მასწავლებლის სახლი

📍 მასწავლებელთა პროფესიული განვითარების ეროვნული ცენტრის, ინკლუზიური განათლების ხელშეწყობის პროგრამის ფარგლებში, 8 დეკემბერს, 19:00 საათზე, საგანმანათლებლო დაწესებულების სპეციალისტებისთვის და სხვა დაინტერესებული პირებისთვის, გაიმართება ინტერაქციული ვებინარი - ''სოციალური და ემოციური უნარების სწავლება სასკოლო გარემოში''.

ვებინარის ფარგლებში განხილული იქნება შემდეგი საკითხები:

✅ სოციალურ-ემოციური უნარების სწავლების სარგებელი და საჭიროება სასკოლო სივრცეში;
✅ ოჯახის ჩართულობის როლი მოსწავლის სოციალური და ემოციური უნარების განვითარების პროცესში;
✅ უნარების სწავლებისათვის მოსწავლის მზაობის კვლევა;
✅ სოციალური და ემოციური უნარების სწავლების პროცესი პრაქტიკაში;
✅ რეკომენდებული ინტერვენციული მეთოდები სოციალური და ემოციური უნარების სწავლებისათვის.

🔹 ვებინარის მოწვეული სტუმარი:
ფსიქოლოგი, ტრენერ-კონსულტანტი - მარიამ გახუტიშვილი.

🔹 ვებინარის ფასილიტატორი:
ინკლუზიური განათლების ხელშეწყობის პროგრამის კოორდინატორი - ნინო ნიკოლეიშვილი.

ვებინარი გაიმართება ონლაინ პლატფორმა TEAMS-ის გამოყენებით.

🌐 ვებინარზე დასწრება თავისუფალია, მითითებულ დროს, გამოიყენეთ ბმული:

https://teams.microsoft.com/l/meetup-join/19%3ameeting_ODUxZDNiM2ItMmY3ZC00MGRhLTlhNjEtNmJiZGM3OGVjMmE3%40thread.v2/0?context=%7b%22Tid%22%3a%2261d2e93c-423d-43b4-8f23-1580c2341952%22%2c%22Oid%22%3a%22920ea83d-004e-4274-bb0b-e17b08e8c7c9%22%7d

📍 მასწავლებელთა პროფესიული განვითარების ეროვნული ცენტრის ინიციატივით eTwinning-ის პროგრამის 10 წლის იუბილესადმი მიძღვნილი კონფერენცია – „ხელოვნური ინტელექტი განათლებაში‘‘ გაიმართა, რომელიც მასწავლებელთა პროფესიული განვითარების ეროვნული ცენტრის დირექტორმა, ბერიკა შუკაკიძემ გახსნა.

✅ კონფერენციის მიზანს განათლებაში ხელოვნური ინტელექტის როლის მნიშვნელობის წარმოჩენა და ამ მიმართულებით მასწავლებელთა და მოსწავლეთა ცნობიერების ამაღლება წარმოადგენდა.

🔹 კონფერენციაზე eTwinning-ის პროგრამის ფარგლებში, ქართულად გამოცემული ევროსაბჭოს პუბლიკაციის – „ხელოვნური ინტელექტი და განათლება - კრიტიკული ხედვა ადამიანის უფლებების, დემოკრატიისა და კანონის უზენაესობის პერსპექტივიდან“ პრეზენტაცია გაიმართა, რომელიც განათლებისა და ხელოვნური ინტელექტის საერთაშორისო ექსპერტმა, გაერთიანებული სამეფოდან ვეინ ჰოლმსმა წარადგინა.

🔹 კონფერენციაზე ასევე გაიმართა პანელური დისკუსია, რომლის ფარგლებშიც მონაწილეებმა განათლებაში ხელოვნური ინტელექტით შექმნილი ის გამოწვევები და რისკები განიხილეს, რომლებიც მასწავლებლებმა პროფესიული საქმიანობისას უნდა გაითვალისწინონ. ამასთან, ისაუბრეს მოსწავლეთა ცნობიერების ამაღლების მნიშვნელობაზე ამ მიმართულებით.

🔹 აღსანიშნავია, რომ მონაწილეებისთვის შეთავაზებული იყოს სესიები ისეთ აქტუალურ თემებზე, როგორებიცაა: ციფრული წიგნიერება და ტექნოლოგიების ეთიკა, კიბერუსაფრთხოება სასკოლო გარემოში, ხელოვნური ინტელექტის შემოქმედებითობის ძალა და მედიაწიგნიერება ფორმალურ განათლებაში.

