სემეკი - ენერგეტიკისა და წყალმომარაგების მარეგულირებელი კომისია

🔵 საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) წყალმომარაგების დეპარტამენტის წარმომადგენელმა, თეიმურაზ ლოჩოშვილმა მონაწილეობა მიიღო ბელგიაში, ქ. ბრიუსელში გამართულ ევროპის წყლის მარეგულირებელთა ქსელის (WAREG) 30-ე გენერალურ ასამბლეასა და წყალმომარაგების რეგულირების შესახებ ევროპის მე-3 ფორუმში.

🔷 თეიმურაზ ლოჩოშვილმა შეხვედრის მონაწილეებს გააცნო საქართველოს წყალმომარაგების სექტორში არსებული მდგომარეობა, სექტორის რეგულირების პრინციპები და სატარიფო მეთოდოლოგია.

#სემეკი

🟠 კომისიამ საჯარო სხდომაზე დღის წესრიგით გათვალისწინებული საკითხები განიხილა. მათ შორის, კომისიამ იმსჯელა ელექტროენერგიის, ბუნებრივი გაზისა და წყალმომარაგების ქსელებზე ახალი მომხმარებლების მიერთების ვადებზე.

🔶 დადგინდა შპს „საქართველოს საერთაშორისო ენერგეტიკული კორპორაციისათვის“, შპს „მტკვარი ენერჯისთვის“, შპს „გარდაბნის თბოსადგურისთვის“, შპს „ჯიფაუერისთვის“ საჯარო მომსახურების გაწევის ვალდებულების ფარგლებში შესაბამისი საფასურები.

🔶 დამტკიცდა საქართველოს ზოგადი ადმინისტრაციული კოდექსის III თავის (ინფორმაციის თავისუფლება) მოთხოვნათა შესრულების შესახებ სემეკის ანგარიში, რომლის თანახმადაც 2022 წლის 1 დეკემბრიდან 2023 წელის 1 დეკემბრის პერიოდში კომისიაში საჯარო ინფორმაციის გაცემის თაობაზე დაფიქსირდა 56 წერილობით მოთხოვნა. აქედან, სრულად დაკმაყოფილდა 47 წერილობითი მოთხოვნა, ნაწილობრივ -3, არ დაკმაყოფილდა -5. მოთხოვნის ნაწილობრივ დაკმაყოფილება ან უარის თქმა განპირობებული იყო მოთხოვნილი ინფორმაციის სემეკში არარსებობით, კონფიდენციალურობით ან შესაბამისი სამართლებრივი საფუძვლის არსებობით.

🟢 დავით ნარმანია: მნიშვნელოვანია, რომ თითოეული მოქალაქის უფლება იყოს სათანადოდ დაცული სემეკის მიერ რეგულირებად სექტორებში

✅ საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია სემეკთან არსებული მომხმარებელთა ინტერესების საზოგადოებრივი დამცველის (ენერგოომბუდსმენის) სამსახურის საიუბილეო ღონისძიებაზე სიტყვით წარდგა. სემეკის თავმჯდომარემ ისაუბრა ელექტროენერგეტიკის, ბუნებრივი გაზისა და წყალმომარაგების სექტორებში მომხმარებელთა უფლებების დაცვის აუცილებლობასა და მნიშვნელობაზე.

➡️ „მნიშვნელოვანია, რომ თითოეული მოქალაქის უფლება იყოს სათანადოდ დაცული სემეკის მიერ რეგულირებად სექტორებში. სემეკი, წლებია, ყოველდღიურ რეჟიმში მუშაობს კომუნალური მომსახურებების გასაუმჯობესებლად. აღსანიშნავია სემეკთან არსებული ენერგოომბუდსმენის სამსახურის როლი მომხმარებელთა უფლებების დაცვის კუთხით. უკვე 20 წელია, რაც სამსახური აქტიურადაა ჩართული მოქალაქეთა უფლებების დაცვაში ელექტროენერგეტიკის, ბუნებრივი გაზისა და წყალმომარაგების მიმართულებით. ვულოცავ სამსახურის ყოფილ და მოქმედ თანამშრომლებს 20 წლის იუბილეს და წარმატებებს ვუსურვებ მათ საქმიანობაში.

➡️ მომხმარებელთა უფლებების დაცვის კუთხით, არაერთი პროექტი ხორციელდება. უნდა აღინიშნოს, რომ სემეკში გვაქვს უნიკალური პროგრამა, რომელიც რეალურ დროში აფიქსირებს კომუნალურ კომპანიებში შესულ მომხმარებელთა განცხადებებს და კომპანიების მხრიდან მათზე რეაგირებას, ინფორმაციას გეგმური და არაგეგმური წყვეტების შესახებ, ახალი მომხმარებლის ქსელზე მიერთებისა და დავალიანების გადაუხდელობისათვის გათიშული მომხმარებლებისათვის მომარაგების აღდგენის დროსა და ვადებს. გვაქვს შემუშავებული სტანდარტები, რომლის შესრულებაც სავალდებულოა კომპანიებისათვის. აქვე, მოვუწოდებ მოქალაქეებს, თუ თვლიან რომ ირღვევა მათ უფლებები კომუნალური კომპანიების მიერ, მომართონ სემეკს ან ენერგოომბუდსმენის სამსახურს“, - განაცხადა დავით ნარმანიამ.

