გარემოს დაცვისა და სოფლის მეურნეობის სამინისტრო

🎄 გილოცავთ ახალ 2024 წელს!

#მთავრობა2024

🧪✅ კანონის პროექტის „ქიმიური ნივთიერებებისა და ნარევების კოდექსი“ პირველი საჯარო განხილვა გაიმართა

🔸 კანონის პროექტის „ქიმიური ნივთიერებებისა და ნარევების კოდექსი“ პრეზენტაციასა და საჯარო განხილვას გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი დაესწრო.

🔸 კანონპროექტი ჩეხეთის განვითარების სააგენტოს (CzDA) და აშშ-ის სახელმწიფო დეპარტამენტის მასობრივი განადგურების იარაღის ტერორიზმთან ბრძოლის (WMDT) სამსახურის მიერ დაფინანსებული პროექტების ფარგლებში შემუშავდა.

🔸 სოლომონ პავლიაშვილმა პარტნიორებს მხარდაჭერისთვის მადლობა გადაუხადა.

👤 „კანონპროექტი მოიცავს ქიმიური ნივთიერებების და ნარევების კლასიფიცირების, ეტიკეტირების, შეფუთვისა და ინფორმაციის წარდგენის წესების, ასევე რეგისტრაციის, შეფასების, ავტორიზაციისა და შეზღუდვის წესების დადგენას. აღნიშნული კანონპროექტი ასოცირების ხელშეკრულებით ნაკისრი ვალდებულებებიდან გამომდინარეობს და მისი მიღება, განსაკუთრებით ახლა, როდესაც ევროკავშირის კანდიდატი წევრი ქვეყნის სტატუსი მოგვენიჭა, უმნიშვნელოვანესია. ისეთი კანონი უნდა მივიღოთ, რომელიც ეფექტიანი იქნება ჩვენი ქვეყნისთვის და მისაღები საერთაშორისო ინსტიტუტებისთვის“, - განაცხადა სოლომონ პავლიაშვილმა.

🔸 კანონპროექტის მიზანია ქიმიური ნივთიერებებისა და ნარევების მავნე ზემოქმედებისგან ადამიანის ჯანმრთელობისა და გარემოს დაცვა, ნივთიერებებთან, ნარევებთან და საგნებთან უსაფრთხო მოპყრობისა და გამოყენებისთვის საჭირო ინფორმაციით უზრუნველყოფა, ნივთიერებებთან დაკავშირებული საფრთხეების შეფასების ალტერნატიული მეთოდების გამოყენების ხელშეწყობა, ნივთიერებების, ნარევებისა და საგნების თავისუფალი მიმოქცევის, კონკურენტუნარიანობისა და ინოვაციების ზრდის ხელშეწყობა.

#გარემოსდაცვა2023
#მთავრობა2023

🇪🇺🇬🇪 ოთარ შამუგია: „საქართველომ ევროკავშირის კანდიდატი წევრი ქვეყნის სტატუსი მიიღო, რაც თითოეული თქვენგანის დამსახურებაა“

🔸 გარემოს დაცვისა და სოფლის მეურნეობის სამინისტროს საქმიანობაში შეტანილი მნიშვნელოვანი წვლილისთვის მინისტრმა ოთარ შამუგიამ სამინისტროსა და მის სისტემაში შემავალი უწყებების 50-მდე თანამშრომელი დააჯილდოვა.

🔸 მინისტრმა თანამშრომლებს ნაყოფიერი საქმიანობისთვის მადლობა გადაუხადა და დამდეგი შობა-ახალი წელი მიულოცა.

👤 „2023 წელი ჩვენი ქვეყნისთვის იყო ძალიან წარმატებული, განსაკუთრებული ყურადღება მინდა გავამახვილო ყველაზე დიდ წარმატებაზე - საქართველომ ევროკავშირის კანდიდატი წევრი ქვეყნის სტატუსი მიიღო, რაც თითოეული თქვენგანის დამსახურებაა. თქვენი თავდაუზოგავი შრომისა და ერთობლივი მუშაობის შედეგია ის მნიშვნელოვანი პროგრესი, რომელიც გვაქვს როგორც გარემოს დაცვის, ისე სოფლის მეურნეობის კუთხით. ყველა მიმართულებით გადავდგით ნაბიჯი წინ და, დარწმუნებული ვარ, ასეთი მიდგომით მომავალშიც შევძლებთ როგორც გარემოს დაცვას, ისე სოფლის მეურნეობის კიდევ უფრო განვითარებას და მნიშვნელოვანი წარმატებების მიღწევას. ძალიან დიდი მადლობა თითოეულს თავდაუზოგავი შრომისთვის. უნდა მოვემზადოთ, რომ 2024 წელი იყოს კიდევ უფრო წარმატებული. დარწმუნებული ვარ ყველა ერთად ამას აუცილებლად შევძლებთ“, - განაცხადა ოთარ შამუგიამ.

🔸 მადლობის სიგელები გარემოს დაცვისა და სოფლის მეურნეობის სამინისტროსა და მის სისტემაში შემავალი უწყებების თანამშრომლებს ოთარ შამუგიასთან ერთად მინისტრის მოადგილეებმა გადასცეს.

#გარემოსდაცვა2023
#სოფლისმეურნეობა2023
#მთავრობა2023

🏔👤 ნინო თანდილაშვილი: „დაცულ ტერიტორიებზე ეკოტურისტული ინფრასტრუქტურის განვითარების შესაძლებლობა ევროპული მიდგომაა, რაც ძალიან ბევრ ქვეყანაშია დანერგილი და აპრობირებული“

🔸 გარემოს დაცვისა და სოფლის მეურნეობის მინისტრის პირველი მოადგილის, ნინო თანდილაშვილის განცხადებით, გარემოს დაცვის მიმართულება ევროპული ინტეგრაციის პროცესის მნიშვნელოვანი ნაწილია, რომლის ფარგლებში მუშაობა აქტიურად მიმდინარებს. 2023 წელი გამორჩეული იყო გარემოსდაცვითი მიმართულებით, განსაკუთრებით აღსანიშნავია „ბიომრავალფეროვნების შესახებ საქართველოს კანონი“, რომელიც წლის ბოლოს საქართველოს მთავრობამ მოიწონა. აღნიშნული კანონი სრულად ასახავს ევროკავშირის ბიომრავალფეროვნების დაცვის პრინციპებს, განსაკუთრებით დაცული ტერიტორიების და ბუნების დაცვის მიმართულებით.

