Sindh Home Department and Police

https://e.jang.com.pk/detail/573456

Jang Epaper Karachi تین ڈرائیونگ لائسنس برانچز میں مصنوعی ذہانت کے کیمرے کراچیکراچی کی تین ڈرائیونگ لائسنس برانچوں کی مانیٹرنگ کے لیے 61اے این پی آر اور آرٹیفیشل انٹیلی جنس بیسڈ کیمروں کی تنصیب کر دی گئی ہے،آن لائن بکنگ کرنے والے شہریوں...

کراچی
مور خہ 10نومبر 2023
کراچی 10 نومبر۔صوبہ میں امن و امان کی صورتحال کا جائزہ لینے کے لیے نگرا ن وزیر داخلہ بریگیڈیئر (ر) حا ر ث نوا ز کے صدارت خصوصی اجلاس کا انعقا د ہوا جس میں غیر قانونی تارکین وطن/غیر ملکی شہریوں کی وطن واپسی سے متعلق مختلف امور کے حوالے سے خصوصی جائزہ لیا گیا ۔سیکرٹری داخلہ محمد اقبال میمن،ایڈیشنل انسپکٹر جنرل پولیس کراچی،کمشنر کراچی، ڈپٹی ڈائریکٹر جنرل پاکستان رینجرز (سندھ)، ڈی آئی جی ایس پی یو، ڈی آئی جی پی، سی ٹی ، اسپیشل برانچ،کراچی زونل ڈی آئی جیز، مختلف انٹیلی جنس ایجنسیوں کے سینئر نمائندوں اور نادرا کے نمائندےو دیگر بھی شریک تھے۔نگرا ن وزیر داخلہ بریگیڈیئر (ر) حا ر ث نوا ز نے مختلف محکموں اور اداروں بالخصوص رینجرز، پولیس اور ضلعی انتظامیہ کی طرف سے واپس جانے والے تارکین وطن کو سہولیات اور رہائش فراہم کرنے میں کردار کو سراہا۔انہو ں نے کہا کہ غیر قانونی تارکین وطن کی واپسی کی پیش رفت کا جائزہ لینے کے لیے ہر منگل کو فالو اپ میٹنگ منعقد کی جائے ۔ نگرا ن وزیر داخلہ نےغیر قا نو نی تا رکین وطن کی ملک بدری کے عمل کو تیز کرنے کی ہدایت دی۔ اجلاس میں بریفنگ دیتے ہو ئے بتا یا گیا کہ محکمہ خزانہ سندھ نے غیر قا نو نی تا رکین وطن کی واپسی کے عمل کو آسان بنانے کے لیے مطلوبہ فنڈز جاری کر دیے ہیں۔ نگرا ن وزیر داخلہ بریگیڈیئر (ر) حا ر ث نوا ز نے کہا کہ غیر قانو نی تا رکین وطن کی واپسی کے اخراجات کو کنٹرول کرنے اور قواعد و ضوابط کی سختی سے پابندی کی جائے ۔ انہو ں نے کہا کہ عوام کے جان و مال کا تحفظ اور امن کو یقینی بنانا حکومت کی بنیادی ذمہ داری ہے۔ نگرا ن وزیر داخلہ سندھ بریگیڈیئر (ر) حا ر ث نوا ز نے پولیس اور رینجرز کو ہم آہنگی کے ساتھ ہر سطح پر حفاظتی اقدامات میں اضافہ کو یقینی بنانے اور انٹیلی جنس سروسز کے ذریعے مزید اضافہ کرنے کی ہدا یت دی۔ اجلاس میں شہر میں خصوصاً تعلیمی اداروں میں منشیات کی لعنت کے خا تمے پر بھی غور کیا گیا۔ بریگیڈیئر (ر) حار ث نوا ز نےمنشیات کی خرید و فروخت میں ملوث عناصر، ان کے کارندوں اور سرپرستوں کے خلاف جاری کارروائیوں کو مزید تیز کرنے کی ہدایت بھی دی۔انہوں نے کہا کہ سی پیک اور نان سی پیک سمیت تمام ترقیاتی منصوبوں پر کام کرنے والے چینی شہریوں کی فول پروف سیکیورٹی اولین ترجیح ہے اور اس لیے ٹھوس حفاظتی اقدامات کو یقینی بنایا جانا چاہیے۔
ہینڈآؤٹ نمبر 874۔۔۔ایم یو پی

KARACHI, NOVEMBER 10:
A special meeting was held here to review Law and Order situation in the Province with particular reference to various matters related to the repatriation of illegal immigrants/ foreign nationals.