🔹 კონფერენციის დასასრულს eTwinning-ის პროგრამაში ჩართული სკოლების მოსწავლეთა საუკეთესო ნამუშევრების გამოფენა და დაჯილდოების ცერემონია გაიმართა.

✅ კონფერენციას ესწრებოდნენ ევროპის საბჭოს ციფრული ტრანსფორმაციისა და ელექტრონული სწავლების განყოფილების ხელმძღვანელი აჰმედ მურატ კილიჩი, მასწავლებლები, მოსწავლეები, განათლების ექსპერტები და საერთაშორისო ორგანიზაციების წარმომადგენელი.

🔹საქართველოს განათლებისა და მეცნიერების მინისტრმა გიორგი ამილახვარმა მინისტრის საათის ფორმატში მასწავლებლის პროფესიის მხარდაჭერის მიზნით განხორციელებულ ინიციატივებზე და პედაგოგთა ახალ სახელფასო პოლიტიკაზე ისაუბრა.

👩‍🏫მინისტრის თქმით, მასწავლებლობა ყოველთვის იყო და არის ყველაზე გამორჩეული, საპატიო და საპასუხისმგებლო პროფესია პროფესიათა შორის და მას განსაკუთრებული დაფასება სჭირდება, რაც აუცილებლად აისახება ახალ სახელფასო პოლიტიკაში. დღეს სწორედ ეს არის განათლებისა და მეცნიერების სამინისტროს უმთავრესი პრიორიტეტი და პედაგოგების მხარდაჭერის მიზნით, აქტიურად გრძელდება ახალ ინიციატივებზე მუშაობა.

💬 გიორგი ამილახვარი: „2024 წლის პირველი ივლისიდან მასწავლებლებისთვის ამოქმედდება ახალი სახელფასო ფორმულა, რომელიც პედაგოგთა ანაზღაურების უპრეცედენტო ზრდას გულისხმობს – სრულ განაკვეთზე მომუშავე მასწავლებელთა ანაზღაურება საშუალოდ 500 ლარით და მეტით გაიზრდება. ეს გახლავთ ერთ წელიწადში ხელფასების საშუალო მაჩვენებლის დაახლოებით 35%-იანი მატება, რაც მასწავლებელთა კორპუსში მრავალი წელია არ განხორციელებულა.

2012 წლამდე, ქართული ოცნების ხელისუფლებაში მოსვლამდე, მასწავლებელთა საშუალო ხელფასი შეადგენდა 330 ლარს. დღევანდელი მონაცემებით საშუალო ხელფასი გაზრდილია თითქმის 300%-ით და შეადგენს 1230 ლარს‘‘.

🔹მინისტრმა სიტყვით გამოსვლისას ასევე ყურადღება გაამახვილა მასწავლებლის ეროვნული დღის დაწესების მნიშვნელობაზე. მისი თქმით, პირველად საქართველოს უახლეს ისტორიაში მასწავლებლის ეროვნული დღე დაწესდა. მასწავლებლის ეროვნული დღე ყოველი წლის 27 ოქტომბერს – იაკობ გოგებაშვილის დაბადების დღეს აღინიშნება.

🔹როგორც გიორგი ამილახვარმა აღნიშნა, ღვაწლმოსილ პედაგოგებს, ყოველწლიურად გადაეცემათ მასწავლებლის ეროვნული პრემია – სპეციალურად შექმნილი სამკერდე ნიშანი და ფულადი ჯილდო 10 000 ლარის ოდენობით. 2023 წელს მასწავლებლის ეროვნული პრემიით 11 პედაგოგი დაჯილდოვდა.

🔹საქართველოს განათლებისა და მეცნიერების მინისტრი გიორგი ამილახვარი საქართველოს პარლამენტის პლენარულ სხდომაზე მინისტრის საათის ფორმატში წარდგა.

🔹მინისტრმა განათლების სისტემის ყველა საფეხურზე განხორციელებულ და მიმდინარე პროექტებზე ისაუბრა და მეცნიერების სფეროს განვითარების კუთხით გადადგმულ ნაბიჯებზე ისაუბრა.

