საქართველოს იუსტიციის სამინისტრო

🐕‍🦺 🎉სპეციალურ პენიტენციურ სამსახურში მომუშავე გერმანულ ნაგაზ პრადას ახალი წლიდან ახალი მეგობრები ჰყავს.

🐕‍🦺პენიტენციურ სამსახურს კიდევ ორი ოთხფეხა მეგობარი შეემატა.

🐕‍🦺მალინუას ჯიშის ორი ლეკვი შესაბამის წვრთნებს გაივლის და პრადას და პენიტენციური სამსახურის თანამშრომლებს ამანათების შემოწმებაში დაეხმარება.

✅უწყება სრულ პასუხისმგებლობას იღებს ოთხფეხა მეგობრების მოვლა-პატრონობასა და წვრთნაზე და ახალ მეგობრებს და თანამშრომლებს წარმატებებს უსურვებს.

✅ იუსტიციის მინისტრი ახალ წელს ესკორტირებისა და სპეციალურ ღონისძიებათა მთავარი სამმართველოს ბაზაზე შეხვდა.
🔷 რატი ბრეგაძემ 2024 წლის დადგომა, ტრადიციულად, იმ თანამშრომლებთან ერთად აღნიშნა, რომლებიც დღესასწაულს სამუშაო გარემოში, ოჯახის წევრებისაგან მოშორებით ხვდებიან.
🔷 2024 წლის პირველ დღეს მინისტრმა სპეციალური პენიტენციური სამსახურის ხელმძღვანელებთან ერთად ესკორტირებისა და სპეციალურ ღონისძიებათა მთავარი სამმართველოს ბაზაზე უახლესი სპორტული კომპლექსი გახსნა. კომპლექსი ფეხბურთის, კალათბურთის მოედანსა და სატრენაჟორო სივრცისგან შედგება.
🔷 მინისტრმა ახალი წლის დადგომა N8 პენიტენციური დაწესებულების თანამშრომლებსაც მიულოცა და გაწეული საქმიანობისათვის მადლობა გადაუხადა. რატი ბრეგაძემ აღნიშნა, რომ 2023 წელი საინტერესო გამოწვევებთან გამკლავებისა და პოზიტიური შედეგების წელი იყო.
🔷 2024 წელი კი ინსფრასტრუქტურული განახლებებისა და კიდევ მეტი წარმატების წელი იქნება ქვეყნისთვის და მის სამსახურში მყოფი თითოეული ადამიანისათვის. მინისტრმა გამოხატა რწმენა, იმისა, რომ ახალი წლიდან ახალი ენერგიითა და გაზრდილი მოტივაციით კიდევ უფრო მეტის გაკეთება იქნება შესაძლებელი.
💫 იუსტიციის სამინისტრო გილოცავთ 2024 წელს.

გილოცავთ ახალ 2024 წელს!

✅ ადამიანით ვაჭრობის (ტრეფიკინგის) წინააღმდეგ ბრძოლის უწყებათაშორისი საბჭოს სხდომა გაიმართა
🔷 სხდომაზე, რომელსაც იუსტიციის მინისტრის მოადგილე ბექა ძამაშვილი უძღვებოდა, საკოორდინაციო საბჭოს დებულებაში შესატანი ცვლილებები იქნა განხილული და მხარდაჭერილი.
🔷 წარმოდგენილ იქნა, ასევე, ინფორმაცია ადამიანით ვაჭრობის (ტრეფიკინგის) წინააღმდეგ ბრძოლის 2023-2024 წლების სამოქმედო გეგმის ფარგლებში 2023 წელს განხორციელებული ძალისხმევისა და მიღწეული პროგრესის თაობაზე.
💬 „ტრეფიკინგის წინააღმდეგ ბრძოლის მიმართულებით განხორციელებულმა რეფორმებმა მნიშვნელოვანი წვლილი შეიტანა ქვეყნისთვის ევროკავშირის წევრობის კანდიდატი ქვეყნის სტატუსის მიღებაში. ერთი თვის წინ ევროკომისიის მიერ გამოცემულ ანგარიშში დადებითადაა მოხსენიებული ორგანიზებულ დანაშაულთან ბრძოლის კუთხით საქართველოს მიერ მიღწეული პროგრესი. ამასთან, აშშ-ის სახელმწიფო დეპარტამენტის ანგარიშის თანახმად, ტრეფიკინგის დანაშაულთან ბრძოლის მიმართულებით, საქართველო მსოფლიოს მასშტაბით უმაღლეს საფეხურზე – პირველ კალათაში იმყოფება. შეფასებული 198 სახელმწიფოდან მხოლოდ 38, მათ შორის, საქართველო და 18 ევროკავშირის წევრი სახელმწიფო, იკავებს შეფასების უმაღლეს ნიშნულს“, – აღნიშნა ბექა ძამაშვილმა.
🔷 შეხვედრაზე განსაკუთრებული ყურადღება დაეთმო, ასევე, ტრეფიკინგის საფრთხეების შესახებ ფართომასშტაბიანი საინფორმაციო კამპანიის ჩატარების აუცილებლობას. საბჭოს გადაწყვეტილებით 2024 წლის განმავლობაში სხვადასხვა სამიზნე აუდიტორიასთან ცნობიერების ამაღლების აქტივობები ინტენსიურად გაიმართება, რომლის კოორდინაციასა და შესრულების მონიტორინგს საბჭო განახორციელებს.
🔷 ტრეფიკინგთან ბრძოლის უწყებათაშორისი საბჭოს სხდომა იუსტიციის სამინისტროში გაიმართა და მას საბჭოს წევრი უწყებების, საქართველოს პარლამენტის, არასამთავრობო და საერთაშორისო ორგანიზაციების, სახალხო დამცველის აპარატისა და საქართველოში ამერიკის შეერთებული შტატების საელჩოს წარმომადგენლები ესწრებოდნენ.