👤 „ჩვენ უნდა შევქმნათ და გავაფართოოთ ქვეყანაში დაცული ტერიტორიების ქსელი. საქართველო გამორჩეული ქვეყანაა თავისი ბუნებით და ბიომრავალფეროვნებით. ამას, ერთი მხრივ, მოფრთხილება სჭირდება, ასევე სჭირდება მიზნობრივად გამოყენება, ეკოტურისტული პოტენციალის გაზრდა, რაც რეგიონულ განვითარებას უწყობს ხელს. ეს არის სწორედ ის ევროპული მიდგომა, რაც ძალიან ბევრ ქვეყანაშია დანერგილი და აპრობირებული“,- აღნიშნა ნინო თანდილაშვილმა.

🔸 მინისტრის მოადგილის განცხადებით, 2023 წელს აქტიურად მიმდინარეობდა მუშაობა ეკოტურიზმის განვითარების მიმართულებით. საქართველოს მასშტაბით, დაცულ ტერიტორიებზე დაახლოებით 1 200 კმ სიგრძის ბილიკების ქსელის მოსაწყობი სამუშაოები ჩატარდა და არაერთი მნიშვნელოვანი ეკოტურისტული პროექტი განხორციელდა. მათ შორის, აღსანიშნავია მარტვილის მუნიციპალიტეტში, ბალდის კანიონის და მარტვილის კანიონის განვითარების პროექტები.

👤 „როდესაც იქმნება დაცული ტერიტორიები, ამას თან სდევს ეკოტურისტული ინფრასტრუქტურის განვითარება, შესაბამისად რეგიონში იქმნება დამატებითი მიზიდულობის ცენტრი, ადგილობრივი მოსახლეობისთვის დასაქმების გარდა სხვა ახალი შესაძლებლობებიც ჩნდება, კერძოდ მცირე თუ საშუალო ბიზნესში ჩართულობა: სასტუმროების მშენებლობა, კვების ობიექტების განვითარება, რაც, თავისთავად, თან სდევს ეკოტურისტულ სერვისებს. უნდა აღინიშნოს, რომ ეკოტურისტული ინფრასტრუქტურის განვითარების შესაძლებლობა ევროპის ქვეყნებსა თუ ამერიკის შეერთებულ შტატებში სახელმწიფოსთან ერთად კერძო სექტორსაც გააჩნია. კერძო სექტორი ამ მიმართულებით უნდა წავახალისოთ. ეკოტურიზმის ხელშეწყობა ევროკავშირში სოფლის განვითარების ერთ-ერთ პრიორიტეტულ მიმართულებად მიიჩნევა. ამიტომ, ჩვენი მოსახლეობისთვის, რომ გასაგები იყოს და ზუსტად რომ გვესმოდეს, აუცილებელია, ბუნების დაცვასთან ერთად მივცეთ, მათ შორის, კერძო სექტორს საშუალება განავითაროს კონკრეტული ეკოტურისტული სერვისები. ეს არ ნიშნავს იმას, რომ მოსახლეობას ადგილზე ტერიტორიებზე წვდომა შეეზღუდება. პირიქით ეს დამატებითი სარგებლის მომტანი იქნება მათთვის“, - აღნიშნა მინისტრის მოადგილემ.

დაცული ტერიტორიების სააგენტო / Agency of Protected Areas (Georgia)

#გარემოსდაცვა2023
#მთავრობა2023

🌳✅ საქართველოს გარემოს დაცვისა და სოფლის მეურნეობის სამინისტრომ საქართველოს ტყეების მდგომარეობისა და მახასიათებლების შესახებ ზუსტი სტატისტიკური ინფორმაცია მოამზადა.

🔸 აღნიშნული ინფორმაცია ტყის ეროვნული აღრიცხვის საველე სამუშაოების შედეგების დამუშავების საფუძველზე მომზადდა. მნიშვნელოვანია აღინიშნოს, რომ ტყის ეროვნული აღრიცხვა სამხრეთ კავკასიაში პირველად სწორედ საქართველოში ჩატარდა.

🔸 ტყის ეროვნული აღრიცხვის ძირითადი მიზანია, ტყეების რაოდენობრივ და ხარისხობრივ მახასიათებლებზე, დროის მცირე მონაკვეთში, ზუსტი ინფორმაციის მიღება. ტყის ეროვნული აღრიცხვის შედეგების მიხედვით, ქვეყნის ტერიტორიის დაახლოებით 44% ტყით არის დაფარული და ამ მაჩვენებლებით საქართველო ტყით მდიდარი ქვეყნების რიცხვში შედის, აქედან გამომდინარე, სამინისტრო აქტიურად და უწყვეტად მუშაობს ტყის მდგრადი მართვის პრინციპების დანერგვაზე.

🔸 პროექტი შესრულდა გერმანიის საერთაშორისო თანამშრომლობის საზოგადოების (GIZ) ტექნიკური და გერმანიის მთავრობის ფინანსური მხარდაჭერით, გარემოსდაცვითი პროგრამების - „ბიომრავალფეროვნების ინტეგრირებული მართვა სამხრეთ კავკასიაში (IBiS)“ და „ბუნებრივი რესურსების მართვა და ეკოსისტემური მომსახურებებით უზრუნველყოფა სოფლად მდგრადი განვითარებისთვის, სამხრეთ კავკასიაში (ECOserve)“ ფარგლებში.

