სურსათის ეროვნული სააგენტო / National Food Agency

❎🌶 სურსათის 5 ნიმუშში აკრძალული საღებავები გამოვლინდა ‼️

🔸 სურსათის ეროვნული სააგენტოს ინსპექტორებმა, სურსათში საღებავების შემცველობის დადგენის მიზნით, სხვადასხვა სურსათის 61 ნიმუში აიღეს და გამოიკვლიეს აკრედიტებულ ლაბორატორიაში. კვლევის შედეგად 5 ნიმუშში სუდანის ჯგუფის აკრძალული საღებავები აღმოჩნდა:

▪️ შპს „ლაგოს“ მიერ წარმოებული წითელი წიწაკა (დაღერღილი, დამზადების თარიღი: 06/10/2023 წელი, ვარგისიანობის ვადა 12 თვე), აღმოჩნდა საღებავი Sudan I. მისამართი: შპს „ცენტრალური ბაზარი“ სენაკი, რუსთაველის ქ. N180 - დახლზე მოვაჭრე ფიზიკური პირი ელისო ჯოლოგუა;
▪️ დახლზე მოვაჭრე ფიზიკური პირი ელისო ჯოლოგუასთან აღებულ მისივე წარმოების აჯიკის (დამზადების თარიღი: 13/10/2023 წელი. ვარგისიანობის ვადა 1 წელი) ნიმუშში აღმოჩნდა: sudan I; Sudan Red G და Para Red. მისამართი: შპს ცენტრალური ბაზარი , სენაკი, რუსთაველის ქ. N180;
o შპს „ლაგოს“ მიერ წარმოებულ წითელ წიწაკაში (წმინდად დაფქული, დამზადების თარიღი: 06/10/2023 წელი. ვარგისიანობის ვადა 1 წელი) აღმოჩნდა საღებავი Sudan I. მისამართი: შპს ლუკა, ქ. ფოთი, ფარნავაზ მეფის N1, (აგრარული ბაზრის მიმდებარე ტერიტორი) ფიზიკურ პირი მზია ზუხბაია;
▪️ ინდივიდუალურ მეწარმე ზეინაბ გორაძესთან აღებული მეგრული აჯიკის (დამზადების თარიღი: 10/10/2023 წელი. ვარგისიანობის ვადა: 6 თვე) ნიმუშში აღმოჩნდა: sudan I; Sudan Red G და Para Red. მისამართი: ქალაქი ბათუმი, მაიაკოვსკის ქუჩა N4;
▪️ ინდივიდუალურ მეწარმე ხვიჩა შავაძესთან აღებული მეგრული აჯიკის (დამზადების თარიღი: 12/10/2023 წელი. ვარგისიანობის ვადა: 1 წელი) ნიმუშში აღმოჩნდა: sudan I; Sudan Red G და Para Red. მისამართი: ქალაქი ქობულეთი, თავისუფლების ქ. N19. აგრარული ბაზრის მიმდებარე ტერიტორია.

❌კანონმდებლობის შესაბამისად, აღნიშნული სურსათი ბაზრიდან ამოღებასა და განადგურებას ექვემდებარება, რაზეც ზედამხედველობას სურსათის ეროვნული სააგენტო განახორციელებს.

📣 სურსათის ეროვნული სააგენტო მოუწოდებს მომხმარებელს, თუ აღნიშნულ ობიექტებზე აქვს შეძენილი დასახელებული სურსათი, თავი შეიკავოს მისი გამოყენებისგან.

🔸 სუდანის ჯგუფის საღებავები განეკუთვნება ხელოვნურ აზო-საღებავების ჯგუფს და წარმოადგენს სურსათის ქიმიურ დამაბინძურებელს, რომლის დამატება სურსათში აკრძალულია.

#სურსათისუვნებლობა #სახელმწიფოკონტროლი

👤 გარემოს დაცვისა და სოფლის მეურნეობის მინისტრი ოთარ შამუგია: „დღეს ფერმერის დღეს აღვნიშნავთ! გილოცავთ, ფერმერებო!

#ფერმერისდღე2023
#მთავრობა2023

👤 გარემოს დაცვისა და სოფლის მეურნეობის მინისტრი ოთარ შამუგია: „დღეს ფერმერის დღეს აღვნიშნავთ! გილოცავთ, ფერმერებო!

ჩვენი ფერმერების, მეწარმეების, დამსახურებაა ის ფაქტი, რომ შესაძლებლობები, რომელიც აგრარული წარმოების კუთხით ჩვენს ქვეყანას აქვს, სულ უფრო მეტად არის გამოყენებული; შედეგად, გაზრდილია ქართული ხარისხიანი პროდუქციის წარმოების მაჩვენებლები, მეტია ქართულ პროდუქტზე მოთხოვნა, მუდმივად მზარდია ექსპორტი. ქვეყნის ძლიერი ეკონომიკა ჩვენი მეწარმეების და ფერმერების საქმიანობის შედეგია. ამ შედეგის მისაღწევად და ფერმერებისა და მეწარმეების მხარდასაჭერად, სახელმწიფოს მხრიდან უკვე ათეულ წელზე მეტია ხორციელდება ფინანსური, ტექნიკური, თანამედროვე განათლებაზე ხელმისაწვდომობის, საერთაშორისო ბაზრებზე წვდომის ხელშემწყობი პროგრამები. სოფლის მეურნეობის დარგში ინვესტიციის ჯამურმა მოცულობამ 6,8 მილიარდი ლარი შეადგინა. საიდანაც სახელმწიფო თანადაფინანსება 1,9 მილიარდი ლარია.

