჭერი“ - კინოფირები, ფილმების გადასაღები მოედნის ფოტოები და ექსპერიმენტული სტუდია „დებიუტის“ საარქივო დოკუმენტები ამიერიდან ეროვნულ არქივში იქნება დაცული.

დოკუმენტების საარქივო წესით დამუშავების შემდეგ მასალა მკვლევართა დარბაზში იქნება ხელმისაწვდომი.

📽 ქართული მხატვრული ფილმების გადასაღები მოედნების ფოტოები საქართველოს ეროვნული არქივის ფოტოკოლექციის გამორჩეული ნაწილია.

👉 ეწვიეთ ეროვნული არქივის ვებგვერდს, დაათვალიერეთ ფილმების გადასაღები მოედნების ფოტოები და უპასუხეთ მათ ირგვლივ მომზადებულ კითხვებს 👇

🔗 https://archive.gov.ge/ge/quiz/gamoitsani-filmi-1

ქართული ხალხური სიმღერები.

ხელნაწერი.უთარიღო.

🎶 ქართული საგალობლებისა და ხალხური სიმღერების ხელნაწერი ნოტები - ეწვიეთ ჩვენს ვებგვერდს და გაეცანით ეროვნულ არქივში დაცულ პოლიევქტოს კარბელაშვილის კოლექციას.
🔗 https://archive.gov.ge/ge/sagaloblebis-notebi-1

⛪ იშხანი, ტაო-კლარჯეთი

🗓️ 1950-70-იანი წლები

📷 ვანო ქიქოძის ფოტოკოლექცია

ℹ️ კოლექციის სხვა ფოტოების დასათვალიერებლად ეწვიეთ ბმულს: https://archive.gov.ge/ge/feradi-tao-klarjeti-1

⚽ 18 ივნისი ფეხბურთელ დავით ყიფიანის დაბადების დღეა!

⚽ დავით ყიფიანი შეტევაში, თბილისის „დინამოსა“ და ლონდონის „West Ham“-ის შეხვედრა, ევროპის თასების მფლობელთა თასის გათამაშების მეოთხედფინალი

⚽ 4 მარტი, 1981 წელი

❔ეწვიეთ საქართველოს ეროვნული არქივის ვებგვერდს და გამოიცანით რომელი ცნობილი ადამიანების შარჟია ილუსტრაციაზე.

🔎 https://archive.gov.ge/ge/quiz/tsnobili-adamianebis-sharzhebi-1

🌍 საქართველოს იუსტიციის სამინისტროს ეროვნული არქივის დელეგაციამ საარქივო კვლევის საერთაშორისო ცენტრის (ICARUS) #32 ყრილობაში მიიღო მონაწილეობა.
„არქივები და კვლევა – ანალოგურსა და ციფრულს შორის“ ყრილობის მთავარი თემა იყო.

🤝 დელეგაციის წევრებმა შეხვედრა გამართეს საარქივო კვლევის საერთაშორისო ცენტრის თავმჯდომარე ბირგიტ კიბალთან და განიხილეს საქართველოს ეროვნული არქივისა და ICARUS-ის თანამშრომლობის გაღრმავება და ახალ ეტაპზე გადასვლა.

🗣️ ეროვნული არქივის საზოგადოებასა და საერთაშორისო ორგანიზაციებთან ურთიერთობის განყოფილების უფროსმა სოფიო ჯობავამ და ამავე განყოფილების მთავარმა სპეციალისტმა ხატია ქინქლაძემ წარადგინეს პრეზენტაცია საქართველოში არსებული გერმანული დასახლებების შესახებ ეროვნულ არქივში დაცულ მე-19-მე-20 საუკუნეების დოკუმენტებზე დაყრდნობით.

ℹ️საარქივო კვლევის საერთაშორისო ცენტრის (ICARUS) ყრილობა ყოველწლიურად გაზაფხულსა და შემოდგომაზე ტარდება და ითვალისწინებს ცენტრის წევრი არქივების შეკრებას. 2024 წლის პირველი ყრილობა სერბეთის რესპუბლიკაში, ქალაქ ნოვი სადში გაიმართა.