🔸 ტყის ეროვნული აღრიცხვის საველე სამუშაოები ქვეყნის მასშტაბით განხორციელდა 2019-2021 წლებში, ხოლო 2022-2023 წლების განმავლობაში მიმდინარეობდა საველე სამუშაოების შედეგად მიღებული ინფორმაციის დამუშავება და მიღებული შედეგების საფუძველზე შესაბამისი ანგარიშისა და რეკომენდაციების მომზადება, რაც ტყის მონიტორინგის სისტემისა და სამეცნიერო კვლევების განვითარების, მტკიცებულებებზე დაფუძნებული პოლიტიკის შემუშავებისა და კვლევითი ინსტიტუტების გაძლიერების შესაძლებლობას იძლევა.
ტყის ეროვნული აღრიცხვის შედეგად მიღებული მონაცემების საფუძველზე Microsoft Power BI პლატფორმაზე შეიქმნა ონლაინ მოდული, რომელშიც წარმოდგენილია აღრიცხვის მონაცემები და შედეგები დინამიკური გრაფიკებისა და გამოსახულებების სახით. აღნიშნული მოდული, რომელიც მოიცავს საქართველოს ტყეებთან დაკავშირებულ მონაცემებს, წარმოადგენს საჯარო ინფორმაციას და ხელმისაწვდომია საკითხით დაინტერესებული ნებისმიერი პირისთვის.

➡️ ეროვნული ტყის აღრიცხვის ანგარიში: https://mepa.gov.ge/Ge/Reports

➡️ Microsoft Power BI პლატფორმაზე შექმნილი ონლაინ მოდული:

➡️ ინგლისურენოვანი მოდულის ბმული: https://mepa.gov.ge/En/Page/NFI/?fbclid=IwAR1P3yQJek2txMfb-AzxrSdyYCXIEE4sravrZ-dfkvCXCX1qlxfic0WJywA #

➡️ ქართულენოვანი მოდულის ბმული: https://mepa.gov.ge/Ge/Page/NFI/?fbclid=IwAR2QkdQPKruY-XL4VkGREQ7kp_gfljY3HEFqjL-rd3TP5xLRFBcqtP4Fd14

ეროვნული სატყეო სააგენტო
გარემოსდაცვითი ინფორმაციისა და განათლების ცენტრი

#გარემოსდაცვა2023
#მთავრობა2023

✅ გარემოს დაცვისა და სოფლის მეურნეობის მინისტრი, ოთარ შამუგია ელჩების კონფერენცია 2023-ის გახსნის ღონისძიებას დაესწრო.

🍊✅ მანდარინის ექსპორტის დინამიკა მზარდია!

🔸 მიმდინარე წლის 1 სექტემბრიდან დღემდე საქართველოდან 29.3 ათასი ტონა მანდარინის ექსპორტი განხორციელდა, რომლის ღირებულებამ 19.4 მლნ აშშ დოლარი შეადგინა.

🔸 გასული წლის ანალოგიურ პერიოდთან შედარებით, ექსპორტირებული მანდარინის მოცულობა 17.1 ათასი ტონით (141%), ხოლო ღირებულება - 12.7 მლნ აშშ დოლარით (191%) გაიზარდა.

#ექსპორტი2023
#სოფლისმეურნეობა2023
#მთავრობა2023

👤 ოთარ შამუგია: „შავი ზღვის დაბინძურებისთვის სანქცია მკაცრდება - 65 000 ლარიანი ჯარიმა იზრდება და 100 000 ლარი ხდება“

🔸 მთავრობის სხდომის დასრულების შემდეგ, გარემოს დაცვისა და სოფლის მეურნეობის მინისტრმა ოთარ შამუგიამ, ადმინისტრაციულ სამართალდარღვევათა კოდექსში შესატანი ცვლილებების პროექტის შესახებ გააკეთა კომენტარი და აღნიშნა, რომ რიგ გარემოსდაცვით სამართალდარღვევაზე სანქციები მკაცრდება.

👤 „ჩვენთვის მნიშვნელოვანია როგორც გარემოს დაბინძურების შემცირების მიმარულებით, ისე ბრაკონიერობასთან ბრძოლის კუთხით ეფექტიანი ნაბიჯების გადადგმა. შავი ზღვის დაბინძურებისთვის სანქცია მკაცრდება - 65 000 ლარიანი ჯარიმა იზრდება და ხდება 100 000 ლარი. ჩვენთვის მნიშვნელოვანია ბრაკონიერობასთან ბრძოლის კუთხით ეფექტიანი ნაბიჯების გადადგმა, სხვა გარემოსდაცვით კანონმდებლობის დარღვევებთან მიმართებაში პრევენცია. სწორედ აქედან გამომდინარე გვიწევს გარკვეული ზომების მიღება სანქციების გამკაცრების მიმართულებით. ძალიან აქტიურად ვახორციელებთ გარემოსდაცვითი ზედამხედველობის დეპარტამენტის გადაიარაღებასა და ტექნიკურ აღჭურვას, რათა მათი მუშაობა იყოს უფრო ეფექტიანი; მნიშვნელოვანია, რა თქმა უნდა, პრევენცია და წელს უკვე რამდენიმე მიმართულებით, მათ შორის, უკანონო ტყითსარგებლობის, მოპოვების, ტრანსპორტირების მიმართულებით გავამკაცრეთ სანქციები. ეს ყველაფერი ემსახურება ბიომრავალფეროვნების მაქსიმალურ დაცვას“, - განაცხადა ოთარ შამუგიამ.

🔸 აღსანიშნავია, რომ შავი ზღვის დაბინძურების ფაქტების უმეტესობა ჩადენილია საერთაშორისო ნაოსნობაში ჩართული უცხო ქვეყნის დროშის ქვეშ მცურავი გემების მიერ. გარემოსდაცვითი ზედამხედველობის დეპარტამენტის, შავი ზღვის დაცვის კონვენციური სამმართველოს მიერ გასულ წელს გამოვლენილი 63 სამართალდარღვევიდან, 21 სწორედ გემების მიერ შავი ზღვის დაბინძურების ფაქტია. 2023 წელს კი, დღეის მონაცემებით, გამოვლენილია 65 სამართალდარღვევა. მათგან 16 შემთხვევაში ზღვა გემებიდან დაბინძურდა.