სახელმწიფოს მხარდაჭერის და ძლიერი ფერმერული მეურნეობების, თანამედროვე წარმოების შედეგად, ბოლო 10 წლის განმავლობაში, 96%-ით, 4.4 მილიარდ ლარამდეა გაზრდილი დარგში შექმნილი დამატებული ღირებულება, ქართული აგროსასურსათო პროდუქციის ექსპორტში თითქმის 145%-იანი ზრდა გვაქვს. სულ მალე, ევროკავშირის კანდიდატის სტატუსთან დაკავშირებით ჩვენ ისტორიული გადაწყვეტილების მომსწრენი ვიქნებით. ეს იქნება კიდევ ერთი ნაბიჯი ჩვენი ქვეყნის ევროპულ ოჯახში დასაბრუნებლად. ყველა სხვა სიკეთეებთან ერთად, ჩვენი ქართული პროდუქცია, რომელსაც ჩვენი ფერმერები ქმნიან მეტად ცნობადი და მეტად მოთხოვნადი გახდება ევროპის და არა მარტო ევროპის ბაზარზე.

წარმატებებს გისურვებთ ფერმერებო! თქვენ ქმნით დოვლათს, რომელიც სახელმწიფოს აძლიერებს! თქვენი საჭიროებების გათვალისწინებით, სახელმწიფოს მიერ ინიცირებულია ახალი, აგროსასურსათო სექტორის განვითარებაზე ორიენტირებული პროგრამები და ეს მიდგომა გვექნება სულ. სახელმწიფო იქნება თქვენი მხარდამჭერი ქართული წარმოების ზრდის და გაძლიერების საქმეში“.

სოფლის განვითარების სააგენტო - Rural Development Agency
საქართველოს ფერმერთა ასოციაცია/Georgian Farmers' Association

#ფერმერისდღე2023
#მთავრობა2023

✅ საქართველოში ცხოველთა ჯანმრთელობის დაცვის მსოფლიო ორგანიზაციის (WOAH) საერთაშორისო კონფერენცია გაიმართა.

🎙 „საქართველო ცხოველთა ჯანმრთელობის დაცვის მსოფლიო ორგანიზაციის წარმომადგენლობით შეხვედრას მასპინძლობს. მოგეხსენებათ, გლობალური დათბობის პირობებში, იზრდება სხვადასხვა ზოონოზური (ადამიანის და ცხოველის საერთო დაავადება) და არაზოონოზური დაავადების გავრცელების რისკები. ორგანიზაციის წევრი ქვეყნების და შესაბამისი უწყებების ჩართულობით, ერთიანი ჯანდაცვის ფორმატში განვიხილავთ დაავადებების ზედამხედველობის და პრევენციის საკითხებს, ცხოველთა ჯანმრთელობის დაცვის მსოფლიო ორგანიზაციის (WOAH) კონფერენციაზე “, - განაცხადა სურსათის ეროვნული სააგენტოს უფროსის მოადგილემ, WOAH-ს ევროპის რეგიონული კომისიის ბიუროს ვიცე-პრეზიდენტმა ვასილ ბასილაძემ.

🔹 კონფერენციის ფარგლებში, სურსათის ეროვნულ სააგენტოში გამართულ სამუშაო შეხვედრებში, სხვდასხვა ქვეყნის 65 წარმომადგენელი მონაწილეობდა, მათ შორის, ონლაინ ფორმატში. წარმოდგენილი იყო ინფორმაცია სხვადასხვა ქვეყანაში გავრცელებული ცხოველთა ვექტორული დაავადებების შესახებ. ორგანიზაციის წევრებმა, ქართველ სპეციალისტებთან ერთად, იმსჯელეს გლობალური და რეგიონული სამოქმედო გეგმის განხორციელებაზე, რომელიც პროფილაქტიკურ ვაქცინაციებს, ზედამხედველობას, ცნობიერების ამაღლებას და დაავადების შემთხვევის დროს სწრაფ რეაგირებას გულისხმობს.

🎙 „საქართველოს სურსათის ეროვნულ სააგენტოსთან თანამშრომლობით, ცხოველთა ჯანდაცვის მსოფლიო ორგანიზაციის და ევროკავშირის ორგანიზებით, საქართველოში ძალიან მნიშვნელოვანი კონფერენცია ტარდება; მრგვალი მაგიდის ფორმატში განვიხილავთ მწერებისგან გამოწვეულ ვექტორულ დაავადებებს, რაც უმნიშვნელოვანესია არა მხოლოდ ცხოველთა ჯანმრთელობის, ასევე საზოგადოებრივი ჯანმრთელობის უზრუნველსაყოფად. აღსანიშნავია, რომ საქართველოს აქვს დიდი პროგრესი ვეტერინარიის მიმართულებით, იქნება ეს იდენტიფიკაცია-რეგისტრაციის პროგრამა თუ ვეტერინარული დაავადებების კონტროლი“, -აღნიშნა WOAH-ის რეგიონულმა წარმომადგენელმა ბუდიმირ პლავჩიჩმა.

🔹 ორგანიზაციის წევრებმა, სამუშაო ვიზიტის ფარგლებში, დაათვალიერეს სოფლის მეურნეობის სახელმწიფო ლაბორატორია.

🔹 ღონისძიებებში დაავადებათა კონტროლისა და საზოგადოებრივი ჯანმრთელობის ეროვნული ცენტრის, სოფლის მეურნეობის სახელმწიფო ლაბორატორიის, თავდაცვის საფრთხის შემცირების სააგენტოს (DTRA), აშშ დაავადებათა კონტროლისა და პრევენციის ცენტრი (CDC), ჯანდაცვის მსოფლიო ორგანიზციის (WHO) წარმომადგენლები მონაწილეობდნენ.

World Organisation for Animal Health
#ვეტერინარია

✅ მცენარეთა დაცვის დარგის განვითარების საკითხები სამეთვალყურეო საბჭოს შეხვედრაზე განიხილეს

🔸 შეხვედრის ფარგლებში, მცენარეთა დაცვის მიმართულებით განხორციელებული ღონისძიებებისა და სამომავლო გეგმების შესახებ ისაუბრეს; მონაწილე მხარეებმა სურსათის ეროვნული სააგენტოს ფიტოსანიტარიული აქტივობები, სოფლის მეურნეობის სახელმწიფო ლაბორატორიის გამოწვევები და დაგეგმილი სიახლეები, საბაჟო პუნქტებზე ფიტოსანიტარიული კონტროლის განახლებული წესები და რეგულაციები განიხილეს.