The meeting chaired by the caretaker Minister for Home and Prisons Sindh Brig. (R) Haris Nawaz was participated by Secretary Home Department, Muhammd Iqbal Memon; Additional Inspector General of Police, Karachi; Commissioner, Karachi; Deputy Director General, Pakistan Rangers (Sindh), Karachi; DIG SPU; DIGP, CTD; DIGP, Special Branch; Karachi Zonal DIGsP, Senior representatives of different Intelligence Agencies and Rep of NADRA, and others.

Home Minister appreciated the roles played by various departments and institutions, particularly Rangers, Police and district administration, in providing facilities and accommodations for the returning migrants.

He directed to accelerate the pace of deportation process. He further said that every Tuesday follow up meeting will be held to review the progress of returning of illegal immigrants.

It was informed at the meeting that the Finance Department Sindh has released the required estimated funds to facilitate ongoing repatriation process, in the province. Emphasising the importance of transparency in all expenses related to the illegal immigrants evacuation process, the Home Minister stressed upon strict adherence to rules and regulations governing these expenses and to evolve a mechanism to ensure transparency.

The city police chief briefed the Home Minister about the overall law and order issues, especially the street crimes. Home Minister pointed out that it was the government’s basic responsibility to provide protection to the life and property of the people and to ensure peace. He directed the authorities concerned to take all possible measures to maintain the flow of daily life, economic activities and peaceful environment. “Enhancement of security measures at all levels must be ensured in coordination with police and rangers, further augmented by the intelligence services”, he added.

The meeting also deliberated on the menace of drugs in the city, especially in educational institution. Home Minister while reviewing the progress report of police actions and arrests against drug mafia, directed to enhance the ongoing operations against the elements involved in the sale, purchase of drugs, their operatives and patrons.

The Home Minister also received a security briefing on Chinese nationals working in projects related to the China-Pakistan Economic Corridor (CPEC) and other ventures. He observed that foolproof security of Chinese nationals working on all development projects, including CPEC and Non-CPEC, was the top priority and, there­fore, solid security measures must be ensured.

https://www.thenews.com.pk/print/1126064-financial-issues-facing-dna-and-serology-lab-to-be-resolved-home-minister

Financial issues facing DNA and serology lab to be resolved: home minister Sindh Caretaker Home Minister Brigadier Haris Nawaz has said that the caretaker provincial government will resolve all the financial issues related to the Sindh Forensic DNA and Serology...

کراچی، 4 نومبر:
نگراں وزیر داخلہ سندھ بریگیڈیئر (ر) حارث نواز نے کراچی یونیورسٹی کے احاطے میں واقع سندھ فرانزک ڈی این اے اینڈ سیرولوجی لیبارٹری (SFDL) کا دورہ کیا۔ انہوں نے ڈاکٹر پنجوانی سنٹر فار مالیکیولر میڈیسن اینڈ ڈرگ ریسرچ (PCMD) کے کردار کو سراہا۔

وزیر داخلہ نے کہا کہ SFDL درست، درست اور بروقت تجزیہ کے نتائج اور ثبوت پر مبنی نظام انصاف کی فراہمی میں معاونت کررہا ہے-

حارث نواز نے جائے وقوعہ سے شواہد اکٹھے کرنے کی اہمیت پر بھی زور دیا اور کہا کہ فرانزک تفتیش میں شواہد کو مؤثر طریقے سے اکٹھا کرنا اور پیک کرنا بہت ضروری ہے کیونکہ یہ کیس کی کامیابی سے تکمیل میں معاون ہوتا ہے۔ انہوں نے مزید کہا کہ "پولیس تفتیش کاروں کے لیے قابلیت سازی کے اقدامات بشمول مناسب تربیت اور ضروری سازوسامان کسی کریمنل کیس کو کامیابی سے حل کرنے کے لیے شرط ہیں"۔