🔸 შავი ზღვის ქვეყნების საერთაშორისო პრაქტიკის ანალიზით დადგინდა, რომ ამ ქვეყნებში, საქართველოსთან შედარებით, მკვეთრად მაღალი საჯარიმო სანქციებია. შესაბამისად, შავი ზღვის ქვეყნებთან ზღვის დაბინძურების კუთხით საჯარიმო სანქციების ჰარმონიზების მიზნით, წარმოდგენილი პროექტი ითვალისწინებს შავი ზღვის დაბინძურებისთვის საჯარიმო სანქციის გაზრდას - 65 ათასი ლარიდან 100 000 ლარამდე.

🔸 იზრდება ჯარიმა გემებიდან, სხვა მცურავი საშუალებებიდან, პლატფორმიდან, მილსადენებიდან ან ზღვაში ხელოვნურად აგებული სხვა კონსტრუქციიდან საქართველოს კანონმდებლობით დადგენილი წესის დარღვევით ზღვაში მავნე, დამაბინძურებელი ნივთიერებების, საწარმოო, ტექნიკური ან სხვა სახის ნარჩენების ან/და მასალის ჩაღვრა (ჩაყრა, ჩაშვება), აგრეთვე მათი ჩამარხვის წესის დარღვევით ზღვის დაბინძურებაზე.

გარემოსდაცვითი ზედამხედველობის დეპარტამენტი

#გარემოსდაცვა2023
#მთავრობა2023

👤 ოთარ შამუგია: „ჩვენ აქტიურად ვიმუშავეთ სექტორთან, რომ შეგვექმნა დამატებითი მხარდაჭერის მექანიზმი მეცხოველეობის განვითარებისთვის“

🔸 გარემოს დაცვისა და სოფლის მეურნეობის მინისტრმა ოთარ შამუგიამ, მთავრობის სხდომის დასრულების შემდეგ, მედიის წარმომადგენლებთან გამართულ შეხვედრაზე მესაქონლეობის მიმართულებით სახელმწიფოს მხარდაჭერის დამატებითი მექანიზმების შესახებ ისაუბრა.

👤 „შეღავათიანი აგროკრედიტის ფარგლებში, მესაქონლეობის მიმართულებით ჩვენ ვაფინანსებთ კონკრეტულ ღონისძიებებს. ქვეყანაში რძის და ხორცის წარმოების შემდგომი ზრდა-განვითარება არის მნიშვნელოვანი. სწორედ ამიტომ, შეღავათიანი აგროკრედიტის პროექტში შევიტანეთ ცვლილებები; სამი ახალი ქვეკომპონენტი ამოქმედდება ამ მიმართულებით. ეს შეეხება მაღალპროდუქტიული მერძეული და მეხორცული მიმართულების ფერმის დაფინანსებას, სასუქი მსხვილფეხა პირუტყვის სადგომის მოწყობის და მსხვილფეხა პირუტყვის მცირე ფერმერული მეურნეობების დაფინანსებას. განსხვავება, რაც მინდა აღვნიშნო, არსებულ კომპონენტებსა და ახალს შორის არის ის, რომ ჩვენ პირველ კომპონენტში, ნაცვლად 4 წლისა, 7 წლის განმავლობაში გავაგრძელებთ თანადაფინანსებას; საპროცენტო განაკვეთი 11%-ის ფარგლებშია დღეს და ახალი კომპონენტითაც ასე იქნება; რაც შეეხება მცირე ფერმერულ მეურნეობებს, აქ ჩვენ გავცემთ 40,000 ლარის ფარგლებში საგრანტო დაფინანსებას იმისათვის, რომ მოეწყოს შესაბამისი ფერმერული მეურნეობა და სადგომები თანამედროვე სტანდარტებით“, - განაცხადა ოთარ შამუგიამ.

🔸 როგორც მინისტრმა აღნიშნა, მნიშვნელოვანი ცვლილება ამ პროექტის ფარგლებში არის ის, რომ თითოეულ პროექტს, რომელიც იქნება წარმოდგენილი, სამინისტროს შესაბამისი სამსახურები განიხილავენ. ყველა პროექტი, ყველა ფერმერული მეურნეობა უნდა იყოს დაპროექტებული და მოწყობილი თანამედროვე სტანდარტებით, დაცული უნდა იყოს სურსათის უვნებლობის საკითხი. თითოეული პროექტი განხილული იქნება სამეცნიერო-კვლევითი ცენტრის და სოფლის მეურნეობის სააგენტოს მიერ; შემდგომ ეტაპზე განხორციელდება მონიტორინგი.

სოფლის განვითარების სააგენტო - Rural Development Agency

სურსათის ეროვნული სააგენტო / National Food Agency

სოფლის მეურნეობის სამეცნიერო კვლევითი ცენტრი / SRCA

#სოფლისგანვითარება
#სოფლისმეურნეობა2023
#მთავრობა2023

👤 ოთარ შამუგია: „ახალი კანონის მიზანია, შეიქმნას ბიოლოგიური მრავალფეროვნების დაცვის მყარი სამართლებრივი საფუძვლები“

🔸 გარემოს დაცვისა და სოფლის მეურნეობის მინისტრმა ოთარ შამუგიამ დღეს გამართული მთავრობის სხდომის დასრულების შემდეგ მედიასთან ბიოლოგიური მრავალფეროვნების შესახებ ახალი კანონის პროექტზე ისაუბრა.

🔸 როგორც მინისტრმა აღნიშნა, ბიოლოგიური მრავალფეროვნების შესახებ კანონის მიზანია, შეიქმნას ბიოლოგიური მრავალფეროვნების დაცვის მყარი სამართლებრივი საფუძვლები. ახალმა კანონმა უნდა უზრუნველყოს ბიომრავალფეროვნების კომპონენტებით ისეთი სახით და მოცულობით სარგებლობა, რომ გრძელვადიან პერსპექტივაში არ მოხდეს მათი შემცირება.