#სოფლისმეურნეობა2023
#მთავრობა2023

✅ სურსათის ეროვნული სააგენტო ISO 9001:2015 სერტიფიკატის მფლობელი გახდა!

🔹 სურსათის ეროვნულმა სააგენტომ წარმატებით გაიარა საერთაშორისო აუდიტის ყველა ეტაპი „სურსათის უვნებლობის სახელმწიფო კონტროლის“ მიმართულებით და, ევროკავშირის ENPARD-ის ფარგლებში აღებული ვალდებულებების შესაბამისად, საერთაშორისო სტანდარტის, ხარისხის მენეჯმენტის სისტემის სერტიფიკატი ISO 9001:2015 აიღო.

🔹 საერთაშორისო სტანდარტი ადასტურებს ხარისხის მართვის სისტემების მაღალ საფეხურს, სააგენტოს ამოცანებისა და მიზნების განსაზღვრას, მათთან დაკავშირებული რისკებისა და შესაძლებლობების სწორად მართვას, ადამიანური და ინფრასტრუქტურული რესურსების მაქსიმალურად ეფექტიანად გამოყენებას, მომსახურების ისეთი სიტემების შექმნას, რომლებიც სრულად აკმაყოფილებს მომხმარებლის მოთხოვნებს და შესაბამისობაშია საერთაშორისო საკანონმდებლო მოთხოვნებთან.

❗️ ბოლნისში ბავშვების ინტოქსიკაციის ფაქტზე სურსათის ეროვნული სააგენტო მოკვლევას ატარებს.

➡️ სურსათის ეროვნული სააგენტოს ქვემო ქართლის რეგიონული სამმართველოს ინსპექტირების ჯგუფი ბოლნისის მუნიციპალიტეტის N6 საბავშვო ბაღში (მის: ტაბიძის ქ.N44) არაგეგმურ ინსპექტირებას ახორციელებს.

‼️ შემოწმება დაავადებათა კონტროლისა და საზოგადოებრივი ჯანმრთელობის ეროვნული ცენტრიდან 15 ბავშვის სავარაუდო კვებითი ინტოქსიკაციის შესახებ მიღებული შეტყობინების საფუძველზე მიმდინარეობს.

✔️ შემოწმების პროცესში ლაბორატორიული კვლევისთვის აღებულია შეტყობინებაში დასახელებული სურსათის/ნედლეულის ნიმუშები. ინსპექტირებისა და ლაბორატორიული კვლევის შედეგების შესახებ, საზოგადოებას დამატებით ეცნობება.

❎🧀 ყველის 4 ნიმუშში მცენარეული ცხიმები აღმოჩნდა ❗️

🔸 მიმდინარე წლის ოქტომბერში სურსათის ეროვნული სააგენტოს ინსპექტორებმა, სახელმწიფო კონტროლის ფარგლებში, რძესა და რძის პროდუქტებში რძის ცხიმის სისუფთავის განსაზღვრის მიზნით, 20 ნიმუში აიღეს და აკრედიტებულ ლაბორატორიაში გამოიკვლიეს.

🔸კვლევის შედეგად, 4 ნიმუშში რძის ცხიმის გარდა გამოვლინდა მცენარეული ცხიმები:

▪ შპს „ბა. გი“, ს/კ 425365954, მის: ბოლნისი, სოფ. რატევანი - ყველი სულგუნი (დამზადების თარიღი 10.10.2023 წ. ვარგისიანობის ვადა - 10.11.2023 წ.), რძის ცხიმის გარდა შეიცავდა სხვა ცხიმების ნარევს, მათ შორის, მცენარეულ ცხიმებს (9%);
▪ შპს „სუელი“, ს/კ 428896322, მის: ბოლნისი, სოფ. რატევანი - ყველი სულგუნი (დამზადების თარიღი 10.10.2023 წ. ვარგისიანობის ვადა - 14 დღე), რძის ცხიმის გარდა შეიცავდა სხვა ცხიმების ნარევს, მათ შორის, მცენარეულ ცხიმებს (12%);
▪ ი/მ - მის: წალკა, სოფ. საყდრიონი - ყველი იმერული (დამზადების თარიღი 11.10.2023 წ. ვარგისიანობის ვადა - 15 დღე), რძის ცხიმის გარდა შეიცავდა სხვა ცხიმების ნარევს, მათ შორის, მცენარეულ ცხიმებს (16%);
▪ ი/მ - მის: ნინოწმინდის მუნიციპალიტეტი, სოფ. ორლოვკა - ყველი იმერული „მელანია“ (დამზადების თარიღი 03.10.2023 წ. ვარგისიანობის ვადა - 03.11.2023 წ.), რძის ცხიმის გარდა შეიცავდა სხვა ცხიმების ნარევს, მათ შორის, მცენარეულ ცხიმებს (20%).

🔸 გამოვლენილი დარღვევის შესახებ ეცნობათ ბიზნესოპერატორებს და დაევალათ, არ დაუშვან აღნიშნული სურსათის ბაზარზე განთავსება და სრულად ამოიღონ განთავსებული, ასეთის არსებობის შემთხვევაში, რაზეც ზედამხედველობას სურსათის ეროვნული სააგენტო განახორციელებს.

🔸 მიმდინარე წელს, „რძის ცხიმის სისუფთავის განსაზღვრის“ მიზნით, სახელმწიფო პროგრამით გათვალისწინებულია 250 ნიმუშის კვლევა. ამ ეტაპზე აღებულია 216 ნიმუში.