✅ იუსტიციის მინისტრის პირველი მოადგილის თავმჯდომარეობით მიგრაციის საკითხთა სამთავრობო კომისიის 32-ე სხდომა გაიმართა.

🔷 შეხვედრაზე მიღებულ იქნა 2021-2030 წწ. მიგრაციის სტრატეგიის 2024 წლის სამოქმედო გეგმა; საქართველოში მიგრაციის საერთაშორისო ორგანიზაციის (IOM) ხელმძღვანელის მიერ გაკეთდა მოხსენება 2024 წლისთვის გაერო-სა და IOM-ის როგორც გლობალურ, ისე საქართველოსთან მიმართებით არსებულ სამუშაო მიმართულებებზე; ასევე, ინტეგრაციის საკითხებზე.

🔷 სხდომას კომისიის წევრ სახელმწიფო უწყებებთან ერთად ესწრებოდა პარტნიორი საერთაშორისო და არასამთავრობო ორგანიზაციების, ასევე, სახალხო დამცველის აპარატის წარმომადგენლები.

🔷 მიგრაციის საკითხთა სამთავრობო კომისია არის მთავრობის სათათბირო ორგანო, რომელიც მსჯელობს და გადაწყვეტილებებს იღებს მიგრაციის მართვასთან დაკავშირებულ სხვადასხვა აქტუალურ საკითხზე.

🔷 კომისიას, რომელიც აერთიანებს 9 სახელმწიფო უწყებას, თავმჯდომარეობს იუსტიციის სამინისტრო, ხოლო თანათავმჯდომარეა შინაგან საქმეთა სამინისტრო.

✅ იუსტიციის სამინისტრომ საგრანტო კონკურსის გამარჯვებულებთან ხელშეკრულებები გააფორმა.
🔷 იუსტიციის სამინისტრო საგრანტო პროგრამის ფარგლებში გამოვლენილ 17 საუკეთესო პროექტს დააფინანსებს.
🔷 გამარჯვებულ ორგანიზაციებსა და ფიზიკურ პირებთან ხელშეკრულებები დღეს გაფორმდა.
🔷 კონკურსის მიზანი იუსტიციის სამინისტროს საქმიანობის პრიორიტეტული მიმართულებების გაძლიერება და სისტემის მასშტაბით სამოქალაქო საზოგადოების მონაწილეობისა და ჩართულობის გაზრდაა.
🔷 საგრანტო პროგრამა იუსტიციის სამინისტრომ ადამიანის უფლებების დაცვის გაძლიერების, ინოვაციური სერვისების დანერგვისა და სამართლებრივი უსაფრთხოების განმტკიცების მიმართულებებით 20 ოქტომბერს გამოაცხადა. კონკურსის ფარგლებში, ჯამში, 62 საპროექტო განაცხადი იყო წარმოდგენილი.
🔷 ღონისძიებას იუსტიციის მინისტრი რატი ბრეგაძე და მოადგილეები თორნიკე ჭეიშვილი და ერეკლე ღვინიანიძე ესწრებოდნენ.
➡️ საგრანტო კონკურსის გამარჯვებული პროექტების ჩამონათვალი ხელმისაწვდომია ელექტრონულ მისამართზე: https://justice.gov.ge/?m=articles&lang=1&id=ZpiCvdXZp6

🇬🇪 🇺🇸 აშშ-ში ვიზიტის ფარგლებში იუსტიციის მინისტრი რატი ბრეგაძე და გენერალური პროკურორი ირაკლი შოთაძე გამოძიების ფედერალური ბიუროს (FBI) დირექტორის მოადგილე პოლ აბატს შეხვდნენ.