👤 „ასოცირების შეთანხმების ფარგლებში გვაქვს აღებული ვალდებულება აღნიშნული კანონის მიღებასთან დაკავშირებით. ბიოლოგიური მრავალფეროვნების შესახებ კანონის მიღება იქნება კიდევ ერთი წინგადადგმული ნაბიჯი ევროკავშირთან საკანონმდებლო დაახლოების კუთხით. გარემოსდაცვითი მიმართულებით წელს მნიშვნელოვანი რეგულაციები იქნა მიღებული - ეს იყო სამრეწველო ემისიების შესახებ კანონი, ეს იყო წყლის რესურსების მართვის შესახებ კანონი; მთლიანობაში, გარემოსდაცვითი კუთხით 27 რეგულაციიდან, რომლის დაახლოებაც უნდა განგვეხორციელებინა, 20 უკვე დაახლოებული გვაქვს“, - განაცხადა ოთარ შამუგიამ.

🔸 მინისტრმა განმარტა, რომ კანონის მიღების შემდგომ, მთელი რიგი მიმართულებით ძალიან აქტიური მუშაობა დაიწყება კანონქვემდებარე აქტებზე, რათა დადგინდეს კონკრეტული ინდიკატორები, კონკრეტული კრიტერიუმები თითოეულ საკითხზე, მკაცრად დაცული და დაცული სახეობების განსაზღვრასთან მიმართებაში, მათი გარემოდან ამოღებასთან დაკავშირებით საჭირო კრიტერიუმები და ა.შ.

👤 „აღნიშნულიდან გამომდინარე, რა თქმა უნდა, გარკვეული ვადებია საჭირო, როგორც სამინისტროსთვის, უწყებებისთვის, ასევე ბიზნესისთვის, რომ მოვემზადოთ შესაბამისი რეგულაციების აღსრულებისთვის. შესაბამისად, კანონის ძირითადი ნაწილი ძალაში 2026 წლიდან შედის, ხოლო გარკვეული ნორმების ძალაში შესვლა 2027-2029 წლებში მოხდება“, - აღნიშნა გარემოს დაცვისა და სოფლის მეურნეობის მინისტრმა.

#გარემოსდაცვა2023
#მთავრობა2023

👤🌲 ოთარ შამუგია: „გურიაში, დაახლოებით, 15 ათას ჰექტარ ფართობზე ეროვნული პარკი დაარსდება“

🔸 დღეს გამართული მთავრობის სხდომის შემდეგ, გარემოს დაცვისა და სოფლის მეურნეობის მინისტრმა ოთარ შამუგიამ, მედიის წარმომადგენლებთან შეხვედრაზე, გურიის რეგიონში, ჩოხატაურისა და ოზურგეთის მუნიციპალიტეტების ტერიტორიაზე ახალი დაცული ტერიტორიის - გურიის ეროვნული პარკის შექმნის მნიშვნელობაზე გააკეთა კომენტარი.

👤„დაცული ტერიტორიების განვითარება ჩვენთვის ერთ-ერთი პრიორიტეტული მიმართულებაა. ბოლო 10 წლის განმავლობაში, ორჯერ გავზარდეთ დაცული ტერიტორიების ფართობი; მნიშვნელოვანია, რომ ამ პროცესს ვაგრძელებთ. მიმდინარეობს კვლევები სხვა რეგიონებში დაცული ტერიტორიების შექმნასთან მიმართებაში; აქტიურად ვიმუშავეთ ადგილობრივ მოსახლეობასთან. გვქონდა საჯარო განხილვები ადგილობრივ მუნიციპალიტეტებში. შემუშავებული პროექტის მიხედვით, გურიაში დაარსდება ეროვნული პარკი, დაახლოებით, 15 ათას ჰექტარ ფართობზე. ამ ფართობის დიდი ნაწილი მოიცავს ჩოხატაურის მუნიციპალიტეტს, დაახლოებით 13 ათასი ჰექტარი და დაახლოებით 2 ათასი ჰექტარი - ოზურგეთის მუნიციპალიტეტს“, - განაცხადა ოთარ შამუგიამ.

🔸 მინისტრმა აღნიშნა, რომ გურიის ეროვნული პარკის შექმნა, ერთის მხრივ, მნიშვნელოვანია ადგილობრივი ბიომრავალფეროვნების დაცვის კუთხით, ხოლო, მეორე მხრივ, ადგილობრივი მოსახლეობის სოციალურ-ეკონომიკური პირობების გაუმჯობესებისთვის, ეკოტურისტული მიმართულებებით სხვადასხვა საქმიანობაში მოსახლეობის ჩართვის კუთხით.

დაცული ტერიტორიების სააგენტო / Agency of Protected Areas (Georgia)

#ეროვნულიპარკები
#დაცულიტერიტორიები

✅ მთავრობის სხდომაზე „ბიოლოგიური მრავალფეროვნების შესახებ“ საქართველოს კანონის პროექტს მხარი დაუჭირეს

🔸 საქართველოს გარემოს დაცვისა და სოფლის მეურნეობის სამინისტრომ, გერმანიის საერთაშორისო თანამშრომლობის საზოგადოებისა (GIZ) და შვედეთის განვითარებისა და თანამშრომლობის სააგენტოს (SIDA) მხარდაჭერით, მუშაობა დაასრულა „ბიოლოგიური მრავალფეროვნების შესახებ“ საქართველოს კანონის პროექტზე.

🔸 „ბიოლოგიური მრავალფეროვნების შესახებ“ საქართველოს კანონის პროექტი შემუშავდა, ერთი მხრივ, საქართველოსა და, მეორე მხრივ, ევროკავშირს და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებით განსაზღვრული ვალდებულებების შესრულებისათვის სამართლებრივი საფუძვლების შექმნის და ევროპის ბუნების დაცვის პოლიტიკასთან საქართველოს კანონმდებლობის ჰარმონიზების მიზნით.