📍მომხმარებელთა ინტერესების დაცვის დამატებითი გარანტიების შექმნის მიზნით, 2003 წელს დაფუძნდა სემეკთან არსებული მომხმარებელთა ინტერესების საზოგადოებრივი დამცველის (ენერგოომბუდსმენი) სამსახური, რომლის ძირითადი ფუნქციაა ელექტროენერგეტიკის, ბუნებრივი გაზისა და სასმელი წყლის მომხმარებელთა ინტერესების დაცვა. დღეისთვის ენერგოომბუდსმენის ოფისები ფუნქციონირებს როგორც ქ. თბილისში, ასევე საქართველოს სხვადასხვა რეგიონებში.

🟢კომისიამ საჯარო სხდომაზე განიხილა საკითხები ელექტროენერგიისა და წყალმომარაგების გამანაწილებელ ქსელებზე ახალი მომხმარებლების მიერთების ვადებთან დაკავშირებით.

#სემეკი
#საჯაროსხდომა

📣5 დეკემბერს, 16:10 საათზე, რადიო „კომერსანტის“ ეთერში 👇
🟢 გადაცემა „პროფესიონალები“

✅თემა: კონკურენცია ენერგეტიკის სექტორში
🟢წამყვანი: სალომე ჯანელიძე (ენერგეტიკის სასწავლო ცენტრის საბჭოს წევრი)
✅სტუმრები: გიგა ადამია (სემეკის იურიდიული დეპარტამენტის მთავარი სპეციალისტი),
ნიკა სერგია (კონკურენციის ეროვნული სააგენტოს ანტიდემპინგური ღონისძიების დეპარტამენტის უფროსი)

📣5 დეკემბერს, 16:10 საათზე, რადიო „კომერსანტის“ ეთერში
🟡გადაცემა „პროფესიონალები“
🟡თემა: კონკურენცია ენერგეტიკის სექტორში
🟡წამყვანი: სალომე ჯანელიძე (ენერგეტიკის სასწავლო ცენტრის საბჭოს წევრი)
🟡სტუმრები: გიგა ადამია (სემეკის იურიდიული დეპარტამენტის მთავარი სპეციალისტი), ნიკა სერგია (კონკურენციის ეროვნული სააგენტოს ანტიდემპინგური ღონისძიების დეპარტამენტის უფროსი)
სემეკი - ენერგეტიკისა და წყალმომარაგების მარეგულირებელი კომისია

🟢საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) წარმომადგენლებმა მონაწილეობა მიიღეს საქართველოს ახალგაზრდა ენერგეტიკოსთა ასოციაციის (AYPEG) მიერ ორგანიზებულ კონფერენციაში, რომელიც SHAREs პროექტის ფარგლებში გაიმართა. კონფერენცია შეეხებოდა ენერგეტიკულ ბაზარზე მომხმარებლებისთვის ახალი შესაძლებლობების - ენერგეტიკული გაერთიანებების საკითხებს.

♻️კონფერენცია გახსნა სემეკის ბაზრის მონიტორინგის დეპარტამენტის დირექტორმა, SHAREs პროექტის წარმომადგენელმა ნიკოლოზ სუმბაძემ და მან ენერგეტიკული გაერთიანებების არსსა და მნიშვნელობაზე ისაუბრა.

➡️ახალ ენერგეტიკულ ბაზრებზე მომხმარებელთა შესაძლებლობების შესახებ პანელურ დისკუსიაში მიიღო მონაწილება სემეკის ელექტროენერგეტიკის დეპარტამენტის და ენერგეტიკის სასწავლო ცენტრის დირექტორმა, ნუგზარ ბერიძემ.

✅კონფერენციაზე ისაუბრეს SHAREs პროექტის მიზნებსა და ამოცანებზე საქართველოში, ასევე ენერგეტიკული გაერთიანებების ჩამოყალიბების გამოცდილებასა და გამოწვევებზე საქართველოსა და ევროკავშირის ქვეყნებში. პროექტის წარმომადგენლებმა წარადგინეს საინფორმაციო პორტალი საქართველოში ენერგეტიკული გაერთიანებების შესახებ.

📍 SHAREs არის Horizon 2020 პროგრამის ფარგლებში დაფინანსებული პროექტი, რომელიც მიზნად ისახავს ენერგეტიკული გაერთიანებების და ერთობლივი ქმედებების მხარდაჭერას განახლებადი ენერგიის განვითარების მიზნით საქართველოში.

➡ კონფერენციაში მონაწილეობდნენ საქართველოს ეკონომიკისა და მდგრადი სამინისტროს, სემეკის, მუნიციპალიტეტები, არასამთავრობო ორგანიზაციების, საქართველოში მოქმედი დონორი ორგანიზაციების, მზის ელექტროსადგურების მემონტაჟე კომპანიების, პოტენციური საპილოტე პროექტებისა და ელექტროენერგიის გადამცემი და გამანაწილებელი სისტემის ოპერატორების წარმომადგენლები.