🔸 „რძისა და რძის ნაწარმის შესახებ ტექნიკური რეგლამენტის“ თანახმად, „ყველის“ დასახელებით განთავსებული ნაწარმი მცენარეულ ცხიმს არ უნდა შეიცავდეს.

#სურსათისუვნებლობა #სახელმწიფოკონტროლი

📰 ჩვენი ყოველთვიური გამოცემის „ჩვენი სოფელი“ ოქტომბრის ნომერი ხელმისაწვდომია!

➡ ელექტრონული ვერსია იხილეთ ბმულზე - https://mepa.gov.ge/Ge/News/Paper/21456

#ჩვენისოფელი
#სოფლისმეურნეობა2023
#გარემოსდაცვა2023

📰 ჩვენი ყოველთვიური გამოცემის „ჩვენი სოფელი“ ოქტომბრის ნომერი ხელმისაწვდომია!

➡ ელექტრონული ვერსია იხილეთ ბმულზე - https://mepa.gov.ge/Ge/News/Paper/21456

✅ ოქტომბრისნომერში ნახავთ:

🇬🇪🇫🇷 გარემოს დაცვისა და სოფლის მეურნეობის მინისტრის, ოთარ შამუგიას საფრანგეთში ვიზიტის შეჯამებას;

🍷 ქართული ღვინის პოპულარიზაციის მიზნით, სხვადასხვა ქვეყნებში მიმდინარე მარკეტინგული ღონისძიებების შესახებ ინფორმაციას;

🏞 ბალდის კანიონის ბუნების ძეგლის განვითარების პროექტის მიმოხილვას;

👨‍🌾აგრორჩევებს.

#ჩვენისოფელი
#სოფლისმეურნეობა2023
#გარემოსდაცვა2023

📌სურსათის ეროვნული სააგენტო ფერმერებს მღრღნელების წინააღმდეგ ღონისძიებების დროულად ჩატარებისკენ მოუწოდებს

🌱მიმდინარე წელს, შემოდგომის თბილმა და მშრალმა ამინდებმა ხელი შეუწყო მინდვრის თაგვების გამრავლებას, განსაკუთრებით კახეთის, სამცხე-ჯავახეთის და მცხეთა-მთიანეთის რეგიონებში.

🔻სურსათის ეროვნული სააგენტო მოუწოდებს და აფრთხილებს ფერმერებს, დროულად ჩაატარონ მღრღნელების საწინააღმდეგო ღონისძიებები, რათა თავიდან აიცილონ საშემოდგომო ნათესების დაზიანება.

⚒ მღრღნელებთან ბრძოლისას ეფექტიანი მეთოდებია ღრმად მოხვნა; სანერგეებში, მიტოვებულ ნაკვეთებსა და გზის პირებზე ჰერბიციდების გამოყენება ბალახის საფარველის მოსაშორებლად; ძველი ნათესების გადახვნა და მცენარეული ნარჩენების მოშორება.

❗️ქიმიური ღონისძიებები შემოდგომას, ოქტომბერი-ნოემბერში, გაზაფხულზე კი, მარტი-აპრილში უნდა ჩატარდეს.

⤵️თაგვისებრი მღრღნელების წინააღმდეგ მინდვრის პირობებში რეკომენდებული პრეპარატებია:
• თუთიის ფოსფიდი, თუთიის ფოსფიდი – 800 გ/კგ
• რატიციდი ფ, თუთიის ფოსფიდი 800 გ/კგ
• დეტია მაუს გიფტკორნერი, მის თუთიის ფოსფიდი 3,04 %
• რატილი ფ, თუთიის ფოსფიდი 800 გ/კგ
აღნიშნული პრეპარატებით მზადდება მისატყუებელი თუთიის ფოსფიდის შემცველობით 2,5-5% (10 კგ მარცვლეულზე 250 გრ. თუთიის ფოსფიდი,250 მლ.ზეთი,) და შეაქვთ მოქმედ სოროებში.

⚠️პრეპარატების გამოყენებისას ყურადღებით გაეცანით მისი მოხმარების წესებს და დაიცავით უსაფრთხოების წესები!
⚠️რეკომენდებული არ არის საყოფაცხოვრებო დანიშნულების პრეპარატების გამოყენება ნათესებში, რადგან ისინი ღია სივრცეში არაეფექტიანია.

🔹მავნე მღრღნელებთან ბრძოლა მნიშვნელოვანია, რადგან ისინი დიდ ზიანს აყენებენ სასოფლო-სამეურნეო კულტურებს, საკვები პროდუქტების მარაგებს, ქმნიან ადამიანისთვის საშიში დაავადებების ეპიდემიების საფრთხეს.

📣 სეს მოსახლეობას აზიური ფაროსანას წინააღმდეგ მექანიკური მეთოდების გამოყენებისკენ მოუწოდებს!

✅ სურსათის ეროვნული სააგენტო, სახელმწიფო პროგრამის შესაბამისად, აზიური ფაროსანას საწინააღმდეგო ღონისძიებებს ოქტომბრის ბოლომდე გააგრძელებს.

🔸 მავნებლის ბიოლოგიიდან გამომდინარე, ტემპერატურის კლებასთან ერთად, მწერი გამოსაზამთრებლად საცხოვრებელი სახლებისა და მიტოვებული შენობებისკენ მიგრირებს. ამ ეტაპზე, განსაკუთრებით მნიშვნელოვანია ბრძოლის ღონისძიებებში მოსახლეობის ჩართულობა და აზიური ფაროსანას წინააღმდეგ სახლის პირობებში მექანიკური მეთოდების გამოყენება.