🔸 აღსანიშნავია, რომ ევროინტეგრაციის სახელმწიფო პოლიტიკა, პირველ რიგში გულისხმობს არაერთი მიმართულებით ევრორეგულაციებთან დაახლოებას. შესაბამისად, სახელმწიფო უწყებები აქტიურად მუშაობენ იმ ვალდებულებების შესრულებზე, რაც, საბოლოო ჯამში, საქართველოს ევროპული ოჯახის სრულფასოვან წევრად აქცევს და, ამავდროულად, ქვეყანას ექნება თანამედროვე, საერთაშორისოდ აღიარებული მარეგულირებელი სისტემა. დღეის მდგომარეობით, ევროკავშირთან ასოცირების შეთანხმებით გათვალისწინებული 27 გარემოსდაცვითი რეგულაციიდან, საკანონმდებლო დაახლოება უკვე განხორციელებულია 20 სამართლებრივ აქტთან, ხოლო 7-თან დასაახლოებლად აქტიური მუშაობა მიმდინარეობს.

🔸 „ბიოლოგიური მრავალფეროვნების შესახებ“ კანონპროექტის მიზანია, შეიქმნას ბიოლოგიური მრავალფეროვნების დაცვის მყარი სამართლებრივი საფუძვლები, რამაც უნდა უზრუნველყოს ქვეყნის ბიოლოგიური მრავალფეროვნების დაცვა, მისი ეკოლოგიური, სოციალური და ეკონომიკური ფუნქციების განსახორციელებლად სახეობებისა და ჰაბიტატების რაოდენობრივი და ხარისხობრივი მახასიათებლების შენარჩუნება და გაუმჯობესება. საბოლო ჯამში, ახალმა კანონმა, უნდა უზრუნველყოს ბიომრავალფეროვნების კომპონენტებით ისეთი სახით და მოცულობით სარგებლობა, რომელიც გრძელვადიან პერსპექტივაში არ იწვევს მათ შემცირებას და ხელს უწყობს მისი პოტენციალის შენარჩუნებას.

🔸 ახალი კანონის მიღებით, ევროკავშირის დირექტივების შესაბამისად, საქართველოში განისაზღვრება მკაცრად დაცული და დაცული სახეობებისა და ჰაბიტატების - მცენარეთა და ცხოველთა სახეობების საბინადრო გარემოს ნუსხა, რომელიც დამტკიცდება საქართველოს მთავრობის მიერ. რაც შეეხება ეროვნულ „წითელ ნუსხას“, ის გახდება ბუნების დაცვის მსოფლიო კავშირის (IUCN) საფრთხის წინაშე მყოფი სახეობების წითელი ნუსხის ანალოგიური. შესაბამისად, „წითელი ნუსხა“ იქნება საქართველოში გავრცელებული ყველა სახეობის პოპულაციების მდგომარეობის აღწერის და შეფასების ინსტრუმენტი.
ამავდროულად, კანონპროექტი ქმნის სამართლებრივ საფუძველს საქართველოში ზურმუხტის ქსელში ჩართული ტერიტორიების დაარსებისა და მართვისათვის; ასევე, მოიცავს ბიოსფერული რეზერვატის დაარსების და მართვის საკითხებს, ადგენს საერთაშორისო მნიშვნელობის ჭარბტენიანი ტერიტორიების სტატუსის მინიჭებას და ასევე განსაზღვრავს საქართველოს ტერიტორიაზე საერთაშორისო ქსელებში ჩართული ტერიტორიების კატეგორიის – იუნესკოს გლობალური გეოპარკის დაარსების და მართვის საკითხებს. კანონპროექტი მოიცავს „გადაშენების პირას მყოფი ველური ფაუნითა და ფლორის სახეობებით საერთაშორისო ვაჭრობის შესახებ“ კონვენციის (CITES) და გენეტიკურ რესურსებზე ხელმისაწვდომობისა და ამ რესურსებით სარგებლობის პირობებს.

🔸 კანონის ძირითადი ნაწილის ამოქმედება 2026 წლის პირველი იანვრიდან იგეგმება, გარკვეული ნორმების ძალაში შესვლა კი 2027-2029 წლებში მოხდება.

დაცული ტერიტორიების სააგენტო / Agency of Protected Areas (Georgia)


#გარემოსდაცვა2023
#მთავრობა2023

🐈 📸 ფოცხვერი, რომლის კადრეზე აღბეჭდვა საკმაოდ რთულია, ჩვენმა ფოტოხაფანგმა ფშავ-ხევსურეთის ეროვნულ პარკში დააფიქსირა.

დაცული ტერიტორიების სააგენტო / Agency of Protected Areas (Georgia)

#ეროვნულიპარკი
#დაცულიტერიტორიები

✅ საინფორმაციო შეხვედრები მონრეალის ოქმით რეგულირებული ნივთიერებების მართვის შესახებ

🔸 მონრეალის ოქმით რეგულირებული ნივთიერებების მართვის გაუმჯობესების მიზნით, 2024 წლის 1 იანვრიდან, აღნიშნული ნივთიერებების იმპორტ-ექსპორტის, შეძენა/გასხვისებისა და მოხმარების აღრიცხვა ელექტრონული სისტემის (www.emoe.gov.ge) გამოყენებით მოხდება.

🔸 ელექტრონული სისტემისა და ამ ნივთიერებების მართვის კუთხით განხორციელებული საკანონმდებლო სიახლეების გაცნობის მიზნით, მიმდინარე წლის ოქტომბრიდან, გარემოს დაცვისა და სოფლის მეურნეობის სამინისტროს წარმომადგენლებმა, გაეროს გარემოსდაცვითი პროგრამის (UNDP) მხარდაჭერით, სამაცივრო და ჰაერის კონდიცირების სექტორის წარმომადგენლებთან საინფორმაციო შეხვედრები ქალაქებში: თბილისში, ბათუმში, ქუთაისში, გორსა და თელავში გამართეს.

🔸 მონრეალის ოქმით რეგულირებული ნივთიერებების მართვის ელექტრონული სისტემის გამოყენების სწავლების მიზნით, 2024 წლის 22-26 იანვარს, ქ. თბილისში, თბური ტუმბოების, სამაცივრო და ჰაერის კონდიცირების მოწყობილობების მომსახურე ფიზიკური პირებისთვის ჩატარდება ტრენინგები.