🔹სიტყვით გამოსვლისას გიორგი ამილახვარმა განსაკუთრებული ყურადღება გაამახვილა განათლებისა და მეცნიერების სისტემის დაფინანსების ზრდის მნიშვნელობაზე. მისი თქმით, საქართველოს მთავრობის ერთ-ერთ მთავარ პრიორიტეტს განათლების სფეროს განვითარების ხელშეწყობა წარმოადგენს და სწორედ ამის ნათელი დასტურია განათლების სისტემის ყოველწლიურად მზარდი ბიუჯეტი.

🔹როგორც მინისტრმა საუბრისას აღნიშნა, განათლებისა და მეცნიერების დაფინანსება 2023 წელს 2 მილიარდ 77 მილიონ, 780 ათას ლარს შეადგენდა, ხოლო 2024 წელს ბიუჯეტი უპრეცედენტო ნიშნულს 2 მილიარდ 508 მილიონ ლარს მიაღწევს.

🔹მინისტრის განცხადებით, 2012 წელთან შედარებით, როდესაც განათლების სფეროს დაფინანსებისთვის მხოლოდ 626.8 მლნ ლარი იყო გამოყოფილი, 2024 წელს განათლების, მეცნიერებისა და ახალგაზრდობის ბიუჯეტი გაიზრდება 300%-ით.

🔹საქართველოს განათლებისა და მეცნიერების სამინისტროს ინიციატივით ეროვნული სასწავლო გეგმის ცვლილებებზე მუშაობის პირველი ეტაპი დასრულდა. განახლებული დოკუმენტი საჯარო და კერძო სკოლებისთვის მეტი ავტონომიის მინიჭებას გულისხმობს.

🔹ცვლილებები სწავლა-სწავლების დაგეგმვასა და წარმართვასთან დაკავშირებულ ყველა კომპონენტს შეეხო, მათ შორის, როგორც სწავლა-სწავლების პრინციპებს, მიზნებსა და შინაარსობრივ პრიორიტეტებს, ასევე, სწავლების მეთოდებს, შეფასებასა და სასწავლო პროცესის ორგანიზებას. შედეგად, სწავლა-სწავლების თითოეული კომპონენტი უფრო მიმართულია ზოგადსაგანმანათლებლო დაწესებულებების მხარდაჭერაზე და მეტ შესაძლებლობას აძლევს სკოლებს, შემოქმედებითად და მოსწავლის საუკეთესო ინტერესების გათვალისწინებით დაგეგმონ სასწავლო პროცესი.

🌐 დეტალური ინფორმაციისთვის ეწვიეთ ბმულს:
https://mes.gov.ge/content.php?id=13612&lang=geo

📍 მასწავლებელთა პროფესიული განვითარების ეროვნული ცენტრის, ინკლუზიური განათლების ხელშეწყობის პროგრამის ფარგლებში, 17 ნოემბერს, 19:00 საათზე საგანმანათლებლო დაწესებულების სპეციალისტებისთვის და სხვა დაინტერესებული პირებისთვის, გაიმართება ინტერაქციული ვებინარი - “კლასის ეფექტური მართვის სტრატეგიები”.

ვებინარის ფარგლებში განხილული იქნება შემდეგი საკითხები:

✅ კლასის მართვის თანამედროვე მიდგომის საფუძვლები;
✅ კლასის მართვისა და ორგანიზების სისტემა;
✅ ეფექტური საკლასო წესებისა და პროცედურების შემუშავება და დანერგვა.

🔹 ვებინარის მოწვეული სტუმარი:
ივანე საათაშვილი - ფსიქოლოგი, მულტიდისციპლინური გუნდის წევრი.

🔹 ვებინარის ფასილიტატორი:
ინკლუზიური განათლების ხელშეწყობის პროგრამის კოორდინატორი - ნინო ნიკოლეიშვილი.

ვებინარი გაიმართება ონლაინ პლატფორმა TEAMS-ის გამოყენებით.

🌐 ვებინარზე დასწრება თავისუფალია, მითითებულ დროს, გამოიყენეთ ბმული:

https://teams.microsoft.com/l/meetup-join/19%3ameeting_ZTkxNDY4MzUtZmZlOC00NzM3LTk2MWEtMWMzNGYyZjc0Y2M4%40thread.v2/0?context=%7b%22Tid%22%3a%2261d2e93c-423d-43b4-8f23-1580c2341952%22%2c%22Oid%22%3a%22920ea83d-004e-4274-bb0b-e17b08e8c7c9%22%7d

🇬🇪🇪🇺ევროკომისია დადებითად აფასებს საქართველოს მიერ მიღწეულ შედეგს და ევროპულ საბჭოს აძლევს რეკომენდაციას, საქართველოს მიენიჭოს ევროკავშირის წევრობის კანდიდატის სტატუსი

📍 მასწავლებელთა პროფესიული განვითარების ეროვნული ცენტრი და ბრიტანეთის საბჭო აგრძელებენ თანამშრომლობას ბრიტანეთის საბჭოს პროგრამის - "Future English: Assessment Literacy Webinar Series" ფარგლებში .