🏨 სანატორიუმი ,,საირმე“, 1984 წელი

📸ფოტოს ავტორი: სერგო ედიშერაშვილი

🛣 ეწვიეთ ჩვენს ვებგვერდს და დაათვალიერეთ ონლაინგამოფენა „საქართველოს კურორტები“

🖼 ექსპონატებს შორის არის გაგრის, ბიჭვინთის, ლიძავას, გუდაუთის, ახალი ათონის, ტყვარჩელის, მენჯის, ქობულეთის, ციხისძირის, მახინჯაურის, წყალტუბოს, აბასთუმნის, ბორჯომის, ცემის, ჯავის, ლაგოდეხის, მესტიის, ყაზბეგის, ლებარდეს, კვერეთის, სულორისა და სხვა დასახლებების სანატორიუმები, დასასვენებელი სახლები და ტურისტული ბაზები.

🔗 https://archive.gov.ge/ge/2020-1/sakartvelos-kurortebi-1

📜 იუსტიციის სამინისტროს ეროვნული არქივის მიერ რესტავრირებული ქურაშის ოთხთავი ეცერის თემში დაბრუნდა
🔷 ქართული კულტურის ერთ-ერთი გამორჩეული ძეგლი, XII საუკუნის ქურაშის ოთხთავი ეცერის თემს დაუბრუნდა. იუსტიციის მინისტრის მოადგილე ბუბა ლომუაშვილმა, ეროვნული არქივის გენერალურმა დირექტორმა თეონა იაშვილმა და ეროვნული არქივის რესტავრაციის განყოფილების უფროსმა თამილა აფაქიძემ ეცერის თემის წარმომადგენლებს საქართველოს იუსტიციის სამინისტროს ეროვნულ არქივში რესტავრირებული ოთხთავი გადასცეს და ამიერიდან ის კვლავ სოფელ ქურაშის წმიდა გიორგის ეკლესიაში დაბრუნდა. მესტიისა და ზემო სვანეთის ეპარქიის ეპისკოპოსმა, მეუფე ილარიონმა საგანგებო ლოცვა აღავლინა.
🔷 ეროვნული არქივის რესტავრატორები წიგნის რესტავრაციასა და კონსერვაციაზე 18 თვის განმავლობაში მუშაობდნენ. ეტრატზე შესრულებული ხელნაწერი 151 ფურცლისაგან შედგება და მასში შესულია გიორგი მთაწმინდელისეული რედაქციის ოთხთავი. წიგნს ახლავს სხვადასხვა პერიოდის ანდერძ-მინაწერები. ხელნაწერის ორი გვერდი პალიმფსესტურია, მის ქვედა ფენაზე იკითხება IX-X საუკუნეების იერუსალიმური ლექციონარის ფრაგმენტები.
🔷 რესტავრაციამდე ხელნაწერი იყო ნახევრად დაშლილ მდგომარეობაში, ყდის გარეშე. მის დაზიანებულ და გახევებულ ფურცლებს ჰქონდა ლაქები; მტვრის, ობისა და სანთლის ნადები; დარღვეული იყო გვერდების მიმდევრობა.
🔷 რესტავრატორებმა ოთხთავის თითოეულ ფურცელს ჩაუტარეს სადეზინფექციო სამუშაოები; გაიწმინდა მშრალი და სველი მეთოდით; მოსცილდა მტვრის, ობის, სანთლის ნადები; გახევებული და დეფორმირებული ფურცლები დარბილდა და გასწორდა; ხელოვნური პერგამენტით შეივსო დაზიანებული კიდეები. ამასთან, ხელნაწერის ტექსტი შინაარსობრივად დალაგდა, ხელახლა დაინომრა და აიკინძა, გაუკეთდა ყუა და ჩაისვა ტყავის ახალ ყდაში.
🔷 ქურაშის სახარება სვანეთში დაცული მეორე ხელნაწერია, რომლის რესტავრაცია-კონსერვაცია ეროვნული არქივის ლაბორატორიაში ჩატარდა. 2021 წელს აქ ლახამულის XII საუკუნის ოთხთავის სარესტავრაციო სამუშაოები განხორციელდა.
🔷 ორივე ხელნაწერის რესტავრაცია შესაძლებელი გახდა ადგილობრივ თემთან წინასწარი მოლაპარაკების საფუძველზე.
🔷 ეცერის თემისა და ადგილობრივი ხელისუფლების წარმომადგენლების გარდა, ღონისძიებას ესწრებოდნენ პარლამენტის თავმჯდომარე შალვა პაპუაშვილი; საქართველოს კულტურის, სპორტისა და ახალგაზრდობის მინისტრი თეა წულუკიანი; პარტია „ხალხის ძალის“ თავმჯდომარე სოზარ სუბარი; ასევე, საკანონმდებლო და აღმასრულებელი ხელისუფლების წარმომადგენლები.