🔷 საუბარი შეეხო საქართველო-ამერიკის სტრატეგიული პარტნიორობის საკითხებს და ორგანიზებულ დანაშაულთან ბრძოლის მიმართულებით ორმხრივი თანამშრომლობის მნიშვნელობას. ხაზი გაესვა ეფექტიანი კომუნიკაციის როლს სისხლის სამართლის სფეროში თანამშრომლობისათვის.
🔷 რატი ბრეგაძემ პოლ აბატს მადლობა გადაუხადა FBI-თან წარმატებული თანამშრომლობისათვის ექსტრადიციის სფეროში.
🔷 შეხვედრას, ასევე, ესწრებოდნენ იუსტიციის მინისტრის მოადგილე ბექა ძამაშვილი, გენერალური პროკურორის მოადგილე ნათია მერებაშვილი და აშშ-ში საქართველოს ელჩი დავით ზალკალიანი.

✅ იუსტიციის სამინისტროს ორგანიზებით ადამიანით ვაჭრობის (ტრეფიკინგის) თემაზე გიორგი მარგიანის სახელობის იმიტირებული სასამართლო პროცესები გაიმართა

🔷 იმიტირებული სასამართლო პროცესის მონაწილე სტუდენტები იუსტიციის მინისტრის პირველმა მოადგილე თამარ ტყეშელაშვილმა დააჯილდოვა.

🔷 საფინალო პროცესში თბილისის სახელმწიფო უნივერსიტეტისა და თავისუფალი უნივერსიტეტის გუნდები მონაწილეობდნენ. ფინალი თსუ-ს გუნდის გამარჯვებით დასრულდა. გამარჯვებული სტუდენტები არიან ციცი გიგოიძე და ნიკოლოზ ნურაშვილი; თავისუფალ უნივერსიტეტს კი, წარმოადგენდნენ სტუდენტები: გიგა ჟამერაშვილი, ალექსანდრე მიქელაძე, ვალერი სიდამონიძე და საბა სარჯველაძე.

🔷 ნომინაციაში „საუკეთესო მომხსენებელი“ ნინო შველიძემ და ვალერი სიდამონიძემ გაიმარჯვეს.

💬„აშშ-ის სახელმწიფო დეპარტამენტის ანგარიშის თანახმად, ტრეფიკინგის დანაშაულთან ბრძოლის კუთხით, საქართველო მსოფლიოს მასშტაბით უმაღლეს საფეხურზე – პირველ კალათაში იმყოფება; ამ მიღწევის შესანარჩუნებლად კი, მნიშვნელოვანია ცნობიერების ამაღლება და პრევენცია. შესაბამისად, ჩვენ მომავალშიც გავაგრძელებთ მსგავს ახალგაზრდულ პროექტებს“, – აღნიშნა თამარ ტყეშელაშვილმა.

🔷 2023 წელს პროექტში სხვადასხვა უნივერსიტეტის 110-მდე სტუდენტი მონაწილეობდა, ფინალურ ეტაპზე კი, 27 სტუდენტი (8 გუნდი) გადავიდა.

🔷 პროექტის მიზანია ტრეფიკინგის პრევენცია, სტუდენტების ცნობიერების ამაღლება და ცოდნის გაღრმავება ტრეფიკინგის დანაშაულის, მასთან ბრძოლის მიმართულებით სახელმწიფოს პოლიტიკის, ტრეფიკინგის მსხვერპლთათვის/დაზარალებულთათვის არსებული სერვისების, დანაშაულის გამოძიებისა და სისხლისსამართლებრივი დევნის განხორციელების სპეციფიკის თაობაზე.

🔷 პროექტი იუსტიციის სამინისტროს, სსიპ „საქართველოს იუსტიციის სასწავლო ცენტრის“, მიგრაციის პოლიტიკის განვითარების საერთაშორისო ცენტრისა (ICMPD) და ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს თანამშრომლობითა და ევროკავშირის ფინანსური მხარდაჭერით ხორციელდება.

✅ იუსტიციის სამინისტროს მიერ შემუშავებული პენიტენციური კოდექსი პარლამენტმა მიიღო

🔷 ახალი პენიტენციური კოდექსი აუმჯობესებს სპეციალური პენიტენციური სამსახურის მოსამსახურეთა შრომით პირობებს და პენიტენციურ დაწესებულებებში მყოფ პირთა უფლებრივ მდგომარეობას – აწესებს მსჯავრდებულთა და ბრალდებულთა უფლებების დაცვის კიდევ უფრო მაღალ სტანდარტებს. კერძოდ:

☑️ ბრალდებულს ენიჭება ხანგრძლივი პაემნის უფლება; მას, აგრეთვე, ექნება შესაძლებლობა სხვადასხვა სახის მხარდამჭერ პროგრამებში ჩართვის;
☑️ განსაკუთრებული რისკის თავისუფლების აღკვეთის დაწესებულებაში მოთავსებულ მსჯავრდებულს ენიჭება ვიდეოპაემნის უფლება;
☑️ მსჯავრდებულს ენიჭება პაემნის გარე სამყაროსთან ურთიერთობის სხვა ფორმით ჩანაცვლების შესაძლებლობა (ხანმოკლე პაემანი – ვიდეოპაემანი, ხანგრძლივი პაემანი – ხანმოკლე პაემანი, ვიდეოპაემანი ან სატელეფონო საუბარი, საოჯახო პაემანი – ხანმოკლე პაემანი, ვიდეოპაემანი ან სატელეფონო საუბარი);
☑️ ყველა სახის პაემანი ხდება სრულიად უფასო;
☑️ ამჟამად დადგენილი სატელეფონო საუბრების მაქსიმალური რაოდენობა და ხანგრძლივობა მინიმალურ რაოდენობად/ხანგრძლივობად გარდაიქმნება. მინისტრი უფლებამოსილი იქნება, გაზარდოს სატელეფონო საუბრების რაოდენობა და ხანგრძლივობა;
☑️ განსაკუთრებული გარემოების არსებობისას (ოჯახის წევრის დაბადების დღე, შვილის დაბადება და სხვ.) ბრალდებულს და მსჯავრდებულს შესაძლებელია, მიენიჭოთ დამატებითი სატელეფონო საუბრის უფლება;
☑️ პენიტენციურ დაწესებულებაში მოთავსებულ ოჯახის წევრ ბრალდებულებსა და მსჯავრდებულებს ენიჭებათ ერთმანეთთან სატელეფონო საუბრის უფლება. დასაშვები იქნება მათ შორის მიმოწერაც;
☑️ ყველა მსჯავრდებულს ეძლევა უმაღლესი განათლების მიღების უფლება;
☑️ თანაბრდება ბრალდებულთა და მსჯავრდებულთა საცხოვრებელი პირობები;
☑️ გათავისუფლებისთვის მომზადების თავისუფლების აღკვეთის დაწესებულებაში შესაძლებელი იქნება ქალი მსჯავრდებულის განთავსებაც. ამ გზით მათზე გავრცელდება ის უფლებები, რომლებიც აქვს ამ დაწესებულებაში მოთავსებულ მსჯავრდებულს;
☑️ პენიტენციური სამსახურის ყველა დანაყოფს ენიჭება სპეციალური სტატუსი, რაც თანამშრომელთა პირობებს ათანაბრებს და აუმჯობესებს;
☑️ მოსამსახურეები თანამდებობრივი და წოდებრივი სარგოს გარდა, მიიღებენ წელთა ნამსახურობის დანამატს, ხოლო საამისო წინაპირობების არსებობისას – აგრეთვე სახელმწიფო კომპენსაციას.

🔷 ახალი პენიტენციური კოდექსი ითვალისწინებს როგორც წამებისა და არაადამიანური ან ღირსების შემლახველი მოპყრობისა თუ დასჯის პრევენციის ევროპული კომიტეტის (CPT), ისე საქართველოს სახალხო დამცველის რეკომენდაციებს.

🔷 ცვლილებები პარლამენტს იუსტიციის მინისტრის მოადგილე თორნიკე ჭეიშვილმა წარუდგინა და ის საკანონმდებლო ორგანომ 82 ხმით მიიღო.

🔷 პენიტენციურ კოდექსთან ერთად, საქართველოს პარლამენტმა გამომდინარე 21 კანონპროექტისგან შემდგარი საკანონმდებლო პაკეტიც მიიღო.

#ანგარიში2023

🔵 იუსტიციის მინისტრი რატი ბრეგაძე და გენერალური პროკურორი ირაკლი შოთაძე აშშ-ის გენერალურ პროკურორ მერიკ ბ. გარლანდს შეხვდნენ.

🔷 ორმხრივი შეხვედრის ფარგლებში რატი ბრეგაძემ საქართველო-ამერიკის სტრატეგიული პარტნიორობის მნიშვნელობას გაუსვა ხაზი და აღნიშნა, რომ საქართველოსთვის პრიორიტეტულია ორგანიზებულ დანაშაულთან ბრძოლა, რაშიც განსაკუთრებულ როლს იძენს პარტნიორ ქვეყნებთან თანამშრომლობა.

🔷 შეხვედრის ფარგლებში ხაზი გაესვა სისხლის სამართლის სფეროში სწრაფი და მოქნილი კომუნიკაციის მნიშვნელობას და ამ მხრივ საქართველოსა და აშშ-ს შორის მრავალწლიანი ნაყოფიერი თანამშრომლობის ისტორიას. მხარეები შეთანხმდნენ თანამშრომლობის ახალ ნაბიჯებზე, რასაც განსაკუთრებით შეუწყობს ხელს ექსტრადიციის სფეროში ორმხრივი ხელშეკრულების გაფორმება.