#სემეკი
#კონფერენცია

🟢კომისიამ საჯარო სხდომაზე დღის წესრიგით გათვალისწინებული საკითხები განიხილა. კერძოდ, კომისიამ განიხილა საკითხი „ელექტროენერგიის ტარიფების შესახებ“ დადგენილებაში ცვლილების შეტანის თაობაზე, რომელიც შეეხებოდა სს „თელასისთვის“ ელექტროენერგიის განაწილების ტარიფების კორექტირებას.

ასევე, სხდომაზე მიღებული გადაწყვეტილებით, ცვლილებები შევიდა „ელექტროენერგეტიკის სექტორში ტარიფებისა და საფასურების გაანგარიშების მეთოდოლოგიების დამტკიცების შესახებ“ და „ელექტროენერგიის საცალო ბაზრის წესების დამტკიცების შესახებ“ კომისიის დადგენილებებში.

კომისიამ განიხილა „შპს „ენგურჰესის“ და „შპს „ვარდნილჰესების კასკადის“ მიერ წარმოდგენილი 2023-2025 წლების საინვესტიციო გეგმები.

საჯარო სხდომაზე კომისიამ განიხილა საკითხები ელექტროენერგიისა და წყალმომარაგების ქსელებზე ახალი მომხმარებლების მიერთების ვადებთან დაკავშირებით.

#სემეკი
#საჯაროსხდომა

🟢საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) გადაწყვეტილებებით, მიმდინარე წელს მოქალაქეებს კომუნალური კომპანიების მიერ უსაფუძვლოდ დარიცხული 621 972 ათასი ლარი ჩამოეწერათ.

📍მომხმარებელთა ინტერესების დაცვა კომისიის საქმიანობის ერთ-ერთი პრიორიტეტია. სემეკი შეახსენებს ელექტროენერგეტიკის, ბუნებრივი გაზისა და წყალმომარაგების სექტორების მომხმარებლებს, თუ კომუნალური კომპანიების მხრიდან ადგილი აქვს უფლებების დარღვევას, მომართეთ სემეკს ან სემეკთან არსებულ ენერგოომბუდსმენის სამსახურს. მომართვა შესაძლებელია ელექტრონული ფორმითაც: https://bit.ly/3QiBM2O

#სემეკი
#როცაბალანსიდაცულია

🟢 24 ნოემბერს თურქეთში, ქ. სტამბოლში ენერგეტიკის მარეგულირებელთა რეგიონული ასოციაციის (ERRA) ორგანიზებით ტარდება ლიდერთა ფორუმი რეგულირების შესახებ, რომელშიც მონაწილეობას იღებს საქართველოს ენერგეტიკისა და წყალმომარაგების მარეგულირებელი ეროვნული კომისიის წევრი, დავით თვალაბეიშვილი.
ფორუმი გახსნა და მონაწილეებს სიტყვით მიმართა ენერგეტიკის მარეგულირებელთა რეგიონული ასოციაციის (ERRA) თავმჯდომარემ, მაია მელიქიძემ.

#სემეკი

სემეკის წარმომადგენლებმა თეიმურაზ ლოჩოშვილმა, გივი ადამიამ და ლაშა სულხანიშვილმა მონაწილეობა მიიღეს ევროკავშირის ტექნიკური დახმარებისა და ინფორმაციის გაცვლის პროგრამის - TAIEX ფარგლებში გამართულ შეხვედრაში.

შეხვედრა ალბანეთის რესპუბლიკაში, ქ. ტირანაში ჩატარდა და შეეხებოდა წყალმომარაგებისა და წყალარინების სექტორების განვითარების საკითხებს.

გიორგობას გილოცავთ!

სემეკის წარმომადგენლებმა ნინო ბანცაძემ და ვასილ მახათაძემ უსაფრთხოების აკადემიის შრომის უსაფრთხოების მართვის აკრედიტებული პროგრამა გაიარეს. მათ შრომის უსაფრთხოების სპეციალისტების კვალიფიკაცია მიენიჭათ.

კომისიის თანამშრომლებმა აღნიშნული პროგრამაში მონაწილეობა, "შრომის უსაფრთხოების შესახებ“ საქართველოს კანონით გათვალისწინებული მოთხოვნების შესაბამისად, სემეკში შრომის უსაფრთხოების ნორმების დარღვევის პრევენციის მიზნით მიიღეს.

🔵საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) წევრი, გიორგი ფანგანი შპს „ჯორჯიან უოთერ ენდ ფაუერის“ პირველი საოპერაციო ცენტრის გახსნას დაესწრო და კომპანიის ახალი სტრუქტურული ერთეულის ფუნქციებს გაეცნო.

➡ „მნიშვნელოვანია, რომ თბილისში გაიხსნა ევროპული სტანდარტების შესაბამისი მულტიფუნქციური ცენტრი, რომელიც იქნება დამატებითი ინსტრუმენტი, რათა ფუნდამენტურად მოწესრიგდეს წყალმომარაგების საკითხები და კომპანიის მხრიდან მოხდეს დროული რეაგირება მოქალაქეთა მიმართვიანობაზე. სემეკის მიზანი და ამოცანაა, გაუმჯობესდეს წყალმომარაგების მიწოდება და მინიმუმამდე შემცირდეს ავარიებისა თუ სხვადასხვა მიზეზით წყლის მიწოდების შეფერხების ფაქტები. ამ მიზნით, აქტიურად ვმუშაობთ კომპანიასთან.