انہوں نے آئی جی پی سندھ کو پولیس افسران کے لیے جائے وقوعہ سے شواہد اکٹھا کرنے، محفوظ کرنے اور ان سے نمٹنے کے حوالے سے تربیتی پروگراموں کو مزید مضبوط بنانے کی ہدایات جاری کیں۔

اس موقعہ پر کراچی یونیورسٹی کے وائس چانسلر پروفیسر خالد محمود عراقی؛ اس موقع پر پراجیکٹ ڈائریکٹر/انچارج SFDL ڈاکٹر اشتیاق احمد خان، پروفیسر ڈاکٹر عطا الرحمان، صدر لاء از مائے پروٹیکٹر فوزیہ طارق اور دیگر بھی موجود تھے۔

کراچی 28 اکتوبر۔نگراں وزیر داخلہ و جیل خانہ جات سندھ بریگیڈیئر (ر) حارث نواز نے کہا ہے کہ صوبے میں بغیر دستاویزات کے مقیم غیر ملکی شہریوں کی وطن واپسی کے منصوبے کو حتمی شکل دے دی گئی ہے اور اس سلسلے میں تمام ضروری رسمی کارروائیاں مکمل کر لی گئی ہیں۔ان خیالات کا اظہار نگراں وزیر داخلہ و جیل خانہ جات بریگیڈیئر (ر) حارث نواز نے اپنے دفتر میں غیر قانونی تارکین وطن کی وطن واپسی کے منصوبے سے متعلق اجلاس کی صدارت کرتے ہوئے کیا۔ اجلاس میں سیکریٹری ٹرانسپورٹ، ڈی جی پی ڈی ایم اے، کمشنرز کراچی، لاڑکانہ، شہید بینظیر آباد، زونل ڈی آئی جیز کراچی، ڈی آئی جیز اسپیشل برانچ، کراچی اور لاڑکانہ کے تمام ڈپٹی کمشنرز اور نادرا اور ایف آئی اے کے سینئر نمائندگان نے شرکت کی۔حارث نواز نے کہا کہ ان افراد کی یکم نومبر تک رضاکارانہ طور پر وطن واپسی کی حوصلہ افزائی کی گئی ہے اور حکومت ان کی باآسانی وطن واپسی کے لیے ضروری معاونت فراہم کرنے کے لیے پرعزم ہے۔ انہوں نے کہا کہ صوبے بھر میں مقررہ مقامات سے وطن واپسی کی کوششیں کی جائیں گی۔ ان مقامات پر کھانے کی فراہمی اور خواتین، بچوں اور بزرگوں کی خصوصی دیکھ بھال سمیت خصوصی انتظامات کیے جائیں گے۔وزیر داخلہ نے ہولڈنگ سینٹرز پر فول پروف سیکیورٹی انتظامات کے ساتھ ساتھ اپنے ممالک واپس جانے والے قافلوں کی سیکیورٹی پر بھی زور دیا۔ انہوں نے مزید کہا کہ کسی بھی ممکنہ مذموم عزائم کو ناکام بنانے کے لئے دشمن عناصر پر نظر رکھنے کی ضرورت ہے۔وزیر داخلہ نے واضح کیا کہ حکومت نہ صرف غیر قانونی افغان پناہ گزینوں بلکہ غیر قانونی طور پر مقیم دیگر تمام غیر ملکیوں کو بھی ان کے آبائی ممالک واپس بھیج رہی ہے۔ انہوں نے کہا "غیر قانونی غیر ملکیوں کے خلاف ریاستی کارروائی، بشمول ان کی ملک بدری، ملک کے قانون کے مطابق ہے تاکہ ملک کی حفاظت اور سلامتی کو یقینی بنایا جا سکے۔"اجلاس کو بتایا گیا کہ اس مقصد کے لئے کراچی، حیدرآباد اور جیکب آباد میں ایک ایک ہولڈنگ سینٹر قائم کیا گیا ہے۔ یہ مراکز رہائشیوں کی حفاظت اور تحفظ کے علاوہ طبی خدمات، ڈاکٹروں، ادویات اور صحت کی دیگر سہولیات تک رسائی بھی فراہم کریں گے۔اجلاس کو مزید بتایا گیا کہ صوبائی، ڈویژنل اور ضلعی سطح پر کنٹرول رومز قائم کیے گئے ہیں جو کوآرڈینیشن، مانیٹرنگ اور رپورٹنگ کریں گے۔ پولیس، نادرا، ایف آئی اے، پی ڈی ایم اے، اسپیشل برانچ اور دیگر انٹیلی جنس اداروں کے نمائندے کنٹرول روم کا حصہ ہوں گے۔اجلاس میں غیر قانونی تارکین وطن کو خصوصی ٹرینوں کے ذریعے بھیجنے کے امکانات پر بھی تبادلہ خیال کیا گیا تاکہ سیکیورٹی کے مسائل کو کم کیا جا سکے اور بغیر کسی رکاوٹ کے ایک ہی جگہ پر تمام ضروری سہولیات فراہم کی جا سکیں۔ وزیر داخلہ سندھ نے کمشنر کراچی کو فوکل پرسن نامزد کرتے ہوئے انہیں ہدایت کی کہ وہ اس تجویز پر وفاقی حکومت سے بات کریں۔