🔷 საქართველოსა და აშშ-ს შორის თანამშრომლობა გაღრმავდება, აგრეთვე, პენიტენციურ სფეროში გამოცდილების გაზიარების მიმართულებით.

🔗 For English please visit the link: https://justice.gov.ge/?m=articles&id=RLZBcBFswd&lang=2

🇬🇪 🇺🇸 საქართველოს იუსტიციის მინისტრის აშშ-ში ვიზიტის ფარგლებში აშშ-სა და საქართველოს შორის ექსტრადიციის შესახებ ორმხრივი ხელშეკრულების პარაფირების ცერემონიალი გაიმართა.

🔷 დოკუმენტს ხელი მოაწერეს საქართველოს იუსტიციის მინისტრმა რატი ბრეგაძემ, საქართველოს გენერალურმა პროკურორმა ირაკლი შოთაძემ და აშშ-ის გენერალური პროკურორის მოადგილე ბრიუს შვარცმა.
🔷 აშშ-სა და საქართველოს შორის ექსტრადიციის ხელშეკრულების პარაფირება ხანგრძლივი მოლაპარაკებების ლოგიკური ეტაპია. მას წინ უძღოდა 2023 წლის იანვარ-თებერვალში ორმხრივი კონსულტაციები მხარეებს შორის თბილისში.
🔷 ექსტრადიციის ხელშეკრულება ხელს შეუწყობს ორი ქვეყნის სამართალდამცავი ორგანოების სწრაფ და მოქნილ თანამშრომლობას და გაზრდის დანაშაულთან ბრძოლის ეფექტიანობას.

🔗 For English please visit the link: https://justice.gov.ge/?m=articles&id=yT1DKklTXY&lang=2

გილოცავთ! ევროპულმა საბჭომ მიიღო გადაწყვეტილება საქართველოს მიენიჭოს ევროკავშირის წევრობის კანდიდატის სტატუსი!

🇬🇪 🇺🇸 საქართველოს იუსტიციის სამინისტროს პრიორიტეტებს და საქმიანობის სტანდარტებს აშშ-ის დემოკრატიის, ადამიანის უფლებებისა და შრომის ბიურო გაეცნო.

🔷 რატი ბრეგაძე ბიუროს ევროპის ოფისის კურატორს ნიკოლ ჩალიკს შეხვდა.

💬 „იუსტიციის სამინისტროს პრიორიტეტები იმგვარად არის განსაზღვრული, რომ უზრუნველყოფილი იყოს ადამიანის უფლებების დაცვა, სახელმწიფოს სამართლებრივი უსაფრთხოება და კანონის უზენაესობის დაცვა საერთაშორისო დემოკრატიული სტანდარტების შესაბამისად“, – აღნიშნა რატი ბრეგაძემ.

🔷 ყურადღება გამახვილდა დემოკრატიული არჩევნების მნიშვნელობაზე. აღინიშნა, რომ მომავალ წელს საქართველოში არჩევნები სრულად პროპორციული სისტემით და ელექტრონული წესით ჩატარდება, რომელსაც საერთაშორისო ორგანიზაციების წარმომადგენლები დააკვირდებიან.

🔷 მხარეებმა განიხილეს საქართველოს წინაშე არსებული უსაფრთხოების საკითხები. ამ კონტექსტში იუსტიციის მინისტრმა ადამიანის უფლებების ევროპულ სასამართლოში რუსეთის წინააღმდეგ საქართველოს მიერ მოგებულ საქმეებზე ისაუბრა. აღინიშნა ევროსასამართლოს მიერ იურიდიულად დადგენილი ფაქტი, რომ საქართველოს ორივე ოკუპირებულ ტერიტორიაზე ჩადენილი ადამიანის უფლებების ყველა დარღვევა შეერაცხება რუსეთს.

🔷 ხაზი გაესვა საქართველოსთვის ევროკავშირში გაწევრების მნიშვნელობას და აღინიშნა ამ პროცესში საქართველოს მიერ მიღწეული პროგრესი.

🔷 მინისტრმა ისაუბრა ქართულ პენიტენციურ სისტემაში ადამიანის უფლებების დაცვის საკითხზე, რომელიც თანამედროვე საერთაშორისო სტანდარტებს ეფუძნება.

🔷 შეხვედრის დასასრულ, რატი ბრეგაძემ ამერიკულ მხარეს ნაყოფიერი თანამშრომლობისთვის მადლობა გადაუხადა.

