nutritionbyhajar

تنظم وزارة الصحة الحملة الوطنية للتحسيس حول التغذية عند الأم و الطفل، تحت شعار "الأيام الألف الأولى أساس مستقبل أفضل" و تستمر هذه الحملة ابتداءا من 24 يونيو و تمتد إلى غاية 24 يوليوز.

خطوات للزيادة في الوزن بطريقة صحية خلال شهر رمضان المبارك 👇
Partagez avec vos proches 💕

نصائح عامة يجب اتباعها للحفاظ على الوزن و تفادي المشاكل الصحية خلال شهر رمضان المبارك👇👇
Instagram: nutritionbyhajar

ورشة حول التغذية الرياضية (حالة لاعب كرة القدم) لفائدة لاعبي فئة الشبان و الفتيان أبناء أطلس فوت أيت أورير.
الشكر لجميع القائمين على هذه الورشة 👌

هاد البوست لي باغي يتعلم كيفاش يختار منتوجات صحية و يكتاشف حقيقة بعض المنتوجات لي كاتروج على أساس أنها صحية.
🔸️ملاحظات مهمة خاصنا نعرفوها:
🔹️أول حاجة فاش تبغيو تقراو القيمة الغذائية شوفو عدد الحصص لي فالمنتج حيت التفاصيل الأخرى مكتوبة على حسب الحصة الواحدة من المنتج ماشي كامل.
👈 مثال: منتج فيه 200 غرام و كاتبين يحتوي على 4 حصص، يعني دوك السعرات الحرارية و التفاصيل الأخرى راه ديال 50 غرام فقط ماشي ديال 200 غرام.
🔹️ إلا بغيتو تقارنو بين جوج أنواع من نفس المنتج، دائما قارنو لكل 100غ من المنتج ماشي لكل حصة واحدة، حيت ممكن يكون نوع الأول الحصة الواحدة فيها 25غرام و النوع التاني الحصة الواحدة فيها 30غ 🤷‍♀️
🔹️ من بعد تقدرو تشوفو بقية التفاصيل، كمية الدهون، السكريات، الألياف، البروتينات، الملح ... و تقارنوها مع هادشي لي مكتوب فالبوست باش تعرفو واش ديك الكمية عالية، متوسطة و لا منخفضة.
🔸️ قراءة الملصقات ماشي سهل و لكن مع المداومة أتولي متمرن و تعرف تختار شنو كاتاكل باش تبقى محافظ على النظام الغذائي ديالك

ها علاش خاص يكون عندنا جهاز هضمي سليم 👇
🔸️لتجنب الإمساك
🔸️لبناء أنسجةالعضلات
🔸️لشعر صحي
🔸️لصحة الجلد
🔸️لصحة الدماغ
🔸️لصحة القلب و الأوعية الدموية
🔸️لجهاز مناعي قوي
🔸️لتجنب الحساسية لبعض الأطعمة
لذلك إلا كنتي كاتعاني من سوء الهضم !! هادو بعض الأشياء البسيطة لي يمكن ليك ديرها باش تساعد الجهاز الهضمي ديالك

https://youtu.be/s4nctOyTAm4
These apple, Cinnamon, ginger muffins are healthy, fluffy and so easy to make. Made with whole wheat flour, honey and apple sauce, these muffins are a guilt free breakfast or snack with no added sugar and clean ingredients.

كيك موفين التفاح، القرفة و الزنجبيل، وصفة سريعة التحضير، لذيذة، و صحية 👈 تقدرو تعوضو دقيق القمح ب دقيق الشوفان ، و الياغورت ب 100 مل حليب خالي الدسم، و العسل بشراب القيقب أو سكر سنيدة و كومبوت التفاح بموزة ممعوكة أو بودرة الكاك...

بعض المتكافئات السكرية باش تبدلو و تنوعو من النظام الغذائي ديالكم بلا ماتخسرو البروغرام.

⚠️هاد المتكافئات السكرية مهمين خصوصا عند مرضى السكري⚠️

إلى كنتي كاتعاني من نقص الحديد في الجسم، فمن الأحسن تجنب هذه الأطعمة في وقت الوجبات أو وقت أخد المكملات الغذائية.
🔸️يمتص الحديد من الأطعمة ذات الأصل الحيواني بشكل أفضل (25 إلى 35٪) مقارنة بالأطعمة ذات أصل نباتي. (1 إلى 5٪).
🔹️ومن بين الأطعمة ذات أصل حيواني الغنية بالحديد نجد: أصفر البيض واللحوم الحمراء والمأكولات البحرية والأسماك الزيتية (السردين والسومون والماكرو ...).