🔸 მექანიკური ღონისძიებების შესახებ ინფორმაცია იხილეთ ბმულზე:
▪️ https://www.youtube.com/watch?v=2GvSS1Ug9K0&list=PLCWM8uITbWRvvb-9aE61QNsXtJi6WybUU&index=19
▪️ https://www.youtube.com/watch?v=7yZZUX_U8ZM
▪️ https://www.youtube.com/watch?v=J51jbVkXOCU
▪️ https://www.youtube.com/watch?v=QyaBjJES0cc&list=PLCWM8uITbWRvvb-9aE61QNsXtJi6WybUU
▪️ https://www.youtube.com/watch?v=23sHNGIIzSs&list=PLCWM8uITbWRvvb-9aE61QNsXtJi6WybUU&index=15
▪️ https://www.youtube.com/watch?v=9ivebC0miwI&list=PLCWM8uITbWRvvb-9aE61QNsXtJi6WybUU&index=17

🔸 აღსანიშნავია, რომ მიმდინარე წელს, აზიურ ფაროსანასთან ბრძოლის მართვის ცენტრმა, სპეციალიზებული ტექნიკის გამოყენებით, დასავლეთ საქართველოში - სამეგრელოს, გურიის, იმერეთის, რაჭის რეგიონებსა და აჭარაში თერმული ნისლის ტექნოლოგიით უკვე დაამუშავა 227 148 ჰა ფართობი, ცივი შესხურებით - 91 579,25 ჰა სოფლის ტერიტორია, სიმინდის მასივები, ჯაგნარები და ტყის პერიმეტრი; მონიტორინგის მიზნით, მთელი საქართველოს მასშტაბით განთავსდა 107 725 სპეციალური სადგური.

#აზიურიფაროსანა #ერთადვებრძოლოთაზიურფაროსანას

❎ ნამცხვარ „დონატში“ ობის სოკოების გადაჭარბებული რაოდენობა გამოვლინდა ❗

🔸 სურსათის ეროვნულმა სააგენტომ დაავადებათა კონტროლისა და საზოგადოებრივი ჯანმრთელობის ეროვნული ცენტრიდან მიიღო შეტყობინება საჩხერის მუნიციპალიტეტის სოფელ სავანის სკოლის 9 მოზარდის საკვებისმიერი ინტოქსიკაციის შესახებ.

🔸 სააგენტოს იმერეთის რეგიონული სამმართველოს ინსპექტირების ჯგუფებმა მიღებული ინფორმაციის საფუძველზე განახორციელეს არაგეგმური ინსპექტირება სავანის სკოლის ბუფეტში - ბიზნესოპერატორთან ი.მ. „მაია ღონღაძე“, მისამართი: საჩხერე, სოფ. სავანე. შემოწმებისას სააგენტოს ინსპექტორებმა ამოიღეს და დალუქეს 3 ყუთი ნამცხვარი „დონატი“, რომლის დამზადების თარიღია 05/04/2023 წელი, ხოლო ვარგისიანობის ვადა 05/10/2024 წელი.

⚠️ამავდროულად, აღნიშნული სურსათის ნიმუშები, მიკრობიოლოგიური კვლევის მიზნით, აიღეს და გააგზავნეს აკრედიტებულ ლაბორატორიაში. კვლევის შედეგად დადგინდა, რომ მიკროორგანიზმების - ობის სოკოების, ნორმა მნიშვნელოვნად აღემატებოდა დაშვებულ ზღვარს (დადგენილი ნორმა - 100 კწე/გ-ში, კვლევის შედეგი - 2000 კწე/გ-ში).

❗ ბიზნესოპერატორმა ვერ წარმოადგინა მიკვლევადობასთან დაკავშირებული დოკუმენტაცია, რადგან მისი განმარტებით, მან „დონატები“ არაორგანიზებული ვაჭრობის პირობებში შეიძინა.

▶️ სურსათის ეროვნული სააგენტო ახორციელებს ღონისძიებებს აღნიშნული სურსათის მოკვლევისა და ამოღების მიზნით. შედეგების შესახებ სააგენტო დამატებით აცნობებს საზოგადოებას.

#სურსათისუვნებლობა
#სახელმწიფოკონტროლი

✅ გარემოს დაცვისა და სოფლის მეურნეობის სამინისტროს, ასევე, საქართველოს პარლამენტის ჩართულობით და გაეროს სურსათისა და სოფლის მეურნეობის ორგანიზაციის (FAO) მხარდაჭერით, ქ.ზუგდიდში სურსათის მსოფლიო დღე აღინიშნა.

👤 „სურსათის მსოფლიო დღეს ყოველწლიურად, სხვადასხვა რეგიონში, ადგილობრივ ფერმერებთან ერთად აღვნიშნავთ. ჩვენ ყველას კარგად გვესმის წლევანდელი გზავნილის მნიშვნელობა. წყალი არის რესურსი, რომლის გარეშეც ცხოვრება შეუძლებელია. ჩვენ უნდა მოვუფრთხილდეთ წყალს და კარგად გავიაზროთ ამ რესურსის დაცვის აუცილებლობა”, - აღნიშნა ნინო თანდილაშვილმა.

#გარემოსდაცვა2023
#მთავრობა2023

🌏 16 ოქტომბერი მსოფლიო სურსათის დღეა!

#მსოფლიოსურსათისდღე
#გარემოსდაცვა2023
#მთავრობა2023

🌏 16 ოქტომბერი მსოფლიო სურსათის დღეა!

🔸 წელს ამ დღის მთავარი გზავნილი წყლის, როგორც სასიცოცხლო რესურსის დაცვაა, რადგან ის ადამიანის, ბუნებისა და ეკონომიკის მამოძრავებელი ძალა და სურსათის მნიშვნელოვანი ნაწილია, მტკნარი წყალი კი - ამოწურვადი რესურსი.

🔸 მოსახლეობის ზრდასთან ერთად, წყლის მოხმარება, გლობალურად, შეიძლება, სამჯერ გაიზარდოს.

🔸 ნაკლები წყლის დახარჯვა და წყლის დაბინძურების პრევენცია იმ გზებს შორისაა, რითაც შეგვიძლია წყლის დაზოგვასა და პლანეტის კეთილდღეობაში ჩვენი წვლილი შევიტანოთ.