პროგრამის მიზანია ინგლისური ენის პედაგოგების პროფესიული განვითარების ხელშეწყობა ვებინარების, პროფესიული დისკუსიებისა თუ ლაივ შეხვედრებში ჩართვით - საკუთარ პედაგოგიურ გამოცდილებაზე რეგულარული რეფლექსიის საშუალებით.

✅ ინგლისური ენის პედაგოგებს საშუალება ეძლევათ დარეგისტრირდნენ ვებინარების კურსზე, სადაც მიიღებენ ცოდნას ინგლისურ ენაზე მოსმენის, წერისა და საუბრის უნარების შეფასების მეთოდების შესახებ.

🌐 დამატებითი ინფორმაცია იხ. http://tpdc.ge/geo/news/865

📍 მასწავლებელთა პროფესიული განვითარების ეროვნული ცენტრის ორგანიზებით, გაიმართა კონფერენცია თემაზე "გლობალური მოქალაქეობის განათლება (GCED) ".

კონფერენციის მონაწილეებმა მიიღეს ინფორმაცია გლობალური მოქალაქეობის განათლების პრინციპების, მიზნებისა და ამოცანების შესახებ, იმსჯელეს საერთო სასკოლო მიდგომის მნიშვნელობაზე გლობალური მოქალაქეობის განვითარებისთვის.

🔹 კონფერენციის ფარგლებში გაიმართა გლობალური მოქალაქეობის განათლების დანერგვის ხელშემწყობი სახელმძღვანელოს პრეზენტაცია. ასევე ჩატარდა პლენარულ სესიები, რომლებიც სამ პარალელურ ჯგუფში მიმდინარეობდა. საქართველოს სხვადასხვა რეგიონის საჯარო და კერძო სკოლების პედაგოგებმა ერთმანეთს გაუზიარეს თავიანთი გამოცდილება გლობალური მოქალაქეობის განათლებასთან დაკავშირებით.

კონფერენცია ჩატარდა UNESCO-ს ეგიდით მოქმედ ორგანიზაციასთან „აზია-წყნარი ოკეანეთის განათლების ცენტრთან“ პარტნიორობით და მიზნად ისახავს საქართველოში გლობალური მოქალაქეობის განათლების დანერგვის ხელშეწყობას.

📍 სსიპ მასწავლებელთა პროფესიული განვითარების ეროვნული ცენტრის, ინკლუზიური განათლების ხელშეწყობის პროგრამის ფარგლებში, 31 ოქტომბერს 19:00 საათზე მშობლებისთვის, სააღმზრდელო და საგანმანათლებლო დაწესებულების სპეციალისტებისთვის, გაიმართება ინტერაქციული ვებინარი თემაზე - “რთული ქცევის მქონე მოსწავლეთა შემთხვევის მართვა”.

ვებინარის ფარგლებში განხილული იქნება შემდეგი საკითხები:

✅ რთული ქცევის მქონე მოსწავლეთა შემთხვევის მართვის სქემა სასკოლო გარემოში;
✅ რთული ქცევის შეფასების პროცედურები;
✅ რთული ქცევის მართვის ინდივიდუალური გეგმის შემუშავების პროცედურები;
✅ ზოგადი რეკომენდაციები ქცევის მართვის პროცესში პრევენციული სტრატეგიების გამოყენების შესახებ;
✅ მოსწავლის რთული ქცევით გამოწვეული სიტუაციისას, გარემოს უსაფრთხოებისა რისკების შეფასება.

🔹 ვებინარის წამყვანი - ინკლუზიური განათლების ხელშეწყობის პროგრამის კოორდინატორი - ნინო ნიკოლეიშვილი.

🔹 ვებინარის მოწვეული სტუმარი - საქართველოს კარიტასის, ინკლუზიური განათლების მხარდაჭერის პროგრამის მენეჯერი - გიორგი დემეტრაშვილი.

ვებინარი გაიმართება ონლაინ პლატფორმა TEAMS-ის გამოყენებით.