🔴 ملحوظة: على الرغم من أن الكبد واللحوم العضوية غنية بالحديد ، إلا أن تناولها ممنوع تمامًا أثناء الحمل ، حيث يقدر تراكم عليها العديد من المواد الضارة للجنين.
.
🔹️ و من بين الأطعمة النباتية الغنية بالحديد نجد:
الخضار الخضراء: نبات القراص والبقدونس والسبانخ
الطحالب: مثل السبيرولينا،
- البقوليات: الفاصوليا الحمراء والبيضاء والحمص والبازلاء والعدس
- الثمار الزيتية (لوز ، بندق ، جوز ، فستق) ، سمسم ،
المشمش المجفف والتين المجفف
- منتجات الحبوب وخاصة الدخن والشوفان
- التوابل والبهارات: الزعتر والكمون والكاري والزنجبيل
🔸️يعزز وجود فيتامي "س" امتصاص الحديد بينما تقلل التانينات (المتواجدة في الشاي، القهوة، المشروبات الغازية...) و الفيتات، و الألياف و المنتوجات الحليبية (بفعل كالسيوم/فوسفور) امتصاصه.

هادي مقولة كانسمعوها بزاف "ماتعشاش باش تنقص"
أو "تعشى قبل ٧ باش تنقص الوزن" 🚫 غلط غلط
👈 الجسم راه كاياخد داكشي لي كايحتاج و لي بقى كايخزنو.
👈 لذلك إلى بقينا ضمن احتياجات الجسم ديالنا اليومية من السعرات الحرارية، فماغنزيدوش فالوزن، الوقت المتأخر ماعندوش علاقة بنقصان أو زيادة الوزن، هو فقط احتراز لتجنب بعض المشاكل الصحية كعسر الهضم ، اضطرابات في النوم ...
👈 الماكلة راه ماكاتحولش لدهون بعد ٧ مساء 😅 حيدو هاد الفكرة من راسكم

دائما حاولو تجمعو بين مصدر للبروتين(بيض، دجاج، سمك ...) و مصدر للنشويات (خبز، بطاطس،...) مع الإنتباه إلى الكمية التي تختلف من شخص لآخر حسب الإحتياجات و الهدف.
✅ بهاد الطريقة غادي تشبعو لمدة أطول و غادي تبقاو ضمن حاجياتكم من السعرات الحرارية و بالتالي غادي تنقصو فالوزن 😉
⚠️ ردو البال لوقت تناول العشاء ، ماشي تاكلو و تنعسو 😅
👈 تاغيو داك لي كايتعشى بالتفاح باش ينقص الوزن 😅 و إلا عجبكم بوست ماتنساوش لايك ❤ ، و شاركوه مع من يهمه الأمر

بزاف ديال الحوايج يقدرو يتسببو في الإمساك ! في الغالب السبب الرئيسي هو النظام الغذائي الغير متوازن، كذلك مانساوش بلي حتى الإجهاد و القلق... يقدر يأتر بشكل كبير .

هادو بعض الأسباب و كذلك النصائح لتحفيز حركة الأمعاء، لأن الإمساك مشكل يؤثر بشكل كبير على الراحة اليومية.
شاركو معايا الحلول لي كديرو نتوما باش تخففو من الإمساك في التعاليق 👇👇

