Ilkacase Family

DAGAAL HORTII!
Waagii aan ciyaalka xaafadda ahaa, labada cunug ee isku xanaaqa ee dagaal-maagganayaasha ah ninkii yaqaan baa yaqaane waxaa la isugu geyn jiray meel la dhaho "kala-reebta" si ninkii adkaada uu guul ula soo hoydo kii laga adkaadana uu quuqleynta & qararacdiisa looga nasto.

Hadaba ka hor inteysan diririn cay, afxumo iyo wax kasta oo xurmo-darro ah bey nafta isaga qaadi jireen taasoo hordhac u ahayd dagaalka dhici doona.

Ciyaaraha adduunka ee feerka, legdinka, kickboxing, iwm laftoodu waa sidaa oo kale oo inta aysan labada tartame diririn waxaa la isugu keenaa kulan culayskooda lagu miisaamo warbaahinta & kasoo qaybgalayaasha hortooda, ayna isugu booteeyaan, ku caytaan, iskuna huruufaan, kaas oo la yiraahdo Face off ama trash talk.
Caydaasi ma aha caro kala haysa labada tartame oo kaliya ee waa astaan dirir, saansaan guluf iyo intii lays dhihi lahaa dagaal hortii.

Warqadaha tuuryada ah ee lays weydaarsanayo (cross fire) ee xafiisyada R/wasaaraha/Xukuumadda iyo kan M/weynaha kasoo kala baxaya waa caytin siyaasadeed oo ka horreysa dagaalka soo socda ee ma aha socodsiin howlo dawladnimo oo horumar dalka u soo kordhinaya.

Waa lama arag iyo lama maqal haddii siyaasadda dalka loo jilo qaab u eg dagaal-ciyaaleedkii ay raggu kasoo gudbeen tobonnaan sano la hor.

Adeerrayaalow dalka sida ha loo dhaamo!

Congratulations Kabtan ayuub iyo Marwadiisa Ifraax Sandheere Hambalyo Hambalyo ❤️🙏