🌐 ვებინარზე დასწრებისთვის, მითითებულ დროს, გამოიყენეთ ბმული: https://teams.microsoft.com/l/meetup-join/19%3ameeting_M2VhNWNmMDgtZGI2Mi00NzE1LThjYmYtMWMwZjgzMzNlZDlh%40thread.v2/0?context=%7b%22Tid%22%3a%2261d2e93c-423d-43b4-8f23-1580c2341952%22%2c%22Oid%22%3a%22920ea83d-004e-4274-bb0b-e17b08e8c7c9%22%7d

📍 22-27 ოქტომბერს მასწავლებელთა პროფესიული განვითარების ეროვნული ცენტრის ორგანიზებით ჩატარდა „რეგიონული სასწავლო ტური სპეციალური მასწავლებლებისთვის“. რეგიონული ტური „ინკლუზიური განათლების ხელშეწყობის“ პროგრამის ფარგლებში, რეგიონების სპეციალური მასწავლებლების ცოდნისა და უნარების განვითარების ხელშეწყობის მიზნით ტარდება და წელს პროექტში 30 მასწავლებელი იყო ჩართული.

ტურის მონაწილეებს საშუალება მიეცათ ადგილზე გასცნობოდნენ თბილისის წარმატებული სკოლების ინკლუზიური განათლების პრაქტიკას, ენახათ თუ რა ფაქტორები განაპირობებს ინკლუზიური განათლების წარმატებას სკოლაში, დაესვათ მათთვის საინტერესო კითხვები და შეესწავლათ სსსმ მოსწავლის კლასში/სკოლაში ინტეგრაციის ეფექტური სტრატეგიები. რეგიონული სასწავლო ტურის მონაწილეებს გადაეცათ ტურში მონაწილეობის დამადასტურებელი სერტიფიკატები.

✅ რეგიონული სასწავლო ტურის მხარდამჭერები არიან: ,,კენ ვოლკერის კლინიკა“, ,,MAC Georgia”, ხოლო მოწვეულ სპიკერები თეონა დარჩია, რუსუდან ლორთქიფანიძე და ნინო მამარდაშვილი.

🔹საქართველოს განათლებისა და მეცნიერების სამინისტრო ყველას გილოცავთ მასწავლებლის ეროვნულ დღეს.

აღნიშნულ თარიღთან დაკავშირებით დღეს - 27 ოქტომბერს, 20:00 საათზე თბილისის ზაქარია ფალიაშვილის სახელობის სახელმწიფო ოპერისა და ბალეტის თეატრში მასწავლებლის ეროვნული პრემიის დაჯილდოების ცერემონია გაიმართება.

🔹 27 ოქტომბერი - მასწავლებლის ეროვნული დღეა!

ძვირფასო პედაგოგებო, გილოცავთ ამ უმნიშვნელოვანეს თარიღს და მთელი გულით წარმატებებსა და წინსვლას გისურვებთ!

მადლობა მინდა, გითხრათ თითოეულ თქვენგანს თავდაუზოგავი შრომისა და პროფესიონალიზმისთვის. თქვენ ხომ ასე ერთგულად ემსახურებით საქვეყნო მნიშვნელობის საქმეს!

კიდევ ერთხელ, მინდა, დაგიდასტუროთ უდიდესი პატივისცემა და ურყევი მხარდაჭერა. მე ყოველთვის ვიდგები თქვენს გვერდით და ყველაფერს გავაკეთებ მასწავლებლების შრომის ღირსეულად დაფასებისთვის.

📍 სსიპ მასწავლებელთა პროფესიული განვითარების ეროვნული ცენტრის ინკლუზიური განათლების ხელშეწყობის პროგრამის ფარგლებში ცხადდება რეგისტრაცია ჟესტური ენის (საბაზისო დონე I) შემსწავლელ კურსზე.

კურსი განკუთვნილია:

✅ სმენის დარღვევის მქონე პირებისთვის, მათი ოჯახის წევრებისთვის;
✅ სმენის დარღვევის მქონე პირის აღმზრდელებისთვის, მასწავლებლებისთვის ან ნებისმიერი პირისთვის ვისი პროფესიული საქმიანობაც დაკავშირებულია სმენის დარღვევის მქონე პირების განათლებასთან და დამოუკიდებელი ცხოვრების ხელშეწყობასთან.

🌐 დამატებითი ინფორმაცია იხ. http://tpdc.ge/geo/news/861