دبا غنشرح ليكم كيفاش نقدرو نرجعو مستوى الحرق للطبيعي 👇👇
🔴 اعتماد نظام غذائي غني بالبروتينات، تناول مصادر للبروتينات (حيوانية و/أو نباتية) في كل وجبة رئيسية، مع تعويض السكريات السريعة بالسكريات البطيئة الغنية بالألياف مثل القمح، الشوفان، الأرز الأسمر، المعجنات الكاملة.
🔴 الحصول على نوم كاف و جيد، 7 إلى 9 ساعات في اليوم، يساعد على تهدئة هرمونات الجوع التي تكون نشيطة عندما تحرم نفسك من النوم. النوم الجيد بين الساعة 9 و11 مساء و الإستيقاظ بين الساعة 6 و 8 صباحا ضروري لتجديد الطاقة و الخزائن العصبية.
🔴 زيادة معدل (non-exercise activity termogensis) NEAT: و هذا يعني المشي أكثر، أخد السلالم، الرقص...، تحرك أكثر.
🔴 اعتماد تمارين القوة بأوزان 3 مرات في الأسبوع . لا يجب الإعتماد فقط على الجري و الكارديو لإنقاص الوزن، يجب التمسك ب 3 حصص من تمارين المقاومة على الأقل في الأسبوع (ليس من الضروري الذهاب إلى الصالة الرياضية، يمكن القيام بها في المنزل) ستلاحظ الفرق و تغير في لياقتك البدنية.
🔴 الإكثار من شرب السوائل خلال اليوم (2 إلى 3 لتر في اليوم) سيقلل من الإنتفاخ، يساعد على الهضم، يحسن الإدراك،.....
🔴 تجنب الحميات القاسية كيف سبق و شرحت فالبوست لي قبل، فاش الجسم مكايبقاش يتلقى سعرات حرارية كافية، سيقلل من معدل الأيض، لذلك يجب احترام التوازن بين البروتينات، السكريات و الدهون، بينما تعزز البروتينات توليد الطاقة، لا ينبغي الإفراط في الكمية، يجب اتباع نظام غذائي متوازن ليعمل الجسم بشكل جيد .
🔹️ 15% بروتينات 🔹️ 55% سكريات 🔹️ 30% دهون. كقاعدة عامة، خارج حصص كمال الأجسام التي تتطلب المزيد من البروتينات.
إلى عجبكم البوست و استفدو منو ماتنساوش ديرو 👍، تشاركوه مع الأقارب ديالكم، تاغيو صحابكم و تسجلوه عندكم تقدرو تحتاجوه من بعد.⬇️
Follow for more 💕

#تخسيس #إنقاصالوزن #كالوري #حمية #ريجيم #حرق #حارقدهون

كيفاش نقدرو نرجعو عملية الحرق للمستوى الطبيعي ديالها؟؟
🕯عند الشخص لي سبق ليه و تبع ريجيم معين (غالبا كيكون ريجيم قاسي) يقدر يكون مستوى الحرق أو معدل الأيض عندو أبطأ بنسبة 5 بالمئة حتال 15 بالمئة مقارنة بشخص لم يتبع أي ريجيم أو تبع نظام غذائي صحي مناسب.
🕯فاش كناكلو أقل من داكشي لي كانحتاجو، فالجسم يمر بما يسمى التكيف الأيضي:
👈 مستوى الحرق ينقص 👈 ينخفض إنفاقك للطاقة خلال التمارين الرياضية 👈 يصبح أداء التمارين أكثر صعوبة 👈 مع الحرمان و عدم توفر الطاقة اللازمة يطلب الجسم كمية أكبر من الطعام 👈 و مع مستوي حرق أقل، تمارين أقل و أكل أكثر 👈 اكتساب وزن.
🔶️ واخا كيفاش نقدرو نرجعو عملية الحرق للمستوى الطبيعي ديالها؟؟ بصيغة أخرى كيفاش يمكن لينا نزيدو من معدل الأيض ديالنا ؟؟؟؟؟
🔶️ الحل ماشي هما الأدوية أو المكملات و الوصفات الحارقة للدهون❌ تسناو البوست المقبل باش تعرفو كيفاش 😉

🔷️ و دبا قولو ليا شحال من مرة تبعتو ريجيم و حبستوه ؟؟
🔷️ ماتنساوش تسجلو البوست عندكم ↗️ و ديرو 👍 إلى عجبكم الموضوع و شاركوه مع من يهمه الأمر .

⚠️⚠️⚠️ مهم جدا خصوصا لمرضى السكري ⚠️⚠️⚠️
شنو هو مؤشر ارتفاع نسبة السكر في الدم؟ و شنو العوامل التي تؤثر عليه؟؟ كلشي مشروح فالصور لتحت 👇👇👇 كاينين كذلك بعض العوامل الأخرى التي تؤثر على مؤشر نسبة السكر في الدم في الطعام مثل :
🔸️ وقت تفريغ المعدة (vidange gastrique)
🔸️ كتافة الطاقة (densité énergétique)
🔸️ كمية الألياف القابلة للذوبان المتوفرة
🔸️ كمية السكريات المتواجدة بالطعام
🔸️ الطبيعة البيوكيميائية للسكريات المتوفرة ..
👈 هاد البوست مهم بزاف خصوصا بالنسبة للناس لي عندهم داء السكري.
👈 بتغييرات بسيطة نقدرو نحسنو من اعتدال نسبة السكر في الدم عندنا:
🔹️ كلما كان الطعام مطحون كلما كايتزاد مؤشر نسبة السكر في الدم
🔹️ كلما كان الطعام طايب لمدة طويلة كلما كايتزاد مؤشر نسبة السكر في الدم
🔹️ كلما كان الطعام يحتوي فقط على الأغذية لي فيها الكربوهيدرات (أي غير متكامل من حيت البروتينات، الدهون و الألياف) كلما كايتزاد مؤشر نسبة السكر في الدم .
إلى عندكم شي تساؤل حول هاد الموضوع خليوه ليا فالتعاليق 👇👇👇
و إلى استافدو من هاد البوست ماتنساوش 👍 و شاركوه مع الأقارب ديالكم باش كلشي يستافد
Follow me for more 💕
#صحة #داءالسكري #مؤشرنسبةالسكر #حمية #كاربوهيدرات #المغرب #مراكش