#მსოფლიოსურსათისდღე
#გარემოსდაცვა2023
#მთავრობა2023

✅ კალიების მართვისა და კონტროლის სისტემები საქართველოში წარმატებით დაინერგა

🔸 საქართველოში გაეროს მუდმივი კოორდინატორი საბინე მახლი, სურსათის ეროვნული სააგენტოს მცენარეთა დაცვის დეპარტამენტის წარმომადგენლებთან ერთად, ქვემო ქართლის რეგიონში, მარნეულის მუნიციპალიტეტში, „კალიების წინააღმდეგ ბრძოლისა და კონტროლის ღონისძიებების მხარდაჭერის პროგრამის“ მიმდინარეობას გაეცნო.

🔸 გაეროს წარმომადგენლებმა რეგიონში მობილიზებული სურსათის ეროვნული სააგენტოს სპეციალიზებულ ტექნიკა დაათვალიერეს. შეხვედრა გაიმართა ადგილობრივი თვითმმართველობის წარმომადგენლებთან და ფერმერებთან.

📣 ,,ჩვენთვის მნიშვნელოვანია, მოვისმინოთ ფერმერების აზრი იმ პროგრამის ეფექტიანობისა შესახებ, რომელიც საქართველოში ამჟამად ხორციელდება და რომელიც კალიებთან ბრძოლის ახალ მეთოდებს მოიცავს“, - აღნიშნა გაეროს მუდმივმა კოორდინატორმა, საბინე მახლმა.

🔸 აღსანიშნავია, რომ საქართველოში წარმატებით დაინერგა კალიების მართვისა და კონტროლის სისტემები, ამ მიმართულებით აღინიშნება ხელშესახები შედეგებიც. გაეროს სურსათისა და სოფლის მეურნეობის ორგანიზაცია, სურსათის ეროვნულ სააგენტოსთან ერთად, აღნიშნულ პროგრამას 2011 წლიდან ახორციელებს.

#მცენარეთადაცვა

🇬🇪🇦🇷 არგენტინის რესპუბლიკაში, საქართველოს უწყებათშორისი დელეგაციის ვიზიტის ფარგლებში, სურსათის ეროვნული სააგენტოს უფროსმა ზურაბ ჩეკურაშვილმა სამუშაო შეხვედრები გამართა.

🤝 ზურაბ ჩეკურაშვილი არგენტინის აგროსასურსათო სიჯანსაღისა და ხარისხის ეროვნული სამსახურის (SENASA - Servicio Nacional de Sanidad y Calidad Agroalimentaria) დირექტორს დიანა მარია გილენს, არგენტინის სასოფლო-სამეურნეო ტექნოლოგიების ეროვნული ინსტიტუტის (INTA - Instituto Nacional de Tecnología Agropecuaria) საერთაშორისო ურთიერთობების კურატორს გილიერმო სანჩესს, ამავე ინსტიტუტის ხორცისა და ცხოველური წარმოშობის ბოჭკოვანი მასალის ეროვნული პროგრამის კოორდინატორს მაურისიო ალვარესს, არგენტინის სოფლის მეურნეობის, მესაქონლეობისა და მეთევზეობის სამდივნოს ორმხრივი ურთიერთობებისა და თანამშრომლობის დირექტორს, სანტიაგო ბონიფაჩიოს შეხვდა.

🔹 გამართულ შეხვედრებზე მხარეებმა არაერთი მიმართულებით თანამშრომლობის საკითხები განიხილეს, მათ შორის, მესაქონლეობისა და აკვაკულტურის დარგში გამოცდილების გაზიარება, ვეტერინარული და ფიტოსანიტარიული სერტიფიკატების ნიმუშების აღიარება და ჰარმონიზაცია, მეცხოველეობის დარგში თანამშრომლობის კონკრეტული ნაბიჯების განსაზღვრა, სოფლის მეურნეობის სფეროში ექსპერტებსა და სპეციალისტებს შორის კონტაქტების დამყარება და პრაქტიკული სამუშაოების ჩატარება, ორი ქვეყნის შესაბამის უწყებებს შორის დისტანციური სამუშაო შეხვედრების გამართვა თანამშრომლობის შემდგომი ეტაპის კოორდინაციის მიზნით.

🔹 დელეგაციის წევრები ასევე შეხვდენენ არგენტინის სოფლის მეურნეობის ასოციაციის ვიცე-პრეზიდენტს მარკოს პერედას.

🔹 ქართული დელეგაციის შემადგენლობაში იყვნენ საქართველოს ელჩი არგენტინაში გვარამ ხანდამიშვილი, საგარეო საქმეთა სამინისტროს ამერიკის დეპარტამენტის დირექტორი გიორგი დოლიძე, საერთაშორისო ეკონომიკურ ურთიერთობათა დეპარტამენტის დირექტორის მოადგილე ბექა ჩხეიძე, ამერიკის დეპარტამენტის ლათინური ამერიკისა და კარიბის ზღვის აუზის სამმართველოს უფროსი მაია დევაძე.

#სურსათისუვნებლობა #ვეტერინარია

🐾 ცოფთან ბრძოლის მსოფლიო დღესთან დაკავშირებით, სურსათის ეროვნული სააგენტოს ვეტერინარები შინაური ცხოველების (ძაღლი, კატა) უფასო ვაქცინაციას მთელი ქვეყნის მასშტაბით ახორციელებენ.

💉🐶 სპეციალურად გამოყოფილ ადგილებსა და სურსათის ეროვნული სააგენტოს რეგიონული სამსახურების ოფისებში ვაქცინაცია უტარდება როგორც პატრონიან, ასევე მიკედლებულ ცხოველებს.

✅ სურსათის ეროვნული სააგენტო, სახელმწიფო პროგრამის ფარგლებში, ყოველწლიურად დაახლოებით 270 ათასამდე ცხოველს ცრის.