کراچی ، اکتوبر ۲۷:کشمیریوں سے اظہار یکجہتی کے لئیے وادی کشمیر میں یوم سیاہ کے موقع پر مزار قائد سے ریلی کا انعقاد کیا گیا۔ ریلی کی قیادت نگراں وزیر داخلہ سندھ بریگیڈیئر (ر) حارث نواز نےکی۔ ریلی کے شرکاء نے ہاتھوں میں پاکستانی اور کشمیری پرچم تھامے ہوئے تھے۔

انھوں نے کہا کہ سات دہائیوں سے کشمیریوں کو بدترین ریاستی دہشت گردی کا نشانہ بنایا جا رہا ہے لیکن کشمیریوں نے ان کے ظلم کے آگے ہتھیار نہیں ڈالے بلکہ بھارتی افواج کے ظلم کے آگے ڈٹ کر کھڑے رہے۔

انھوں نے کہا کہ حکومت پاکستان، پاکستان کے عوام، اور دنیا بھر میں بسنے والے کشمیری ہر سال 27 اکتوبرکا دن یوم سیاہ کے طور پر مناتے ہیں جسکا مقصد عالمی برادری کو یہ باور کرانا ہے کہ بھارت نے کشمیریوں کی سرزمین پر انکی خواہشات کے برعکس قبضہ کررکھا ہے۔

انھوں نے کشمیر کے تمام شہداء جنہوں نے جدوجہد آزادی کے لیے اپنی جانیں قربان کیں کو خراج عقیدت پیش کرتے ہوئے کہا کہ ہم آج مقبوضہ کشمیر کے نہتےمظلوم بہن بھائیوں کے ساتھ مکمل یکجہتی کا اظہارکرتے ہیں۔ پاکستان کشمیریوں کی سیاسی،اخلاقی اورسفارتی حمایت جاری رکھے گا اور ہم آج بحیثیت قوم بھارت کے غیر قانونی قبضے کی مذمت اور کشمیری عوام کیلئے اپنی غیر متزلزل حمایت کا اعادہ کرتے ہیں۔

محکمہ اطلاعات
حکومت سندھ
کراچی
نگراں صوبائی وزیرداخلہ سندھ بریگیڈیئر (ر)حارث نواز اور نگراں وزیر اطلاعات بلوچستان جان اچکزئی کی مشترکہ پریس کانفرنس

کراچی، 23 اکتوبر: صوبائی وزیرداخلہ سندھ بریگیڈیئر (ر)حارث نواز اورصوبائی وزیراطلاعات بلوچستان جان اچکزئی نے مشترکہ پریس کانفرنس سے خطاب کیا ۔ اس موقع پر خطاب کرتے ہوئے صوبائی وزیرداخلہ سندھ بریگیڈیئر (ر)حارث نواز کہا ہےکہ غیرقانونی مقیم افراد کو مقررہ وقت دیا گیاہے کہ وہ رضاکارانہ طورپرملک سے چلے جائیں، جورجسٹرڈ نہیں ہیں وہ رجسٹرڈ کروالیں،ہم ان کوواپسی میں سہولیات فراہم کرنے کوتیارہیں۔انہوں نے کہا کہ ہم نے تمام ڈیٹالے لیاہے۔ انھوں نے کہا کہ یہ تاثر غلط ہے کہ آپریشن صرف ایک قومیت سے تعلق رکھنے والوں کے خلاف ہے ، بلکہ یہ تمام غیر قانونی طور پر مقیم غیرملکیوں کے خلاف ہے۔