https://youtu.be/hxDW_c9I4IU

8 أفكار وجبات خفيفة صحية
للمزيد من الوجبات الصحية و المعلومات الغذائية
Follow : on youtube/Instagram

https://youtu.be/hxDW_c9I4IU
#صحة #حمية

8 وجبات خفيفة صحية بدون طهي متوفرة في كل بيت 😋| healthy snacks معكم أخصائية في الحمية و التغذية العلاجية هاجر الكوفي. 👈 تابعوني على مواقع التواصل الاجتماعي لي كانشارك معكم فيهم يوميا معلومات عامة حول التغذية و وصفات صحية...

فايت واقعا ليك ؟
👈 الجمل بحال : نهار الإثنين نبدا ، الأول ديال الشهر نبدا، الأول ديال السنة نبدا .... كيخليوك تقنع راسك أن الأكل ديالك كامل غير صحي، و أنك غاتبقا ديما حاصل فنفس الدوامة و أنك غير قادر على اتباع نمط حياة صحي.
🔸️ شنو غادي يوقع إلى كليتي داكشي لي كايعجبك مرة أو جوج أو حتى 3 مرات في الأسبوع؟
🔸️ شنو غادي يوقع إلى حبستي فكل نهاية أسبوع من الإنفجار من وراء الضغط لي كنتي حاط راسك فيه الأسبوع كامل؟
🔸️ شنو غادي يوقع إلى حبستي نهار الأحد من الشعور بالذنب و بأنك فاشل و و و و ....؟
👈 خاصك تعلم تفهم شنو هو الأكل المتوازن، تفهم الجسد ديالك، تفهم السعرات الحرارية، تفهم الماكرو و الدور ديال كل واحد فيهم (بروتينات، دهون و سكريات) باش تحصل على نتائج مزيانة و دااااائمة.
👈 إلى فايت ليك قلتي نفس الجملة أو تحطي فنفس الروتين خلي ❤ و تاغي صحابك باش مايعودوش نفس الخطأ 👇

الأكل له تأثير كبير على صحة الشعر و تغذية الشعر تبدأ من الداخل و تنعكس على صحة الشعر الخارجية.
🌸 الأطعمة المذكورة تحتوي على البروتينات، الحديد، البيوتين، الزنك، الفيتامينات A، C، D و E و كذلك الدهون الصحية المفيدة لصحة الشعر.
🌸 في حالة تبين وجود نقص في إحدى هذه العناصر حاولو إضافة هذه الأطعمة إلى نظامكم الغذائي.
🌸 عادة لا يكون تساقط الشعر مشكلة تدعو للقلق، يتم التقليل أو التخلص منها عن طريق حمية غذائية و/أو مكملات غذائية. و لكن في بعض الأحيان قد يكون تساقط الشعر علامة على وجود مشكلة صحية أو حالة طبية، وجب القيام بالفحوصات اللازمة و استشارة الطبيب لمعالجة المشكلة من الأساس.
💕 ماتنساوش تسجلو البوست عندكم و تشاركو المعلومة مع من يهمه الأمر لتعم الفائدة 💕
Follow sur Instagram for more 🌸
#أنيميا #فقرالدم #الزنك #الحديد #حمية

بذور الشيا، قليل لي كايعرفها رغم الفوائد الكبيرة ديالها على الصحة
فوائدها و مكوناتها الغذائية 👇👇👇👇