🔷 შეხვედრას, ასევე, ესწრებოდნენ იუსტიციის მინისტრის მოადგილე ბექა ძამაშვილი, სპეციალური პენიტენციური სამსახურის ხელმძღვანელი ნიკა ცხვარაშვილი და აშშ-ში საქართველოს ელჩი დავით ზალკალიანი.

🇬🇪 🇺🇸 რატი ბრეგაძემ აშშ-ის სახელმწიფო დეპარტამენტის ანტინარკოტიკულ და სამართალდამცავ ორგანოებთან თანამშრომლობის საერთაშორისო ბიუროს (INL) მდივნის მოადგილესთან თანამშრომლობის გაღრმავების პერსპექტივები განიხილა.

🔷 საქართველოს იუსტიციის მინისტრმა ტოდ რობინსონთან პენიტენციურ და პრობაციის სფეროებში მიღწეული პროგრესი განიხილა. რატი ბრეგაძემ აშშ-ის სახელმწიფო დეპარტამენტის ანტინარკოტიკულ და სამართალდამცავ ორგანოებთან თანამშრომლობის საერთაშორისო ბიუროს წარმომადგენლებს სამინისტროს მიერ გატარებული რეფორმების მხარდაჭერისთვის მადლობა გადაუხადა და აღნიშნა, რომ აშშ და, კერძოდ, INL უწყების მნიშვნელოვანი პარტნიორია.

🔷 შეხვედრაზე საუბარი შეეხო პენიტენციურ და პრობაციის სისტემებში დანერგილ ისეთ ინოვაციურ პროექტებს, როგორიცაა: ციფრული უნივერსიტეტი, რე-მარკეტი, პრობბოქსი, სპორტის მართვის სისტემა, ევროპული ტიპის პირველი პენიტენციური დაწესებულება ლაითურში, ახალი სასწავლო ცენტრი სააკაძეში და სხვ.

🔷 რატი ბრეგაძემ ტოდ რობინსონს მადლობა გადაუხადა სამინისტროს მიერ ორგანიზებულ მაღალი დონის საერთაშორისო კონფერენციაში – „მსჯავრდებულთა და პრობაციონერთა რეაბილიტაციისა და რესოციალიზაციის პროცესში არსებული ინოვაციები“ – INL-ის მიერ გაწეული მხარდაჭერისთვის.

🔷 შეხვედრას ესწრებოდნენ იუსტიციის მინისტრის მოადგილე ბექა ძამაშვილი, საქართველოს ელჩი აშშ-ში დავით ზალკალიანი და სპეციალური პენიტენციური სამსახურის ხელმძღვანელი ნიკა ცხვარაშვილი.

🔵 საქართველოს იუსტიციის მინისტრი ევროპისა და ევრაზიის საკითხებში აშშ-ის სახელმწიფო მდივნის თანაშემწეს შეხვდა

🔷 რატი ბრეგაძემ და ჯეიმს ო’ ბრაიენმა განიხილეს ორ ქვეყანას შორის არსებული თანამშრომლობა საქართველოში უსაფრთხოების, დემოკრატიისა და ადამიანის უფლებების განმტკიცების მიმართულებებით. მინისტრმა ამერიკულ მხარეს ინფორმაცია მიაწოდა პენიტენციურ სისტემაში განხორციელებული რეფორმების შესახებ. საუბარი შეეხო, აგრეთვე, დეოკუპაციის პროცესის სამართლებრივ მხარდაჭერას და იუსტიციის სამინისტროს როლს ამ პროცესში.

🔷 იუსტიციის მინისტრმა აღნიშნა, რომ ადამიანის უფლებათა ევროპული სასამართლოს ისტორიული გადაწყვეტილება სახელმწიფოთაშორის საქმეზე „საქართველო რუსეთის წინააღმდეგ“ უმნიშვნელოვანესი სამართლებრივი დოკუმენტია ქვეყნის ტერიტორიული მთლიანობის აღდგენისათვის, რადგან სტრასბურგის სასამართლო ხაზგასმით აღნიშნავს, რომ ჩვენი ქვეყნის ტერიტორიები რუსეთის მიერ არის ოკუპირებული და ადამიანის უფლებების დარღვევის ფაქტებზე პასუხისმგებლობას რუსეთს აკისრებს.

🔷 მხარეებმა განიხილეს საქართველოს ევროკავშირში გაწევრების პროცესის მიმდინარეობა და 2024 წლის არჩევნების საკითხი.

🔷 სახელმწიფო მდივნის თანაშემწესთან შეხვედრას ესწრებოდნენ იუსტიციის მინისტრის მოადგილე ბექა ძამაშვილი, სპეციალური პენიტენციური სამსახურის ხელმძღვანელი ნიკა ცხვარაშვილი, საქართველოს ელჩი აშშ-ში დავით ზალკალიანი და ვაშინგტონში საქართველოს საელჩოს მრჩეველი სოფიო ვეკუა.