➡ მისასალმებელია, კომპანიის ახალი მფლობელის Aqualia-ს მიდგომა და პოლიტიკა მოკლევადიან და გრძელვადიან პერიოდში საიმედო, უწყვეტ წყალმომარაგებასთან დაკავშირებით“, - განაცხადა გიორგი ფანგანმა მულტიფუნქციური ცენტრის დათვალიერებისას.

🔷ქ. თბილისში, ანდრონიკაშვილის ქუჩაზე მდებარე მულტიფუნქციური საოპერაციო ცენტრი წყალმომარაგების სერვისების ეფექტიანი და ოპერატიული მართვის ევროპული მოდელია, რომელიც შპს „ჯორჯიან უოთერ ენდ ფაუერის“ ახალ მფლობელს, ესპანურ კომპანია Aqualia-ს 17 ქვეყანაში აქვს დანერგილი.
კომპანიის ცნობით, მიმდინარე წლის ბოლომდე საოპერაციო ცენტრების გახსნა დაგეგმილია თბილისში რამდენიმე ლოკაციაზე, ასევე ტაბახმელაში, ქ. რუსთავსა და ქ. მცხეთაში. ახალ საოპერაციო ცენტრებს ჯამში 42 საავარიო და 25 პრევენციული მონიტორინგის ჯგუფი მოემსახურება.

🟢საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ),საჯარო სხდომაზე , სახელმწიფო ბიუჯეტის სასარგებლოდ, ჯამში 65 000 ლარით 7 კომპანია დააჯარიმა. დაჯარიმების მიზეზია კომპანიების მიერ ენერგეტიკულ საქმიანობასთან დაკავშირებით ყოველთვიური ანგარიშგების სემეკში წარმოუდგენლობა, რიგ შემთხვევებში არასწორად წარმოდგენა ან დარღვევის გამეორება.

10 000 – 10 000 ლარით დაჯარიმდნენ შპს „ვოთერ ენერჯი“, შპს „ერა ჯორჯია“, შპს „ჰიდრო დეველოპმენტ კომპანი“, შპს „ჯონოული 1“, შპს „ჩირაღდანი“, შპს „გაზმშენი“, ხოლო 5 000 ლარით - შპს „თბილისის საინვესტიციო ჯგუფი“. კომპანიებს განემარტათ, რომ დარღვევის განსაზღვრულ ვადაში აღმოუფხვრელობის ან განმეორების შემთხვევაში, კვლავ დაჯარიმდებიან საქართველოს კანონის შესაბამისად.

ყოველთვიური ანგარიშგების არასრულყოფილად წარმოდგენის გამო წერილობითი გაფრთხილება მიეცა 14 ენერგეტიკულ საწარმოს. ამასთანავე, მიეცათ გაფრთხილება, რომ დარღვევის აღმოუფხვრელობის ან განმეორების შემთხვევაში, სანქციის სახით განესაზღვრებათ ჯარიმა.

#სემეკი
#როცაბალანსიდაცულია

🟢საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) ყაზახეთის, ყირგიზეთის, უზბეკეთის, ტაჯიკეთის, თურქმენეთის მარეგულირებელი კომისიების წარმომადგენლებთან სატარიფო და რეგულირების საკითხებზე შეხვედრა გაიმართა. მარეგულირებელი კომისიის მხრიდან შეხვედრას ხელმძღვანელობდა სემეკის წევრი, გიორგი ფრუიძე.

✅ შეხვედრის მონაწილეებს სემეკის წარმომადგენლებმა გაუზიარეს გამოცდილება რეგულირებად სექტორებში სატარიფო პრინციპებისა და პროცედურების შესახებ, ასევე გააცნეს სემეკის ფუნქციები და მარეგულირებელი უწყების როლი ენერგეტიკისა და წყალმომარაგების სექტორების განვითარებაში.

➡ შეხვედრა გაიმართა ევროკავშირის პროექტის ფარგლებში - „მდგრადი ენერგეტიკული კავშირი ცენტრალური აზიის ქვეყნებში“ (Sustainable Energy Connectivity in Central Asia (SECCA).

#სემეკი
#ევროკავშირისპროექტი
#ტარიფები
#რეგულირება

#სემეკი
#დავითნარმანია
#მარეგულირებელი
#მომხმარებელთაუფლებები
#კონკურენცია

📣21 ნოემბერს, 16:10 საათზე, რადიო „კომერსანტის“ ეთერში

🟠 გადაცემა „პროფესიონალები“
➡️ თემა: ჰიდროელექტროსადგურების და ჰიდროტექნიკური ნაგებობების მშენებლობის პერსპექტივები

🟧 წამყვანი: ნუგზარ ბერიძე (სემეკთან არსებული ენერგეტიკის სასწავლო ცენტრის დირექტორი)
🟡 სტუმარი: დავით მირცხულავა (მაღალი კაშხლების ეროვნული კომიტეტის თავმჯდომარე)