🔸 ცოფი საშიში ზოონოზური დაავადებაა, რომლითაც ავადდება როგორც შინაური და გარეული თბილსისხლიანი ცხოველი, ასევე ადამიანი. ინფექცია ვრცელდება დაავადებულ ცხოველთან კონტაქტით. კლინიკური ნიშნების გამოვლენის შემდეგ, დაავადება ლეტალობით სრულდება.

❗️ სურსათის ეროვნული სააგენტო მოუწოდებს ცხოველების მეპატრონეებს, ყოველწლიურად ჩაუტარონ ვაქცინაცია საკუთარ ცხოველებს!

🔸 ცოფთან ბრძოლის მსოფლიო დღე, Global Alliance for Rabies Control-ის ინიციატივითა და World Organisation for Animal Health-ის მხარდაჭერით, 2007 წელს დაარსდა.

🔸 2023 წლის მთავარი გზავნილია „ყველა ერთისათვის! ერთის ჯანმრთელობა ყველასათვის!“, რაც ხაზს უსვამს ყველა ასპექტის - ცნობიერების ამაღლების, ცხოველთა ჯანმრთელობისა და ერთიანი ჯანდაცვის მნიშვნელობას.

#აცერიდადაამარცხეცოფი
#აცერიდადაიცავი
#ვეტერინარია

🌍🐶 28 სექტემბერი ცოფთან ბრძოლის მსოფლიო დღეა!

🐾 ღნიშნული დღე Global Alliance for Rabies Control-ის ინიციატივითა და World Organisation for Animal Health-ის მხარდაჭერით 2007 წელს დაწესდა. სურსათის ეროვნული სააგენტო აღნიშვნას 2013 წლიდან უფასო ვაქცინაციის კამპანიით უერთდება.

🐱🐶 წლევანდელი ღონისძიების მთავარი გზავნილია - ყველა ერთისთვის, ერთის ჯანმრთელობა ყველასთვის!

💉 ცოფის პრევენცია შესაძლებელია 💯 #აცერიდადაამარცხეცოფი

🇪🇺🇬🇪 თბილისი „მდგრადი სასურსათო სისტემების შესახებ“ ევროკავშირის საერთაშორისო რეგიონულ კონფერენციას მასპინძლობს.

👤 „საქართველოს სურს, გახდეს ევროკავშირის წევრი, რაც ნიშნავს, რომ ჩვენ გვაქვს ძალიან ახლო კავშირი და თანამშრომლობა არაერთი მიმართულებით. მნიშვნელოვან პროგრესს ვხედავთ სურსათის უვნებლობისა და ცხოველთა კეთილდღეობის მიმართულებით. რაც შეეხება მდგრად სასურსათო სისტემებს, ეს არის ახალი გამოწვევა კლიმატური ცვლილებების პირობებში, რომლის შესახებაც ახლა ერთად ვსწავლობთ, ვმსჯელობთ. სწორედ ეს არის ამ ღონისძიების მიზანი, რომ გავცვალოთ ჩვენი ხედვები, ცოდნა, გამოცდილება, ერთად უნდა ვიმუშაოთ ჩვენი მიზნების განსაზღვრისა და შესრულებისთვის“, - განაცხადა ევროკომისიის საერთაშორისო ურთიერთობების ოფიცერმა იან ბლუმენდალმა.

#სურსათისუსაფრთხოება
#სოფლისმეურნეობა2023
#მთავრობა2023

✅ გარემოს დაცვისა და სოფლის მეურნეობის მინისტრი ოთარ შამუგია ევროკავშირის პროგრამის „სოფლის მეურნეობისა და სოფლის განვითარების ევროპის სამეზობლო პროგრამა“ (ENPARD) მმართველი კომიტეტის 32-ე სხდომას დაესწრო.

🩺🐶 საქართველოში ცხოველთა ჯანმრთელობის დაცვის მსოფლიო ორგანიზაციის (WOAH) მეოთხე რეგიონული კონფერენცია მიმდინარეობს.

🔹 ევროპის, კავკასიისა და ცენტრალური აზიის ქვეყნების წამყვანი ექსპერტები ცხოველთა ჯანდაცვის მსოფლიო ორგანიზაციის (WOAH) მიერ დაწესებულ ცხოველთა კეთილდღეობის სტანდარტებს, ძაღლების პოპულაციის მართვის თანამედროვე მიდგომებს, ცოფის პრევენციისა და საზოგადოების ცნობიერების ამაღლების საკითხებს სამუშაო ფორმატში განიხილავენ.

🎙 „საქართველო უკვე მეორედ მასპინძლობს ცხოველთა ჯანდაცვის მსოფლიო ორგანიზაციის (WOAH) წარმომადგენლობით რეგიონულ შეხვედრას. კონფერენციის მიზანია WOAH სტანდარტებთან დაკავშირებული გამოცდილების გაზიარება და მათი სრულყოფილად დანერგვა. ამავდროულად, საქართველო უერთდება გამოწვევას და საერთაშორისო ორგანიზაციების მიერ შემუშავებულ სტრატეგიას, რომელიც 2030 წლისთვის ძაღლისგან ადამიანის ცოფით დაავადების სრულად აღმოფხვრას გულისხმობს“, - განაცხადა სურსათის ეროვნული სააგენტოს უფროსის მოადგილემ, WOAH-ის ევროპის რეგიონული კომისიის ბიუროს ვიცე-პრეზიდენტმა ვასილ ბასილაძემ.