اس موقع پر صوبائی وزیراطلاعات بلوچستان جان اچکزئی نے کہا کہ بلوچستان سمیت ملک بھرسے غیرملکیوں کونکالنے میں ایک ہفتہ رہ گیاہے،بلوچستان حکومت غیرقانونی مقیم لوگوں کوچن چن کر نکالے گی۔ہم نے ایگزٹ پوانٹ قائم کردیئے ہیں اورکیمپ بھی بنائے ہیں ،جونہیں جارہے ان کوگرفتاری اورمقدمات کاسامنا کرناپڑے گا۔ریاست کوغیرقانونی مقیم لوگوں پرتشویش ہےیہ غیرقانونی سرگرمیوں میں بھی ملوث ہیں۔ سیاسی جماعتیں غیرقانونی مقیم لوگوں کی سرپرستی نہ کریں۔جس نے کوشش کی اس کا مطلب ریاست کے خلاف کام کیا۔بلوچستان میں ہائی ویزکوبلاک کرنے کوبرداشت نہیں کریں گے،قبائلی تنازعات کوقبائلی طریقے سے حل کریں گے۔تمام تروفاقی ادارے اس سلسلے میں اپناکام کررہے ہیں سندھ کے وزیرداخلہ سے آج اس لئے ملاقات بھی کی ہےاورہم مشترکہ کوششیں کررہے ہیں۔ انہوں نے کہا کہ ہم کوسٹل ہائی وے کومحفوظ بنائیں گےاور انٹری ایگزٹ پوائنٹ کوبھی محفوظ بنارہے ہیں۔ جان اچکزئی نے کہاکہ غیرقانونی ایرانی ڈیزل ہویاافغانی سامان اسمگلنگ کے خلاف آپریشن جاری ہے۔
ہینڈ آؤٹ (ایم یو پی)

پولیس تفتیش میں تکنیکی خامیاں نظام انصاف کی وہ خرابی ہے جس کا فائدہ اُٹھا کر جرم کرنے والے رہا ہوجاتے ہیں۔ اس خامی پر قابو پانے کیلئے کراچی میں جدید فارنسک لیب بنانے کا آغاز ہوگیا۔ اس لیب میں ڈی این اے اور پولی گرافک سمیت 14 مختلف ٹیسٹ کیے جاسکیں گے۔ منصوبے پر پندرہ سے بیس ارب روپے لاگت آئے گی۔

سندھ پولیس کو تکنیکی مدد کیلئے اب کہیں اور دیکھنے کی ضرورت نہیں رہی،،، کراچی میں جدید تقاضوں سے ہم آہنگ فارنسک لیب کی تعمیرات کا کام زوروشور سے جاری ہے ۔ محض ڈیڑھ برس میں 45 فیصد کام مکمل کرلیا گیا جبکہ جون 2025 تک اسے مکمل کرلیا جائے گا ۔ لیب میں پیتھالوجی ، بیلسٹک آرمز، نارکوٹکس اور دیگر ٹیسٹ کی سہولت ہوگی جس سے تفتیش کو سائنٹفک بنیادوں پر مکمل کیا جاسکے گا۔ پروجیکٹ ڈائریکٹر محمد فیصل کہتے ہیں تکمیل کے بعد تمام ٹیسٹ اسی لیب میں کیے جائیں گے۔

لیب میں 400 سائنس دان اور دیگر ملازمین کام کریں گے۔ 30 ایکڑ رقبے پر پھیلی اس لیب میں دوسرے مرحلے میں ملازمین کے لیے رہائشی پروجیکٹ بھی تعمیر کیا جائے گا۔ لیب 3 عمارتوں پر مشتمل ہے جن میں استقبالیہ بلڈنگ، ایویڈنس کلیکشن بلڈنگ اور مرکزی بلڈنگ شامل ہے۔ تعمیرات عالمی معیار کے مطابق کی جارہی ہیں ۔