დამატებითი ინფორმაციისთვის შეგიძლიათ მიმართოთ თამარ შინჯიკაშვილს (577344208; [email protected]) და ანა ცაცანაშვილს (577951874; [email protected]).

გარემოსდაცვითი ინფორმაციისა და განათლების ცენტრი
UNDP Georgia

#გარემოსდაცვა2023
#მთავრობა2023

✅ გაეროს ევროპის ეკონომიკური კომისიის სხდომაზე ნოე მეგრელიშვილი ჰაერის კონვენციის აღმასრულებელი ორგანოს ბიუროს ვიცეთავმჯდომარედ მეორე ვადით აირჩიეს

🔸 ქალაქ ჟენევაში გამართულ გაეროს ევროპის ეკონომიკური კომისიის „შორ მანძილებზე ჰაერის ტრანსსასაზღვრო დაბინძურების შესახებ“ კონვენციის (ჰაერის კონვენცია) აღმასრულებელი ორგანოს 43-ე სხდომაზე, საქართველოს გარემოს დაცვისა და სოფლის მეურნეობის სამინისტროს გარემოსა და კლიმატის ცვლილების დეპარტამენტის ატმოსფერული ჰაერის სამმართველოს უფროსი ნოე მეგრელიშვილი კონვენციის აღმასრულებელი ორგანოს ბიუროს ვიცეთავმჯდომარედ მეორე ვადით აირჩიეს. ნოე მეგრელიშვილმა აღნიშნული პოსტი პირველად, 2021 წელს, ორი წლის ვადით დაიკავა.

🔸 ჰაერის კონვენცია აერთიანებს აშშ-ს, კანადას, ევროპის, კავკასიის და შუა აზიის ქვეყნებს. კონვენციის ფარგლებში, საერთაშორისო დონეზე ატმოსფერული ჰაერის დაცვის მიზნით მიმდინარეობს მსოფლიოში მოწინავე სამეცნიერო და პოლიტიკური საქმიანობა.

🔸 აღსანიშნავია, რომ საქართველო, ჰაერის დაცვის მიმართულებით გატარებული ღონისძიებებით, ერთ-ერთი მოწინავე ქვეყანაა აღმოსავლეთ ევროპის, კავკასიისა და შუა აზიის რეგიონში. ჰაერის ხარისხის გაუმჯობესების მიზნით, ბოლო წლებში, განხორციელდა არაერთი უმნიშვნელოვანესი ღონისძიება, მათ შორის: საწვავის ხარისხის ევრო 5 სტანდარტამდე გაუმჯობესება, ავტომობილების გამონაბოლქვის გზაზე კონტროლის შემოღება, ავტომობილების ემისიის ევრო 5 სტანდარტის დაწესება, ავტომობილების ტექნიკური ინსპექტირების სისტემის გაუმჯობესება, სამრეწველო გაფრქვევების შემცირება, საზოგადოებრივი ტრანსპორტის გაუმჯობესება, ფეხით და ველოსიპედით გადაადგილების ხელშეწყობა და ა.შ.

სსიპ გარემოს ეროვნული სააგენტო

#გარემოსდაცვა2023
#მთავრობა2023

✅ ოთარ შამუგია IFAD-ის რეგიონულ დირექტორს შეხვდა
საქართველოს გარემოს დაცვისა და სოფლის მეურნეობის მინისტრი ოთარ შამუგია სოფლის მეურნეობის განვითარების საერთაშორისო ფონდის (IFAD) რეგიონულ დირექტორს, ლიამ ჩიკას შეხვდა.

🔸 შეხვედრაზე მხარეებმა მიმდინარე პროექტები და სამომავლო თანამშრომლობის მიმართულებები განიხილეს.

👤 „სოფლის მეურნეობის განვითარების საერთაშორისო ფონდთან მრავალწლიანი წარმატებული თანამშრომლობა გვაკავშირებს. მინდა მადლობა გადაგიხადოთ მხარდაჭერისთვის და ერთობლივი მუშაობით მიღწეული პოზიტიური შედეგებისთვის. საქართველო არაერთი მიმართულებით რეფორმებს აქტიურად ახორციელებს. დადებითი შედეგები უკვე სახეზეა, თუმცა გარკვეულ სექტორში, მათ შორის საძოვრების მართვის კუთხით, კვლავ არსებობს გამოწვევები, რომელთა დაძლევისთვის ჩვენი პარტნიორების მხარდაჭერა მნიშვნელოვანი იქნება. ვფიქრობ, მომავალში, IFAD-თან პარტნიორობის გააქტიურება და ეფექტიანი თანამშრომლობა კიდევ უფრო უკეთეს შედეგებამდე მიგვიყვანს“, - განაცხადა ოთარ შამუგიამ.

🔸 როგორც IFAD-ის რეგიონულმა დირექტორმა, ლიამ ჩიკამ აღნიშნა, სოფლის მეურნეობის განვითარების საერთაშორისო ფონდი (IFAD) მომავალშიც აქტიურად გააგრძელებს საქართველოს მხარდაჭერას და გარემოს დაცვისა და სოფლის მეურნეობის სამინისტროსთან მჭიდრო თანამშრომლობას.

🔸 შეხვედრას გარემოს დაცვისა და სოფლის მეურნეობის მინისტრის მოადგილე თენგიზ ნასარიძე და სოფლის მეურნეობის განვითარების საერთაშორისო ფონდის წარმომადგენლები ესწრებოდნენ.

#სოფლისმეურნეობა2023
#მთავრობა2023

🏆✅ ქალაქ რუსთავში კონკურსის - „წლის საუკეთესო რეგიონული თანამშრომლობა“ გამარჯვებულთა დაჯილდოების ცერემონიას გარემოს დაცვისა და სოფლის მეურნეობის მინისტრის მოადგილე, სოლომონ პავლიაშვილი დაესწრო.