Follow : sur Instagram

الأكل خلال الشغل ممكن يأثر بزاف على النظام الغذائي للشخص و بالتالي على الصحة ديالو.
لذلك نحاولو ما أمكن نجيبو معانا وجبات خفيفة و الغذاء من الدار.
🌸 أمثلة للوجبات الخفيفة الصحية :
حصة فاكهة 150 غرام أو حصة مكسرات 60 غرام أو ياغورت ، أو سناك بار صحي أو قطعة كيك، بيسكوي محضر بالمنزل.
🔸️ تجنبوا شرب السعرات الحرارية، مثل الحليب بالشوكولا أو القهوة المخفوقة بالكريما أو العصائر السكرية أو المشروبات الطاقية. تفضيل قهوة عادية بدون سكر، أو مشروب الشاي المثلج أو فقط الماء المعدني.
🌸 أمثلة لوجبة غداء متوازنة :
🔸️سلطة خضرمتكاملة مع أرز أو معجنات أو بطاطس مع بيض أو تونة (حصتان من الخضر، و حصة واحدة من البروتينات و حصة واحدة من النشويات) .
🔸️ طبق لحم أو دجاج مشوي مع خضر و حصة نشويات (أرز أو معجنات أو بطاطس أو قطعة خبز).
👈 تجنب الوجبات السريعة المقلية كثيرة الزيت و التي لا تحتوي على خضروات
👈 أخذ الماء بدل المشروبات الغازية مع الوجبة.
🌸 إلا عجبك البوست و ستافدي منو، خلي ❤ تاغي الأصدقاء ديالك فالشغل و ماتنساش تشاركو مع الأقارب باش كلشي يستافد 😉
Follow : for more 💕

🚨 Prebiotic vs Probiotic 🚨

من المهم الحرص على تناول هذه الأغذية بانتظام فهذا يحسن من:
🔸️ عملية الهضم
🔸️ المزاج
🔸️ المناعة
🔸️ إدارة الوزن
🔸️ الهرمونات
👈 تؤخد المكملات لتحسين الهضم في حالة الإصابة بالقولون العصبي أو التهاب القولون أو لتقوية المناعة و الوقاية من الإنفلونزا في موسم البرد .
👈 من الأفضل تحضير المخللات في المنزل ، و تكون غير مبسترة و مخزنة بأمان، و تناولها باعتدال لأنها تحتوي على كمية مهمة من الملح.
👈 تفضيل الياغورت المدعم بالباكتيرية الصحية بدل الياغورت المحلى (خصوصا للأطفال).
💕 لايك و شارك البوست مع الأقارب للاستفادة 💕
Follow:

#بروبيوتيك #بريبيوتيك #قولون #مناعة #صحة

الإرتجاع المريئي هو مشكل دارج، يعاني منه الكثير من الناس، و يختلف من شخص لآخر...من بين العوامل التي تزيد من تفاقمه:
🔸️ السمنة (مؤشر كتلة الجسم أكبر من 30).
🔸️ الوزن الزائد في منطقة البطن (graisse abdominal)
🔸️ الإصابة ب Hernie hiatale par glissement.
🔸️ الحمل
🔸️ بعض الأدوية مثل الهرمونات (بروجيسترون).
🔸️ بعض الجزيئات المستخدمة في أمراض القلب و الشرايين.
🔸️ التبغ و الكحول.
👈 و هو اضطراب يحدث نتيجة ارجاع العصارة الحمضية من المعدة إلى المرئ ، ينجم عنه حرقة المعدة أو عسر الهضم.
⚠️ إذا كانت الأعراض تتكرر أو الآلام حادة، قد يكون مشكلة تستوجب علاجا طبيا ⬅️ استشارة الطبيب.
🌸 شاركوني فالتعاليق واش كاتعانيو من هاد المشكل و شنو هما الأطعمة لي كا تسبب ليكم في الإرتجاع 👇👇👇.
💕 ماتنساوش تسجلو عنكم المنشور و تشاركو المعلومة مع الأقارب لتعم الفائدة 💕

⚠️Nouvelle vidéo sur youtube au sujet de la rétention d'eau 💧👇👇👇👇👇
https://youtu.be/QmzFKyocAMo
💕Partagez la vidéo avec vos proche💕

أسباب احتباس الماء في الجسم و 4نصائح للتخفيف منه و الحد من أعراضه الجانبية تابعوني على انستغرام لي كانشارك معكم فيه يوميا معلومات و نصائح غذائية كتهم جميع المواضيع، كذلك تمارين رياضية في البيت 🔸️Instagram : https:/...