محکمۂ محکمہ اطلاعات حکومت سندھ فون۔99204401
کراچی
مور خہ20اکتوبر2023
نگران صوبائی وزیر داخلہ و جیل خانہ جات بریگیڈیئر (ریٹائرڈ) حارث نواز اور نگران صوبائی وزیر قانون عمر سومرو کی کراچی پریس کلب میں مشترکہ پریس کانفرنس۔
کراچی 20 اکتوبر ۔نگران صوبائی وزیر داخلہ و جیل خانہ جات بریگیڈیئر ریٹائرڈ حارث نواز اور نگران صوبائی وزیر قانون عمر سومرو نے آج کراچی پریس کلب میں مشترکہ پریس کانفرنس منعقد کی ۔نگران صوبائی وزیر داخلہ نے پریس کانفرنس سے خطاب کرتے ہوئے کہا کہ ملک میں غیر قانونی غیر ملکیوں کے خلاف کارروائی کی بابت آپ کو آگاہ کرنا پریس کانفرنس کا مقصد ہے۔انہوں نے کہا کہ دنیا میں یہ قانون ہے کہ غیر قانونی غیر ملکیوں کو ڈی پورٹ کیا جاتا ہے۔ہمارے ہاں غیر قانونی غیر ملکیوں کو ملک چھوڑ جانے کے لئے 31 اکتوبر کی تاریخ رکھی ہے۔جس کے بعد تمام متعلقہ ڈپٹی کمشنرز، متعلقہ ایس پیز، متعلقہ نادرا افسران پر مشتمل کمیٹیوں کی مدد سے شناخت کرکے غیر قانونی تارکین وطن کو ان کے ملکوں میں بھیج دیا جائے گا۔انہوں نے کہا کہ انڈیا، افغانستان ، بنگلہ دیش ، چائنیز، تنزانیہ، اور دیگر ملکوں کے لوگوں کو ڈی پورٹ کیا ہے۔انہوں نے کہا کہ کراچی میں جرائم، منشیات، آئس ،کوکین وغیرہ کے بڑھتے ہوئے رجحان کو ختم کرنے کے لئے ملوث افراد کے خلاف کارروائی کی جارہی ہے۔ایرانی پیٹرول وڈیزل کی اسمگلنگ میں ملوث عناصر کے خلاف کاروائی کی جارہی ہے۔کچے میں کریمنل ہتھیار ڈال رہے ہیں۔ باقیوں کے خلاف آخری کرمنل کی گرفتاری تک آپریشن جاری رہے گا۔صوبا ئی وزیر قا نو ن عمر سومرو نے کہا کہ غیر قانونی غیر ملکیوں کے خلاف بلا تفریق کارروائی کی جائے گی ۔ جو نہیں جائے گا اس کے خلاف قانون کے مطابق کارروائی کی جائے گی ۔جرائم پیشہ افرا د ، منشیات فرو ش اور دیگر کے خلاف کارروائی بلاتفریق جاری ہے ۔ایک سوال کے جواب میں نگران صوبائی وزیر داخلہ و جیل خانہ جات بریگیڈیئر ریٹائرڈ حارث نواز کہا کہ جہاں ضرورت ہوگی وہا ں پولیس افسر کو تبدیل کریں گے۔ امن و امان پر کوئی رعایت نہیں کی جائے گی۔ایک سوال کے جواب میں انہوں نے کہا کہ ہم بغیر کسی پریشر اور غیرجانبداری کے ساتھ کام کررہے ہیں ۔رانی پور کیس میں ڈی این اے رپورٹ منفی آئی ہے ، انکوائری جاری ہے اور متعلقہ ملزمان کو گرفتار کیا گیا ہے۔ ایک سوال کے جواب میں انہوں نے کہا کہ کچے میں پولیس ،رینجرز موجود ہیں اور ڈاکوؤں کے خلاف آپریشنز جاری ہیں۔کچے اور پکے کے علا قو ں میں ساتھ ساتھ آپریشن جاری ہے تاکہ جرائم پیشہ عناصر کے چھپنے کے مقامات سے ان کو گرفتار کیا جائے۔
ہینڈآؤٹ نمبر 827۔۔۔ایم یو پی