📣21 ნოემბერს, 16:10 საათზე, რადიო „კომერსანტის“ ეთერში
🟡გადაცემა „პროფესიონალები“
🟡თემა: ჰიდროელექტროსადგურების და ჰიდროტექნიკური ნაგებობების მშენებლობის პერსპექტივები
🟡წამყვანი: ნუგზარ ბერიძე (სემეკთან არსებული ენერგეტიკის სასწავლო ცენტრის დირექტორი)
🟡სტუმარი: დავით მირცხულავა (მაღალი კაშხლების ეროვნული კომიტეტის თავმჯდომარე)

სემეკი - ენერგეტიკისა და წყალმომარაგების მარეგულირებელი კომისია

🟢სემეკის ტარიფებისა და ეკონომიკური ანალიზის დეპარტამენტის დირექტორი გივი სანიკიძე "ფორბსთან" საირიგაციო სექტორის რეგულირების ეკონომიკურ ეფექტიანობაზე საუბრობს

საირიგაციო სექტორის რეგულირების მნიშვნელობა • Forbes Georgia საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) ტარიფებისა და ეკონომიკუ...

🟢 სკოლის მოსწავლეებს შორის განახლებად ენერგიებზე ცნობიერების ამაღლების შესახებ საინფორმაციო კამპანია გრძელდება.

კამპანიის ფარგლებში საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) ელექტროენერგეტიკის დეპარტამენტის წარმომადგენელმა, ნოდარ ბარბაქაძემ ღირსი მამა გიორგი მთაწმინდელის გორის გიმნაზიისა და ქ. ბოლნისის N5 საჯარო სკოლის მოსწავლეებს განახლებადი ენერგიების განვითარებისა და საჭიროების შესახებ ტრენინგი ჩაუტარა.

შეხვედრა გაიმართა ევროპის რეგულატორთა საბჭოს (CEER) EU4Energy-ს განახლებად ენერგიებზე ცნობიერების ამაღლების შესახებ პროგრამის მეორე ეტაპის ფარგლებში, ევროკავშირის საკომუნიკაციო პროექტთან (EU NEIGHBOURS EAST), ახალგაზრდა ევროპელ ელჩებთან( Young European Ambassadors) და სემეკთან თანამშრომლობით.

საინფორმაციო კამპანია სკოლის მოსწავლეებისთვის განახლებადი ენერგიების მნიშვნელობის შესახებ სხვადასხვა განმავითარებელ აქტივობებს მოიცავს.

კამპანიის მეორე ეტაპის ფარგლებში, პირველი შეხვედრა თბილისის N182 საჯარო სკოლაში გაიმართა, სადაც სემეკის ელექტროენერგეტიკის დეპარტამენტის დირექტორის მოადგილე, თორნიკე აფრიაშვილმა სკოლის მოსწავლეებს განახლებადი ენერგიების შესახებ ინფორმაცია მიაწოდა.

განახლებად ენერგიებზე ცნობიერების ამაღლების შესახებ ინიციატივა ევროკავშირის დაფინანსებით ხორციელდება და მისი ბიუჯეტი 8.5 მლნ. ევროს შეადგენს. პროექტი ერთობლივად ხორციელდება CEER-ის, საერთაშორისო ენერგეტიკული სააგენტოს (IEA) და ენერგეტიკული გაერთიანების სამდივნოს (EnCS) მიერ.

#სემეკი

🟢საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია და სემეკის წევრები ენერგეტიკული გაერთიანების (Energy Community) ხელმძღვანელს, არტურ ლორკოვსკის შეხვდნენ.

მხარეებმა განიხილეს ენერგეტიკის სექტორში ნაკისრი ვალდებულებების შესრულების მაჩვენებლები, იმსჯელეს სამომავლო გეგმებსა და ენერგეტიკული ბაზრის ლიბერალიზაციის პროცესზე, ევროკავშირის კანონმდებლობის აღსრულების ეფექტიან მექანიზმებზე.

სემეკის თავმჯდომარის, დავით ნარმანიას განცხადებით, სემეკის მიერ შესრულებულია კანონმდებლობითა და ევროპული დირექტივებით ნაკისრი ვალდებულებები, ბაზრის ლიბერალიზაციის ხელშეწყობის მიზნით კომისიას 30-ზე მეტი ნორმატიული აქტი აქვს შემუშავებული. აღნიშნული სამართლებრივი ბაზა წარმოადგენს მყარ ფუნდამენტს ენერგეტიკული ბაზრის განვითარებისთვის.

შეხვედრას ესწრებოდნენ სემეკის იურიდიული და საერთაშორისო დეპარტამენტების ხელმძღვანელი პირები, ენერგეტიკული გაერთიანების ოფიციალური წარმომადგენელი საქართველოში, სალომე ჯანელიძე.

#სემეკი
#ბაზრისლიბერალიზაცია
#ენერგეტიკა

სემეკის წარმომადგენლებმა თამარ ბაზღაძემ და ანა თაქთაქიშვილმა მონაწილეობა მიიღეს კონფერენციის - "კონკურენცია და მომხმარებლის უფლებები" საპანელო დისკუსიებში, რომლებიც შეეხებოდა კონკურენციის პოლიტიკის განვითარებისა და მომხმარებელთა უფლებების დაცვის საკითხებს.