🔵 იუსტიციის მინისტრი ვირჯინიის პენიტენციური დაწესებულების მუშაობის სპეციფიკას გაეცნო

🔷 ვირჯინიის სასჯელაღსრულების დაწესებულების ხელმძღვანელმა ჩადვიკ დოთსონმა ციხის მოწყობის სტანდარტებსა და მასში არსებულ სერვისებზე ისაუბრა.

🔷 რატი ბრეგაძემ აღნიშნა, რომ იუსტიციის სამინისტროს პრიორიტეტს საუკეთესო საერთაშორისო სტანდარტების ეროვნულ დონეზე დანერგვა წარმოადგენს. იუსტიციის მინისტრმა საქართველოს ციხეებში პატიმრების პირობებზე ისაუბრა და აღნიშნა, რომ ადამიანის უფლებების დაცვა, მკურნალობის მაღალი სტანდარტების უზრუნველყოფა, პატიმართა რეაბილიტაცია და რესოციალიზაცია საქართველოს სპეციალური პენიტენციური სამსახურის მთავარი ამოცანაა.

🔷 შეხვედრაზე ხაზი გაესვა საქართველოსა და ამერიკის შეერთებულ შტატებს შორის დარგობრივი თანამშრომლობის გაგრძელების მნიშვნელობას პენიტენციური სისტემის გაძლიერების მიმართულებით.

🔷 იუსტიციის მინისტრი რატი ბრეგაძე დელეგაციის წევრებთან ერთად ქოფივუდის პენიტენციურ დაწესებულებაშიც იმყოფებოდა, სადაც ციხის ინფრასტრუქტურა დაათვალიერა და პატიმრებისთვის არსებულ სერვისებს გაეცნო.

🔵 ადამიანის უფლებების დაცვაზე ორიენტირებული პენიტენციური სისტემა, პატიმრებისთვის ხელმისაწვდომი განათლება და ციფრული უნივერსიტეტი, იუსტიციის სახლი პენიტენციურ დაწესებულებებში და სარეაბილიტაციო პროგრამები მსჯავრდებულთა რესოციალიზაციისთვის – პენიტენციურ სისტემაში მიმდინარე რეფორმებზე ისაუბრა იუსტიციის მინისტრმა რატი ბრეგაძემ ვაშინგტონში გამართულ შეხვედრაზე.

🔷 იუსტიციის მინისტრი აშშ-ის ციხეების ფედერალური ბიუროს ხელმძღვანელებს შეხვდა.

🔷 მინისტრმა ამერიკულ მხარეს მადლობა გადაუხადა პენიტენციური სისტემის რეფორმების პროცესში კონტრიბუციისთვის და იმედი გამოთქვა, რომ არსებული მეგობრული დამოკიდებულება და პარტნიორული თანამშრომლობა კიდევ უფრო გაღრმავდება.

🔷 მინისტრის თქმით, პენიტენციურ სისტემაში ადამიანის უფლებების დაცვა და უმაღლესი დონის სტანდარტების დანერგვა ქართული მხარის პრიორიტეტია.

💬 „ქართული პენიტენციური სისტემა მოწოდებულია, დაიცვას ოქროს შუალედი უსაფრთხოებასა და ეფექტურად მოქმედ რეაბილიტაცია-რესოციალიზაციის პროგრამებს შორის“, – აღნიშნა რატი ბრეგაძემ.

🔷 მინისტრმა შეხვედრაზე ყურადღება გაამახვილა პენიტენციურ სისტემაში გატარებულ სხვა რეფორმებზე, მათ შორის, ისაუბრა სპორტის მართვის სტრატეგიაზე, პენიტენციურ დაწესებულებებში გახსნილ იუსტიციის სახლებზე, ონლაინ მაღაზია „რე-მარკეტზე“, სადაც პატიმრების მიერ შექმნილი ნივთები იყიდება; ციფრულ უნივერსიტეტზე, რომელიც პატიმრებს საშუალებას აძლევს, მიიღონ უმაღლესი განათლება და სხვა.

🔷 ასევე, მინისტრმა ისაუბრა იმ სასწავლო და პრაქტიკულ ტრენინგკურსებზე, რომელთაც იუსტიციის სასწავლო ცენტრი ციხის თანამშრომლების გადამზადებისა და პროფესიული განვითარებისთვის ახორციელებს. ამ კონტექსტში რატი ბრეგაძემ ხაზი გაუსვა სააკაძის სასწავლო ბაზის გახსნის მნიშვნელობას.

🔷 შეხვედრის დასასრულ, მხარეები შეთანხმდნენ, რომ ორმხრივი თანამშრომლობა პენიტენციური სისტემის სფეროში მეტად გაძლიერდება.