https://pakobserver.net/acting-us-cg-ambassador-at-large-calls-on-brig-haris/

Acting US CG, Ambassador at large calls on Brig Haris - Pakistan Observer The US Acting Consul General Jimmy Mauldin and Rashid Hussain Ambassador at Large for religious freedom along with the senior officials of the state department called on the Caretaker minister for Home and Prisons Sindh Brig. (R) Haris Nawaz at his office and discussed matters of mutual interest.....

https://youtu.be/b24ejuEGVCc?si=SQ0XQ2gSJx67XyKG

Minister Home & Prison, Sindh - Brig. (Retd) Haris Nawaz - SPL Draft 2023 | SPL Minister Home & Prison, Sindh - Brig. (Retd) Haris Nawaz delivers a compelling address at SPL Draft 2023, emphasizing unity, sportsmanship, and the power of ...

آپ کے ٹیچیر کی کوئی ایسی کہی بات جو آپکو آج تک یاد ہو بتائیے ہمارے اسپیشل شو میں آر جے عامر شاہ کے ساتھ آج رات 11 سے 12 بجے تک صرف سندھ پولیس ایف ایم 88.6 پر.

#

Follow us on:
👉Twitter: https://twitter.com/SPFM_tweets
👉Instagram: https://www.instagram.com/sindhpolice.fm88.6/
👉Facebook: https://www.facebook.com/SindhPoliceFm
👉Listen to us live on our website: http://sindhpolicefm.com/
👉YouTube channel: https://www.youtube.com/channel/UCq7Q-La1vyqPnii3HPKN0DA

محکمہ اطلاعات حکومت سندھ فون۔99204401
کراچی
مور خہ05 اکتوبر 2023

کراچی 05 اکتوبر ۔ نگراں وزیر داخلہ سندھ بریگیڈئیر (ر) حارث نواز نے سندھ پریمیئر لیگ ٹی ٹوئنٹی کرکٹ میچز کے منتظمین کو فول پروف سیکیورٹی انتظامات یقینی بنانے کی یقین دہانی کرادی۔ انہوں نے کہا، "ہم حصہ لینے والے کھلاڑیوں، آفیشلز کے ساتھ ساتھ تماشائیوں کو اور بھی زیادہ وسیع اور بہتر سیکیورٹی پلان کے ساتھ مکمل تحفظ فراہم کرنے کے لیے پرعزم ہیں۔ وہ مقامی ہوٹل میں منعقدہ سندھ پریمیئر لیگ ڈرافٹ تقریب سے مہمان خصوصی کی حیثیت سے خطاب کر رہے تھے۔ انہوں نے مزید کہا کہ بھرپور کوشش کی جائے گی کہ میچوں کے دوران ٹریفک کی روانی کو یقینی بناتے ہوئے شہریوں، اور تاجروں کی معمول کی سرگرمیوں میں خلل نہ پڑے۔
قبل ازیں صدر سندھ پریمیئر لیگ عارف ملک نے بتایا کہ سندھ پریمیئر لیگ (ایس پی ایل) ٹی ٹوئنٹی کرکٹ لیگ ہے جو خصوصی طور پر صوبہ سندھ کے غیر معمولی نوجوان کرکٹ ٹیلنٹ کو عالمی سطح پر متعارف کرانے اور ان کی تشہیر کے لیے بنائی گئی ہے۔ سندھ پریمیئر لیگ چھ مختلف ٹیموں پر مشتمل ہے، جن میں بے نظیر آباد لالز، کراچی گلیڈی ایٹرز، حیدر آباد بہادر، خیرپور رائلز، لاڑکانہ چیلنجرز اور سکھر پیٹریاٹس شامل ہیں۔ انہوں نے مزید کہا کہ ہمارے قومی ستارے اور بین الاقوامی کرکٹرز ایس پی ایل میں کھیلیں گے اور اسے عالمی سطح پر نشر کیا جائے گا۔ نگراں وزیر داخلہ سندھ بریگیڈئیر (ر) حارث نواز نے کہا کہ کھلاڑیوں سمیت غیر ملکی مہمانوں کو انٹیلی جنس ایجنسیوں، پولیس اور رینجرز کے ساتھ مل کر ایئرپورٹ، ہوٹلوں اور اسٹیڈیم کے درمیان قیام اور نقل و حرکت کے دوران اعلیٰ سطح کی سیکیورٹی فراہم کی جائے گی۔
ہینڈآؤٹ نمبر۔۔۔ایم یو پی