#სემეკი
#კონფერენცია #მარეგულირებელი
#მომხმარებელთაუფლებები

🟢საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია კონკურენციის და მომხმარებლის უფლებების დაცვის შესახებ II საერთაშორისო კონფერენციაზე მოხსენებით წარდგა და კონფერენციის 300-ზე მეტ მონაწილეს ენერგეტიკის სექტორში კონკურენციის განვითარების ეტაპები და არსებული გამოწვევები გააცნო.

🟢„ენერგეტიკულ ბაზარზე კონკურენციის განვითარების ხელშეწყობა წარმოადგენს მარეგულირებელი კომისიის ერთ-ერთ პრიორიტეტულ მიმართულებას, რომელიც უაღრესად მნიშვნელოვანია ბაზრის სრული ლიბერალიზაციისათვის. კანონმდებლობითა და ევროპული დირექტივებით ნაკისრი ვალდებულებების შესაბამისად, მარეგულირებელმა კომისიამ შეიმუშავა 30-ზე მეტი ნორმატიული აქტი, რომელიც მიზნად ისახავს ახალი ბაზრის მონაწილეებს შორის კონკურენტული და გამჭვირვალე ურთიერთობების ჩამოყალიბებას.

➡ სემეკის ერთ-ერთ ძირითად ფუნქციას წარმოადგენს ენერგეტიკული ბაზრის მონიტორინგი, ბაზარზე მანიპულირებისა და დომინანტური მდგომარეობის ბოროტად გამოყენების დროულად გამოვლენა და აღმოფხვრა. როგორც სხვა, ასევე ამ მიმართულებით აქტიურად ვთანამშრომლობთ კონკურენციის ეროვნულ სააგენტოსთან, რათა მაქსიმალურად იყოს დაცული ენერგეტიკული ბაზრის მონაწილეთა ინტერესები.

➡ უნდა აღინიშნოს, რომ მნიშვნელოვანია მომხმარებლის როლი ახალ ენერგეტიკულ ბაზარზე. ევროპის მეოთხე ენერგეტიკული პაკეტის მოთხოვნათა შესაბამისად, მთლიანი ენერგეტიკული ბაზრის ძირითადი ორიენტირი ხდება მომხმარებელი „აქტიური მომხმარებლის“ სტატუსით. ახალი რეგულაციების ერთ-ერთი მთავარი მიმართულებაა ენერგეტიკულ სექტორში ერთობლივი და მომხმარებელზე ორიენტირებული ენერგეტიკული ქმედებების მხარდაჭერა და სტიმულირება, ენერგეტიკული გაერთიანებების ჩამოყალიბების ხელშეწყობა. ენერგეტიკული გაერთიანებები მომხმარებლებს აძლევს უნიკალურ შესაძლებლობას, გახდნენ განახლებადი ენერგიის მწარმოებლები და შესთავაზონ მომსახურება ბაზარის მონაწილეებს. ევროპული რეგულაციების დანერგვა საქართველოს მოქალაქებს უფრო მეტ შესაძლებლობას მისცემს გახდნენ აქტიური მომხმარებლები“- აღნიშნა დავით ნარმანიამ.

🔻16-18 ნოემბერს, ხუთი მარეგულირებელი უწყების - კონკურენციის ეროვნული სააგენტოს, სემეკის, კომუნიკაციების კომისიის, დაზღვევის სახელმწიფო ზედამხედველობის სამსახურის და ეროვნული ბანკის ერთობლივი ორგანიზებით, II საერთაშორისო კონფერენცია „კონკურენცია და მომხმარებლის უფლებები“ იმართება. ღონისძიების მიზანი საქართველოში, კონკურენციის პოლიტიკის გაძლიერება და მომხმარებლის უფლებების მექანიზმების გაუმჯობესებაა.

✅კონფერენცია გახსნეს საქართველოს ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა; ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ზურაბ აზარაშვილმა, პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, დავით სონღულაშვილმა, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ; კონკურენციისა და მომხმარებელთა პოლიტიკის მიმართულების ხელმძღვანელმა, UNCTAD - ტერესა მორეირამ, კონკურენციის განყოფილების ხელმძღვანელმა, OECD - ორი შვარცმა.

📌კონფერენციაში 20-მდე ქვეყნის დელეგაცია და 10-მდე სხვადასხვა ქვეყნის კონკურენციის და მომხმარებლის სექტორში მომუშავე უწყების პირველი პირები, სამთავრობო და საპარლამენტო გუნდის წევრები, ადგილობრივი და საერთაშორისო ექსპერტები, საჯარო უწყებების, მარეგულირებელი ორგანოების, აკადემიური წრისა და ბიზნეს სექტორის წარმომადგენლები მონაწილეობენ. კონფერენციაზე, სადაც 9 თემატური სესია იმართება, 50-მდე ადგილობრივი და საერთაშორისო ექსპერტი, ერთობლივ ფორმატში, კონკურენციის და მომხმარებლის უფლებების დაცვის მიმართულებით მიღებულ შედეგებსა და გამოწვევებზე მსჯელობენ.