☑ ეწვიეთ საქართველოს იუსტიციის სამინისტროს ეროვნული არქივის ვებგვერდს და დაათვალიერეთ 1910-20-იან წლებში ქართულ პრესაში დაბეჭდილი ცნობილი ადამიანების შარჟების კოლექცია.

🗞 პერიოდულ გამოცემებს, რომელიც საქართველოში XX საუკუნის დასაწყისში იბეჭდებოდა, ცნობილი მხატვრები აფორმებდნენ. მათ შორის იყვნენ: შალვა ქიქოძე, მიხეილ ჭიაურელი, ლადო გუდიაშვილი, ელენე ახვლედიანი, ოსკარ შმერლინგი და სხვები. ილუსტრირებულ გაზეთებში ცნობილი ადამიანების ასეულობით შარჟს შეხვდებით.

✏ ეროვნული არქივის მიერ შექმნილ ონლაინკოლექციაში შესულია პოლიტიკოსების, მსახიობების, მწერლების, კომპოზიტორების შარჟები პერიოდული გამოცემებიდან: „ცნობის ფურცლის სურათებიანი დამატება“ „თეატრი და ცხოვრება“, „ეშმაკის მათრახი“.

🔗 კოლექცია, რომელშიც პირველ ეტაპზე 100-ზე მეტი შარჟი გაერთიანდა, ხელმისაწვდომია ბმულზე:
https://archive.gov.ge/ge/tsnobili-adamianebis-sharzhebi-1

საქართველოს ეროვნული არქივი/National Archives of Georgia საქართველოს იუსტიციის სამინისტროს ეროვნული არქივის ოფიციალური გვერდი

🎉 5 ივნისი კახი კავსაძე დაბადების დღეა!

🖼 ფოტოები ქართული მხატვრული ფილმების გადასაღები მოედნიდან

ℹ️ დაცულია საქართველოს ეროვნულ არქივში

📸 ასტამურ ინალიფა

🖼️ ექსპონატი გამოფენიდან „საქართველოს დამოუკიდებლობის დღე“

📍 მისამართი: თბილისი, ვაჟა-ფშაველას #1/პეკინის #40, საქართველოს ეროვნული არქივის საგამოფენო პავილიონი

🕑 სამუშაო დრო: სამშაბათი-კვირა, 11:00-19:00

📽️ კითხვარი „შერეკილების“ ფრაზებით

🔗 ეწვიეთ ეროვნული არქივის გვერდს, შეავსეთ კითხვარი და გამოიცანით ფრაზები, რომელსაც ფილმის გმირები ამბობენ - https://archive.gov.ge/ge/quiz/sherekilebi-1

🎬 ერთ-ერთი გამორჩეული ქართული მხატვრული ფილმი რეჟისორმა ელდარ შენგელაიამ 1973 წელს რეზო გაბრიაძის სცენარით გადაიღო

👧👦ბავშვთა დაცვის საერთაშორისო დღესთან დაკავშირებით საქართველოს იუსტიციის სამინისტროს ეროვნული არქივში დღეს ანიმაციური ფილმების ორდღიანი ჩვენება გაიხსნა.

🎥 1 და 2 ივნისს, 13:00, 15:00 და 17:00 საათზე, ეროვნული არქივის კინოთეატრში წარმოდგენილი იქნება მულტიპლიკაციური ფილმები: „სამი მეზობელი“ (რეჟისორი ვახტანგ ბახტაძე, 1966), „ტყის კვარტეტი“ (რეჟისორი მერაბ სარალიძე, 1984), „ხელმარჯვე ოსტატი წყალქვეშ“ (რეჟისორი ვახტანგ ბახტაძე, 1977), „ნამდვილი მეგობრები“ (რეჟისორი ნელი ოქროპირიძე, 1976) და „საფრთხობელები“ (რეჟისორი მერაბ სარალიძე, 1993).

პროგრამაში შესული ანიმაციური ფილმები დაცულია საქართველოს ეროვნული არქივში. მათი ციფრული რესტავრაცია ბოლო წლებში განხორციელდა.

დასწრება თავისუფალია, სეანსის ხანგრძლივობაა 50 წუთი.

მისამართი: ეროვნული არქივის კინოთეატრი, თბილისი, ვაჟა-ფშაველას გამზ. N1 / პეკინის გამზ. N40 (შესასვლელი პეკინის გამზირის მხრიდან).

სეანსების შესახებ ინფორმაცია იხილეთ ბმულზე: https://archive.gov.ge/ge/movies