🏆✅ წარჩინებულ სტუდენტებს „მწვანე” და „აგროსტიპენდიები” გადაეცათ

👤 „ჩვენთვის ძალიან მნიშვნელოვანია, ხელი შევუწყოთ გარემოსდაცვითი და აგრარული პროფესიების პოპულარიზაციას და აღნიშნულ საკითხებზე აქტიურად ვთანამშრომლობთ განათლების სამინისტროსთან. ჩვენ დღეს სხვადასხვა უმაღლესი და პროფესიული სასწავლებლების 64 სტუდენტი დავაჯილდოვეთ „მწვანე“ და „აგრარული“ სტიპენდიით, რაც მათთვის არის სტიმული, რომ ახალგაზრდები მომავალშიც დაინტერესდნენ აღნიშნული პროფესიებით. ამავდროულად, მათ ვთავაზობთ სამინისტროსა და მის დაქვემდებარებულ უწყებებში სტაჟირებას შემდგომი დასაქმების პერსპექტივით. ეს არის აუცილებელი იმისათვის, რომ შევავსოთ ის დეფიციტი, რომელიც დღეს ორივე მიმართულების სხვადასხვა სპეციალობაში არსებობს“, - განაცხადა გარემოს დაცვისა და სოფლის მეურნეობის მინისტრმა, ოთარ შამუგიამ სტუდენტებისთვის „მწვანე“ და „აგროსტიპენდიების” გადაცემის ღონისძიებაზე.

🔸 საქართველოს 8 უნივერსიტეტიდან 1500 ლარიანი სტიპენდიით გარემოსდაცვითი მიმართულების 32 სტუდენტი დაჯილდოვდა. სტიპენდიები ვრცელდება შემდეგ სამაგისტრო პროგრამებზე: ფიზიკური გეოგრაფია და გარემოს მდგრადი განვითარება, წყლის რესურსების ინტეგრირებული მართვა (ჰიდროლოგია), გეოლოგია, ეკოლოგია, კონსტრუქციული (გამოყენებითი) გეოგრაფია და გარემოს დაცვა, გარემოსდაცვითი მენეჯმენტი და პოლიტიკა, დედამიწის შემსწავლელი მეცნიერებები, ბუნების დაცვა და მეტყევეობა, გარემოს დაცვის ტექნოლოგიები.

🔸 საქართველოს 6 უნივერსიტეტიდან და 14 პროფესიული სასწავლებლიდან აგრარული მიმართულების 32 სტუდენტი 500, 1000 და 1500 ლარიანი სტიპენდიებით დაჯილდოვდა. აგროსტიპენდიები ვრცელდება შემდეგ პროგრამებზე: აგრონომია, მეცხოველეობა, სასურსათო ტექნოლოგიები, აგროინჟინერია, ვეტერინარია, მევენახეობა/მეღვინეობა, ჰიდრომელიორაცია.

👤 „დღევანდელი სტუდენტები საქართველოს ევროპულ ინტეგრაციასა და მდგრად განვითარებას გაუძღვებიან. მათ განათლებაში გაკეთებული ინვესტიცია საქართველოს მომავალში შეტანილი წვლილია“, - განაცხადა ანნა ჩერნიშოვამ, გაეროს განვითარების პროგრამის მუდმივი წარმომადგენლის მოადგილემ საქართველოში.

🔸 „მწვანე და აგროსტიპენდიების“ პროგრამა, რომელსაც გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრი ახორციელებს, ხელს შეუწყობს გარემოსდაცვითი და აგრარული დეფიციტური პროფესიების პოპულარიზაციასა და წარჩინებული სტუდენტების წახალისებას. პროგრამის ფარგლებში, სტუდენტებს შესაძლებლობა ექნებათ, მიიღონ პრაქტიკული გამოცდილება შესაბამის უწყებებში.

🔸 დაჯილდოების ღონისძიებას საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე, გარემოს დაცვის და სოფლის მეურნეობის მინისტრის მოადგილეები სოლომონ პავლიაშვილი და თენგიზ ნასარიძე, საქართველოს განათლებისა და მეცნიერების მინისტრის მოადგილე ნოდარ პაპუკაშვილი, შვედეთის საელჩოს გარემოსდაცვითი პროგრამების ხელმძღვანელი ხათუნა ზალდასტანიშვილი, შვეიცარიის განვითარებისა და თანამშრომლობის სააგენტოს (SDC) პროგრამის ოფიცერი ლელა მამრიკიშვილი, გარემოსდაცვითი ინფორმაციისა და განათლების ცენტრის დირექტორი თამარ ალადაშვილი, პროფესიული უნარების სააგენტოს დირექტორი თამარ ქიტიაშვილი და უნივერსიტეტებისა და კოლეჯების წარმომადგენლები ესწრებოდნენ.

🔸 „მწვანე სტიპენდიების” პროგრამა ხორციელდება გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის მიერ, გაეროს განვითარების პროგრამის (UNDP) ფართომასშტაბიანი ინიციატივის „კლიმატის ცვლილებით გამოწვეული კატასტროფების რისკის შემცირება საქართველოში" ფარგლებში, კლიმატის მწვანე ფონდის (GCF), საქართველოს, შვედეთისა და შვეიცარიის მთავრობების მხარდაჭერით.

🔸 „აგროსტიპენდიების“ პროგრამა ხორციელდება გარემოსდაცვითი ინფორმაციისა და განათლების ცენტრის მიერ გაეროს განვითარების პროგრამის (UNDP) „პროფესიული განათლების სისტემის მოდერნიზება საქართველოს სოფლის მეურნეობაში VET (ფაზა3)“ პროექტის ფარგლებში, შვეიცარიის განვითარებისა და თანამშრომლობის სააგენტოს (SDC) დაფინანსებით.

UNDP Georgia
Embassy of Sweden in Tbilisi
გარემოსდაცვითი ინფორმაციისა და განათლების ცენტრი
სოფლის განვითარების სააგენტო - Rural Development Agency
გარემოს დაცვისა და ბუნებრივი რესურსების კომიტეტი

#მწვანეჯილდო
#გარემოსდაცვა2023
#სოფლისმეურნეობა2023
#მთავრობა2023