#სემეკი
#კონფერენცია #მარეგულირებელი
#მომხმარებელთაუფლებები

🟢ხუთი მარეგულირებელი უწყების:
➡ კონკურენციის ეროვნული სააგენტოს
➡ სემეკის
➡ ეროვნული ბანკის
➡ დაზღვევის სახელმწიფო ზედამხედველობის სამსახურის
➡ კომუნიკაციების კომისიის
ერთობლივი II საერთაშორისო კონფერენცია - ✅„კონკურენცია და მომხმარებლის უფლებები“

#სემეკი
#კონფერენცია #მარეგულირებელი
#მომხმარებელთაუფლებები

🟢საჯარო სხდომაზე კომისიამ დღის წესრიგით გათვალისწინებული საკითხები განიხილა.

✅კომისიამ შპს „ქობულეთის წყალი“, სახელმწიფო ბიუჯეტის სასარგებლოდ, 15 000 ლარით დააჯარიმა. დაჯარიმების მიზეზს წარმოადგენს სალიცენზიო პირობების დარღვევა, კერძოდ „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მოთხოვნათა შეუსრულებლობა.

✅კომისიამ განიხილა საკითხები „საქართველოს ენერგოსისტემის ელექტრულ ქსელებში ელექტროენერგიის ნორმატიული დანაკარგების დამტკიცების შესახებ“ სემეკის დადგენილებაში ცვლილების შეტანის შესახებ“. ცვლილებები ეხება სს „თელასისა“ და სს „საქართველოს სახელმწიფო ელექტროსისტემის" გამანაწილებელ ქსელში ელექტროენერგიის ნორმატიული დანაკარგების გადაანგარიშებას.

✅კომისიამ განიხილა საკითხები შპს „სოკარ ჯორჯია გაზის“, სს „საქორგგაზის“, შპს „თბილისი ენერჯისა“ და შპს „თელავგაზის“ 2024-2028 წლების საინვესტიციო გეგმის შეთანხმების შესახებ“.

✅სხდომაზე იმსჯელეს ასევე, „სს „ეპ ჯორჯია გენერაციის“, „შპს „ჯორჯიან უოთერ ენდ ფაუერის“, „შპს „ენგურჰესის“ და „შპს „ვარდნილჰესების კასკადის“ მიერ ელექტროენერგიის წარმოების ტარიფების გაანგარიშების მიზნით წარმოდგენილი 2023-2025 წლების საინვესტიციო გეგმის შეთანხმების შესახებ..

✅კომისიამ განიხილა საკითხები ელექტროენერგიისა და წყალმომარაგების გამანაწილებელ ქსელებზე ახალი მომხმარებლების მიერთების ვადებთან დაკავშირებით.

#სემეკი
#როცაბალანსიდაცულია

✅სემეკის იურიდიული დეპარტამენტის წარმომადგენელმა ანა ნებიერიძემ ენერგეტიკის მარეგულირებელთა რეგიონალური ასოციაციის (ERRA) მომხმარებელთა უფლებების დაცვის სამუშაო ჯგუფის შეხვედრაზე წარადგინა პრეზენტაცია საქართველოს ენერგეტიკის სექტორში მომხმარებელთა უფლებების დაცვის მიმართულებით არსებული საკანონმდებლო სიახლეების შესახებ.

➡️ანა ნებიერიძემ ისაუბრა მე-4 ენერგეტიკული პაკეტის ტრანსპოზიციის ფარგლებში „განახლებადი წყაროებიდან ენერგიის წარმოებისა და გამოყენების წახალისების შესახებ“ საქართველოს კანონში დაგეგმილი საკანონმდებლო ცვლილებების შესახებ.

📍 სამუშაო ჯგუფის შეხვედრა გაიმართა ენერგეტიკის მარეგულირებელი უწყების (E-Control) ორგანიზებით და მასში მონაწილეობა მიიღეს ERRA-ს 20-მდე წევრი ქვეყნის მარეგულირებელი ორგანოს წარმომადგენლებმა.

🟢16-18 ნოემბერს საქართველოში კონკურენციის პოლიტიკის აღსრულებისა და მომხმარებლის უფლებების დაცვის შესახებ რიგით II საერთაშორისო კონფერენცია გაიმართება.

➡ კონფერენციის შესახებ დეტალური ინფორმაცია განთავსებულია შემდეგ ბმულზე: https://ccc.gov.ge/

#სემეკი
#კონფერენცია #მარეგულირებელი
#მომხმარებელთაუფლებები

📣16-18 ნოემბერს საქართველოში კონკურენციის პოლიტიკის აღსრულებისა და მომხმარებლის უფლებების დაცვის შესახებ რიგით II საერთაშორისო კონფერენცია გაიმართება, სადაც სემეკის თავმჯდომარე, დავით ნარმანია ენერგეტიკის სექტორში კონკურენციის განვითარების პერსპექტივების შესახებ მოხსენებით წარდგება.

🟢5 მარეგულირებელი უწყების მიერ ორგანიზებული ყოველწლიური საერთაშორისო კონფერენციის მიზანია საქართველოში კონკურენციის პოლიტიკის გაძლიერება და მომხმარებლის უფლებების მექანიზმების გაუმჯობესება.