https://pakobserver.net/govt-to-make-karachi-a-business-friendly-city-haris/

Govt to make Karachi a business-friendly city: Haris - Pakistan Observer During the visit to FPCCI Head Office in Karachi on Tuesday, Brig. Haris Nawaz (Retd.), caretaker provincial interior minister for Sindh, assured a number of steps would be taken with full resolve. During the meeting Haris Nawaz said that the caretaker government is fully committed to make Karachi a...

محکمہ اطلاعات حکومت سندھ فون۔99204401
کراچی
مور خہ03 اکتوبر2023
نگراں وزیر داخلہ سندھ بریگیڈئیر (ر) حارث نواز / فیڈریشن آف پاکستان چیمبر آف کامرس اینڈ انڈسٹری کا دورہ
کراچی 03 ا کتو بر ۔ نگراں وزیر داخلہ بریگیڈئیر (ر) حارث نواز نےفیڈریشن آف پاکستان چیمبر آف کامرس اینڈ انڈسٹری کا دورہ کیا اور انڈسٹری کے ممبران سے ملاقات کی۔ فیڈریشن کے صدر عرفان اقبال شیخ اور دیگرممبران نے وزیر داخلہ سندھ کا استقبال کیا۔ نگراںوزیر داخلہ نے فیڈریشن آف پاکستان چیمبر آف کامرس اینڈ انڈسٹری کے شرکاء سے شہر کی سکیورٹی کی صورتحال اور باہمی تعاون پر تبادلہ خیال کیا اور کہا کہ ملکی ترقی و خوشحالی میں بزنس کمیونٹی کا انتہائی اہم اور کلیدی کردار ہے۔ انہو ں نے مز ید کہا کہ بزنس کمیونٹی کا تحفظ اور پرامن ماحول میں کاروباری سرگرمیوں کا فروغ اولین ترجیح ہے اور نگراں حکومت تجارتی شعبہ اور بزنس مین کمیونٹی کے ساتھ مضبوط اشتراک کار چاہتی ہے تاکہ یہ شعبہ ملکی اقتصادی ترقی میں اپنا اہم کردار ادا کر سکے۔ بریگیڈئیر (ر) حارث نواز نے کہا کہ سندھ میں امن و امان کے قیام میں عوام اور قانون نافذ کرنے والے اداروں کا مشترکہ تعاون و کوششیں شامل ہیں۔ انہو ں نے کہا کہ منشیات فروش و ڈیلرز، لینڈ گریبرز اور اسٹریٹ کرمنلزسمیت تمام جرائم پیشہ افراد کے خلاف سخت کاروائی عمل میں لائی جارہی ہے۔ نگراں وزیر داخلہ سندھ بریگیڈئیر (ر) حارث نواز نے بتا یا کہ جیلوں کی اصلاحات کے لئے اقدامات یقینی بنائے جا رہے ہیں جبکہ سیف سٹی پروجیکٹ کے پہلے مرحلہ کے تحت کراچی میں دس ہزار کیمرے نصب کئے جا رہے ہیں۔اس مو قع پر فیڈریشن آف پاکستان چیمبر آف کامرس اینڈ انڈسٹری کے صدر عرفان اقبال شیخ اور دیگرممبران نے نگرا ن وزیر داخلہ سندھ بریگیڈئر(ر) حا ر ث نوا ز کا شکریہ ادا کیا اور نگرا ن حکومت کی جا نب سے امن و امان کی صو ر تحا ل کی بہتری کے لئے کئے جا نے والے اقدا ما ت کو سرا ہا ۔
ہینڈآؤٹ نمبر 779۔۔۔ایم یو پی