🎙 „აღნიშნული ღონისძიების ორგანიზება უნიკალური შესაძლებლობაა, რომელსაც სურსათის ეროვნული სააგენტო გვთავაზობს. ქართველი სპეციალისტები ძალიან დიდ ძალისხმევასა და რესურსს დებენ გლობალური მიზნის მიღწევაში, რაც გულისხმობს, 2030 წლისთვის, ადამიანებში ძაღლისგან გამოწვეული ცოფის შემთხვევების სრულ ელიმინაციას. ცოფთან ბრძოლის თვალსაზრისით საქართველო რეგიონში მოწინავე ქვეყანაა. მჯერა, რომ ეს ღონისძიება ხელს შეუწყობს ცხოველთა ჯანდაცვის მსოფლიო ორგანიზაციის სტანდარტების დანერგვას რეგიონში ვეტერინარული მომსახურების გასაძლიერებლად“, - აღნიშნა WOAH -ის წარმომადგენელმა პაოლო დალა ვილამ.

🔹 სურსათის ეროვნული სააგენტო, სახელმწიფო პროგრამის ფარგლებში, ცოფის საწინააღმდეგოდ, ყოველწლიურად 270 ათასამდე ცხოველის ვაქცინაციასა და ცნობიერების ამაღლების ღონისძიებებს ახორციელებს.

🔹 კონფერენცია სამდღიანია და მასში პარლამენტის გარემოს დაცვის კომიტეტის, თბილისის ცხოველთა მონიტორინგის სააგენტოს და დაავადებათა კონტროლის ეროვნული ცენტრის წარმომადგენლები მონაწილეობენ.

#ვეტერინარია

World Organisation for Animal Health ცხოველთა მონიტორინგის სააგენტო / Animals Monitoring Agency

❎ კეტჩუპის ნიმუშში სუდანის ჯგუფის საღებავი გამოვლინდა!

🔹 სურსათის ეროვნული სააგენტოს სამცხე-ჯავახეთის რეგიონული სამმართველოს წარმომადგენლებმა, სახელმწიფო კონტროლის ფარგლებში, სუდანის ჯგუფის საღებავების გამოვლენის მიზნით, სურსათის ნიმუშები აიღეს. ლაბორატორიული კვლევის შედეგად, კეტჩუპი „PRIMO“-ს ნიმუშში (დამამზადებელი შპს „სანფუდი“, სომხეთი, ქ. ერევანი, შირაკის ქ. N 1/68. ნეტო: 200 გ.; დამზადების თარიღი: 03.06. 2023 წელი; დისტრიბუტორი საქართველოში: ი/მ გაგიკ კობალიან, ს/კ 07001011888, ქ. ახალქალაქი, ნალბანდიანის ქ. 61/10) აკრძალული სუდანის ჯგუფის საღებავი Sudan I გამოვლინდა.

🔹 სააგენტოს ინსპექტორებმა ი/მ „გაგიკ კობალიანს“ აუკრძალეს აღნიშნული სურსათის რეალიზაცია და დაავალეს უმოკლეს ვადაში დასახელებული სურსათის ბაზრიდან გამოთხოვა, გამოთხოვილი სურსათის რაოდენობის აღრიცხვა და მიღებული ზომების შესახებ სააგენტოს დაუყოვნებლივ ინფორმირება.

🔹 ამავდროულად, სააგენტოს სამცხე-ჯავახეთის რეგიონული სამმართველოს უფლებამოსილი პირები ბიზნესოპერატორთან სახელმწიფო კონტროლს ახორციელებენ.
სურსათის ეროვნული სააგენტო მოუწოდებს მომხმარებელს, არ შეიძინოს კეტჩუპი „PRIMO“-ს ზემოაღნიშნული პარტია.

🔹 სუდანის ჯგუფის საღებავები განეკუთვნება ხელოვნურ აზო საღებავების ჯგუფს და წარმოადგენს სურსათის ქიმიურ დამაბინძურებელს, რომლის დამატება სურსათში აკრძალულია.

#სურსათისუვნებლობა #სახელმწიფოკონტროლი

🎯🌽 საყანე ფართობები აზიური ფაროსანას საწინააღმდეგოდ მუშავდება.

🔸 სურსათის ეროვნული სააგენტოს აზიურ ფაროსანასთან ბრძოლის მართვის ცენტრი დასავლეთ საქართველოში მავნებლის საწინააღმდეგო ღონისძიებებს განაგრძობს. თხილის მოსავლის აღების შემდეგ, ფაროსანა სიმინდზე ინაცვლებს. საყანე ფართობების მონიტორინგის შედეგად, იმ მასივებში, სადაც მავნებლის გადაჭარბებული კონცენტრაცია ფიქსირდება, სააგენტოს სპეციალიზებული ტექნიკა წამლობას ახორციელებს.

🔸ამ დროისათვის დასავლეთ საქართველოში, იმერეთის, გურიის, სამეგრელოს, რაჭის რეგიონებსა და აჭარაში თერმული ნისლის ტექნოლოგიით უკვე დამუშავებულია 128 628.00 ჰა ფართობი, ცივი შესხურების მეთოდით - 40 068 ჰა ფართობი, განთავსებულია მონიტორინგის 98 081 სპეციალური სისტემა.

🔸სახელმწიფო პროგრამის შესაბამისად განხორციელებული მავნებლის საწინააღმდეგო სისტემური ღონისძიებების შედეგად, წინა წლების მსგავსად, წელს სიმინდში ფაროსანას მიერ მიყენებული ზიანი მინიმუმამდე არის დაყვანილი და, როგორც ფერმერები აღნიშნავენ, თითქმის 0%-ია.

📣 მავნებლის გამოზამთრების ფაზის მოახლოებასთან ერთად, სააგენტო კიდევ ერთხელ მოუწოდებს მოსახლეობას, საკუთარ საკარმიდამო ნაკვეთებში აზიური ფაროსანას წინააღმდეგ განათავსონ მექანიკური ხაფანგები (მექანიკური ღონისძიებები იხილეთ ბმულზე: https://www.youtube.com/watch?v=23sHNGIIzSs), რათა მომავალი სეზონისთვის ფაროსანას რიცხოვნობა კიდევ უფრო შემცირდეს.

#ერთადვებრძოლოთაზიურფაროსანას
#ერთადგადავარჩინოთმოსავალი