📍 კონფერენციის შესახებ დეტალური ინფორმაცია განთავსებულია შემდეგ ბმულზე: https://ccc.gov.ge/

#სემეკი
#კონფერენცია #მარეგულირებელი
#მომხმარებელთაუფლებები


✅GNCA•საქართველოს კონკურენციის ეროვნული სააგენტო
✅საქართველოს ეროვნული ბანკი • National Bank of Georgia
✅კომუნიკაციების კომისია | Communications Commission
✅დაზღვევის სახელმწიფო ზედამხედველობის სამსახური
✅სემეკი - ენერგეტიკისა და წყალმომარაგების მარეგულირებელი კომისია

✅საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, თბილისის სახელმწიფო უნივერსიტეტის პროფესორმა დავით ნარმანიამ დავით აღმაშენებლის სახელობის საქართველოს ეროვნული თავდაცვის აკადემიის იუნკერებისთვის სემეკის საქმიანობის შესახებ ლექცია წაიკითხა. დავით ნარმანიამ მათ გააცნო მარეგულირებელი კომისიის როლი ენერგეტიკისა და წყალმომარაგების სექტორების ფუნქციონირებაში.

🟢დავით ნარმანიამ მონაწილეებს დეტალური ინფორმაცია მიაწოდა რეგულირებას დაქვემდებარებული კომპანიების ვალდებულებებისა და ელექტროენერგიის, ბუნებრივი გაზის, წყალმომარაგების მომხმარებელთა უფლებების შესახებ. ლექციის ფარგლებში იუნკერებმა მოისმინეს სემეკის მიერ 2022-2023 წლებში განხორციელებული პროექტები და საქართველოს ენერგეტიკის სექტორის განვითარების პერსპექტივები.

🟩დავით აღმაშენებლის სახელობის საქართველოს ეროვნული თავდაცვის აკადემია ამიერკავკასიაში ერთ-ერთი წამყვანი უმაღლესი სამხედრო დაწესებულებაა, რომელიც თანამედროვე მეთოდებით, თეორიული და პრაქტიკული ცოდნით აღჭურვილი, კონკურენტუნარიანი ოფიცრების მომზადებას უზრუნველყოფს.

#სემეკი
#დავითნარმანია

ეროვნული თავდაცვის აკადემია / National Defence Academy

🟢საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის გასვლით სხდომაზე, რომელიც USAID-ის მხარდაჭერით ორგანიზებულ ორდღიანი ღონისძიების ფარგლებში გაიმართა, სემეკის საქმიანობის ანგარიში წარადგინა.

✅დავით ნარმანიამ ისაუბრა ენერგეტიკისა და წყალმომარაგების სექტორებში არსებული მდგომარეობისა და ევროპის ენერგეტიკული პაკეტის იმპლემენტაციის შესახებ.

♻️სემეკის თავმჯდომარის თქმით, მარეგულირებელ კომისიას 30-ზე მეტი ნორმატიული აქტი აქვს მიღებული, რომელიც წარმოადგენს ენერგეტიკული გაერთიანების წევრობით აღებულ ვალდებულებას.

➡ „სემეკი დღესაც აქტიურად მუშაობს ნორმატიული აქტების მიმართულებით, რომლის მიზანიცაა ენერგეტიკულ ბაზარზე ახალი რეგულაციების დაწესება და ბაზრის ლიბერალიზაციის პროცესის ხელშეწყობა. სემეკის მიერ მომზადებულია ბაზრის გახსნისთვის ფუნდამენტურად მყარი სამართლებრივი ჩარჩო, რამაც კიდევ უფრო გააუმჯობესა მონაწილეების მზადყოფნის მაჩვენებლები.

📍 სემეკის მიერ მიღებული ნორმატიული აქტები მნიშვნელოვანია ენერგეტიკულ ბაზარზე ეფექტიანი კონკურენციის არსებობისა და განვითარებისთვის სათანადო პირობების შესაქმნელად. უნდა აღინიშნოს, რომ ბაზრის ლიბერალიზაციის პროცესში სემეკის ერთ-ერთი ძირითად ფუნქციას წარმოადგენს ენერგეტიკული ბაზრის მონიტორინგი და ზედამხედველობა, შეზღუდული ქმედებების დროულად გამოვლენა და აღმოფხვრა, რა მიმართულებითაც შესაბამისი წესები უკვე შემუშავდა“, - აღნიშნა დავით ნარმანიამ.

✅USAID-ის მხარდაჭერით ორგანიზებულ ღონისძიებაზე მონაწილეებს სიტყვით მიმართეს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ დავით სონღულაშვილმა, ეკონომიკისა და მდგრადი განვითარების მინისტრის პირველმა მოადგილემ რომეო მიქაუტაძემ, USAID/საქართველოს ეკონომიკური ზრდის ოფისის ენერგეტიკის სექტორის მრჩეველმა ნიკოლოზ ოყრეშიძემ. ღონისძიებაში მონაწილეობდნენ ენერგეტიკის სექტორში მოქმედი კომპანიების წარმომადგენლები და დარგის ექსპერტები.

#სემეკი
#ენერგეტიკა
#როცაბალანსიდაცულია

The USAID Securing Georgia’s Energy Future Program
USAID/Georgia