🔷 შეხვედრას, ასევე, ესწრებოდნენ იუსტიციის მინისტრის მოადგილე ბექა ძამაშვილი, აშშ-ში საქართველოს ელჩი დავით ზალკალიანი და სპეციალური პენიტენციური სამსახურის ხელმძღვანელი ნიკა ცხვარაშვილი.

🔵 იუსტიციის მინისტრი რატი ბრეგაძე აშშ-ში ოფიციალური ვიზიტის ფარგლებში სისხლის სამართლის საერთაშორისო სასამართლოს წესდების ხელშემკვრელი სახელმწიფოების ასამბლეის თავმჯდომარეს შეხვდა.

🔷 იუსტიციის მინისტრმა შეხვედრისას ხაზი გაუსვა ICC-ს განსაკუთრებულ როლს საერთაშორისო დანაშაულებთან ბრძოლის საკითხში. მინისტრის თქმით, თანამედროვე სამყაროში არსებული გამოწვევები საერთაშორისო სამართლებრივი მექანიზმების დაცვასა და ამ კუთხით თანამშრომლობის გაძლიერებას კიდევ უფრო მეტ მნიშვნელობას სძენს.

🔷 რატი ბრეგაძემ სილვია ფერნანდეს დე გურმენდთან შეხვედრაზე აღნიშნა, რომ საქართველო, როგორც ICC-ის დამფუძნებელი წევრი სასამართლოს აქტიური მხარდამჭერია. კერძოდ, ყოველთვის მონაწილეობს სესიებში, საერთო დებატებსა და დისკუსიებში. მიმდინარე წელსაც საქართველო აქტიურად იყო ჩართული ICC-ის ახალ მოსამართლეთა არჩევნებში.

🔷 მხარეებმა აღნიშნეს, რომ ჰააგის სასამართლოს მიერ გამოცემული დაკავების ორდერების დროულად აღსასრულებლად გადამწყვეტი მნიშვნელობა წევრი სახელმწიფოების აქტიურ ჩართულობას ენიჭება.

🔷 შეხვედრის ბოლოს რატი ბრეგაძემ განაცხადა, რომ საქართველო გააგრძელებს მჭიდრო თანამშრომლობას სისხლის სამართლის საერთაშორისო სასამართლოს წესდების ხელშემკვრელი სახელმწიფოების ასამბლეასთან, რათა უზრუნველყოფილი იყოს საერთაშორისო მართლმსაჯულების აღსრულება.

🔵 საქართველოსა და სისხლის სამართლის საერთაშორისო სასამართლოს (ICC) შორის წარმატებულ თანამშრომლობაზე ისაუბრა იუსტიციის მინისტრმა რატი ბრეგაძემ ICC-ის განმწესრიგებელ ოსვალდო ზავალა გილერთან შეხვედრისას.
🔷 წარმატებული თანამშრომლობის შედეგად 2022 წლის 30 ივნისს ჰააგის სასამართლომ დაკავების ორდერი გამოსცა ცხინვალის რეგიონის 3 „მაღალჩინოსნის“ მიმართ აგვისტოს ომის დროს ქართველი სამოქალაქო ტყვეების მიმართ ჩადენილი დანაშაულების ეპიზოდზე. ითქვა, რომ ახლა არსებითი მნიშვნელობა აქვს ყველა რესურსის მობილიზებას, რათა დაკავების ორდერების აღსრულება მოხდეს.
🔷 შეხვედრაზე აღინიშნა, რომ ქართული მხარე განსაკუთრებულად აფასებს ჰააგის სასამართლოს დაზარალებულთა ფონდის გადაწყვეტილებას 2008 წლის აგვისტოს ომის მსხვერპლთათვის დახმარების პროგრამის დამტკიცების შესახებ, რომლის იმპლემენტაცია მიმდინარე წლის აპრილში დაიწყო. პროგრამა ითვალისწინებს ომით დაზარალებულთა დახმარებას სამედიცინო მკურნალობისას, მსხვერპლთა ფსიქოლოგიურ რეაბილიტაციას და სხვა სახის მხარდაჭერას.
🔷 ქართულმა მხარემ იმედი გამოთქვა, რომ სასამართლოსთან არსებული მჭიდრო, ეფექტიანი და ინსტიტუციური თანამშრომლობა მომავალშიც გაგრძელდება.
🔷 შეხვედრას, ასევე, ესწრებოდნენ იუსტიციის მინისტრის მოადგილე ბექა ძამაშვილი, სპეციალური პენიტენციური სამსახურის ხელმძღვანელი ნიკა ცხვარაშვილი და გაერო-ში საქართველოს ელჩი დავით ბაქრაძე.